صور : من ‎( أحسن واحد بالمجموعة الشمسية )‎

د. جنط السفينة

15 سنة ago

بسم الله الرحمن الرحيم
السلام عليكم ورحمة الله وبركاته

( حصة طلعت سارقتن القصة )

منفوحة – علي أبو رجل مسلوخة

بهذه العبارة افتتح معالي الدكتور جنط السفينة مؤتمره الصحفي الذي عقده لتوضيح ملابسات
إيميله الأخير ، وقال -حفظه الله – ( طول عمري وأنا أكتشف المواهب ، وطبعاً كلكم تدرون إني
أنا الي مكتشفن موهبة ميسي لاعب برشلونة لكن هالمرة طلعت الموهبة مزورة ، لأني اكتشف إن
القصة ماهيب لحصة بنت عبدالله إنما لقيت الكاتبة العنود المطيري كاتبتها بجريدة الجزيرة و
كاتبتن تحت القصة ( عن وهج الحياة للأعلام ) يعني هي ناقلتها بس ما أدري هي لها وإلا لا ،
عموما نعتذر من الكاتبة عن السرقة الغير مقصودة ) .

يُذكر أن الدكتور جنط اشتهر باكتشاف المواهب وهو مكتشف موهبة اللاعب ميسي وذلك عن طريق الصدفة
، والقصة ومافيها إن ميسي كان مريض وعنده ( نقص بالفيتامينات ) و جابه أبوه لمستشفى الشميسي
بالرياض وبالصدفة إلتقى بهم الجنط ويوم شاف ميسي على طول قال هذا يبي يصير لاعب عالمي همن قال
لأبوه : وش به الولد عسى ماشر ؟قال أبوه : مصخن به نقص بالفيتامينات .
قال الجنط : و أنت مصدق إن عندنا مستشفيات ، اسحب عليهم يارجال وامش معي للبيت و مالك إلالي يعالجه .

وفعلاً راح ميسي وأبوه لبيت الجنط وقعدوا عنده 8 أشهر وكان الجنط يوكل ميسي على الغدا مرقوق
وعلى العشا مطازيز لين تعافى ميسي وصار مثل الحصان ، همن قال الجنط لأبو ميسي : ولدك هذا
موهوب ولازم تستغل موهبته عشان تحصل ثروة وفعلاً تم عرض ميسي على الأندية العالمية وسجل
ميسي بنادي برشلونة الأسباني وذلك بعد منافسة شرسة بين نادي برشلونة ونادي الشعلة من الخرج .