رسائل المجموعة

صور + فيديو – ياسر القحطاني وربعه ورمضان كريم

السلام عليكم ورحمة الله وبركاته

يا هلا والله مليون ومايسدون بأعضاء قروب أبو نواف
كيف الحال والأحوال عساكم تزقحون

ما شاء الله القروب من تالي كثروا فيه الاعضاء المتميزين برسايلهم وبطرحهم الوش زينه عسى الله يزيدهم ولا ينقصهم

في البداية وقبل ما أبدأ موضوعي
أخت لنا في الله اسمها هديل بنت محمد الحضيف ، قبل اسبوع وأكثر أتمّت عامها الخامس والعشرين .. ونامت .. وحتى الآن لم تشرق على عينيها شمس الصباح ، دخلت في غيبوبة مفاجأة وحالتها غير مستقرة ، هي قاصّة وكاتبة ومدونة سعودية لها مشاركات فعّالة في عدد من الندوات والمحاضرات ووالدها الدكتور والاكاديمي المعروف محمد الحضيف ، لست هنا بصدد التعريف عنها وعن والدها وعائلتها فالحديث عنهم يطول ولكنّي هنا أخبركم بخبرها لـ تدعوا لها لعل دعاء أحدكم يوافق ساعة إستجابة فـ تصحو وتصحو حياة والديها وإخوانها وأهلها وأحبابها معها.
اللهم ياحي يا قيوم عجّل بشفاء هديل الحضيف شفاءاً لا يغادر سقما يا أرحم الراحمين


أرجع لموضوعي في هالرسالة
هذي دعاية حلوة لمطعم مدري وش اسمه بس انها جايزة لي بالحيل

لتحميل المقطعاضغط هنا


مجموعة من الصور الرياضية .. جمعتها بشكل عشوائي بدون اي تحيّز لنادي معين ، يعني رجاءاً لا يجيني واحد مطفي النور ويسب ويطب في بطني يحسبني متحرش بناديه ولاش
مع اني حرصت اجمع الصور من كل منتديات الاندية .. لكن افضل الصور لقيتها في شبكة الهلال وشبكة الزعيم وباقي منتديات الاندية كل الصور فيها مأخوذة من التلفزيون وعليها شعار القنوات الفضائية



هذا تراه متغبّي هالحين .. الله آبو من علمكم فنون القتال بس <- وش عنده أبو الوليد

الله لا يشق بنا .. بعض الأوادم عليهم خطمات مدري وش ربي قايلن بها
هالحين هذولي يقال لهم يعودون اجسامهم على الصلابة والتحمل

هذي تنفع للي معرس له على ثنتين وعادل بينهم بالحيل .. يصب لهم سوا ويشربون موبايلي

ياحبيبي .. كلش ممنوع حتى المقوصر مايمشونه
الله يكفينا شر هالاماكن ويبعدنا عنها

متحمس هالقعنبّه هو وهالكورة .. شكلهم حاشينها تراب واي حارس يتوفاه الأجل بسبب مزعة يسقّطونه في تابوت من هالتوابيت اللي مخلينها مرمى .. بس خلوا عنكم حركة يدينه تثبت انه حارس متمكن وموجه الكورة صح لخشته .. يمكن نشوفه حارس نادي مستقبلاً .. كل شي جايز

اححححح يا حنكي

هههههه توقيت اللقطة مجنون

هالصور رد على كل من يزعط باليابانيين وانهم شغيلين ولا ازين منهم .. هذا واحدن منهم ساحبها نومه بالدوام لا ومن زين الطبايع فاتح الفوتشوب يقولون ان توه جاي من انتداب للسعودية وهذي بعض الآثار بس ماصدقتهم <– لااه عاد



وفي الخوتام هذا اللي قدرنا الله عليه في هالرسالة والسبب والله اني طول وقتي على الانترنت منشغل ولابه وقت مثل اول الواحد يحوس ويجمع ويكتب مواضيع لذلك سامحوني على القصور واخواني ان شاء الله يكفون ويوفون بهالرسايل المتميزة اللي نشوفها بالمجموعة

فمان الله

 

مقالات ذات صلة

‫16 تعليقات

  1. بصراااحه التعليبقات مررررره حللوه .. واتمنى نشووف جديدك ..والله انك فللله

  2. مــبدع يالغاااالي ومااقصرت والله واذا على الناادي انا هلالي بس عاادي التعليقاات كلها حلوووهـ وبدون اي تجريح

  3. أسأل الله العظيم رب العرش العظيم أن يشفي هديل و أن يقر عيني والديها بها ..

  4. بتلت ماغير اعيد بـ هالمقطغ .. وشوو مافهمت :/ > مشكلتك انه وحده متنحه قرت موضوعك خخ أنتظر الشرح وشكرا .. : )

  5. ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه زاحححححححححححححححححححف والله زاحف

  6. مساء الورد للورد كلن ولونه .. الابيض ( زيي ) والاحمر ( سوري والا لبناني والا بريطاني خاش عرض بالقروب ) والاصفر ( يالله حسن الختام كل واشرب تصوفر وجهك ) اسود !!! ( مافيه اسود بس لعيونهم نسوي لهم ورده ) ……. موضوعك رايق ووسع صدري يا موسعـ(ـن) صدرهـ واحلى مافيه صور لاعبين الزعيم والتعليقات .. يسلموو ع الموضوع ولاتتاخر علينا بجديدك .. تقبـل مروري …….

  7. يعطيك العااافيه …ياخي وناسه الرسايل اللي هيتس<--أخواله لبنانيين . واحلى أبو شي اللي يقول حسران طلعها هههههههههه ... تسلم يمينك

  8. ماقصرت في تعليقاتك على الاعبين وابدعت في الفكاهه شكرا لك ولكل العاملين على انجاح قروب ابو نوافyyyy

  9. وينك ابطيت علينا 🙂 يخوي خربت الاميل بخبر الاخت هديل مالو داعي تذكرها هي تقرب لك ؟ مانقول الا الله يشفيها ماعلينا …… اميلك وتعليقاتك توووووووووحفه تشكرات

  10. tote تك كات اختكم الجنيه المنادي ميمي مانشستر ابو عبدالرحمن ابو عبدالكريم السعوديه يا هلا فيكم وعسى وناستكم دوم .. شاكر لكم ردودكم = الجنيه : تبين الصدز ولا انا فاهم شي بس حبيت فهاوة الرجال :$ = السعوديه : افا بس .. الله يهديك الحين يوم ذكرتكم بأختكم اللي محتاجه للدعاء خربت الايميل ؟ وهديل ماتقرب لي لا من بعيد ولا من قريب بس زميلة تدوين واتابع كتاباتها من فترة وقبل كل شي اخت في الاسلام

  11. ياخي حرام عليك ارفق علينا شوي ما قدرت اكمل من كثر الضحك حالتي انقلبت صياح

  12. موضوع اعطيه ستة من خمس ابداع وتميز وزحف من الدرجة المنتازة الله يعيطك العافية على الموضوع الحلوو ولا تطول الغيبات مثل العادة القروب له طعم غير بمواضيعك الحلووة تقبل خطمتي المتواضعة دمت بخير

  13. مرحبا اخوي يعطيك الف عافيه على هالايميل ،،، نتظر جديدك واكيد الجديد احلى يسلملي عمرك تحياتي…….. أريج

  14. M7MD mersal جلوكوز اريج الله يعافيكم يالغالين .. وعسى الله يديم الضحكة والوناسه على قلوبكم شاكر لكم تعليقاتكم ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى