رسائل المجموعة

فيديو : أبو سروال في قلوبنا

بسم الله الرحمن الرحيم
السلام عليكم ورحمة الله وبركاته

يا إخوان أنا أحس إني مانيب صاحي << أقطع يدي إنك ما آنت بصاحي
أدري إن أغلبكم نساني ، و أنا والله ما ألومكم حتى أنا نسيت إني أنا ، لدرجة إني دايم أمر من عند المراية و أقول من هو ذا الشين ؟ ، عمري شايفه !

آخر شي كنت أمشي بالشارع وفجأة حسيت إني أنا ، بغيت أموت من القهر ، كل هالأيام أمشي معي و آخر شي أطلع أنا .
يعني وش الجديد إذا طلعت أنا ؟

كذا ما أحس إن فيه أكشن ، ونفس السوالف أعيدها و أكررها على نفسي والمشكلة إن نصهن تسذب ومع كذا كنت أصدق .
الي قهرني صدق إني دايم أباشر علي من بوفية أبو عدنان ، وهالسربوت (الي هو أنا ) مسكت ويخلين كل يوم أدفع ، الله لا يوفقن ، والله مالي داعي حسيت إني أوصخ الأوصخين << خلاص تفاهموا بالبيت

أما بعد :

فإني أنا الدكتور جنط السفينة أُعلن عن تدشين << تراه كاتبن الموضوع عشان يستخدم (تدشين)
الحملة الوطنية للدفاع عن أبو سروال الذي تكالبت عليه الأمم من كل حدبن وصوب .

ولا يخفى عليكم أيها المواطنون مدى أهمية وأصالة سروال السنة -حفظه الله من أيدي العابثين- في ثقافتنا المحلية والعالمية ، كما
لا يفوتني أن أشكر مجلس التعاون الخليجي الذي طلب مني بشكل رسمي تدشين هذا الحملة وذلك خلال اجتماعه الطارئ لمناقشة
الأخطار المحدقة بسروال السنة .

برنامج : أبو سروال في قلوبنا

برنامج ثقافي يناقش الظلم والعدوان الواقع على أبو سروال وفنيلة .
يقدم البرنامج أبو مطلق و يستضيف الأستاذ ( علي أبو رجل مسلوخة ) الخبير بشؤون السروال المقوصر ،
و أكبر سربوت في الشرق الأوسط والوطن العربي الكبير خخخخخخخخخخخخ

صفحتي في الفيسبوك :
الدكتور جنط السفينة

خلاص انتهى
دمتم بأحلى ابتسامة
أحسن واحد بالعالم
د. جنط السفينة


تابعوا جديد شبكة أبونواف على فيس بوك وتويتر

   

مقالات ذات صلة

‫90 تعليقات

  1. والله من جد ، ما نسيناك ، وأول ما شفت د. جنط ، ضحكت من قلب ، وفتحت إيميلك ، وصرفت عليه من وقتي .. بس ما أقول إلا الله يوفقك ، ويسعدك ، مثل ما أنت ترسم الابتسامة علينا . ويارب يحقق مناك ، وتكبر وتصير د. بحق ، وحقيق . جزاك الله كل خير ، والله ييسر دربك وأمرك ، ويستر عليك دنيا وآخرة آمييييين

  2. تركو اللي يلبسون طيحني وبابا سامحني وبهذلو يالمتسترين اصحاب السراويل والفنايل

  3. ههههههههههههههههههههههههه تسلم والله اخوي الدكتور جنط السفينه على الحلقة ^^

  4. ههههههههههههههههههههه ماشاء الله عليك مبدع واهم شي عطني ابو ثنين هههههههههههههههه تحمس بالأخلاق السعودية يعطيك العافية

  5. هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه الفديو كلام ثااااااااااااااااااااااني .. وخاصة يوم شطح على أبو اثنين هههههههههههههههههههههههههههه

  6. ايه شب عليهم .. هههههههه عجبني اللقاء .. ويستاهل السروال .. بعد حيي !!

  7. ههههههههههههههههههههههههه كفو والله يالجنـــط يا سلام عليك وانا أول واحد ينظم معـاك بالحملــه معنـي لابس بوكسر الحيــن بس تعرف الظروف حدتنـا بما أني من عايله محاربه للمقوصر فأظطريت أتماشا معاهم لين نقوم بالثورهـ خخخخخخخ يعطيك العـافيـه يالجنـط ومن زمـان عنك ياحلو

  8. هههههههههههههههههههههههههههههههههههههههههـآآآآآآي الفديو اجرآآآآآآآآآآآآآآآآآآآآآآآآآآآآآآآآآآآآآآآم:$:$ كأنهم هم اللي يتكلمون صح <<<<<<دخلت جو بالحيل:$

  9. هههههههههههههههههههه ايه صدق وانا اول واحد انضم لهل الحمله

  10. هالحين أنتم زعلانين ياملا الغنيمه علشان معيارة بو فنيله وسروال ؟؟!!! لعنبو بليسكم ماصار لكم سنه من هالمعياره ونافخين خششكم علينا !! وش نقول حنا ومعيارتنا أم الركب السود ووايلي هالمعياره من أيام يالبرتقاله وشلته > أحسب عاد كم صار له أغنية البرتقاله ؟؟!! وأنتم بس معياره حنا معايير تطلقونها سيادتكم الموقره > لاتخلوني أقلب المواجع واتذكرهن زين اللي بس صارت هالمعياره 🙁 !!!! وبعدين هذا هو واقعكم يابعد حيي وش نسوي لكم ؟؟؟ أنتم تطلعون بهالسراويل المروحه ماتسترون أنفسكم بالثياب !! وياحبيّبيني ترا الرسول أوصى بحسن المظهر !! وأنتم مار نفختوا خششكم وقمتوا تراكضون بهالشوارع تقل صلب من زين هالأشكال ؟؟:$ وأنتم تستاهلون هاللي صار وشوله تفضحوننا ياملا العافيه عند الدول المجاوره وتفضحون ماخفي ورا عبينا هااااااااااااااه !!!:( تستاااااااااااااهلونه وياملكم من المعايير ليما تسكتون عننا > خلونا نحك بأعمارنا ليما نقول آميييييييييييييييييين أنتم وشو يدخلكم ؟؟!!

  11. بصراحه ابدعت يابو سروال وفانيله هع هع:o:o:o:o:o:o:o وتسسسسسسسسسسسسسلم ياجنطط8)8)8):$:$:$:$:$

  12. بخصوص قولكم انه ابو سروال في قلوبنا فرحانين فيه مثلا :~ والا ايش سالفتكم ؟؟!عــــــــــاد علـــى زين اخلاقه والا شكله كنه جنـــــــي بسم الله علينا

  13. هههههههههههههههههههههههههه والله اني مت من الضحك على الترجمه..ابد ماشاء الله عليك ضابطها

  14. احلى شي الفيديو ههههههههه صراحة ضحكتني وحملتك فاشله وتسقط 😛 بس بكل صراحة انا ضد السروال وفانيله :@ يعني جنكم هنوود لبسوا وزار اهوون واكشخ لكم بعد لا وفي الوان واشكال 😛

  15. صرااحه كانت الحملة تخلف الى اي هذف وصلت هذي الحلمة يعي تبون يقولون ان السعوديين فله بالله وين الفله يوم شباب يمشون بالشوارع بسروال وفانية هذي تسمى نقص في العقل ومع احترامي للجميع لكن هذي وجهت نظري

  16. تصصدق انك آدمي سسسسامج وتافهه اللي يبي بيلبسه من دونك ..,, غباء المجتمع .. < حثالة > الناسس تقدموا وانتوا ما زلتم في تفاهتكم عايششين , ياخي روح اخترع لك ششي بالسروال والفنيلة ابرك لك …’

  17. هههههههههههههه خخخخخ كح كحكح الله يرجك …. ياولد انت منين طلعت بذا الفديو فطستني ضحك وانا مزكم الى الامام يامبدع

  18. من طول الغيبات جاب الغنايم يمال الغنيمه والله انا معك بالحمله وساعدك الايمن <<< ولم الشوزن يا ولد 8) اقرب ركبه بالله واصل يبيي واصل B الى الامام الى الامام لا رجوع لا رجوع ارواحنا فدوه للفنيله العلاقي:D

  19. اهلااً هلا .. بك .. كويس انك للحين حي , وبخصوص السراويل هين ملاقين خير هاليومين خصوصا انها مواسم تجديد .. 😀 ههههههههههههههههههههههههه مثل قصر المصمك هذا شي من العادات بعضهم اذا فسخه يحس انه متخلي عن عاداته خخخخخخ لاتطول بغيبتك وترا مانسيناك 🙂

  20. السلام عليكم ورحمة الله وبركاته ويش حاللكم وانشاء الله تكونوا بخير اعرف ان العنوان….. ولاكن اتركو عنكم نسب السراويل الى السنه واذا ارتم ان تضحكو فاوصيكم بتقوى الله والابتعاد عن الاستهزاء بالدين ولا تصيرو كما فعل طاش ماطاش وتوبوا توبو الى الله..

  21. يا هلا بدكتور جنط السفينه ويييينك يا رجل وين الغيبات والله زمان عنك هههههههههه اشوفك عاقل اليوم ماجبت طاري يابعدهم وغير البشر خخخ والا ورقة بلوت هههههههه حياك الله وان شاء الله دوم سالم وغانم والف شكر على الموضوع الحلو يا احسن واحد بالعالم هههه :$

  22. والله العضيم يا جنط السفينه معي بريد وش كثره اول ماشفت انك المرسل تلقائيا فتحته اول واحد قبل ماشوف اي شي ثاني ,,,, ومين قال اننا نسيناك مستحيل ننساك يبوووو الله لايغيبك عنا يا غالي تقبل تحياتي الله يسعدك مثل ماترسم الابتسامه بوجهنا :$

  23. ههههه والله ضحكت من قلب عالفيديوو يعني الله كله كوم وبت الشعر كوم ثاني هههههه الله يسعد قلبك

  24. والله كنهم هم الي يحكون صدق هههههههههههههههههههههه اااااه ياقلبي توووحفه الى الامـــــــــ ســــر ــــــــام

  25. ترا الدعوه ضحك ياصاحبي ولا تقول للناس عن إنجازاتك وأختراعاتك علشان مايصكونك عينB

  26. 😀 هههههههههههههاي يسلم بؤك ياجنط ههههههههه مالكم الا ابو سروال وفنيله .. >> يكتب الرد وهو بسروال وبفنيله :$ تشكراتي ياعسل

  27. هههههههههههههههههههههههههههههههههههه >>ميتة ضحك << أقطع يدي إنك ما آنت بصاحي:D …..الى الامام معالي الدكتور جنط السفينه نبيها ثوره في زنقة زنقة , دار دار , بيت بيت , بيت بيت دار دار زنقة زنقة خخخخخ

  28. ((((سالم المري))) انــــا اوصــــي بالقبض عليـــك حالا :> كلامــك يشهـــد على ذالـــك:$ انت فاهم اصلا وش السالفـــه والا ضـــايعــن بالطوشـــه الله يحمينا من امثالـــك قولو امينB

  29. عليك ترجمه توووحفــــه تموت من الضحـــك على اني ضد الحمله بس الي سويته انت بحد ذاته روعه وانجااز سلمت يمنااك ويسراااك :$ لاني كنت زهقانه وفاجئتني بالرساله الروعه نتمنى منك اكثر واكثر وواصل ولا تقطعنا انت انسان لا ينسا الى الامـــــــــــــ ســـــــــر ـــــام

  30. ننساك يا خي انت نص خالد بس اقديت على موضوع ما يستاهل<<<< ياخي لا تحطمه وا ننتظر جديدك <<<< الله يعين يمكن نموت مواضيعك تطول ما تجي

  31. ما تجووووز الرحمة ع الكفااااااااااااااااااااااااااااااااار وشلون مايكل جاكسن الله يغفر له ؟؟؟؟؟؟؟؟؟؟؟؟؟؟؟؟؟ ما يجوووووووووووووووووووووووووووز

  32. انا المستغرب منه بعض الملاحظات السامجه اللي ما لها داعي الله يهديكم …. الرجل قصده الضحكه والوناسه وانتم مصدقين يخلف على امن جابتك انت وهو الله يعطيك العافيه احوي جنط السفينه وما عليك منهم

  33. 😀 يالبى أتسبادكم واحدن تلو الآخر يا فلذات تسبدي :$ .. بالنسبة للي مصدقين بالله وش تحسون فيه ؟ ترى الدعوة مزح الله يسعدكم .

  34. يا أخونا، أنت مضيع العنوان مثلاً ولا وش سالفتك بالضبط؟؟ الحين شنو دخل السراويل بالدين؟؟ بالله أترك الفتوى لأهلها و روح إشرب شاي في الديوانية أبرك لك و لنا =============== بخصوص تعليقي عالموضوع، فأنا أشوف أن المنظر اللي يطلعون به قدام العالم و الخلق غير لائق، يشوهون صورة بلدهم بكبره بتصرفاتهم اللي على بالهم هو (فلة و هبال) هذا تخلف، إذهبوا و نافسوا الدول الكبرى علمياً بدل تضييع الوقت هذا

  35. المشكلة مهوب بالسروال والفنيلة المشكلة باللي لابسن السروال والفنيلة :~

  36. انت وجعاااااااااااااان… مغلللللق منتهي الله يبسطك زي ما ابسطتنا

  37. هههههههههههههه .. أبدعت كعادتك يا جنط .. ^^ أنا ما قهرن إلا اللي يردون يقولون سامج و اللي يقول جايزن لك اللي يلبسون سروال و فنيلة ؟! ترا الدعوة فلة .. وناسة .. فضاوة .. طهبلة .. ! لا تأخذونا جد .. ><

  38. اسلوبك جميل يا جنط السفينة>>>>مدري من وين يبي يركب هالجنط بالسفينة!!!!!! وتركيبك للمقطع على الحوار والتعبير رائع جدا…… أتمنى أت تحتسب هذه اللحظات والكتابات في إدخال السرور .. وتوسعة الصدور..على إخوانك المسلمين ..لتؤجر عليها -بإذن الله. الأمر الآخر: لتزداد موضوعاتك جمالاً… وتألقاً.. ومتابعة بدون إخلال أو مضايقة.. أن تبتعد عن استعمال الكلمات السوقية .. الكلمات السيئة .. التي يستحي الواحد أن يوصم بها .. أو يعرف بها .. فضلاً على أن تطلق عليه ..!!!! أقرأ إن شئت : ( أكبر …… في الشرق الأوسط )؟؟؟!!!!!! بعدين يا أخي لا تدعي على نفسك .. وإن كان مزح ..ربما توافق ساعة إجابة وتروح فيها ..ولا يصير عندنا لا جنط ولا كفر !!!! أتمنى لك التوفيق في الدنيا والآخرة ..والسداد ..والعون من الله . تقبل الله منا ومنك..وأرشدك إلى صالح أمره.

  39. B هههههههههههههههههههه بطــــــــــــــــــــــــــــــــــــــــــــل واصــــــــــــــــــــــل

  40. حلووووووووووووووووووووووووووه سروال السنه ارى انه مايطلع به بالشارع خلك بالبيت هذي ملابس داخليه عييييب تطلع به لكن انا ضد اللي عليهم سراويل منقطه ياخي اشوف سراويل على شباب كانت جدتي الله يرحمه تلبسهن سبحان الله ارجعوا للقديم اللي مستغرب منه وشلون تقبلنا مثل هالموضات بداخلنا وصرنا نتركهم على كيفهم اول بالقصيم لو تلبس جنز احكموا عليك انك شاذ وياويلك لو تحلق شنبك وهاللحين الله يرحم الحال الواحد صاير وجهه تقل خشبه بدون شنب ياشين السعودي بلاشنب مايقبل عليه

  41. السلام عليكم وحشتنا جنط 🙁 الله يفرحك في الدنيا والاَخره مثل ما فرحتني الحين موضوع ما يخطر ع البال خخخخخخ بس رائع وااااااااو لكن ما فيه شيء لو تلبس طيحني <<< أمزح شباب تحياتي لك:D

  42. ياكثر النفسيات اللي معلقين على الموضوع :~ مشكور جنط السفينة على الفيديو الرائع .. وياليت الفيديو القادم يكون عن حملة مكافحة النفسيات :$

  43. وبعدين يامستر جنط السفينة بدون جنط وبدون قطان وممكن تغرق ويعطيك العافية علي الدعس الحلو ههههههههههههههههههههههههههه

  44. لانسمح بتعدي على تراثنا ولا على الركب السوووووووووووود 🙁

  45. الله يعطيك الصحة و العافية يا أخي في الله الدكتور جنط السفينة، التقديم للموضوع حلو…لووول…هاهاهاهاها، و فكرة الموضوع حلوة بكثييير، بس ما تخطر على بال يا دكتور، أما الفيديو ما خلاص الروعة بماكان…أموت من الضحك…هاهاها…ههه…الفيديو موضوعه ترفيهي جيد جدا…ما شاء الله عليك و على موضوعك…بارك الله فيك يا أخي و سدد خطاك.

  46. ههههههههه الله يرجك يابو مقوصر انت وياه ض1 وشيباننا الي ناقدين على السروال والفنيله لا يهمونكم ! أشوى انهم غايرين ماكان عندهم سروال وفنيله P: كانوا على هالوزره الحمرا تحت الثوب B >> مالقوا غير الاحمر ؟! الله يستر على المقوصر هالايام !! بدلوه بسروال ورقة بلوت على قولتك د.جنط ! الله يقطع بليسهم بسس ماخلونا نصلي الجمعه زي الناس:o (الواحد مايسجد يقعد يقزقز هالي قدامه وش لابس اي لون اليوم:$)هههههههههههههههه على العموم لا يوقف سروال وفنيله (ومقوصر) 😀 لأننا ناسين المقوصر ومقصرين في حقه 🙂

  47. ترى خلاص مصخت سالفة ابو سروال وفنيلة , بعدين هذا القروب عالمي يشوفه ناس في مصر وفي لبنان واليمن والكويت , يعني ليش ننشر غسيلنا قدام خلق الله ؟. انا ماني ضد الضحك والوناسة بس تحولت السالفة الى قمة السطحية والسخافة ونشر الغسيل الوصخ

  48. الله يرجك يا جنط اقسم بالله انك زاحف كلاسيكي من ايام كرسيدا XL والحركات ههههههههههههههههه والله من زمان ما ضحكت زي كذا بس يوم بدا يقول القصيدة عميتني بالمقطع هذا

  49. بصراحة الله يعطيك العافية جهد يموت من الضحك لكن حبيت أنبه على شيء مااحد انتبه له وهو انو مايجوز الترحم والاستغفار للكفار مثل مايكل جاكسون لأنه حسب علمي لم يسلم وشكرآ

  50. ميرسي كثــــــير الله لايحرمنا من جديدك بس يعني انتو يالشباب اذا تبون ينهبلون عليكم البنات خذوها نصيحه مني البسو اللبس السعودي وسوو سكسوكه وحطو شوي قلاس ينهبلون عليكم البنات انا وحده منهم انا ماني صاحيه حتى الدكتور حقي انهبل عليه بس يخرب بيته عليه جمال8) ماعلينا انا وحده مهبوله بالشباب خلونا بالموضوع يعطيك العافيه

  51. اولا : حبيت اقول للي يعلقون على الموضوع انت آدمي تافه وسامج يا أخي يرحم امك قل خيرا او اصمت لا عجبك الموضوع اهلا وسهلا ما عجبك تلايط وورنا مقفاك يا انك تنقد نقد بناء او انطم ثانيا : د. جنط السفينه:D الى الاماااام وربي كانت الاخلاق واصلة بعد ماقريت موضوعك روووقت من جد 😀 ما فطسني ضحك الا عطنا فيصل ابو اثنين 😀 هههههههههههههههههه امي طلعت علي لعنت خيري وش ذا الضحك عموما وااااصل انت انسان مبدع … :D:D

  52. هدوا اللعب يا عيال B أبو نواف هات المصحف أحلف لهم إني أمزح ، أجعلي أموت هالدقيقة إني أمزح << وجه يحط سعبول على اصبعه ويسوي اكس على رقبته خخخخخخخخخخخ بيادر تسلم لي والله ، هذا النصح الي يفيد ماهو سب وشتم الله يبيض وجهك ويكثر من أمثالك . واسمح لي أطبع قبلة على جبينك يا أطخم الأطخمين ، يا أخي تحمست ودي أصير عاقل ، ادع لي أعقل تكفى خخخخخخخ … وأحلى سلام وقبلات للطخمان الي ردوا << من زين هالبراطم يوم توزع قبلات خخخخخخ

  53. يا اخ جنط انا جاي بشتكي عليك يا حرامي B وش حركات الزرف ذي 🙁 ما لقيت الا انا تزرفني :~ بس مقبوله منك للأنك من طرف ابو نواف 🙁 ياخي ذا النك حقك نكي بالبالرينقو :$ ههههههههههههههههههههههههههههه << يحسبون عندك سسالفه يا السامج ^_^ ================================= ما قصرت ع المقطع يا مبدع ويا احسن واحد بالعالم ويا منسم ويا فكاهي ويا احسن واحد بالشبكه العنكبوتيه ويا اطلق واحد ينزل مواضيع ويا …………. << خلاص قل فزاع وانتهت لسالفه هع

  54. السروال والفانيله شيئان لايفارقان الشخصيه السعوديه العريقه بل عاشرنا تلك الألبسه ومزقناها وجعلناها صفرااء اللون من كثرة اللبس التي تحملت سنتين او ثلاث B بس قهر معقوله اشتري السروال الحين بـ 20 ريال وقبل كان بـ 7 ؟ ليش الظلم هذا اطالب بالحمله ضد هذا الشيء ^ ^ لو قلنا قاطعو الملابس الداخليه يمديكم تقاطعونها؟؟:$ ماظنتي لو تصير بـ100 ريال ماتقاطعونها:)

  55. موضــوووووووووع والآ ارؤؤؤؤؤؤؤؤع:) هههههههههههههههههه جحلط.!!

  56. اولاً لاااااااااااااااتنقطع مره ثانيه تكفى 🙁 فقدنا مبدعين مثلك مت ضحك على الفيديو خاصه الشعر 😀 راكبه صح مع الكلام هههههههههههه كل المقابله كانها صدقيه 😀 واهم شي اول صوره ماشاء الله على الشخمطه الي موب واضحه مبدع في الفوتوشوب اثرك 😀 لا تحرمنا من جديدك وابداعك المميز

  57. lala صدقت ، هذا خطا مني و أنا الصراحة ما أقصد الترحم عليه بس من باب الاستهبال ، عموما أ

  58. ههههههههههههههههههههههههههههههههههههههههههه يفطس من الضحك صراحه بكل الاحوال دايم كشخه

  59. مبدع كما عهدناك من اول طله لك ياجنط 🙂 الحمدلله على السلامه .. !! جنط عندي اقتراح لك .. بما ان محبيك كثار .. ليه ماتسوي لك مدونه ولو مجانيه على بلوقر و تجمع كتاباتك فيها بدل ماهي منثره كذا 🙂 ؟؟ وبالمره نقدر نتابعك بشكل مستمر سواء بالمواضيع الي حاب تنشرها بالقروب او المواضيع البسيطه 🙂 شرايك ؟؟

  60. ظلك خفيف ومتوضع وترد على الردود واحلى شيء نسيت اشكرك عليه هو ان الفيديو بدون ميوزك ياخي مستعد أوصل لك الردود لمليون وعساها توفيك

  61. وربي انك خبببببببلللللللل هههههههههههههههههههههههههه فليحيا سروال السنة :$

  62. د.جنط السفينة:> ورق بلوت لابس سروال وردي منقط بقلوب بنفسجيات :(..<< أفا ياورق بلوت:( ماهقيتها منك B

  63. لا تطول تكفا:D يرحم والديك لا تطول ابوس الكيبورد الي معك لا تطول والسلام ختام الى الامــــــــــــــــــــــــــــــ ســــر ـــــــام

  64. :D:D يا مال الثانكيو للقميع ناصر وش تحس فيه ؟ خخخخخخخخ شفني رازن صفحتي بالفيسبوك في الموضوع يابعد تسبدي كلكم أبو نواف عطهم حقاق << بيوهقه خخخخخخخخ

  65. الحمد لله على السلامه دكتور جنط السفينه والله ادعي لك كل ما تذكرتك ..الله يسعدك دنيا واخره زرعت بقلوبنا الابتسامه .. فالك من قلبي شكرا وتحيه جنط يابطل العالم للدكاتره .. لا تغيب عن القروب .. ويعيش ابو سروال وفانيله الي خلانا نشوف رسالتك ..:$

  66. :D:D:D:D:D:D:D:D:D:D:D:D:D:D من جد فلة وهذا الابتزاز منذ سنين واحنا نعايشة !!!

  67. يعطيك العافيه يا جنط سفينه…بس المقطع ما اشتغل معاي… يالي ترفعه مره ثانيه..

  68. 17/07/2011 02:16:40 ميرسي كثــــــــير الله لايحرمنا من جديدك بس يعني انتو يالشباب اذا تبون ينهبلون عليكم البنات خذوها نصيحه مني البسو اللبس السعودي وسوو سكسوكه وحطو شوي قلاس ينهبلون عليكم البنات انا وحده منهم انا ماني صاحيه حتى الدكتور حقي انهبل عليه بس يخرب بيته عليه جمال ماعلينا انا وحده مهبوله بالشباب خلونا بالموضوع يعطيك العافيه 😀

  69. ههههههههههههه والله انك فله صراحه الترجمه شي ثاني تضحك زياده والي يضحك اكثر الشعر صرااااحه بدعت ننتظرك جديدك

  70. صحيح الموضوع مزح بس ياريت نكون شعب راقي ونبتعد عن الشتم والسب في التعليق على المواضيع ونحترم بعض ومالها داعي انا نلقب انفسنا بالالقاب ابو سروال وفنيله وام الركب السود لو يقولون خوذي غير سعودي مارضينا الا سعودي والسعودي مايرضى الابسعوديه بعكس الشعوب الثانيه ومع كذا هات ياسب بعض مالقبت هالشغله الاعندنا على العموم فيديو حلو تسلم الايدي

  71. مقطع رهيييييب رهيييييييب رهيييييييب بمعنى الكلمة وانا عادة من الناس اللي ما اضحك الا على شي يستاهل صراحة عمل راقي كوميدي متعوب عليه بشكل لايوصف شكرا ياجنط السفينه انت OK — بيت الشعر – فيصل ابو ثنين – التسلاب ههههه لحظات روعه هالفيديو

  72. خخخخخخخخخخخخخخخخخخخ الله يطنخك ي شيييخ والله ماذبحني الضحك الا يوم تقول ايه شب عليهم ويقول ابششر ازهلهم الترجمه مناسبه جداُ للمقطع الله يديم الوناسسسه ياجنطط خخخخخخخخ يعني جنط السسفينه اقصد 😀

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى