.: عزاء لي وللمسلمين :.
بالبدايه احب اعزي الامه العربيه والاسلاميه عامه والشعب السعودي وانا خاصه بوفاة ملك القلوب
الملك / فهد بن عبدالعزيز آل سعود .. رحمه الله
اللهم اسكنه فسيح جناتك .. واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس ..
اللهم انه ولي امرنا في الدنيا فاعفو عنه بواسع عفوك واغفر له بواسع مغفرتك لا اله الا انت سبحانك .
.. نقاد التصاميم " خاصة في المنتديات " ..
قبل لا اعرض مقاطع الفيديو والصور في موضوع ودي اكلمكم فيه 
موضوع لفت انتباهي وتطرق لها سمعي واذني مسدوده 
النقد البناء " على قولتهم " في اغلب المنتديات ..
بالنسبه للنقّاد فيه 3 انواع من النقاد ..
1- المجامل :
يكنى بالـ مسّطل 
مرفوعه بالضمه المغروره وتتبعها اللام المكسوره وماننسى شدة الطاء كما
في الشطاء " هوت سوس بالعامي و shotah بالانجليزي "
هذا الله يسلمكم كأن احد طاقه بلوح ماغير يمشي ويمدح والله لو تحط له صوره سودا مافيها شي بيقولك وااو خطيره ابدعت فيها ممكن يكون نتيجة
تحيز لشخص يقول الشاعر من الحب ما اعمى يعني حاب
تصاميمه وكل شوي بقول عنها حلوه ياعمي دقق زين كود انه سارق
تصميمك وانت ماتدري
او انه يكون رافع للمعنويات معليه ارفع معنوياته بس بكره بيشوف نفسه
وبيكتب تحت اسمه مصمم وهو مايعرف يلصق صوره على صوره ، لا وتدخل
على ردوده تلقاها كلها نفس الطريقه ماغير يمدح ويغني ياليل على اللي
قدامه 
2- الفيلسوف :
يكنى بالـ معضّل 
المفتوحه ومسدوده بلوحه والضاء المشدوده جعل شارون دوده وحرف اللام
الساكن يالله تسكنهم بالمساكن 
وهم اللذين مايعجبهم العجب يحسبون ان بنقدهم للمصمم بياخذ شهادة الدوكتراه "d5tor" بالتصميم مره يجيك يقول الخط مو حلو ومره يجيك يقول فيه نقطه زايده شيلها يعني غصب عن ابو اللي جابنا في خطأ ، وهذا لو
تلاحضونه بكل ردوده لازم ينقد يعني مستحيل يدخل ويقول تصميمك حلو , يمكن انانيه منه 
شاف رد من الردود فيه نقد وسوى له كبي وحطه .. الله يهديهم بس
3- السنع :
يكنى بالـ فنان 
مايحتاج اضن فهمتو قصدي من الاسم "هؤلاء" اللي ينقدون نقد صحيح
وبمكانه تشوف ردوده متنوعه مره كاتب لك تصميم حلو ومره قايلك تصميم
فنان بس فيه خطأ صغير .. يعني مو المسطل ولا المعضل
الزبده ياعالم كل واحد يقول رأيوه الشخصي لايقعد يسوي فيها فيلسوف
ويشمر اكمامه ويسوي كبي يعني انه ناقد حنا يالعرب لو نفتك من التقليد كان
سلمنا.
برأيي :
طريقة النقد البناء "عشان توصلون لتصميم عماير نيويورك " هو بالبدايه
مدح المصمم على مجهوده ، ماتدرون بعضهم يقعدون ساعات على التصميم
وخاصه المبتدأين انا كنت اصمم واحد بمجالس ابو نواف وان شفت احد
ينقدني باسلوب شين ودي احذف الفوتو من عندي لاني حتى لو ماطلعت
بنتيجه اسم اني قعدت وحاولت مده وانا لاصقه فيه .
اذا عجبك التصميم خلاص قول انه حلو مو تلصق وجهك بالشاشه الا تطلع
خطأ فيه يمكن يكون وصخ بشاشتك وتحسبه بالتصميم " نظفو شاشاتكم " ،
بعد ماتشكره على مجهوده قوله ملاحظتك ومو بس تقوله والله احس ان شكل
الخط مو تمام ,, قوله وش التمام مو تطق سدرك وتنقد وانت ماتدري
وشالسالفه ..
هذا شي من ملاحظاتي اثناء جولتي التطلعيه على بعض المنتديات مع
اكتشاف حالة انتحار بسبب الفوتو " الله والنصبه "
خلاص الحين بعد مافشيت خلئي وقد اكون اصبت فمن الله وقد اكون اخطأت
فمني ومن الشيطان شيشني عشان اكتب هالموضوع
.: مقاطع الفيديو :.
لحفظ مقاطع الفيديو الله لايهينكم زر الماوس اليمين وحفظ الهدف باسم
To save the video clip press right click then save target as..
.. اصعب شي خطوة البدايه ..
مجموعة مقاطع فيديو جمعتها لكم وسويت فيها تأثيرات بسيطه اتمنى تعجبكم
.. طيحه سنعــــــه ..
هذي مجموعة صور فيها خطوات الطيحه
باول صوره الشباب كانو يفكرون ياربي وشنسوي وشنسوي 
ياسلام قام البطل مسوي نفسه ماتعور 
لتحميل مقطع الفيديو الخاص بالطيحه
.. استنزال بطريق " خاص للموبايل " ..
.. ياكل ضب
.. ضب يضحك
.: صور في الذاكره :.
هذه اللقطات الفوتوغرافية فازت بجوائز أفضل صور صحفية في بريطانيا وأيرلندا من بين نحو تسعة
آلاف صورة تنافست في مسابقة "جوائز رؤساء التحرير"
قد حصل المصور جيف فيليبس على إحدى الجوائز بهذه الصورة التي التقطها لطالب لجوء سياسي
كردي إيراني اسمه فاريبورز جرافندي، قام بخياطة فمه احتجاجا على ترحيله.
جيف ميتشل، مصور وكالة أنباء رويترز التقط هذه الصورة لفرقة إطفاء أثناء تصديها لحريق ضخم وقع قرب مطار جلاسجو باسكتلندا.
فاز يوري جورج أندريج، مصور صحيفة أكسفورد ميل فاز بجائزة أفضل صورة في قسم التصوير بالأبيض والأسود.
مصور صحيفة التايمز ريتشارد بول التقط صورة غير تقليدية للملكة إليزابيث.
.: تصاميمي :.
طبعا نتيجة عزائنا لرحيل ملك القلوب لم تسنح لي الفرصه ان اصمم سوى تصميم حزننا عليه ..
وهذا توقيع صغير للي يحب وضعه بالمنتديات
تحيــــــــــاتي للجميع
اختــ جوري ــكم
