رسائل المجموعة

صور طازه وتعليقات أطزز… الجزء الثاني

تحشيش جماعي..

صور

هذا سلمكم الله موظف في إدارة مكافحة المخدرات

الإندونيسية .. اللي نجحوا الأسبوع الماضي في إحباط

محاولة تهريب كميات كبيرة من الماروانا

موديل ( آه ونص) اللي زقارتين منه تسدح بعير ..

عموماً هم طلعوا بقرار مقلع .. وهو انهم اتفقوا على حرق

وإعدام كل الكمية المضبوطة في مكان عام علشان المهربين

يبطلوا حركات نص كم .. عملية الإعدام

تحولت لمهرجان للمحششين اللي تزاحموا

علشان يتبخرون بالماروانا مجاناً

والناس انكمخت ببلاش ..

انتا سامعني؟؟ ببلالالالالالالالالالالاش


حبيب الحلاقين

صور

هذا شاب صيني مصاب بمرض نادر .. عافانا الله وإياكم من كل سوء

المرض هذا سبب له خلل في الهرمونات المسئولة عن الشعر

والتحكم في نسبته وأماكنه بالجسم .. ولما ضربت

فيوزات تلك الهرمونات طلع الشعر بكل مكان وما بقي

إلا راحتي كفيه وبطن القدم .. وإلا الباقي مزروع بالكامل

صور

عموماً الشعر طلع في أذنه ومن كثره صار ما يسمع أبد

وجروه أهله للمستشفى وهناك اجروا له عملية سلخ جلد الأذن

علشان معاد يطلع له شعر فيها .. ويرتاح المسكين

وأنا أقول وشو له هالكلافة .. شويه شمع وحلاوة نتف ونرميه

في (مجلس لها) يمخمخووون عليه الربع هناك


جنون الأولمبياد

صور

حلاق هندي يضع اللمسات الأخيرة على أحدث قصة شعر

طلبها واحد مهووس بالأولمبياد اللي تجري فعالياته في أثينا حالياً

أنا أقترح إننا نجيب عنوانه ونقنعه انه يخلي قصة شعره

الجاية دعاية لمجالسنا

ويحط توقيعي على جبهته بصفتي صاحب الفكرة

 


ملكة العقارب

صور

الماليزية نور مالينا حسن .. حطت براسها إنها تبي تكسر

الرقم القياسي العالمي في العيش مع العقارب السامة .. ورمت

نفسها في غرفة زجاجية فيها 6 آلاف عقرب كل

واحد أمتن من الثاني وأعلنت أنها تبي تقعد في

هالغرفة 36 يوم علشان تكسر رقم التايلندية كانشانا

اللي عاشت 31 يوم مع 3 آلاف عقرب بس..

صور

والله القلب الميت!!

أنا اللي مافيه أمل أنام بغرفه فيها صرصور

وذي تتسدح مع 6 آلاف عقرب 

 


في انتظار السلام ..

صور

حمامة بيضاء.. رمز السلام

حطت على كتف مقاتل عراقي بالنجف

تريده أن ينهي القتال

لتطير وترفرف بأجنحتها البيضاء في سماء المدينة

وتعلن السلام الذي ينتظره كل العراقيين 


بيليه الصغير..

صور

يا جليلين الحيا..

 

أطفال من هاييتي يلعبون كورة في ملعب حواري صغير .. الجميع

ينتظر المباراة الودية اللي راح تجمع فريقهم مع المنتخب البرازيلي

(المباراة انتهت بفوز البرازيل)

ولكن خلوا عنكم الكلام الفاضي اللي فوق هذا وركزوا

على أبو شورت أحمر وشوفوا كيف سحب

في اللي وراه وجاب العيد في الحارس

اللي طاح سرواله من الهبال

ههههههههههههههههههههه

 

وضمن نفس الموضوع

صور

شغل البلوتوث لو سمحت..!

 

النجم الكبير رونالدينو يسوي نفسه يسلم على محبيه بعد وصوله

مطار هاييتي علشان يشارك المنتخب في المباراة الودية ولكن باين

عليه ان جالس يلقط صور بالباندا للبنيات اللي تجمعوا في المطار

اقول شغل البلوتوث وتعال أي قهوة في الرياض

وربي توسع صدرك وتدعي لي ..

 

وعلى فكرة .. ترى المباراة انتهت بفوز كبير للبرازيل

وكان لروناليدنو النصيب الأكبر من الأهداف

وسجل هدف من أجمل الأهداف اللي شفتها في حياتي

واللي ما شاف المباراة يحاول يحصل على لقطة للهدف الأول في المباراة وبس


مخالفة يا حكم!!

صور

مصارعة الجودو الألمانية آنا هارنير تحاول تطلع من

تحت الشاحنة الكندية ماري شيشولم اللي كفشت فيها

ورمتها وجلست عليها

 

تبي الميدالية الذهبية بأسرع الطرق

وما فكهم الا الحكم اللي رحم صياح الألمانية وانقذها

ولكنها طبعاً خسرت المباراة ..


الفك المفترس..

صور

صياد مكسيكي مسوي نفسه قوي جنب سمكه قرش ميتة ولو

في أمه خير كان حط يده عليها وهي حية..

عموماً هالوحش المفترس اللي تم اصطياده قرب

سواحل المكسيك يتمتع بحجم قياسي حيث بلغ طوله

خمسة متر و18 سم

ووزنه بلغ الطن تقريباً

يقولون أن هالنوع من اسماك القرش يشم ريحة الدم

من على بعد عدة كيلو مترات

ويقولون انهم لما فتحوا بطنه لقوا فيها

حاشي وخروفين وراعي غنم

وعلبة سفن أب علشان يهضم الأكل

<<< بدى يخربط في الأخير هههههههه


===========

 

تحدي الخوف!

صور

الصورة اللي فوق هي لأفراد من الجيش الهندي

وهم يستعرضون مهاراتهم على عمود خشبي

طويل علشان يبرهنوا للناس

انهم أقوياء ومحد يقدر عليهم

عموما..

ثاني يوم رد عليهم الإندونيسيين

(الصوره اللي تحت)

اللي كانوا يحتفلون

بيوم استقلال بلادهم أمس وحطت لهم الحكومة

هدايا وربطتها في قمة أعمدة خشبية مثبته

في بعض الشوارع ومدهونة بالزيت والشحم

علشان يعجز الجن الأزرق على طلوعها

واللي يطلع ياخذ الهدية حلال عليه ..

صور

لكن محد أحسن من حد .. جابوها الرجال 


مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى