رسائل المجموعة

قصيدة : تـــصـــدق

مساء الخيرات .. صباح الأنوار
كل عام و أنتم بخير /
هذي بويتاتن كتبتها يومني رحت الشرقية /
مع إني موب شاعر .. لكن البحر له تأثير ملعون جدف /
فطلعت مني هالقصيدة
عساها تعجبكم /

بسم الله

( / )تـــــصـــــدق ( / )

تمنيتك هنا جنبي وأنا جالس وأسولفلك
على شاطي الخليج اللي هواه يهيض أشجاني

أسولف عني وعنك وشوق القلب يحكيلك
ويوصفلك مكانك وين في قلبي ووجداني

ولامنه غفت عينك بجيب شفاي وأهمسلك
وأقول حبيبي فتح عيونك متع أعياني

أنا لا شفتها عيونك أنا وشلون أبوصفلك
عيونك من أطالعها أعيش بعالم ثاني

تبسم يابعد عمري وأنا بأسرح وأغنيلك
تبسملي ترى البسمة تزل الهم وأحزاني

أنا بأشكيك يالغالي بأجي يمك وبأشكيلك
وبأوصفلك غرامك وين وصلني ووداني

تصدق إني بأحلامي أقول اسمك وأناديلك
تصدق إني أشتاق لعيونك وأنت بأحضاني

تصدق قلبي مانور قبل تلفي قناديلك
تصدق اسمك الغالي سكن في وسط شرياني

تصدق كل مافتحت عيني ودي أجيلك
تصدق كل ماغمضت عيني جيت بأجفاني

تصدق حتى بسجودي تجي بالبال وأدعيلك
تصدق إني أدعيلك قبل لا أدعي لأخواني

تصدق كل درب أمشيه أحس إنه يودي لك
تصدق وين ماوجهت دربك يالغلا جاني

تصدق إني أشوف القمر في وسط تجديلك
تصدق إنه يشابه جمالك بعض الأحياني

تصدق عينك إليا من تفننتي بتكحيلك
تصدق إنها تسبي جميع الخلق من داني

تصدق من جمالك يانظر عيني وتدليلك
بنات الكون يتمنون لو يمسون ذكراني

تصدق صرت مجنونك وعقلي طار مني لك
تصدق صرت مسجون بهواك وأنت سجاني

بعد كل الكلام اللي ذكرته ويش تحليلك
سألتك بالولي أحكم عدل لا تبخس أوزاني

أبي تبقى معي دايم نهارك كان أو ليلك
وأبي منك عهد إنك تجي تستوطن أوطاني

وأبي لا من غفت عيني مثل ماكنت أغنيلك
تجيب شفاك عند أذني وتطربني بالألحاني

وأنا أوعدك يالغالي بوسط العين أبشيلك
وعرش القلب بيدينك ملكته عبر الأزماني

عسى هالرب يجمعنا وتوفيلي وأنا أوفيلك
وعسانا نعيش في راحة مديدة دون حرماني

و ســلامــتــكــم /

جـاسـر الـهـاجـري
((الأسير ))

مقالات ذات صلة

‫14 تعليقات

  1. القصيده مرررررررره حلوه مشاء الله اكييييييييييييييد لطشه ههههههههههههههه:D تسلم اليد الطشه بحفظ الله

  2. مساء الخير بصراحه كلمات روعه وحلوة تسلم يمين اللي كتبها وصح لسان قايلها احمد الحسيني الكويت

  3. السلام عليكم الكصيده جيده واجيزك بشده وفالك البيرق :> وش عنده الدكتور غسان ابو وجه 3 ادوار:D صح لسانك اخوي وكل يوم رح للشرقيه اكتب قصيده وتعال سمعناها تحياتي وسوري ع الرد المتأخر

  4. تحية طيبة اتنمنى لك دوما الاستمرار بهذا الابداع وارجو ان تكثر من الخرجات الى البحر لكي تستمتع بألقصايد الجميلة ز حيث ان القصايد النابعه من اتجهات البحر ذو قصايد جميلة وصادقةز وتقبل فائق الاحترام والتقدير

  5. صح لسآنك يعطيك الف عافيه ع القصيده ][ رووعه ][ شويه عليها إلى الامآم 🙂

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى