بسم الله الرحمن الرحيم
هذي زي ماوعدتكم فيها هذي عبســـونيات 2
هذي صوره رومانسيه لأبعد الحدود لاكن فيه شيئ بالصوره مخربها كلها من اولها الى اخرها الصراحه من جد شيئ يقهر الصوره حلوه لاكن ابو صابر مخربها
والله لو يقولون لي اركب ونعطيك اللي تبي والله ما اركب اجل الدنيا فلت ( وهو العمر بعزأه ولا بعزأه )
انا اول ماشفت العصفور كنت احسبه واقف على حصاة وبعد ما دققت عرفت انه واقف على حيوان اليف( الى الحين يحسبها بقره )
ياعمري على البوسه هذا وهي نصها طين وش عاد لوكان نصها مكياج
يا ويل الليل( تحس اننا من جد شعب سعودي )
كد صار لك موقف مع احد من الشيبان وبدا يهذر عليك ويهاوش ومن ضمن الهوش قال لك ( انت ما تستحي عيب عليك اشبر وجهك )
غريبه اشبر وجهك وش قالولك غرفه ؟ لا كن هالصوره من جد فيها وجه وقاعدين يشبرونه
وهذي صوره من الارشيف حقي لي انا واعيال الحاره اييييه ايام زمان ايام الطواقي والخيول
وهذا حنا بعد ( اخوياي بالحاره ) ولاكن بعد ما كبرناشوي
وهنا بعد اصدقاء الطفوله
ياخي وش اسوي الحنين للماضي وولأصدقاء الطفوله
لاكن لقيت النيقتيف حق الصوره وبعدين احمضها واجيبها لكم
اللي ما يجوزله الموضوع والله لا أوديه لهالمدرسه يعلمونه يوقا
اللي هذا اولها تطليع عيون الله يستر من الباقي
لو انا ميت من الجوع ولي اسبوع ماذقت العيشه ولا طب اثمي شيئ والله ما اكل من طبخ ذولا .
نعن ابو دارك شف الطماط اللوبا الكوسه بالأرض وبجنب رجل ذا البزر
لا ومن زين الامور هالبزر تراه جطل ( لابس من غير هدوم ) واللوبا بين رجلينه . لاكن وش خليت ابو هنود ( اللهم لا شماته )
الزحمه الزايده مالها داعي
ولا مثل ماقال عادل امام ( بالزحمه تلقى لحمه )
وذا الشجيره تقول ليه الشجره تنبت على فوق ؟
وقررت انها تكمل باقي عمرها وهي تنبت على تحت
الله يعين جانا الصيف وجتنا السياحه الداخليه
والناس يجننا من برا علشان يصيفون ( يحترقون ) عندنا
من فرنسا ومن اسبانيا ومن اوربا كلها وهذي صوره لواحد من الف مكان للسياحه
وهذي وحده من المنتدى ( مانيب معلمكم منهي ) وكم مره انصحها ان الدخان يسبب مرض الديزنطاريا ( لا احد يسألني انا ما اعرفه )
ولاكنها تقول ما اقدر ابطله
تخيل لو بيتكم بالقاع هنااااااك !!! تروح للمدرسه كل يوم ولا لا ؟
والله من قله والله لا اتكي بالبيت الين ابوي يشتري لي هيلوكوبتر
شوفوا هاللي ما يستحون
مركبين الكلب ( تكرمون ) بينهم
واللي زاد البيل طنه ( الطين بله سابقاً ) تلقاهم رابطين له الحزام
ومدللينه . مو مثلنا , انا اذكر الى ما صار عمري 14 وانا يركبونني بالصندوق والله قهر
وذا المسيكين مهب مثل الاول معزز مكرم
هذا حالتينه بالصندوق ولادرو عنه
وذي ام هنود مسويه نفسها محافظه على نفسها وعلشان كذا معها شماسه عن المطر
لاكن وش تقول ام هنود يعني مافيه مخ تمشي وهي حافيه الخبله
اوقات يصير للواحد موقف يموت فيه من الضحك ويصير خويه رايحن فيها
هذا اللي صار لنا انا وخويي
انا اللي اصور وهو المسيكين هالحصان مغير يطامر فيه
انا واصدقاي ( مهب حقين الطفوله اللي فوق )
وحنا نسبح في احد انهار ولايه القصيم ( بريده سيتي )
ولاكن وش رايكم فيني ؟ شوفوني انا اللي قدام متعنقط ( متمسك )
والله ما احد قال لك تلبس فنيله حمرا وسروال نص واتميلح قدام ثور بوسط الطين
يعني ماعلي منك انت اللي جبته لنفسك ( الله يعينه على عمليه استخراج قرن ثور من الفتحه السفليه ) ( مجرب )
دايم نسمع احد يقول ( بزر كبر فخذي ) ويصير صح بزر صغير كبر الفخذ
لاكن ذا ما يمشي مع هالفيل , هو صحيح انه كبر الفخذ لاكن اي فخذ
هالأفغانيات وش دخلهن بالموضوع مادري
لاكن وش رايكم مايصلحن طقاقات ( ما يعرف يوصف )
شوفوا ذا الشايب لاهي مع ولده والبعير يبي ياكل ولده الثاني
من جد تخيلو لو ياكله البعير
لا يفوتكم ذا الخبل يحسب انه معه ددسن 81 مطلع يده مع النافذه ( الدريشه ) … دخل يدك عساهس ما تدفن معك
هذي صورتي وانا اتشعمط ( اتسلق ) احدى الجبال الجليديه في الثمامه واللي ما صدق …..
عادي انا ماصدقت
اليوم انا امشي بالشارع ولقيه ابو هنوديين داقيناه سامري
¦من قال لك انا اليوم شايفهم واخذت لهم صوره وهم يقولون:
حنا بني حنود لا صار جنجال ,,, نارد حياض الموت مافيه مشكل
من يصدق ان ذا الشايب عمره 85
مهب مثل شيباننا الله يعزهم الوحد منهم اذا صار عمره 60 مدد رجلينه ولا قدر يرجعهم ثانيه
( لاكن نقول الله يخلي شيباننا لنا )
ياناس من يعرف شبرا امرا شمس نجوم كواكب هوا لعب الدوا
هذي بنيه تلعبها ولاكنها مثل ما تشوفون اخذه الموضوع من جد
هذي الصوره مهداه الى ( السقيم )
ضب 2004
يشتغل بالبر وشتغل بالبحر
يعني برمائي
