.. بسم الله الرحمن الرحيم ..
السلام عليكم ورحمة الله وبركاته
صبآح و مسآء الخير و المسرات 
مليت مواضيعي كلها عن السياحة وماكنت بأرسل هالموضوع
بس يوم قرأت ان تركيا وماليزيا محتلة المركز الاول في حجوزات السفر بالشرق الأوسط
حبيت أرسل هالموضوع قلت يمكن يفيد هالموضوع محبي السفر الى تركيا – اسطنبول ولهالسبب
باشارككم اليوم تقرير عن فندق شيراتون اتاكوي – اسطنبول 
الواقع في منطقة بكر كوي قريب من مطار اتاتورك
لمشاهدة الموقع من خلال خرائط قوقل
Sheraton Istanbul Atakoy Hotel
تقييمي للفندق من جميع النواحي ممتاز
أخذنا الفندق ضمن عرض الرحلة اللي سبق وقلت انه كان بـ
تذكرة سفر + تنقلات من والى المطار + رحلتين مجانية مع القروب
وإقامة لمدة 8 ايام في فندق شيراتون اتاكوي ع البحر مع بوفيه الافطار
بسعر 2700 ريال سعودي للشخص
من الأردن على الأردنية للطيران
وكنا سألنا مكتب سياحة في تركيا
من قبل وقال ان سعر الليلة في الفترة اللي رحناها في شهر ابريل
107 يورو لغرفة مطلة على بحر مرمرة مع بوفيه الافطار
مع العلم ان الحجز من الفندق بـ 160 يورو لليلة بنفس الفترة
هذه بعض الصور اللي اخذتها لـ لوبي الفندق وكنت اعتقد اني مصورته كامل لكن للأسف 
من المصعد
الانتظار بجانب المصعد
مثل ماتشوفون بالصور مجمع غاليريه قريب جدا من الفندق
والسوق كان من اكبر مولات اسطنبول سابقات فيه :
تسوق , سوبرماركت ميقروس , مطاعم , صالة العاب , بولينغ , تزلج على الجليد
الكورودور
ابواب الغرفة تفتح لداخل لكن اللي يشوفها يحسبها للخارج
صار لي موقف مع سياح يابانيين شايب وزوجته كانوا توهم واصلين الغرفة نزلت اللوبي
ورجعت طلعت الغرفة مرة ثانية وهم مادخلوا غرفتهم عرضت عليه المساعدة وفتحت لهم الباب
صاروا يضحكوا ويتتريقوا على بعض ومارضيوا يدخلون غرفتهم الا يوم دخلت غرفتنا وهم يشكروني
الغرفة
ولان اول ماوصلنا كان الوقت ليل فما تشوف شيء من البحر الا انوار السفن
ومن داخل مانشوف الا عكس الغرفة
الدولاب والميني بار
كل يوم لك اثنين موية مجانية + مستلزمات المشروبات الساخنة ( شاي , قهوة , سكر )
وانتم بكرامة دورة المياه
مقسمة الى 3 اقسام
بعض الغرف فيها بانيو وبعضها لا
هذا الحبل لـ حالات الطوارىء
الاضاءة وتقدر تلغى جرس الغرفة باختيار DND يعني عدم الازعاج
نفس الشيء بجانب كل سرير فيه توزيع الاضاة
وداخل درج الكومدينو يوجد اتجاه القبله
التلفزيون فيه قنوات عربية الجزيرة والام بي سي ودبي واعتقد فيه اكثر
وطبعا فيه قنوات مدفوعة كثير وتقدرون تستخدمون الانترنت ع التلفزيون لكن بالدفع
الانترنت مجانا في اللوبي باستخدام كمبيوترات الفندق
ولكن اذا معاك لابتوب تطلب منهم يوزر نيم وبسورد لاستخدامه مجانا
و يقولون لك في اللوبي فقط وكل يوزر وبسورد لمستخدم واحد فقط
بيعطونك اياه لمدة نصف ساعه واحيانا ساعه او اثنين او يوم او يومين
حسب الموظف وكم غرفة ماخذ بالفندق بس تقدر تستخدمه حتى في الغرفة طبعا
هذي الاطلالة من الغرفة في النهار
بوفيه الفطور للامانه ولا مرة صحيت ونزلت افطر الا آخر يوم لأجل أصوره لكم فقط 
ونزلت على آخر الوقت مافيه ناس كثير وكانوا تقريبا بيرفعون الأكل ويبتدي من 6-10.45
أترككم مع الصور
وهذي صور متفرقة لحديقة الفندق
المسبح طبعا لانه كان الجو بارد مغلق مايسبح فيه الا نوارس البحر 
يقولون في الصيف الحديقة يوميا فيها مناسبه
وملاعب التنس والمسابح كلها مفتوحة مو مثل الحين مغلقة
لكن فيه المسبح الداخلي مفتوح من الصباح وحتى الساعه 10 بالليل
ومن خدمات الفندق
يوفر يوميا رحلات مجانية الى منطقة تقسيم و السلطان احمد
ويجب الحجز مسبقا للتأكد من إمكانية توفر مقاعد شاغرة لكل رحلة 
ومثل ما ابتدينا التقرير بصورة للفندق ننهيه بصورة خلفية له
أتمنى أكون أفدتكم وأعجبكم الفندق
ومقدما اتمنى لكم طيب الإقامة
.. تقبلوآ مني أعطر و أعذب تحية ..
.. من أقوآل الإمآم الشافعي رحمه الله ..
احفظ لسانك أيها المســـلم لا يلدغـــــــــك إنه ثعبــان
كم في المقابر قتيل لسـانـه كانت تهاب لقاءه الأقــران
noor-elshams
مدونـــــــــــــــتي
تابع جديد رسائل المجموعة على تويتر
