رسائل المجموعة

صور، كبير الفرق مابين أول لقاء وآخر زيارهـ

السسسسلام عليكم ورحمة الله وبركاته

<<عدلت السلام (علاكم) في الموضوع , بسبب تدخل السلطات العليا المتمثله في أبونواف وأوباما وربعهم ..
شخباركم إن شاء الله تزقحون جعلكون العافيه اللي تعافيكم وعلى مكه توديكم ..
على طاري مكه .. يقولون والشهادة عند أبوعبدالعزيز رفيدزي وصديق عمري وفلذة تسبدي وريحانة كليتي اليمنى .. أنه فيه طلاب من الكليه حاقدين علي عشان صور السيارات والموظفين اللي يلعبون سوليتر اللي نزلتها فالموضوع اللي راح ..
الموهم أنهم يبغون يعرفون من هو ذا بدر الشوق الماصل اللي مطلع(ن) ريحتهم فالكليه ومقفطهم وكاب عفشهم ..
ليت الموضوع وصل لـ كذا وبس .. حتى بعض الموظفين صاروا يقرون الموضوع ويخافون مني
حلو أنك تمشي بكآميرتك وتحس لك هيبه صح؟؟ ولا يامحسن؟؟ <= وجه يغمز لسلطان السلطان
الموهم .. عاد أنا أقولها قدام الجميع ألحين .. المواضيع والتنتيف كله مزح , لا شلت على حدا ولا حقدت على حدا .. بس إنتبهوا لأنفسكم ..
وبالنسبة لبعض الرسايل .. بعض الأشخاص يقولون أن اللي أسويه حرام ومدري أيش .. عشاني أحط أغاني..!
من متى وأنا أحط أغاني؟ .. عمري مانزلت مقطع أغنيه , ولما أنزل كلمات هذا يختلف عن الأغنية كـ صوت .. تعتبر بس كلمات شعرية أعجبتني وحبيت أنكم تشاركوني بها فمواضيعي , وعموما أتقبل النصح بصدر رحب والله , بس لما شفت سوء الفهم كثر تسذا قلت أوضحه فأقرب موضوع لي وبس ..وأنا أبرئ ذمتي قدام ربي همّن قدامكم كل أبوكم ومنيب ناقص(ن) ذنوب والله, اذا كتبت كلمات شعريه موب معناته أفتحوها وأسمعوها يامال الصلاح , لو أبيكم تسمعونها جبت لكم الرابط وفكيتكم <<ياكثر حتسيك تسان ألحين خلصت 9 فقرات ..
الموهم نجي للموهم .. ولا أقول الموهم.. دايرين نطوس للموهم من الفغرات << المهم ذالحتسي بالسوداني

][مدخل][
آخر زيارهـ ..!
حسيت في آخر زيارهـ..!
شيء بعيونكـ مختلف ..
شيء بحديثكـ مختلف..
حتى سكوتكـ مختلف ..
وصرت بشكوكـ..!
وشفت الحقيقة .. في عيونكـ تعترف ..!
موقف غريب ..!
موقف أبد ما ينوصف ..!

][ تعليقات ع السيارات .. عناد بس ][
بما أن ربعنا زعلوا من تعليقات سياراتهم اللي بشهادة الكل ذوقها رايح فيها , قررت وبكامل قواي العقلية والجسمانيه والروحيه وكول حاقه , أني أتجه للتصوير الحرّ بعيداً عن أسوار الجامعه <أقول ألفقه وكمل ..
الموهم ماظن بيجيني بكرا عامل أجنبي بيلاحقني أو يقول ليش تنزل صورتي وتعلق عليها ..

الخنفوس وعرفناه .. بس أموت وأعرف وش يعني الخلفوس

باص زيتونه زوجة بباي خوينا القديم
أتخيل بباي يشتغل عندنا فالرياض فـ نقل المعلمات ههههه

حلوة طريقة التذكير ذي .. بس أحسه يتفاول ع نفسه

شوفوا اللي فوق الجيب , وشوفوا الجو , أحس أني ذاك اليوم نظلته خخخخ
بس كنت منقهر وراي إختبار وذولا طالعين البر فذالجو الأطخم الصبح :/

هذا واحد يسمع بـ شي إسمه شمّاسات أو تظليله هههههه

هذا واحد مخيس , مركب معه سلم وكل ماقربت عنده يضرب في خشتي فرامل وتلصق خنافري فالدركسون
ياليل ذالليموزينات مدري متى بيسوقون زي العالم بس ..

ألحين دور اللي يصندقون ورا وينومون .. فيه واحد جوا بس ما بيّن , بس مسيكين رايح فسابع نومه , ويوم ولعت الاشاره خضراء ويضرب اللي وراه بوري ويفزّ مرتاع المسيكين ههههههه

وهذولا عمال البلديه , شوفوا اللي جوا خرمان نوم وهو جالس <<يقلع أبومسكتك فالتصوير
<< الفضاوه وماتسوي ههههههه

خلونا نقرب شويات

هذي أوضح صوره ثلاثتهم نايمين وطاقهم البرد مساكين ههههههه

][واحد عَرَق وصلحوهـ][
مرتن من المرارير مار(ن) من أحد شوارع الرياض الفسيحه <<من أولها نصب ماخبرت فالرياض شوارع فسيحة..
الموهم وأنا ماشي إلا السياره تتزحلق مع أخف ضغطة فرامل , وعلى قولة خوينا ذاك اللي فرمضان (سيارتي زحلطن)
عاد يوم ديورت مع الإشارة بتأكد شسالفة وأشوف ذالزحمات , وأنا اللي ينط فيني عرق الملاقيف وأسفط سيارتي ع اليمين وأقول والله ما تغلى عليكم هالخبرية الحصرية بالصور <<أمحق خبرية

يوم قطعت الشارع إلا الدعوه فيها هيئة وحوسة , قلت الله يستر بس , عاد أنا وياهم حبايب ترانا <<إيه هين بس

يوم أني قربت إلا والريحة خياس , والشارع مليان شي مكبوب مدري وشو , بس شي مخيس ..
عاد دخلت وألقط ذالصورة من جوا ..

وطلعت السالفة كلها أنهم صايدين لهم مصنع خمور ورا أشهر تموينات في هالحي ..
وعيال اللذينا كانوا ثلاث أفارقه واحد منهم بيقاوم وكسروا يدهـ << يستاهل ..
يوم أنها شبّت فيني أنزيمات اللقافه اللمفاويه وأدخل جوا وألقط لكم كم صورة ..
بس أني منقهر .. من الدور اللي فوق يكبّون عصير الكوكتيل (تمويه عشان البزارين بس) , وينكب على شعري , ويخيس شعري ..
عاد هو خلقه مخيس وحالته صعبه .. يعني تهقون بيسكر وبينعم هههههه
عاد يوم أني لقطت هالصور وأرجع البيت وخايف أهلي لايشمّون الريحه .. أثري من فتحت الباب الداخلي ويناديني الوالد .. أول مادخلت وأركض عنده وأقول له (أصبر يا إبن الحلال بشرح لك كل شي وأنت أحكم) << مسيكين طقته الروعه هههههههه
قال وش السالفه؟؟
قلت والله أني ماشربت ولا سكرت ولا شي , بس أنه السالفة كذا كذا كذا ..
عاد هو ما طق خبر للريحه .. أثره مزكم ذاك اليوم ههههههه
وأنا اللي أتروش ذاك اليوم ولأول مره في حياتي (4مرات) ورا بعض ,, ثنتين منهن بشامبو لادموع بعد اليوم ووحده بشامبو كلير ووحده بموية نار , ويالله خفت ..

مايستفاد من القصة:
1- لاعمرك تشرب, ترى لو تشوفهم وهم يسوونه بتعاف نفسك عصير التفاح << هذا اللي بيسهلها لهم ألحين..
2- اللي يذوق الشراب فالدنيا ينحرم منه فالآخره .
3- رجال الهيئه مثل مافيهم الطالح (وينعدون ع الأصابع) , فيه كثير منهم صالحين وراعين خير ,, ويحمون ديرتنا وعيالنا وبناتنا وحريمنا وحنا ماندري (وجه يناظر مشاري ولد عمي بنص عين).
4- أنا مدري شلون الواحد تتقبل نفسه يشرب عرق الصراحه .. يعني أتخيل ذالبنقاليه يلعبون كوره العصر وفالليل كل واحد يحط تحت إبطه غرشة موية فاضية ويعصر << الله يقرفك صدز.

][ A.T.T ][
يعني : After The Tarqem
الترجمه : بعد الترقيم
تخيل لو أنك رايح أحد المجمعات مع أهلك ,
الموهم فيه واحد جالس يلاحقك ويلاحق أهلك من محل لمحل ,
ويتميلح ويغمز ويسوي حركات نص كم ..
الموهم أنت صدته وهو جاي ناوي يكلم أختك وهي مسيكينه مالها ذنب ..
بتروح تمسكه وبتخليه يعضّ الأرض .. إلمن يذن ..صح؟
طيب هو لما تهزأ وتمرمط قدام هالعالم فالمجمع وصار مايسوى نص جنيه على قولة إخواننا المصاريا ..
وش بتتوقع الخطوه الجايه بيسوي؟؟
كل واحد يحط توقع معين في باله قبل ينزل ويشوف الصوره ..

خلاص أنزلوا وشوفوا .. ولحّد يضحك ..

][فاصل][
وين الكلام ..؟
وين الحرارة في السلام ..؟
كبير الفرق ..!
ما بين أول لقاء .. وأخر زيارة ..!
ومحتار إيش أقول؟!
يا حب خانتني العبارة ..
والحرّ تكفيهـ الإشارة ..!

.][ آهـ ما أرق الرياض أول الصبح ][
أشوف كل واحد قام ينزل صور المطر اللي على ديرتهم , عاد وش زودهم عني , وماودي أخلي شي عندي ما أوريه لكم .. إن شاء الله تعجبكم , يالله أدعوا الإستسقاء ثانيه وإن شاء الله ترجع هالأيام ثانيه .. : )

.

][ من إستراحتنا ][
هذي الله يسلمكم من اليمين صورة عزوز + إسماعيل + عبوٍد
عند إستراحة العيال الموقرهـ ,
عزوز ولد خالتي منيرهـ وعبود ولد خالي محمد .. وإسماعيل ولد خالتي كومآرهـ .. حآرس الإسترآحة يعني ..
عزوز وعبود وعدتكمـ ما أنتفكم .. بس الصور قابلة للتنتيف ترى من الأعضاء


عزوز يا وع ,ترجع بالسلامه إن شاء الله , لك وحشه يالخايس, شاهي الإستراحه مايحلى بدونك ياسكر <<حسّيت أنه خطيبتي على غفله خخخخ ..
.

][ مخرج ][
كل شي حسّيته في بيتكـ نساني..
الهدوء , الليل , الصمت , الأغاني..!
حتى لون الورد .. والفرحة ومكاني..
داهمتني الغربة .. ليتني ماجيت..!
ليتني رديت..!
حزني غرّب ضحكتي..
لساني ضيّع كلمتي..
حسّيت بالياس .. ومشيت..!
كنت بشكوكـ ..
وشفت الحقيقة .. في عيونكـ تعترف ..!

في ختام موضوعي أو رسالتي المتواضعه .. أتمنى أني قدرت أرسم الإبتسامه ع شفاهكم , وإن شاء الله ما ندمتوا ع دخولكم..
وبالنسبة للإقتراحات أو الملاحظات ترى أتقبل أي شي برحابة صدر ..
واللي عنده أي صور تصلح للتعليق لايبخل علينا <<الكاميرا حقتي مريضه ذاليومين
وشاكر للجميع تعاونكم وتعالوا كل يوم وحياكم الله على قلة الكلافة <<أنفل الكاسيت
موسعن صدره < الحمدلله ع سلامتك ياطخيمان

سلام ياقدعان وياقدعات ..
كان معكم محدثكم من وراء الشاشه:
وخيكم/
بدر الشوق
سبحانك اللهم وبحمدك أشهد ألا إله إلا أنت أستغفرك وأتوب إليك
اللهم صلي على محمد وعلى آله وصحبه آجمعين

 
مع فهاوه مش حتئدر تغمض عينيك

مقالات ذات صلة

‫37 تعليقات

  1. بصرااااااااحه روعه قعدت اضحك بصوت عاااااااااااااااااااااااااالي مشكوووووووووووووووور على الأسلوب الجميل

  2. من جد هالي فاخين في ذا الصحون حقة الونيتات شلون يرقدون مع هالرج !! اوماااا صورة المطر .. وه بس .. كفيت ووفيت .. يارب ترزقنا بنفس ذيك الايام ..:( واوما ولد خالك وكشته مدري شتبي خخخخخخخخخخ ترى فيه فرد اسمه ريلاكس اكوش شي خله يحطه يعطيك العافيه ..

  3. ان قعدت أعلق عالموضوع ماجبت شي جديد كل الأعضاء بيعلقون وبيعجبهم الموضوع وبيشكرونك 😀 وان قعدت اضحك واسدح من هالفيسات بارضه ماجبت جديد يعني مانب ضاحك 😀 وهالفيسات 😀

  4. الله يغربل شيطانك يابدير هههههههههههههههههههه اجل وجه يغمز لسلطان السلطان ههههههههههههههههههه

  5. ماعمري قريت لك موضوع الا ولازم تجيب سيرة اختبار تقول مافيه احد دافوور بالقرووب الا انت .. وياخوفي على هالدراسة والتعب وكثرة الاختبارات يطلع تخصصك صعوبات تعلم والا لغة عربية

  6. 8) انا زائر دائم للموقع وصراحة كتاباتك رائعة تعجبني دائما ما أبحث عنها بوركت أخي

  7. السلام عليكم .. الصراحة موضوع مميز وأنا بعلق عليال عمك .. وولد خالتك منيرة مدري الثاني إلا إسأله هو يلعب كورة بالجنز وينبرش كثير وإلا كيف ههههههههه لأن أشوف الجنز مقطع من ركبته خخخخخ

  8. يخرب مطنك على اللي يدخل البديعة مووول مايلعبون شباب الجنوب كل شغلهم عجرات ههههههههههههههه يالبى قلبها الرياض غبارها اللي احلى من مطرها

  9. هههههههههههههههه بانت سدحتني من الضحك وربي انك فااااااااااااااااااااااااااااله هههههههههههه ولا عاد العيال الموقره سلم عليهم فرداا فردا وقل لهم انتوا توووووحفه وهذا عبود قل له لا يحلق كشتوه حلوه عليه هههههه ولا تحرمنا من جديدك ومن عيال خالتك والخ هههههههه تفحيطتي لك ملكلك

  10. يلعن ام الفله يا حسااام ايش هاذا الأطخم ابو كشه الا على فكره.. اسماعيل مرتبط :$؟؟

  11. ياخي انت كويس انت وعيال خالتك صح ان واحد كشه بس شكله حبيب(بتناسبه انت وش دخلخ هو حبيب ولا لا)

  12. ابشرك بدر ماما ضمتك لقائمة اللي تتابع مواضيعهم خخخخخخخخخخخخ والله ياني خليت ماما تدم على الموقع والقروب وكل شي فيه بس عندي ملاحظة بالنسة اللي قالوا لك انت تحط اغاني والأغاني حرام هم اصلاً وش دراهم ان ذي اغاني ؟ :$ هههههههههههههههههههه والفهيم يفهم يمكن صايع قديم يعني تابوا هههههههههههه

  13. شباب الجامعه ترا سيارتة كابرس او بيوك اقنصوووووووووو علامة سيارته ولونها 8) ياخي وش خويك راعي التي شيرت الاحمر ساكن في حارة حلاقينB ياعليه شعر زي شعر باط بابا فرحان :$ تكفى جيبه عندنا جده يحلقون شعره بسكين ولا بقزازة 😀 يبغاله كرتون برت بلس يوم يتروش 8)

  14. ما قصرت يا بدر الشوق وبطل شغل اللقافه اجل داخل مصنع خموووور خخخخخخخخ يعطيك العافيح حبيبي

  15. يعطيك العافيه يالملقوف .. انا من المتابعين لمواضيعك .. بس فيه شي دابلن تسبديB علامة الشفروليه ودي اعرف بيتكم بس عشان اجي واكسرها غطها بشي قبل ماتصور

  16. ههههههههههههههههههههه الله يعطيك العافيه على الصوررررر والأسلوب الررررررائع

  17. المفروض تسلم نسخة حق البلدية والثانية حق المرور ويعطيك العافية

  18. خخخخخخخخخخخخخخخخخخخخخخخخخخخخخخاي ’’ وربي فللله // آطلق شي البوري واللي فز مسيكين ياني رحمته خخخخخخخخخخخخخخخخخخخخخ ’’ تسلمـ يالدب وربي ابدعت ’’

  19. :$:$:$:D:D من جد والله انك فاضي هههههه حتى البنقليه متركتهم بحالهم الله يعطيك العافيه على المجود الرئع ومسوي دفور اختبار الله اعلم انك من جمب الكده :$:$:$

  20. مشكووووور والله يعطيك العافية خاصة حق البديعة وذا اللي في الأخير مصدق نفسه أمريكي في لبسه وشعره وحركاته وين تذكرني في حركات النقا

  21. موضوعك فله واكثر عبود حبيته بصراحه بس ليه سرواله مشقوق هههههه وقوله اما تعليقك على الي قالو انك تجيب اغاني ذكروني بحريم شات بدايه والمجد يتبلون تبلي على الواحد ههههههه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى