رسائل المجموعة

صور : ألين اليوم وأنا عندي أمل فيهم, ولا مرّ يوم إلا في تحرّيهم!!

///

بسم الله الرحمن الرحيم
السلام عليكم ورحمة الله وبركاته /
صباحكم/ مساءكم معطرّ بريح المسك والفول والياسمين.. /

حيّ الله أطلق قروب فالعالم قروب أبونواف/
شخباركم إن شاء الله تزقحون وطيبين وكلش؟؟ /
تراكم ماوشحتوني أبد أبد.. //

على طاري الوحشه.. :$
ترى وشسمه أعتذر بخصوص بعض المواضيع اللي أنزلها تقلّ ردودي فيها.. لظروفي النتيـّه البايخه.. / /
بس وقسماً أني أنبسط على كل رد وكل كلمة, وأنا أول من يستفيد منها.. /

على طاري الفايدة, بعض الأشخاص ينتقدوني من خلال الأسماء اللي أكتبها فـ مواضيعي, بس أحب أنوّه أنها من الخيال ولا أعرف أحد بهالأسامي ولاشي.. يعني أقرب إسم يجي ع بالي أكتبه.
هالتنويه حبيت أقوله بعد ماجت رساله من وحده الله يهديها تقول أني كاتب أسماء بناتها كلهم في موضوع واحد وأني أستهزئ فيهم!!
لاتعليق!!

وشسمه .. على طاري التعليقات .. أبشركم إمتياز أبوهنوّد سافر, وسوينا إحتفال فالدوام بعد خخخخ!!/
وعقبال خويه ريكي قولوا آمين بس .. //
,
إيه صح قبل أنسى, لايفوتكم ذالإعلان البطل جابه لي أبوحوط أطلق لاعب بوكسنق فالعالم هههه //
يالبى قلبك بس.. /

/

واااااااااوك ياحظهم عندهم بلاك بيري فستقي //
وشفاف بعد كثر منها <<اللي كاتب الإعلان موب مصدق أنه شفاف بعد ههههه //
,
نروح لفقرات الموزوع , وعلى بركة الله إنطلقت الجياد.. //

/

][مدخ ـل][

ألين اليوم وأنا عندي أمل فيهم..!
ولا مرّ يوم إلا في تحرّيهم..!
ولو طال إنتظاري.
سنين وسنين وسنين!!
أكيد بيوم ألاقيهم!!

//

/

][رفقاً بالقوارير][

(المشهد الأول)
الهنوف: هاني ياخوي ودني السوق الله يخليك بس نص ساعه.
هاني: وشوله سوق توني موديك.
الهنوف: آخر مره وديتني قبل شهرين ومحتاجه ملابس وأغراض خاصة.
هاني: ياليييييييل ذالأغراض اللي ماتخلص, وش بتشترين طيب؟؟
الهنوف: ياخي أغراض بنات!! وش فيك علي ياخي؟؟
هاني: بتقولين ولا أنطقي مافيه روحه!!
الهنوف: طيب بنطق .. شكراً ياخوي.

(بعد فترهـ)
الهنوف تعالج في أحد المستشفيات النفسية!!

(المشهد الثاني)
فهده: فهد ياخوي ممكن توديني لعرس صديقتي الليلة؟؟
فهد: ماشاء الله من هي ذاللي بتعرس؟؟
فهده: هذي سوسن صديقتي فالجامعه؟؟
فهد: هاه .. لا لا .. مافيه .. وشوله ؟؟ مايحتاج تروحين باركي بالجوال.!!
فهده: وش فيك أختبصت وأرتبكت ..؟
فهد: لا مافيني شي .. بس ذالبنت سمعتها موب زينه مرهـ!!
فهده: وأنت وش يدريك عنها؟؟
فهد: هاه !! أسمع الناس يقولون!!
فهده: الله يستر عليها بس وعلى بنات المسلمين .. قل لي ليش ماتوديني؟؟
فهد: بس مافيه روحه.. موب لازم ذالعرس.. الجاي أوديك ان شاء الله!!
فهده: طيب ياخوي .. شكراً !!

(بعد فترهـ)
إلقاء القبض على فهدهـ مع شخص غريب في حالة خلوة غير شرعية!!

(المشهد الثالث)
مشاعل: مشعل ياخوي تسمح لي أروح مع صديقاتي المطعم اللي جنبنا؟
مشعل: وشوله؟؟ مايحتاج!! ناديهم يتعشون هنا فالبيت!!
مشاعل: مايصلح يامشعل لأني معزومه وكلها ساعه وراجعه ان شاء الله.
مشعل: قلت لأ يعني لأ .. معصي ..!
مشاعل: طيب خلنا نطلع أنا وياك نتمشى ونتعشى وعلى حسابي بعد.. بس خلنا نطلع تكفى!!
مشعل: هههههههههههه ضحكتيني والله.
مشاعل: ليش وش قايله عشان تضحك؟؟
مشعل: طيب إفرضي لو أحد من أصدقائي شافنا وش بيقول عننا؟؟
مشاعل: عادي مافيها شي أخ وأخته طالعين يتعشون!!
مشعل: أوووف منيب فاضي لتس بـ يبدأ الشوط الثاني.
مشاعل: تكفىىىىىىىىىىىىىىىىىى!!!!
مشعل: هاتي شاهي وخليه سكر زيادهـ تكفييين.. هههه أروح معها قالت !!
مشاعل: أبشر ياخوي, وشكراً لك.

(بعد فترهـ)
مشعل يتابع الشوط الثاني ع التلفزيون مع فريقه المفضل, ومشاعل تتابع الشوط الثاني بالجوال مع ……!!

(المشهد الرابع)
إيمان: أيمن ياخوي عطني مفاتيح السيارة بروح الدوام مع السواق.
أيمن: تخيلي بس؟؟ لأ مافيه!!
إيمان: ليش طيب؟؟
أيمن: حرام .. فيها خلوه شرعيه!!
إيمان: طيب قم ودني!!
أيمن: هاه .. لا لا انا مشغول .. بمرّ صديقي سيارته خربانه.
إيمان: طيب أنا أختك .. أولى منه.
أيمن: يختي ماتفهمين قلت لا.. وبعدين هو صديقي لازم أوديه وأجيبه ..!!
إيمان: طيب والدوام بيفصلوني على كثر غياباتي وتأخراتي.
أيمن: أحسن.. مايحتاج دوام.. أجلسي فالبيت أحسن لتس ولنا.
إيمان: طيب وشهاداتي ؟؟ ماخذتها عشان أعلقها في غرفتي!!
أيمن: ألووو .. هلا خالد .. يالله جاي جاي ألحين مسافة الطريق بس!!

(بعد فترهـ)
إيمان .. خرجت ولم تعد حتى كتابة هذا الموضوع!!!

* مايستفاد:
1- يقول النبي صلى الله عليه وسلم ((رفقاً بالقوارير)), فهن كالقوارير ينكسرون بسهولة وبسرعة.. (وينك ياللي تقول الإسلام مايحفظ حقوق المرأة؟؟)
2- كما تدين تدان .. ومن طقّ باب الناس, طقوّا بابه..!!
3- الضغط يولّد الإنفجار!!
4- لم يفُـت الوقت بعد .. يمكنك التعويض عنها!!

* ملاحظة:
لستُ من المنادين بتحرير المرأة بمفهوم الليبراليين, ولستُ من المتشددين المتعصبّين, بل أنا ممن يشجعون على أن تأخذ المرأة حقوقها كاملة وأن تكون وِفق مفهوم وضوابط وتعاليم الإسلام.!!

/

][صفر إلى مية][

وحدهـ تقول لزوجها: حبيبي أبي تشتري لي هديه بس تكون غير../
قال لها: آمري تدللي يانظر عيني ويابعد تسبدي وش تبغين بس؟/
هي حطّت في بالها هالهدية:

/

قالت: أبي شي ينطلق من صفر إلى مية في ثلاث ثواني!! /
اليوم اللي بعده رجع لها الزوج اللطيف وجاب لها هالهدية:

/

ويالله ينفع فيها!! ههههههه //

/

][فاص ـل][

ألين اليوم وقلبي دقته أسرع.
ألين اليوم وردي بالندى يدمع.
ولاأدري الندى من وين؟؟
يمكن مثلي يرجيهم!!

//

/

][إختبارات×إختبارات][

(في ساحة المدرسة/
هند: خلاص ياغدوره اللي أتفقنا عليه اليوم تغششيني لأني ماذاكرت شي!!
غدير: أبشري هنودتي كم عندي من هند أنا.
هند: وهـ فديتك ياقلبي بس.. ماراح أنسى لك هالمعروف أبداً.
غدير: وش دعوهـ ماسويت الا الواجب.. بتاخذين الفل مارك إن شاء الله.

(في قاعة الإمتحان/
هند: غدورهـ جواب السؤال الأول وشو؟؟
غدير: حرام!!
هند: غديرووهـ مو هذا اللي أتفقنا عليه.
غدير: أدري .. بس حراام حرااااام.
هند: ياربيييه .. أخلصي وش الجواب يالخايسه؟؟
غدير: أقول لك حرااااااااااااام ماتفهمييييين!!
هند: وش ذالطوع اللي نزل فجأه يالدبااااا.
غدير: أووووف .
هند: طيب إسمعي يالشينه .. جواب السؤال الثاني وشو؟؟
غدير: من غشنا فليس منا.
هند: يالييييييييييييييل رجعت لموّالها ذالعجييييز .. أخلصيي أقوووول.
غدير: أقول لك من غشنا فليس منااا!! ماتفهمييين أنتي بلا هبببببل!!
هند: طيب أوررريك يالمفهيييييه.. خلينا نطلع بس.

(بعد الإمتحان/
هند: تعالي يالخايسه.. ألحين وراك قلبتي علي فالاختبار؟؟
غدير: ماقلبت ياقلبي.. علمتك كل الأجوبه وربي.
هند: وش علمتيني وحنا من دخلنا وانتي حرام وحرام.
غدير: إيه يادلخه جواب السؤال الأول حكم قطع صلة الرحم حرام.
هند: طيب والثاني؟؟
غدير: الدليل من السنه على تحريم الغش!!
هند: يوووووووووووووووووووووووو ووووووهـ قهررررررررررررررر (وجه يبتسي)

* مايستفاد:
1- الغش حرام!!
2- من غشنا فليس منا!!

/

][ رسم فني بالذباب + حومة تسبد ][

/

الله مرجيحه, التذكرة بعشره من يبي يركب؟ ههههههه //

/

شوفوا اللي تحت ع اليسار, يعني أني شايل معكم
حركات بعض الناس يسوونها دايم اذا جاء وقت الشيل <~ أبد مو منهم ههههه //

/

اللي فوق يبون الحمام رجال ونساء, بس ضابطها إبن اللذينا //
والثانيه يبربرون مع بعض بعد ماخلصوا من العشاء //

/

الله يحوّم تسبودهم //

/

شاليهات الهاف مون هههههه //

/

رحلة السلام العالمي للحشرات //

/

ترجموا عاد أنتو <~ توهّق //

/

هادي صوعان معهم <<اللي خذ المركز الأول في سباق الجري
والقفز عاد مدري مين خذها, بس الظاهر أنها وحده مغربيه!! //

/

أطول ذبابه فالعالم //

/

][مـ خ ـرج][

ألين اليوم وأنا أتخيل لقانا كيف؟!
ألين اليوم أدوّر وش بقول وكيف؟!
ولا أدري أبتدي من وين؟؟
يمكن عمري يكفيهم!!

//

/

خ ـتاماً .. أتمنى أن تحوز الفقرات على رضاكم .. وتنال حسن ذائقتكم كل أبوكم .
/
اللهم إغفر لي ولكم .. ولوالديّ ووالديكم .. وأجدادي وأجدادكم .
اللهم إشفِ أم مصعب .. وعافها وأعف عنها يارب العالمين .. وإشفِ جميع مرضى المسلمين .. اللهم آميييييين.
/
سبحانك اللهم وبحمدك , أشهد ألا إله إلا أنت , أستغفرك وأتوب إليك
/
اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ
/
اللهم صلي وسلم على سيدنا ونبينا محمد وعلى آله وصحبه آجمعين.
/
كتبه وأملاهـ / باء نقطه شين
بدر.الشوق
وفي رواية / أبو س ـعد
/
b.s9@hotmail.com
/
ســـلام
/

///

مقالات ذات صلة

‫40 تعليقات

  1. دايم بانتظارك و ارجوك رجاء .. وشسمه.. لا تبطي علينا ترانا نحب نشوف وشسمه .. تيمون وهو يرقص سامبا..

  2. 😀 ما شاء الله عليك الله يزيدك من خير ويكفيك من كل شر بالعكس مواضيعك جدا مميزه ورائعه وبنفس الوقت ممتعه ويعطيك الف عوافي …وامتعنا دوماً لتكون دائما نجما ساطع بكل سماء قارئ وإلى الامام دائما ….لتصل ما تتمناه نفسك

  3. ههههههههههههـ .. الله يرجك ،، والله انك منسم .. الله يدوم الآبتسآمة عليك .. اللهم إغفر لي ولكم .. ولوالديّ ووالديكم .. وأجدادي وأجدادكم . اللهم إشفِ أم مصعب .. وعافها وأعف عنها يارب العالمين .. وإشفِ جميع مرضى المسلمين .. اللهم آميييييين.

  4. صباح الاشطه باء نقطة شيييين بصراحه انا من المتابعييييين لرسايلك المفهيه دايمن عالقروووب واكثر مايشدني مداخل ومخارج الاغاني..اقصد الاشعار والاغاني الي تحطها ^_^ بصراحه…تجيييبها عالوتر الحسااااااس.. احسك فاهمني مع انك لاتعرفني ولا اعرفك.. وسلالامتك

  5. ااااااااااااااااااااااااااااااالله يعطيييييييييييييييك العافيه على كثر الذبااااااااااان الي شفناه بهالاميل ههههههههه :$ كل ذبانه بعافيه :$ :$ شاكر لك موضوعك الرائع <<< بقوم ادور ذبان البسهم براقع واصورهم هههههههههههه تقبل مروري :$

  6. السلام عليكم انا مشتركه بجروب ابو نواف البريدي واول مرة يوصلني بريد يحمل اسمك بدر الشوق بصراحه ابدعت واسلوبك في الكتابه ممتع وراقي وفكاهي بدون تجريح وبنفس الوقت هادف انت من الناس النادر وجود لها مثل هالاسلوب وانا متأكدة انك من اللي يتعبون على العمل المطروح تقبل فائق احترامي وتقديري بدون اسم(بس ترى مو محل العبايات بدون اسم هذا لقبي ههههههههه)

  7. الموضوع ممتع لأبعد الحدوود عجبني كثييييير في روووح الووعظ في بدااية الموضوع وروح الفكاهه في أخررررره بصراااحه ابداع بنتظار مزيييييدك

  8. 😀 اماا الرسمات شي ثاني خخخ موضوع بطل ,, وكل مواضيعك جونـــآآآن مغطي ع الكل << ~ صريحه مره 🙂

  9. مواضيعك دووووم حلوه اكثر شي ضحكني بموضوع اليوم الاخت اللي ارسلت لك كاتب اسماء بنتها كلهم وانت تستفزهاا >>>>جد جد انت كنت تستفزهاا؟؟ على فكره اسمي موجود بموضوع اليوم وش قصدك؟؟؟ بتستفزني بعد انا؟؟؟ يعطيك العاافيه على جهودك وابداعاتك

  10. من متااابعين ايميلااتك وبقووووووووة اترك اي شي اذا شفت بدر الشوق 🙂 بس تعليقي على كلمة( يزقحون ) هذي الكلمة كثيييير يقولونها ومايعرفون معناها ان شاء الله تزقحون ولا اخبار فلاان ؟ ابد يزقح ومعناهااا صووت القرد او شي مشابة لة من عرفت هالمعنى بطلت اقولهااااااا وشووو احنا قروووود علشان نزقح!!

  11. الله يطول عمرك يابدرالشوق وتتلاقى مع اللي تحبهم وتفرح فيهم ويفرحو فيك وربي انشالله يشفي ام مصعب وجميع مرضى المسلمين آآآمين مبدع والله الشسمه الله لا يحرمنا كتاباتك

  12. انا ماأقول الا جملتن وحده …. بس انت قول آمين.!! ياعسى ايديناكـ اللي كتبت هالموضييع ماتمسها النار<=دعوه عجيز وربي صوورك واسلوبك ومداخلك ومخارجك وتعليقاتك كلها جناان وفلهاآآآ<==هذي اللي بتقول جملتن وحده:)

  13. بسم الله ماشاااء الله عليك مبـــــــــــــدع حتى النخااااع علشااان ماتقووولون الطويلعي حسدنا تفو عليك ماشاااء الله عليك ههههههههههههههههههههههههه تقبل مروري

  14. لوووووووول مرا نـــــــــايس ,, شي غريب ذباب وعلطول (الين اليوم) << تناغم ولا اروع ؛P

  15. اهلين بدر الشوق .. كيف الحال ان شاء الله طيب .. بصراحه يعجبني تيمون << عشقي 😀 اول شي تشكر ع المواضيع بصراحه رووعه مواضيعك وخاصه موضوعك هذا جبتها ع الجرح بجد والمشهد هذا صاير لوحده قريبه مني واللحين هي بعالم والناس الثانيه بعالم وتعالج بالمستشفى النفسي … ليت الكل يتعض قبل مايكونوا كل البنات يتعالجوا بالنفسيه من اسلوب الاب او الاخوان اللي كل شي تقوله البنت يقولوا ماله داعي اجل ايش اللي له داعي بالحياه ..؟؟؟؟؟؟ يعني ايش بيضره اذا طلعها تمشى شوي بالسياره وداها للمكان اللي تبغاه بدل ماينكد حياتها عشان مشوار ويكسب اجر فيه … رفقااااااااااااااااا بالقوارير << بس من يفهمممممممم سلاام ..

  16. ~(( بدر الشوق ))~ من أفضل الاعضاء الي استمتع بقرأة مواضيعهم الله يعطيك العافية

  17. هههههههههههههههه يسلموو خيوووو مرررررررررررررررررررررررررره خطير ..:):$

  18. فقرة رفقاً بالقوارير رائعه وخصوصاً الملاحظة فقرة الذبابة لعد تعيدها الصور تحوس الكبد وانا اختك وسلامتك بنتظار جديدكB

  19. وعليكم السسلآم والرحمه ,, صبآحك / مسآئك عفواً وعآفييه من رب العآلمين , خطيررر صرآحه يآبدر عليك أسلوب فله ماشاء الله عليك =) , ورقفاً بالقورآيرر ششي ليت والله الشبآب اللي من هالنمونه يقرونهآ ويتعضون 🙁 ومسأله الغشش الله يهدينآ ويصلح الحآل مرره منتشرره :~ اووومآ عآآد الذبآن فنآآآن ولد قرريح اللي مسويهآآ :$ وبالختآآم اللي يجزآك خيرر ..

  20. عاد وشذا الذبان اللي يحوم الجبد وانا اختك…. احنا نطر منك ورد ياورد…ابشرك تراني سويت قهوتك اللي كبيت فيها قهوة(دونكن دونتس)ياويلي على ريحتها وطعمها… وكأني عرفتك يوم انك تقول(ياسر..وطه…وخويهم الثالث) واللي اقوله…..كنا سوى الاثنين في سكة التايهين… ….ولنا الله ياغالي من الشوق… ….ليتك معي ساهر ليل الهوى كله…. …وأيوه قلبي عليه التاع…. ….وأحلى من العقد لباسه…. ….وأنا ومحبوبي معزومين من ضمن المعازيم. وياليت العزيمه ماخلصت…. قل آمين….عساك انشالله ماتطيب من لوعة الحب وغرامه..

  21. اعجبتني فقرة رفقا بالقوارير .. لكن مب لهالدرجه .. يعني ياما الاهل منعو بناتهم بس مب من حقها تنحرف بسبة جهل وتخلف الاهل .. يمكن في ناس تحب تعاند .. ولكن ما تتجاوز الحدود .. وربي يهدينا .. وهديه الزوج تحفه ..8) الواحد يشوف نفسه .. يعني هم ناسين الدعاميه اللي قدام (الكرشه).. ومعلقين ع الحريم المسكينات اللي تعبهن الحمل والولاده .. وربي المستعان .. * الف شكر ..

  22. :(فقرة رفقاً بالقوارير وربي عذبتني تصدقون صديقاتي ما اشوفهم وقلبي متقطع ابي اتجمع معاهم واتونس واضحك معاهم لو ساعتين كل شهرين تكفيني 🙁 اخوي مره خليته يوديني لصديقتي في المجمع و بعدها حرم يوديني وحلفته ما يعلم امي وابوي والسبب خايف احد من ربعه يشوفه :~ بس في النهايه هاذي كلها مو سبب لانحراف البنت لانه اذا كانت تراقب ربها بينها وبين نفسها ما تسوي شي يغضبه بدر الشوق ماشاء الله عليك للامام

  23. اللهـ يرجك موتني ضحك خاصتن الذبابين شكلهم يلوع الكبد هههههه:$

  24. فآيز: هلا وسهلا يآلآطخم ق1 وشسمه إن شاء الله مآطول مرتن ثآنيه :$ يعطيك الف عافيه ع مرورك يالغالي عطر الروح: الله يعافيك شهآدتك أعتز فيها ياخيتي ولولا تشجيعكم وحضوركم ماقدرت أسوي شي يعطيك ألف عافيه^^ albasil4u: هلآ بأطلق مصمم فآلعآلم ق1 وآلعين مآتعلى ع الحآجب آنت آستآذي :$ عوآفي سوسو: سويس أحس أنك بتقولين تعرفني وتعرف أسماء خواتي مثل أختنا فالله اللي مرسله ههههه وشسمه أول شي من ذوقتس إذا إختيآري للأغاني, قصدي للأشعار يعجبتس ^_^ ثاني شي خلك متابعه, القادم اجمل واحلى بإذن الله 🙂 تحياتي لتس (f) A.H.M.E.D: الله يعافيك حبيب قلبي واذا تبي شمغ (جمع شماغ) ترى عندي كثير هههههه خلاص انا معك فالفكره قدام ههههه عوافي يالاطخم :$ بدون إسم: ههههههههههههههههه اول شي وعليكم السلام ثاني شي الحمدلله انه عجبك الموضوع ولو ترعصين على يوزري شوفي المواضيع السابقه ان شاء الله تعجبك أكثر وشهادتك أعتز فيها دوم يعطيك الف عافيه ياطنط بدون إسم اللي موب حق العبايات :$ هههههه عيونهـ هي عنواني: الحمدلله أنه عجبك وإن شاء الله القادم افضل واجمل شكراً لحضورك هلا .. ينبع البحر: من ذوقك والله وشهادتك أعتز فيها ياجدتي:) ومرورك الأبطل شي فالعالم:$ عافيه mnakir: إيه أستفزك لو كان إسمك مزنه هههههههه صدق من قال عش رجباً ترى عجباً يعطيتس الف عافيه ع مرورك ولاتقاطعين ياجدتي:$ مو لازم اسم: شكراً لكلماتك الحلوه وحضورك الأحلى اول شي وثاني شي بالنسبة لكلمة يزقحون المقصود فيها يعني بخير وطيبين وهي كلمة تندرج في الضواحي والقرى الشامية بكثرة <وش عنده امرؤ القيس المتنبئ ههههه عموماً المعنى في بطن الشاعر, وان شاء الله أني ما أقصد فيها إلا كل خير وهي كلمة نشبت فـ لساني 🙂 عوافي هدى: الله يعافيك ياخالتي وان شاء الله دوم مستمتعه الله يتقبل دعواتك ويسعدك من جد فرحتني دعواتك عوافي فوفو:$ : من ذوقك والله ياجدتي العجيز ههههه يعطيك الف عافيه على كلامك الحلو وإن شاء الله القادم احلى واجمل خلك متابعه بس 🙂 فهد الطويلعي: ياخي مسح سعابيلك هههههههههههه من ذوقك والله يالغالي وشهادتك أعتز فيها أستاذي 🙂 تحياتي لك جوريه: الله يعافيك وان شاء الله دوم مستمتعه 🙂 s!Lent_Love: هههههههههههه حلوهـ الدقـّه بس عادي عشان تنفتح نفسك للرومنسيه مع الذباب ههههه يعطيك العافيه ع مرورك

  25. غلا: هلا فيك يا أم فتحي 🙂 الحمدلله تمام كيفك انتي؟ وصدقتي لو كل واحد لو مره او مرتين فالاسبوع خذ أهله تمشيه وسعة صدر مايضره شي وانا اول واحد مقصر ما انكر, بس الواحد يحاول يغير نفسه ويغير المجتمع اللي حوله:) شكراً لمشاركتك ياجدتي ورأيك وسام على صدري 🙂 عوآفي الهيفاوي: وعليكم السلام الله يعافيك ياصديقي وان شاء الله استمتعت بالفقرات مجنونة حب: من ذوقك والله كلامك يشجعني أكتب المزيد وان شاء الله القادم افضل شكراً لحضورك:) البيلسان: الله يعافيك ياميمتي وشهادتك اعتز فيها شكرا لمرورك:) tato: الله يعافيك ياخالتي وان شاء الله عجبتك كل الفقرات شكراً لحضورك:) EMoO: الله يسلمك شكراً لحضورك تحياتي لك اكليل الورد: من ذوقك والله وفقرة الذباب بستبدلها بالظواطير :$ أنتظروني بس ههههههه :$ شكرا لحضورك جنون الورد: من ذوقك والله:) مرورك الأخطر والأروع جزاك الله كل خير:$ والله يسعدك دوم لاتقاطعين ^^ وحده متسببه: أستغفري بس:$ وان شاء الله نطيب من لوعات الحب وغراماته:$ هع وشسمه, كح كح آلحين طلعت قهوه جديده بس مابعد جا وقتها فالشتاء ان شاء الله بنزلها ههههههه بعدين شلون عرفتيني؟ مافهمت هع بديت اخاف منك ههههههههه شكراً لحضورك جدتي تحياتي لتس ياء نقطه صاد: شكراً لحضورك:) رفيعة المقام: في المقام الأول والأخير ضعف الإيمان هو السبب في الإنحراف لكن يظل هالشي سبب من الأسباب, وسبب مؤثر وقوي أيضاً مو كلامي أنا, هذي ردود الأعضاء, وأيضاً شيء مشاهد ومحسوس أمامنا 🙂 وبالنسبة للكرش هههههههه عادي مايحلى السعودي الا بكرشه هع هع أصلاً مايسمى سعودي الا عشان الكرشه علامة الجودة بس مانظلمهم كلهم, اغلبهم بس :$ البيضاني07: الله يسلمك شكرا لحضورك ابوحرب: شكرا لحضورك حزينه وربي: صح كلامك وماعليك زود السبب الرئيسي هو ضعف الإيمان لكن يضل هذا سبب من الاسباب والله يهدي أخوك ويعينك عليه ويصبرك يعطيك الف عافيه ع مرورك شكرا جدتي بنت مكه: أحلى شي انهم يلوعون الكبد هههههه شكراً لمرورك ولاتقاطعين ^^ سوسو: من ذوقك شكرا لحضورك خلك متابعه ^^ Aziz قتيل الحب: الله يسلمك أخوي يعطيك الف عافيه ع مرورك خلك متابع^^ القادم احلى واجمل ان شاء الله

  26. :~ موضووعك مرررررررررا جوووووونان بس مالقيت الا ذبااااااااان يعني بليز اختار حشرات احلى

  27. وشو ذاااا اااا ااااا روووووووووووعه لا مجرررررررررم درجه اولى في كتابه مواضيعك……بصراااااحه انتظر رسايلك بفارغ الصبر .. جناااااااااان الله يحفظك لاهلك وللقروب >>>:D مشكوووووور قد السما,,,

  28. وعليك السلآم والرحمة .. موضوع جونآن ×جونآن كآلعادة ليس بغريب عليك :)يآبو سعد من جد رفقاً بالقوآرير ونسآئم الربيع وقطرات الندى :D<كني شطحت شوي في الوصف 😀 وكل المواقف اللي ذكرتها تجيب للبنت آنواع القهر وتحس ودهآ تسطر آخوها الي جآلس جنبهآ 🙁 من زود آلحماس مع الموضوع .. :Dوشسمه الاختبارات آنوآع الذكريات زمآن يوم كنت طفلة بريئة وحسيت وحده تغش مني قمت آجآوب غلط وهيه تغش ويوم سلمت ورقتها قمت طلبت ورقة ثانيه وجابت بالصح والصدق < مو تسني نذله شويآت يوم كنت طفلة :$ من جد موقف طريف يجنن اللي صار هون 😀 كلمآت آلشعر . قيثتارة تعزف على آوتآر القلوب . ذآئقتك الشعرية راقيه دومآ وصور الذبآن مدري يوم شفتها حسيت بشيء ((مآ)) :Dبس غيرت آحساسي يوم تخيلتها نحل < وآستمتعت بحركآتها والتعليقات برضو < آحس آني سويت آطلق خيآل جزآك الله عنا خير الجزاء وشفى الله جميع موتى المسلمين آيميل آقل مآ يوصف بالروعة سلم لنا يرعآك الذي يبهجنآ مع هذا المساء (( آطيب تحيه )) ((F))

  29. يالبى قلبك قسم خقيت مع هالابداع:$ شف براطم تناقز من السعاده B (عيب يابنت استحي يامال الجرب):~ ننتظر شسمه المميز والمتميز يالمميز:) اختكم كل ابوكم ((خفيفة دم راميه الهم)) على طاري الميزان اللي جابها عريس الغفله قسم بالله لو اني مكانها لاخلي العداد بخشته يالمال الفقر 🙁 خربتها اخر شي 😀 سلااااااام

  30. الله يرجــك رجــآآ مبرحـــآآ نــآآآفعـــآآ غيـــر ضــــــــــــــــاار .. من جد ضحكتــــــــــــــــآني مرآ مرآآ .. دمت في تميزكـ …:D

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى