رسائل المجموعة

صور : السيارات القديمة ,فورد , شفر , لوري ..الخ

السلام عليكم ورحمة الله وبركاته …
مقدمة بسيطه عن بداية السيارات في المملكه ..
كانت بداية انتشارها في عام 1940م وهي اول السيارات القديمة التي استخدمت في المملكه العربيه السعوديه وخاصه بالمدن وعندما ازدادت الحاجه اليها اكثر زاد مستخدميها وخاصه في عام 1947م فكانت هناك سيارات من جميع الماركات واكثرها انتشارا الفورد (الوري) ويسمى فرت والشفروليت ..
ومن انواعه في ذالك الوقت (الوري – الفرت – الدوج – البونتياك – الانبريال- البنز -الشفروليت)
ومثل ما انتوا عارفين ان القرى دخلت عليهم السيارات متاخره شوي واول ماجتهم السياره يقولون انهم تناحشوا وماعاد تشوف الا غبرتهم..والي يطل مع العاير والي يويدز مع المثعب والي انحاش للزبير وللكويت ولاعاد رجع من ذاك اليوم ههههههههه..
وبعد ما عرفوا حقيقتها وان الانسان هو المتصرف فيها راحوا وجابوا لها علف وبرسيم والماء ليطعموها..مايعرفون بنزين !!
..و اما عن وصفهم لها فانتشر الكلام على انها( دابة لها عيون كبيره وصوتها اقوى من صوت البعير)
الله اكبر ..مايعرفون اقوى من صوت البعير ):
.ولايوجد في الديره الا سيارتين او ثلاث..واكثرها لواري نقل تنقل الناس من القرى للمدن والعكس….
وطريقة النقل تكون ثلاث درجات (سياحيه- رجال اعمال – درجة اولى)..
السياحيه :
في الصندوق مع العفش والكفرات والعدة والحيوانات والطيور وغيرها .والغبار ينفخ خشومهم ودموعهم توصل الاذان.والشعر انواع التسريحات.واذا وصلوا الديره كنهم طالعين من قبر من الغبار.. وقيمتها (5 ريال) والصندوق ياخذ عدد كبير حسب كثرة العفش..ودائا مايكون الصندوق دورين دور تحت للعفش والي فوق للركاب..
درجة رجال اعمال:
وتكون في السله فوق الغماره مقابله للهواء النقي وتبعد عن العفش والضيق والمرافس..وقيمتها (10ريال) السله تاخذ خمسه تقريبا ودائما مايكون الاولاد الصغار فيها لحمايتهم ..
درجة اولى :
في الغماره مع السواق ..من قد الي مع السواق اكيد مرتاح .. مرتبة سفنجية راديو يرنع يسولف مع السواق وله كلمته في الرحله.. وقيمتها (15 ريال).. والغمارة تاخذ خمسة اشخاص..
واما عن مشقة الطريق فهوا متعب جدا وقد يقف السواق اكثر من خمس مرات حسب مسافة الطريق للاكل وللشرب وكذالك للصيانه وقضاء الحاجه..اما اذا غرزت السياره الله يعينهم عليها.. نزل عفش وركب عفش وهذا عفشي وهذا عفشك.وخذ صياح..
ودائما مايكون في السياره القديمه اربع توانكي ماء على الجانبين مع مطارتين للشرب تعلق على المرايه الجانبية .. ويركب صاحب السياره الشد (الهانقلين) لكي ياخذ مساحه اكبر في صندوق السياره

اترك لكم بعض الصور
هذي صورة لوري معه حريم ودنيا وعفش والصوره هذي قديمة ..
/

وفي هذا الموضوع حبيت اعرض لكم صور السيارات القديمة والتي قام اصحابها بتجميلها واعتبارها سيارات نادره وتستخدم للتشخيص وللعرض في اكثر مواقع العالم ..
اتمنى تستمتعون الصور …

وراح ابداء بسيارتي الخاصه التي اعتبرها احد مقتنياتي الثمينه . ..

/

/

/

/

/

/

وشكرا

مقالات ذات صلة

‫25 تعليقات

  1. السلام عليكم ورحمه الله وبركاته اشكر لك موضوعك القيم وزمن الاجداد والسابقون كان لهم من المشقه بالسفر سواءا قبل السيارات ومع السيارات القديمه اذكر الوالد الله يحفظه يحدثني عن مشقتهم سابقا بالسيارات القديمه في السفر حيث انهم يقطعون المسافات من مكه الى الرياض والعكس بايام طويلة عكس ماهم الان واحيان يضطرون الى تنزيل العفش والاوادم في المرتفعات عشان تطلع السياره وهم يطلعون لها مشيآ على الاقدام ولاكن للسيارات القديمه شغف وحب في قلبي وامتلك 3 من الشفرات القديمه ولها هيبته وامبراطوريتها في الطريق عكس ماتكون مفاخره وانا هي هوايه والله يعطيك العافيه ووفقك لمى تحب وترضى

  2. شكلي من الحين ابحجزلي سيار:)ه فرد موديل1952م ادعولي انجح وبا التوفيق للجميع شكراً

  3. :DB تسلم على الصور والله انها مرة جميييييييييييييييةB والله ودي في وحدة فورد منها اروح اكشخبها في الحارة:$

  4. يعطيك العافية بس ياريت لو في رسايلك الجاية يكون في انواع غير الجموس زي السيدان اوالسبورت وتقبل مروري

  5. السلام عليكم ورحمة الله وبركاته انا عضو جديد في شبكة أبو نواف صراحة رائعة جدا. ومواضيعكم روووووعة خصوصا هذا. يالله باي 🙂

  6. الاخ محمد تصدق القلب على القلب شاهد أمس قاعد اتصفح الايميلات القديمة خاصة أيميلاتك والله أنك جبت ذكريات راحت يمكن مالحقنا على وقت جية السيارات لان مابعد جينا على الدنيا لاكن سواليف ناس عزيزين منهم من مات ومنهم من فرقتنا عنه الدنيا عموما مشكوووور على الصور التي أكثر من رائعه ونتطلع للمزيد والله يوفقك

  7. السلام عليكم ورحمة الله وبركاته التقدم العلمي مازال يبهرنا بما يقدمه لكن الانسان دوما يحن الى القديم الله على زمان بانتظار الجديد دمت متألقا

  8. هلا أخوي محمد اخبارك الصراحه انت من النوع الي يعشق القديم تمنياتي لك بالتوفيق

  9. هلا وغلا بالجميع … اسعدني مروركم الكريم … وما قلت اخي الكريم المشقه موجوده قبل الشسارات اكثر ..ولا توجد مقارنه ….بس ركزت هنا على بداية السيارات لعشقي للسيارات القديمة … وان شاءالله ياخوي نشوف السيارات اليعندك (: البروفيسور…. ابشر الجاي راح يكون مخصص للسيارات الصغيره القديمة … وهنا وضعت الونيتات لانها اكثر انتشار عندنا … وشكراا

  10. يا خي اذا شفت ها السيارات ادوخ ههههههههههه والله تصاميم السيارات قديما احلى بلميون مره من الحين اخوي محمد السويح اشكرك على هذا الاثراء الغير منقطع من المعلومات التراثيه تحياتي لك

  11. جيدا …ابرهيم .. حياكم الله .. وشاكر لكم تعطير موضوعي .. بالتوفيق

  12. :D:D:D الله يعطيك الصحة على ها الصور الحلوةوالله استمتعت فيها ما اجما تحياتى درة من تونس

  13. مشكور اخوي علي المعلومات الطيبه والصور الاروع وانا خلاص راح ابدل سيارتي :$ بواحده من هذول السيارات واتجول فيهاااا قدام بيت الجيران :D:D ودمت بحفظ الله

  14. والله رهيييب مشكوووووور على موضوعك الرائع والله شبكة أبو نواف رهيييييييبة جداً جداً جداً وأشوني مسجل فيها بس عندي سؤال س ليش ما تراسلونا بالايميل زي ( قروبي القديم ) ؟

  15. كل شي في زمان اول رائع من سيارات او عيشة او جيرة صدق من قال يليت الزمن يعود يوماً اهو واهلة الطيبين نسأل الله الثبات

  16. والله حححلللللللللللللللللللللللللوه مرررررررررررررره

  17. ابوتركي …سدير …. هلا وغلا فيكم … اسعدني مروركم الكريم .. بالتفيق

  18. هذي السياراات السنعه مو مثل الحين بس تمشي خطوتين وتخترب وفوق هذا سعرهاا غالي صج المثل اللي قال عتيج الصوف ولا جديد البريسم يعطيك العافيه اخووي الكريم محمد وبارك الله فيك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى