رسائل المجموعة

[ صور : معاناتنا مع خدمه 700 ]

مراحب

عودة لكم بعد انقطاع ,, وكل عام وانتم بخير << بدري ههههه
قمه المعاناه انك تستخدم النت بدون ماوس ,,, تحس انك قاعد تمطرس بالنت هههههههه
مشكله اللي متعودين على الماوس .. ياحبي لها بس ,, الماوس في قلوبنا
<<< لايكثر انت ومقدمتك خخخخ

:::::

معاناتنا مع خدمه 700

اكيد الكل يعاني من الخدمه وانا اولكم
انواع القلق والازعاج على جوالي .. كل يوم رسايل عن مسابقات وخرابيط
والمشكله ان فيها استغفال ونصب وللاسف اغلب الرسايل وصلتني برمضان .. يعني نصب عيني عينك برمضان
من الرسايل اللي وصلتني

هههه قال وش دراك انها نصبه قلت من كبرها
اجل 250 الف دولار وبورش
::::

فديت اللي يحبون يعايدون الناس ..
الله يحفظهم ,,قلوبهم رحيمه
::

ومازال مسلسل النصب مستمرا
:::


::::

ههههههه وش رايكم بالنصبه هذي .. سبحان الله الكومبيوتر ماطلع الا رقمي انا

:::

مدري من لاعب عليهم ومعطيهم رقمي وقايل هذا واحد كاش
::

حظي يكسر الصخر ,, ياكثر الشركات اللي ربحت عندهم بدون سحب

::

يعني الحين يقالهم يوم حطو اسم بشار الشطي راح اتحمس وادق؟؟
بشار لو دق علي مارديت عليه هههههههههه قال بشار قال
لو قايلين حليمه احتمال ادق << ياولد اختشي ههههههه

::

هوا
بي ام مره وحده ..
بس اكثر شي ضحكني.. رساله وصلت واحد من الشباب
يقول مبروك لقد ربحت bmw ودخلت في حسابك .. يرجى الاتصال
هههههههههه يعني لو يشيك على حسابه راح يحصل السياره
ياجماعه ذولي لاقينا ينصبون علينا .. الى الدرجه هذي وصل الاستغفال فينا ؟؟
::

حتى انتي يالقناه الاولى
صرتي تنصبين مثلك مثل غيرك .. واعيباه

::

اما سيتم الغاء الجائزه هههه هذي حاجه ثانيه
بغيت ادق خفت الجائزه تروح علي ههههههه

::

هههههههههههه هذا واحد مضيع ومرسلي بالغلط
مسكين خويته سحبت عليه ههههههههههه
ردي عليه يامنى والله مالك داعي
الولد يحبك ,, حرام عليك


– للمعلوميه ,, كل الرسائل اعلاه صحيحه وللاسف كلها على رقمي
وبرمضان وصلني اكثر من 30 رساله ..وهذي عينه بسيطه منها
وانا متأكد ان اغلب من يقرأ موضوعي وصلته كومه رسائل من النصابين ذولي

سؤالي هو :
متى نشوف احد المسؤولين يضع حد ويتم ايقاف هذي الخدمه بشكل نهائي !!
مثل مانعرف ان الخدمه محرمه من قبل عدد من المشائخ وهي صوره من صور القمار .. بس للاسف الشركات مستمره في تلاعبها وشركه الاتصالات تصفق لها ..
بس وش نقول اذا النظام يحميهم .. ومافيه شي يمنع خدمتهم

::
صوره مع التحية لشركه الاتصالات

النصابين ذولي من وين جابوا رقمي ؟؟ علما اني ما اشارك بمسابقات ولا شي
اخاف الكلام اللي سمعته يكون صحيح ..هو انكم ترسلون رسائل بالتعاون مع هذه لشركات مقابل مبلغ وقدره
والله تجي عليكم .. 700) {this.width=700; this.style.cursor=’hand’; this.title=’اضغط لتكبير الصورة’}>

ترى والله لو ماتتركون حركاتكم هذي بحول لموبايلي<< لاتكفى هههههههههه

الحل من وجهة نظري
كل عضو من اعضاء القروب.. يقط معنا ونسوي شركه اتصالات خاصه فينا
ونريح اعمارنا من الرسايل هذي <<
واصير انا المدير وصاحب الشركه << ناوي يزرفكم ههههههههه

وختاما .. اخليكم مع هذي الكاركيترات .. للمبدع عبد السلام الهليل.. عن خدمه 700

سلامي للجميع
اخوكم .. عميل الاتصالات سابقا ,, وعميل موبايلي قريبا

مقالات ذات صلة

‫31 تعليقات

  1. ههههههههههههههههههههههههههههههه ياربي يوسع صدرك بالعافيه والله موضوع رووووعه بجد ولا الكاريكاتيرات .. غلط طوط طوط طوط ههههههه مت ضحك تسلم تسلم ماعهدنا منك الا احلى المواضيع تحياتي لك

  2. موضوع شيق وفكاهي مثل ماتعودنا منك… انا معاناتي استمرت لين غيرت رقمي لموبايلي والحمد لله الحين لا ازعاج ولا صجه مشكور على الموضوع

  3. لا جد عذاب هالسنه رمضان ورسايل 700 وفكرت كثير مدري هم كفروا ذنوبنا بنصبتهم وله جرحوا صيامنا من كثر ما سبيناهم ؟؟!!

  4. والله معاك حق اخوي توصل زي كذا وأعظم والله انا من الناس الي غيرتي رقمي لموبايلي وهذاسبب من الأسباب لكن من جد احلى رساله تبع منى ههههههه الله يسامحها دمت ياغير البشر بإبداعك المتميز

  5. الموضوع بصراحة ممتاز لو فيه اعلى من الممتاز كان قلته لك الله يوسع صدرك بالعافية ويعطيك العافية على الموضووووع

  6. بصراحة الموضوع قمة في الروعة مع أنها معاناة إلا أنك حولتها إلى قطعة كيك لذيذة ممكن أتسلف رقمك يمكن ألقى لكزس في حسابي هههه بالتوفيق

  7. عادي ما شفت شي أنا بس برمضان جاني 14 رساله غير الاشهر الباقيه

  8. سمعت والعهدة على الراوي ان موظفي الاتصالات يبيعون الارقام على مثل هذه الشركات وان الشركه تتوعد موضفيها ليل نهار ليكفوا عن الاستمرار في هذه الفضيحه لكن دون جدوى..

  9. السـلام عليكم ورحمة الله وبركاته لإيقاف الخدمه الدخول على الرسائل ,, – خيارات – الضبط – رسالة وسائط – 1- استلام الإعلانات : لا 2- سماح بالرسائل المجهولة : لا

  10. صادق أخوي نحن لاندري الى متى هذا الاستغفال والكذب اللي عيني عينك…. معقول فيه ناس يصدقون مثل هاذي الخوزعبلات…..

  11. اشكرك بعنف غير البشر على هالابداع وهمسه باذنك : مادام انه فيه مغفلين في هذا البلد مارايح عيال الحرام يتوبون وسلامتك تحياتي لك يالغالي

  12. وعلى قولة اهل مكه لاتشكي لي ،،،،،، ابكي لك !!!!!! حبيتك من اسلوبك ،،،، وبالتوفيق

  13. هلا والله بغير البشر والله موضوع جدا رائع واضحكني حتى سائل اللعاب مني خخخخخخخ بس ياخي اللي قاهرني ان نفس الجوائز اللي انت اخذتها انا ماخذها بعد << مايبي احد مثله على العموم الف شكر لك على هالموضوع الرائع جدا واللي يحكي من خلاله احد معاناة الشعب السعودي اخوك المحب لك في لله : عملاق الصرقعه

  14. هلا والله اخوي فهد ياخي وش اقول لك جاتني في خلال هالشهر حوالي كل يوم 3 او 5 رسايل يعني اضربهم في 30 وشوف كم رسالة جاتني غير اللي في العيد مرات تجيني رسايل بصراحه مخلة بالآداب طيب فالنفرض اني نسيت الرسالة وما مسحتها وجا اخوي او اي احد فتح جوالي وقراها وش بياخذ عني اي فكرة؟ على طول بيقول هم ما جابوا لها هالرسالة الا انهم عارفين رقمها ولك علي من هالكلام… وتعبت وانا امسح واضحك اذا انت جاك بشار الشطي انا جاني هشام ابو الهش تصدق بغيت اتهور وادق <-----شسمه هشوم ^ ^ ^ عيب استحي يا بنت خخخخخخخخخخخخخخخ مليت وانا امسح في رسايلهم وكنت ابي حل لهم الله يعيننا ويفكنا منهم صراحه انا اقترح على الاتصالات يعطونا رقم خاص نبلغ عنهم يعطيك العافية فهد ما قصرت تكلمت مشكلة في المجتمع بشكل حلوو وخفيف والف شكر لأخوي بو نواف لأنه اعطى المجال لهذا الموضوع

  15. والله ياغير البشر كلام جميل ،وفعلا الاخوة ازعجونا جدا في رمضان وغيره ماانصبح الا على مسجاتهم

  16. ياخي والله جبتها على الجرح عالم تعبانه نصابه حرام ياخي نقول عليهم مسلمين اللحين ياملاعين الخير في شهر رمضان اتقوا الله خافوا ربكم بس ما اشره عليهم اشره على الغبي اللي بيصدق وبيدق :S وهذي لو في امريكا البلد الكافر كان تروح تاخذ حقك بالمحكمه بـ المبلغ اللي ناصبين فيه عليك لانهم كاتبين لقد ربحت يعني فزت مافي مجال للاحتيال والنصب يعني جمله محسوبه عليهم مو لهم في امريكاااااااااا لكن في السعوديه الله يخلف فشله انها منبع الدين الاسلامي والكل يسرق فيها فعلا صدق الاجنبي اللي قال السعوديه بلد يقول بسرق واسرق معاي هذا شعاره الله لا يسخط علينا وياخذ حقنا من الظالم والله مسخره في مسخره احنا شعب ملعوب عليييييييييييييه والله كبيررر

  17. بصراحه ماشفنا مصخره مثل كذا في الشركه الخايسه اللي ماوراها الا الخساير من أول مااسست الجوال وهي من اردى في اردى والله يخلف علينا بخير وحسبي الله ونعم الوكيل . بصراخي اخوي غير البشر موضوع جاء في وقته والله يعطيك العافيه على هالمجهود الجميل وبصراحه انا اول مره اكتب تعليق في القروب لان الموضوع هذا مره ازعجني في رمضان الى درجه استغرب الناس حولي وش هالرسائل اللي تجيك كل شوي هههها !!!!!

  18. بصراحة موضوع يستاهل الطرح 00 عن نفسي مستعد أتحمل إزعاج هالشبكة لكن ما عندي استعداد أتحمل إستغفالهم لنا ومعاملتنا كحمقى ومغفلين !!!

  19. ههههههههههه تمزع قلبي من الضحك الله يوسع صدرك بالعافية ، اما موضوع منى موضوع غير

  20. اولاً احب اشكر غير البشر على طرح الموضوع بشكل جيد ومرح بنفس الوقت والله ياغير البشر انا عكسك يعني ماجتني ولارساله ..شكلهم عارفين ان عندي فاتورة وماسددتها هع .. بس احمد ربي انه عطاني عقل الي خلاني ما اعطي وجه لها الرسايل الي تستخف بعقول الناس. بس عندي كلمة وودي اقولها ما كثر هالمسابقات الا والناس يراسلونهم ويلعبون عليهم.. آخر كلامي ما أقول إلا حسبي الله على من كان السبب

  21. والله موضوع يستاهل القراءه يسلمو اخوى قلت كل الى فى قلوبنااا والمساكين عاد الى يصدقووو ؟؟

  22. عندنا وعندك خير برمضان يمكن بشكل يومي تجيني الرسايل هذي وبكثره ما ادري وش شايفين الناس يحسبوننا دلوخ ولا ايش اما حقت الكزس بعد قويه لكزس بالحساب هههههههههههههههههه مشكور اخوي غير البشر على تميزك المبدع واتمنالك التوفيق يارب

  23. ماطاوعني قلبي أمر ع الموضوع بدون ماعلق أبدعت أخوي قلت كل الي في قلوبنا والله ياهم ذبحونا في رمضان وللحين مستمرين لا بس انا أزين منك ربحت بي أم و500 ألف مره وحده

  24. شكرا ياخوي على الموضوع المطروح والله ماشاء الله ابدعت ونرتجي منك الافضل اما قصه 700 الله يعز موبايلي وشكر من جديد

  25. اولا اشكرك علي طرحك المميز وخفت دمك وسعة صدرك وصحيح والله الي متى هاذي المهزله مستمره مدري انا ولا تعلم احد زرفو من 150 علي الفاضي الدلخ الي هو انا يبي المليونهههههههه

  26. الف شكر لمن مر وعلق .. وحتى اللي ماعلق الف شكر لكم جميعا نشوفكم بمواضيع ثانيه 🙂

  27. اخي غير البشر مساك الله بالخير انا اخوك بو عبدالله سعودي الجنسيه بالننسبه لخدمه 700 الاتصالات لهم نسبه 7 من العشره ريالات انا اعرف منك بالاتصالات الأستغلاليه لماااااااااااااااااااااااااااااااااااااااااااذا؟؟ لان خدمتي عندهم خمس سنوات نصيحه لله استبدلها فوراً بشركه موبايلي اما الشركه الاشتغلاليه فهي حراااااااام يسرقونك عيمك عينك وفي كلام ما ينقاااااال ولا يشرفني ان انطق اسمها على لساني لان لساني نظيف من هاذي القذاره تبي تشووووف الفرق وهل انا صادق ام لا اليك اخي اذا كنت فواتير والغ خدمه الفواتير نهائيا وانظر الفرق لا يقل عن الربع مبلغ نضيفه على الفاتوره ونقول هاذا ما همه يدفع لو مليون ريال<<<نقصد انكم كاااااااش ما همك شي والحمد لله انا الان حارس امن بدل من الذل الاول وكل الكلام الذي قلته ليس من الفراغ وانما حقيقي ولك مني سلامي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى