رسائل المجموعة

صور، برافو يابلديتنا العزيزهـ …!!

يبدو أن ظاهرة البيع المتنقلة في الشوارع ظاهرة تسير في ظل تنظيم خفي.. ويحاول أصحاب هذه المهن فرض واقعهم تدريجيا أمام المسؤولين وأمام بقية الجهات المعنية الأمنية والرقابية.. بل ويسعى أصحاب هذه المهن بأسلوبهم هذا الإصرار التأكيدي التدريجي نحو إقناع المسؤولين وبكل قوة بأن المجتمع يؤيدهم ويشجعهم من خلال تقبل الشراء منهم بمثل هذا الأسلوب ومن ثم العمل فيما بعد على قبول وضعهم رسمياً!!
ففي الرياض خاصة لم تعد مسالة البيع على أرصفة الشوارع فقط على عدد من الشباب السعوديين الذين أجبرتهم ظروفهم المادية الصعبة على امتهان البيع بمثل هذا الأسلوب كحالة مؤقتة.. لكن المشكلة الأكبر والأخطر أن الوضع آخذ في التصاعد ويسير نحو ظاهرة تكبر يوماً بعد يوم وتنمو شيئاً فشيئاً.
فمثال على ذالك ذهبت يوما لتنزه بأكبر المتنزهات في داخل الرياض وليست من جهه الثمامه لاحظنا ازدحام السيارات عند البوابات فاضطررنا للتوقف في مكان بعيد وتكمله المشوار مشيا على الاقدام نزلنا وعندما بدانا المشي لاحضنا بائعات في الارصفه عندها اصابتني غصه وقهر لدرجه انا احدى قريباتي اراد ابنها اخذ كره منهم فاصريت على ان لا ياخذون فهذه المنظر اصابني بقهر شديد ((((وليت الي يبيعون ويستفيدون من هالفلوس الي تدفع لهم من ابنائي بلدي لو كان كذالك اقسم انني لن انطق بالتذمر ))))
لكن ارى تكرنا مكه الي كان ملجأهم الطواف والشحاذه في شوارع العاصمه المقدسه تطورو شوي واصبحو يبيعونا في عاصمتنا الحبيبه لاحظت بانهم حتى العربيه عندهم اقل بكثير من ماهي مكسره بالسنتهم اين المسؤولون عن هؤلاء ولا المسؤلين شاطرين على عيال الدييره لاشافوهم يبيعون خضار جو شالوهم هم وخضارهم هذولي الي محتاجين لكن دائما الاجنبي مسيطر اتمنى ان يصبح لي مكانته رفيعه في مكان ما لاري مسولونا الان فن التعامل مع المواطن
الملاحظ هنا أن من يبيع في هذه المواقع جميعهم تقريباً من غير السعوديين وخاصةمنهم فئات كثيرة جدا تحوم حولهم الشبهات من حيث نظامية عملهم أو إقامتهم او حتى دخولهم للمملكة؟؟ الجانب الآخر أن ما يباع في مثل هذه المواقع يفتقد كلياً لأدنى المتطلبات الصحية وبالتالي للرقابة الصحية والنظامية؟!.. أيضا الأمر الثالث ان مواقع هذه البسطات أصبحت مواقع معتادة للمخلفات والنفايات التي يتعمد هؤلاء الباعة إلقاءها او تركها في مواقعهم بصورة غير حضارية وفيها تشويه متعمد لنظافة الشوارع والأرصفة؟!!.

اقسمت ان ازور هذا المكان مرتا اخرى فقط للتصوير والحمدلله صورت ولقيت مبتغاي والادهى والامر رايت امانه الرياض تمر من امامهم وكان شي لم يكن لو كانو الي يبعيون من شبابنا لم نرى لهم اثر فالتقطت بعض الصور
واليكم هي…



مآرأيكم يآ اماآآآنه الرياض
ترى لماذا يحدث لدينا ذلك!! ولماذا أصبحت تبرز في مجتمعنا مثل هذه الأمور!!.. أين الرقابة. أين المتابعة أين العقوبات؟هل وصل ضياع المسؤولية وغياب الرقابة في مدننا إلى هذه الدرجة التي جعلت كل من هب ودب يمتهن مثل هذه الأساليب التي تسيء لمجتمعنا في كل شيء!! ولماذا أصبح المجال مطلقا إلى هذه الدرجة التي تتيح لكل شخص أيا كانت صفته او جنسيته أن يمتهن البيع بمثل هذه الأساليب في الطرق وبمثل هذه المشاهد التي نراها؟؟.
ولأن الجهات المعنية بمثل هذه الملاحظات غائبة كليا بل جهات غير معروفة او بمعنى اصح ضائعة فكل جهة تلقي المسؤولية على الأخرى؟ ولكن للأسف أنها جهات مقصرة جدا في هذا الجانب.. لذلك فان الأمل الأخير يبقى في إمارة المنطقة لتتدخل من اجل القضاء على مثل هذه الظاهرة وبدون ذلك فمثل هذه الجهات المعنية لن تبادر من تلقاء نفسها للأسف الشديد بمعالجة مثل هذه الملاحظات؟
ارجو منكم النظر في هذا الامر فانا مواطنه اصآآبتني الغيره على وطني
((((الموضووع خاص في rare prsonal لاعلاقه لاحد فيه لا اخفيكم بانني كدت ان اخرج من هذا المكان محموله على الاكتاف لولا لطف الله والسبب في ذالك هؤلاء النساء وابنائهم الذين لايحملون جنسيات عندما اردت الالتقاط اصابوني بهالات من السب والذم )))))
وشكراً ….

مقالات ذات صلة

‫60 تعليقات

  1. استغفر الله قطع الاعناق ولا قطع الارزقاء وش هالعنصريه يااخوي !

  2. بصراحة اول مرة اشاركـ وجذبني الموضوع وحبيت اضيف وجهة نظري واتمنى قبولها انا ماشوف شئ بالموضوع يستاهل وبصراحة انا اؤيد البيع بالشوارع سواءا لغير السعودين او السعودين والجميع إن شاء الله مسلمين ولا بد ان نخاف الله فيهم واتمنى ان لا يصبح التعاون فقط بالجنسية او لإنتماء الشخص إلى بلد معين لابد من مساعدة الفقراء وإعانتهم ليس بالشرط ان يكونوا سعوديين نسمح لهم بهذه الاعمال هنالكـ عوائل مسلمة الله اعلم بحالها اتمنى ان تكون هنالكـ رقابة وتنظيم لذلكـ الاعمال فقط لا غير واتمنى ان تكون وجهة نظري مقبولة ولكم جزيل الشكر وشكرا على الموضوع اخوكـ المخلص خالد

  3. تحسبين الناس مثلك في فمهم ملعقة من ذهب خلي الناس ترزق سعودي والا اجنبي اعوذ بالله حتى الفقراء حسدتهم

  4. اختي ترى مالذي تريدين لهؤلاء النسوة عمله ان كانو لايجيدون التدريس وليس لديهم قوت يومهم .. هل تريدين مننهم امتهان مهنة الفاحشة لكي يقتاتوا قوت يومهم .. اختي اتوقع وللاسف بسبب بعض الافكار المتطرفة كالتي طرحتيها وجدنا ان نسبة الدعارة بأت ترتفع سنة بعد سنة .. اختي انا مع تغيير هذا المظهر العام ومطالبة المسؤلين بفتح محلات صغيرة لهؤلاء النسوة لكي يقتاتوا منه لقمة عيشهم .. ولكن ليس لمنعهم وانزال اقصى العقوبات بهن .. اتمنى ان تعيدي النظر بطريقة كتابتك للموضوع .. الرحمة مطلوبة .. ارحموا من في الارض يرحمكم من في السماء

  5. اخوي انا اخالفك في شي بسيط وهو منعهم من البيع بالشكل هذا اتمنى ان تجاوبني على هذي النقاط فقط ماهي الاسباب اللي خلتهم يبيعوا هذي الاشياء؟ مالذي سيحدث في حاله منعهم من البيع ؟ اللي خلاهم يبيعوا شي واحد وهو لقمه العيش والفقر وفي حاله منعهم من البيع سيتجهوا اللى اساليب اخرى وممكن تكون ممنوعه او محرمه مثل المخدرات وغيرها الشي المهم والاهم هو لو كنت مسؤول وقطعت رزق واحده منهم ودعت عليك في الحرم مثلاً صدقني دعوتها تكون مستجابه لانك انت ضلمتها يقول المثل قطع رقاب ولاقطع ارزاق في النهايه انت في بلد فيه الحرمين الشريفين يعني راح يكون عندك مسلمين من كل مكان في العالم ايش معنا التكارنه على قولك استحقرتهم علشان لونهم او طريقه عيشهم ليست كطريقتك!!! اخوي راجع حساباتك وشوفلها من المنظور الاسلامي وخلي في بالك شي واحد بس لو الرسول شاف هذي الفئه هل سيقطع رزقهم الوحيد . واخراً الحل ليس بطردهم من مناطق بيعهم او حتى ترحيلهم بامكان البلديه عمل اكشاك صغيره لها منظر جميل يناسب الموقع وايجاره الشهري لايقل عن 50 ريال ولايكثر عن 100

  6. تدفع للامانه ماحد يقولك شي ماتدفع تلقاه واقف على راسك وللأسف انه صار داء عند بعض الجهات منها الجوازات و الغرفه التجارية وهلم جر

  7. السلام عليكم .. اولا ً قطع الأرقاب والا قطع الأرزاق .. انا من الكويت .. وكانت عندنا مثل هذي المشكله .. والحمدلله تم حلها بفتح سوق خاص اسمه سوق الجمعه .. يخلون اللي ماعنده محل يبيع فيه مقابل ترخيص بكل سهوله انك تطلعه .. والمفروض انك تقدم للبلديه هالاقتراح .. والمفروض ماتسوي هالاشياء تصورهم وتقطع رزقهم .. يعني قول للبلديه هالاقتراح وانت اسمك سويت اللي عليك .. ع العموم مشكور قواك الله ..

  8. يا اخوان لا تاخذون كلام صاحب الموضوع في هالصوره صاحبنا يقصد بهذا الخجر الى امانه الرياض بغض النظر عن الباعه المتجولون وصدقوني كلامه ما جانب الصواب من الناحيه الماديه لان الاموار التي يحصلون عليها غالبا تستخدم في امور مفسده هذا في حاله انها لم تحول الي الخارج ومن جهه اخرى وجودهم اصلا ضرره اكثر من نفعهم ومن هذه الاضرار تشويه المنظر العام وامتهان مهن مثل ( البغاء ) وغيرها من المهن التي اتشيم عنها لذا اخواني خنجر صاحبنا من الدرجه الاولى موجه الي امانه الرياض تحياتي

  9. اعوذ بالله من الحسد الحسد مو زين الله يسلط على كل من يقطع رزق عباده

  10. سؤال موجه للأخوان اللي ردوا قبلي .. خلوا العالم تترزق .. بس هل هذي طريقة حضاريه عشان يترزقون هذي النقطه الاولى النقطه الثانية وهي ان هؤلاء المتخلفين بلدانهم اولى بهم .. يروحون هناك ويبسطوون مو ناقصين عالة على بلادنا يكفينا اللي فيها انا معاك اخوي كاتب المقال هالمنظر المفروض مانشوفه .. على الاقل بشكل حضاري مايصير

  11. الله اكبر حتى مضايقين الناس في رزقهم الحلال اللي بنور الله – يعني احسن انو الواحد او الوحده فيهم يمشون في طريق غلط او حرام حتى انت واشكالك ماتتذمرين من هذا المنظر. جزاهم الله خير اللي سبقوني في التعليق على موضوعك اللعنصري وقالولك انو لوهذول الناس/البائعين على الارصفه والشوارع مولودين وفي افواههم ملاعق من ذهب مثل جلالتكم لما جلسوا في الشوارع سواء اولاد بلدك العظيم (السعودي المختار) او غير السعودي (اللي هو طبعا لايعتبر من البشر لانو غير سعودي) خافوا الله …….. ويعدين ملاحظة: ياريت تحطي كم درس خصوصي في الاملاء لان كتابتك فيها اغلاط كتيره مره. الرسول صلى الله عليه وسلم نهى عن العنصرية القبلية وللاسف انتم اشد الناس متعلقين بهذا الامر فلا حول ولا قوة الا بالله

  12. ضعوف ومساكين تبونهم يفتحون عيادات ولا جامعات خاصة صحيح ان وضعهم خطأ لكن ليه ما نشوف تجارب الدول المجاورة ونستفيد في الكويت مثلا عندهم سوق نظامي و به مركز شرطة و مطاعم و مواقف تستوعب الاف السيارات و يقام السوق يوم الخميس والجمعة فقط و هو لهذه الفئة من البياعين و الزباين مهنا فرق كبير الكل من فئة الدخل المحدود او اقل و السوق يجاوره عدة اسواق اخرى لها نفس الاسلوب لكن بعضها للطيور و بعضها للغنم والاعلاف و بعضها للخضار و الفواكة

  13. ياخي انت متحمس واجد بس وش رايك انسان اجنبي او سعودي يبيع على بسطه ويترزق بالحلال ولا اجنبي ولا سعودي يطب في بيتكم تالي الليل ويسرق حلالك ياخوي اذا انت عايش بنعمه غيرك ما عاش وخل العالم تترزق احسن من هاللي يطرون عند الاشاراات بعدين ياخي عندي ملاحظه عليك في كلامك قلت تكارنا مكه..!! وكانك تقولها بسخريه واستحقار لهم اذا انت مسوي زحمه على بسطه يسترزق منها بالحلال نسيت ان لا فرق بي عربي واعجمي الا بالتقوى برافوا عليك

  14. أن كان إلي مسوين بسطات من مخالفين نظام الأقامة والعمل وفالأولى ترحيلهم,لأن وجودهم سبب للمصايب,وإلي بشكك بكلامي يرجع لحوادث الجرائد ويقرأ مصايبهم أما أن كانوا غير ذلك ومايبيعون مايغضب الله ,فرزقهم بيد الله,لكن يحتاجون لتنسيق من البلدية وما يكون عشوائيين. ولي تعليق على woudie الله لا يهينك المقال مايحتاج كل هالنعصرية منك تجاه السعوديين,وياليت بدل ماتعلق على أخطاء المقال الأملائية تشيك على أخائك قبل.

  15. اضم صوتي للاخت روزفي تعليقها على رد الاخwoudie لان كل اناء بما فيه ينضح نفسي اعرف ليش كل هالحقد والغيره من السعوديين 0 الشئ الاخر قد لايعلم الكثيرون الجانب الخفي لهذه البسطات ومن يدعمها والدوافع من ورائها فنحن لاتخفى علينا حوداث خطف الاطفال والتي انتشرت بشكل كبير وترويج المخدرات وغيرها من المفاسد التى قد تكون هذه ستارا لها0

  16. عندنا في مصر مثل بيقول ابو جمل بيحسد ابو معزة وانا في راي ان مايفعلة هولاء الباعة اشرف الف مرة من الاتجاة الي السرقة او الاتجار في الممنوع او الاتجار في الشرف اتقي الله ودعي الخلق للخالق واياك وقطع الارزاق(اخوكم سعيد من مصر)

  17. السـلام عليكـم اخووي يعني خلصت مشاكل البلد وما شغل بالك الا مشكلة هالضعاف المساكين ؟ ناس تترزق الله وتدور لقمة العيش وش هالعنصريه والافكار الرجعيـه اعوذ بالله بسس لا ومسوي ملاحظه بالخط الاحمر ,, وانهم ضايقوك وانت تصور ,, اخوي اكييد بيضايقونك ,, انت تخيل نفسك وانت في دوامك ويجي عليك شخص ما تعرفه ويصور سلوكك في دوامك وتصرفاتك ويرفع عنك تقرير بالفصل وش بتكون ردة فعلك ياخي ؟ الواحد يكون منطقي ,,,, وبعدين ياخي ما اضن انو السعوديات بيفرشون الشوارع ويشتغلون مهنتهم لو قلنا بنرحلهم !! ياخي الاجدر بك يوم شفت هذا الموقف ,, تقول الحمدالله يارب على النعمه اللهم أدمها نعمه ,, بدل ما تشغل نفسك بالتصوير وـاذي خلق الله

  18. يارجال هذولي يتعبون عشان ياخذون لقمة العيش وفيه ناس بالواسطات يترزقون :~

  19. خخخخخخخخخ الله يعينك يا راعية الموضوع .. قبووا عليييك قبه خخخخخخ بصراحه تلخبطت افكاري .. مدري شقوول P: في كلام صحييح و فيه كلام لا ! بصراحه زي ماقال مدري وشسمه قبلي فيه بالكويت زي المبني كبيير فيه فروع و اللي بيبيع حيااه .. بس تبوون الصج مششوهين منظر بلادنا .. في كل مكان ناس قاعده .. [ ما قلت لا يترزقوون ] بس وشسمه خل يخلوون لهم مكان مخصص وبس سسلام

  20. ارجوا منك ان تترك مثل هؤلاء ان يعيشوا بكل شرف وإلتفت لمن هم يزاولون الرزيله لكي يغتاتوا ، هؤلاء افضل من كثير ولا عيب في اي عمل لايغضب الله ، إتق الله إتق الله

  21. الحين هذا الي طلعتو فيه عالم تريد النزاع باي شكل له اذا جوكم بعدين عيالكم ولابناتكم ولاخواتكم فيهم لاسمح الله مرض بسبب القاذورات التي في مايباع لاتاتون وتتذمرون وتشتكوون هذا او لا ثانيا مقصدي ليس كما قلتوه باسلوبكم الهجومي عنصريه وقطع رزق وينا فيه شقالولكم اكله لحووم بشر مثلما ما تفضلت ورده اخت قبلي قالت بان كلن دييرته اولابه لسنا مكان للآجئين مع العلم ان ليس مقصدي التتكرنا او غيرهم بموضوعي هذا والاستاذ الفاضل المثقف الواعي دع اخطائي الاملائيه بجانب وارتقي بحديثك مع الغير فالكلمه الطيبه صدقه اردت ان اوصل للمسؤلين مدى النظام والفوضى الذي يعترينا في ديرتنا الحبيبه بلد الحرمين دعو من بدا برمي الكلام على بلدي الحبيب فهذا لايهمنا ولانلتفت له كلامنا للمسؤلين نريد منهم الحل اذا كانت دوله الكويت قضه على هذه الظاهره بطريقه بسيطه مالمانع من عمل مثلما عملو فكلنا دول ميسوره وبعدين الي مسوي زحمه ويدافع عنهم فيك خير امسك اسره من هالاسر وتكفل بهم مب تقعدون تسون فيها وتدعون المثاليه وانتم شفقه ورحمه متحركه لاداعي من الفلسفه في غير محلها ومن قال اتركي هذه المشكله وابحثي عن غيرها اذا كل الامور سنتركها على هذا الحال ونقول نبحث عن غيرها (( اذا كان هذا ردكم فاسبحث في موضوع التسول في المره القادمه وبالصوره ومن بيده المساعده لا الكلام سنعطيه كروركي لمنازل المحتاجين )) لندع الكلام جانبا نريد فعلا8) وكل من رد سواءا رد هجومي او رد مقنع جزاه الله كل خير ملاحظه انا اكتب ولا اعود لاقرا ماكتبت لذالك لندع الاخطاء الاملائيه على جنب فلسنا في موضوع قفطات

  22. أنا مع الأخت .. لو أنهم ,, يمتهنوووون المهنه باخلاص فلا بأس .. ولكنــــــــــــن في الواقع العكــــــــــــــــــس..!

  23. واللة الا حط اكثر الردود ضد الموضوع مع انة مهم جدا لو كان عندك غيرة على بلدكم ما قلتوو هذا الكلام ليش صار الاجنبي اكثر غنا من ولد البلد وانت وهوه مبسوط جالسين تاخذون قروض من الراجحي ومسوي انك انت وهوة حالتكم المادية زينة كل واحد مسوي انا الولد الكشش (خاصة عيال الرياض) ليش صار لاجنبي ما يمدية يزداد غنا الا وهوة راكب بورش وانت على الكورولا ومسوي…. ويالت وكمان خاسر مبلغ وقدرة ترهيم ومبسوط تدرون وش المشكلة ان ما فية وعي عندكم لو جلست مع نفسك وفكرت بالموضوع بجدية كان عرفت خطر الاجنبي وما بنحس بالموضع الا لما يصير كبير وما ينحل وهوة الحين كبير وما ينحل الاجنبي في الشركات الكبييرة مرتباتة وين وين وانتي با ابن البلد مهندس مثلا وما تحصل وضيفة لا تقول ليش تحسد الادمي لا يحق لي انا اولا منة انا ابن البلد ما اتوقع انة بيخاف على بلدة اكثر مني وحتا لو عندة خبرة تدري يا ذهين انت وهوة لو تحسب دخل الاجنبي هذا الي بالشارع يبيع او يغسل سيارة قريب من دخلك ك سعودي على العموم انت رح لبلدة وشوف وش بيسوي فيك وحاول تعيش معه لا انت لو حاول شخص منكم ونزل وحاول يبيع خلة يشوف المضايقة منهم وقول بلدي وتشوف لا لا لا لا شوف اذا ما تجي البلدية تشيلك من وسطهم

  24. الله يهديك …. يعني ما فيه ناس فقراء يبون يترزقون الله يدورن لقمة العيش… طيب ورا ما تقول برااافوا يابلديه على الشوارع اللي عندنا…. برافوا يابلديه على اسعار البيوت…. برافوا على اهتمامكم …. لا تقطع رزق غيرك…

  25. دعوا الخلق للخالق ومااشوف شي بإنهم يبيعوا ويترزقوا الله بدل ما يشحتوا بالشوارع وبعدين وشو امانة العاصمة وغيرها ديننا حثنا نسعى لرزقنا وين ماكان وماظن قبل كان في ادارات حكومية والواحد لولا الفقر مانزل يبيع في الارصفة سواء سعودي او غيره وما جابلنا الفقر الا التصاريح والبلاوي ذي اللي الواحد مولاقي ياكل يبي يلقى حق تصريح بيع وغيره ربنا خلى موسم الحج واللي هو اطهر موسم للتجارة والمنفعة بجانب الجانب الديني لكن الحين قطعوا رزق الخلق فيه بالتصاريح وغيرها صار موسم تجارة للغني والفقير له الله مانقول الا حسبي الله ونعم الوكيل اتقوا الله في انفسكم علشان لا تنحطوا بمكانهم بيوم

  26. بصراحه يامن كتبت الموضوع ونشرت الصور لو كنت مكان هؤلاء محتاجا للمال لتستطيع اكل عيشك اليومي فهل ستقول هذا الكلام وتشتكي كل تلك الشكاوي؟؟؟ سبحان الله انتم مرتاحين ماديا فدعوا الناس تسترزق طالما ان رزقها حلال … حسبنا الله ونعم الوكيل

  27. السلام عليكم ورحمة الله وبركاته كنت أتوقع إن العالم إلي تكتب على النت عالم مطلعت على العالم الخارجي وفهمت وعرفت الشي الكثير بس ظهر العكس !! يعني سبحان الله الحسد كما قيل بؤرته العالم العربي والشرق الأوسط .. يا عالم شوفوا أمريكا كيف أستفادت من المهاجرين وصارت أكثر دول العالم تقدماً .. العالم إلي محتقرين التكارنه والأفارقه ياعالم أحمدوا ربكم والله أحمد ربكم يعني هم الله خلقهم أقل منكم وإلا من طبقه ثانيه !! أستغفر الله العظيم الله.. الله لا يعاقبنا بأفكاركم .. أنتبهوا وأقرأوا في القرآن زين إن الله إذا بيعاقب بلد يأمر مترفيها بترف والفسق والمعاصي .. أتركوا التكبر .. وإلا العالم الي تقول إن أحنا مو ملزمين بعيال غيرنا وأحنا عيال البلد والكلام هذا .. ياناس الرزق بيد الله يعني في بالك في أمريكا وغيرها من الدول المتقدمه مافي متسولين !! سافروا وشوفوا بعوينكم إلا ما تشوف إلا بعين الحسد .. الرزق بيد الله يعني ممكن تكون في دوله فقيره وربي يغنيك وممكن تكون بدوله غنيه وما تلقى إلي تاكله .. الرزق بيد الله .. وإلي يقول حنا عيال البلد وما لقينا .. وهذا الأجنبي لاقي ومريش يا ناس يا عالم أتعبوا على أنفسكم وطوروها وأتقوا الله الله راح يفتحها عليكم أما تقعد وتحسد الناس ولا تتقي مقسم الأرزاق أو تعترض فهذا فيه خلل كبير في أعتقاداتك .. أسأل الله أن يصلح قلوب المسلمين ويرفع عنها الحسد والغل .. وصاحبه الموضوع أتمنى منك في الموضوع القادم إنك تختاري شي مفيد لشريحة مستخدمي النت مو تتفرغي لضعفاء من الخلق ..

  28. السلام عليكم ياخوي وش الي محرق رزك خلي العالم يترزقون سواءا اجانب ولا سعوديين كلنا مسلمين وبعدين قطع الاعناق ولا قطع الارزاق واحمد ربك على النعمة الي انت فيها الله لايحدك وتصير تبيع مثلهم ترا الدنيا دوارة وفكر وراجع نفسك وش الظروف الي خلتهم يشتغلون هالشغل اكيد انها ظروف قاهرة ولا كان اشتغلوا احسن منها ولا تبيهم يشتغلون بمهن محرمة من دعارة وبيع مخدرات وتسول !!! اتمنى نرتقي بأفكارنا ونبتعد عن قولة هذا سعودي وهذا اجنبي كلنا اوادم ولكنا من ادم وادم من تراب الله يرزق الجميع اتمنى تقبل ردي بصدر رحب

  29. بالطبع عزيزي فأغلبهم لا يقدر على (( كشك )) يكلفه شهرياً أكثر من 30 ألف ريال ولكن هنا أطرح تساؤل : الآن الموضوع أصبح منتشر لماذا لا يكون هناك إستيعاب وتنظيم بدل من عملية (( القمع )) العقيمة ؟؟؟ لماذا لا يكون هناك مساحات مفتوحة تكون أفضل تجمع لهم مع مراقبتهم وتنظيم العمل لهم بدون رسووم إيجار ؟؟؟ أرجوووو من الجميع بدلاً من السب والدعاء على أن نحول الموضوع إلى موضوع إيجابي ونفكر بحل بدلاً من تراشق التهم ؟؟ شكر الله للجميع

  30. بالنسبة للموضوع الردود تكفي اما بالنسبة لرد ميشو برأيك ان الاجنبي اللي يتعب عشان يطلع رزقه من عرقه خطر عليك ؟؟ يا اخي اذا كنت واثق من نفسك ما كان قلت هالكلام واكيد لو واحد عنده شهادة احسن منك وشغال احسن منك ومخلص في عمله سعودي او اجنبي اكيد بيتوظف احسن منك .. وبعدين تقول انك احق منه .. احق منه ليش ؟؟ ايش الفرق بينك وبينه ؟؟ يعني عشانك سعودي انت احسن منه .. طبعا الموضوع موب سهل ويبغاله كلام كثير .. تحياتي

  31. برافووو عليك يالشخصيه النادره واتمنى اشوف منك مواضيع هادفه مثل هالموضوع وعلى فكره لايهمونك اهل الحسد تحيااتي للجميع

  32. اعوذ بالله من الحسد لاتحسب الناس زيك عنهم فلوس وفاضين يصورون المساكين بدل ماتقول خلوهم يترزقزن الله وتستر الحرمه نفسها افضل لها من طلب الناس للاسف هذي ليست من اخلاق المسلمين هداك الله

  33. حسبي الله ونع الوكيــل .. (( 1)) …((((وليت الي يبيعون ويستفيدون من هالفلوس الي تدفع لهم من ابنائي بلدي لو كان كذالك اقسم انني لن انطق بالتذمر ))))… افهم .. لوكان سعودي ماكان حصل هالتذمر .. !!!! ———————————— ((2)) ..(( الجانب الآخر أن ما يباع في مثل هذه المواقع يفتقد كلياً لأدنى المتطلبات الصحية )) .. لا يكون سويتي فحص لهم بس .. ———————— ((3)) .. (( مثل هذه الأساليب التي تسيء لمجتمعنا في كل شيء )) .. يمكن نتقبل .. يسيؤن من ناحية النظام والحضارة .. بس في كل شي !!!!! ممكن تشــرح يالغالي .. —————- ((4)) .. (( هؤلاء النساء وابنائهم الذين لايحملون جنسيات عندما اردت الالتقاط اصابوني بهالات من السب والذم )) .. والله حــالة تصورينهم وهم يترزقون وماتبغينهم يذمونك .. !!! للاسف واضح من مقالك العنصرية لهؤلاء الفئة بس عجبتني كلمـــة .. تكرنا مكة 😀 ————————- انا اتمنى من الجهات المسؤلة تقوم بفتح سوق لهذه الفئة لكي نتلافى هذه المشكــة .. اختى قولي قبل لاتنامين ثلاث مرات .. (( كلنا مسلمــين )) .. وشكـــرآ

  34. الحين ابناء المملكه من قاع الى دحديره واحنا نناظر ونشوف ولانفعل شيئا سوى الكلام؟ الشاهد اعزائي لو ان شبابنا يعملون (ببسطات) ربما بيوم من الايام سيملكون عمارات انظروا الى قصص كبار التجار كيف بدأو والى ماذا انتهو ماشاءالله تبارك الله العقلانيه مطلوبه اولا واخيرا انا لا اقول اقطعو ارزاق عباد الله لكن انا انادي شبابنا ان يفعلو كما يفعلون هؤلاء لاعيب في ذلك الان اعتماد شبابنا على ابائهم بالمستقبل القريب كيف سيعيش ابناءنا انظرو الى حالة الوظائف الان اصعب شئ تريد فعله الحصول على وظيفه براتب جيد ليس جيد جدا او ممتاز انا انادي من هذا الموضوع شبابنا لاتجعلو المقيميين يستحوذون على سوق العمل وعلى التجاره ولو بياع مويه بالاشارات ترى فيها ربح واول الغيث قطره راجعوا حساباتكم اجعلوا من تفكيركم تفكير تجاري بحت استغلوا اي فكره وقيموها وطبقوها ولاتخلون الاجنبي ياخذ رزقكم مهما كان ابن البلد اووووووووووووولى وهو الاساس اذا شبعنا وارتزقنا حياهم الله كلهم ببلدنا بس ياكلون ارزاق عيال البلد لا انا مااسمحها ولا اي شخص فيه غيره على بلده ولو كان من نوع يابابا عطني مصروفي بيجيله يوم ويندم اللهم اجعل لكل شاب وفتاة في بلدنا وظيفة تستره وعلما يرفعه ودينا يحميه وصحه وسعاده لاتزول ونعيما في الدنيا والاخره

  35. تعليق على من سبقوني الرجاء الخوض في صلب الموضوع وعدم مهاجمته بهذه الصوره هذا اسمه قتل الابداع يا صاحب الموضوع انا معك قلبا وقالبا

  36. لا اله الا الله ترك المقصد من الموضوع وبحث في الشئ الذي لاخلاف به اذا اردتم ان اناقشكم في الباعه او لا لو كان بامري منعتهم من البيع تشويه لبلدي ثانيا لماذا عندنما يريد الشاب السعودي البيع كبيعه للخضار اول من يتذمر انتم يالمدافعين عن هؤلاء طبعا طريقه تذمركم بتقولون هذا مالقى مكان غيره يروح يدور رزقه بعيد حتى ذولي يضايقونا ترى هذولي في منتزه سلام ماخذين اماكن مواقف السيارات بالله انتشارهم بهذا الشكل مب منظر مشوه للبيئه اتحداكم تلقون ناس كذا في بلدان ثانيه ليش حنا الي نسوي عطوفين ورحومين ونطبطب عليهم ونشتري منهم لاتسوون مثالين ترى حتى انتم تتذمرون لامريتو بادنى موقف منهم مثلا اذا وقفو قدام سياراتكم او باعوكم شي منتهي ولا ذا الي مسوي زحمه وماسكلي جمله جمله ومعلق ايه مجرب رح شف السطول لاي يبيعون فيها مويه ومشروبات ودقق في ثلجها انواع النظافه وانك تقول مايسيئون لنا الا يسيئون ونص من ناحيه البيئه وغيرها لاتاخذكم بس العزه بالاثم وعلى قولتك لو كان سعودي اقلها السعودي مب ظار عيال ديرته بينتبه لاي شي يسويه ولو كان سعودي ماقلت شي هذي الحقيقه للمره المليون لسنا مكان للاجئين وموضووعي الاساسي مب هذا انا اتكلم عن البيئه والامانه العامه الي نايمه بالعسل نبي ديره مرتبه نبي نظام مب لاسافرتو تقولون الله الديره الفلانيه نظام ومرتبين ونظيفه وجوجهم حلو وانتم هنا تشجعون على الفوضى والله حاله والله يجزى خير كل من فهمني او حاول يفهم الموضوع هذي الناس الي تدفع قدام مب الي يدعي ويشن علي حرب وشنيتو ولا قعدتو الي سويته راضيه عنه وبكذا تدفعوني للمزيد والله وببحث في امور مشابهه واشان تشيشون بدعم بالصور …وشنقرا

  37. ما اسهل الكلام وما اصعب التنفيذ كلن يأتي ويتكلم .. وينضر وبس ياصاحب الموضوع أولاً لن تحميني إذا دخلت بقضيه تحرش أنت تتكلم وتنتقد فقط ولكن لا تعلم شيء عن ها هؤلاء النسوه صعب جداً التعامل معهم فامبدئهم ليس لديهم ما يخسرونه اطلاقاً … وأول كلمة على لسانها تحرش بي لمسسني وترفع علي دعوة شف عاد من بيفكني منها .. اترك عنك الحكي وانا ارد عليك من واقع تجربه ماحد يقدرر عليييهم … لو يطلع 100 مراقب مانقدر يالله يالله لازم حملة كبيره ولجنه لو سوينا حملة ومعنا شرطة وهيئة وموضفات نساء ومباحث وزحمة وشلنا هالبسطات اليوم .. .. يومين ولا ثلاثه بالكثير ويرجعون .. ريح راسك مالهم حل

  38. انت اللحين تبي ان السعوديين يخلونهم والاجانب يمسكونهم صح .؟ طيب هذي مو عنصرية .؟ لا يمنعون الكل ذيك الساعة انا اوافق يا يسمحوو للكل يايمنعوا الكل

  39. ياسلام اذا كان رب البيت بالدف ضارب فزينه اهل البيت الرقص اذا انتم ماتقدرون عليهم من الي يقدر اناا ابي المسؤلين ينتبهون ابي يعطونكم تصريح بانكم تمنعونعم واذا تقول بيرفعون علي قضيه انا ماطلبت من شخص واحد لو يخلون مجموعه من موظفي الامآنه يتكفلون فيها جميع ولا ياخي دامك موضف ارفع اقتراحاتك ناقش مسؤلينك افتحو لهم سوق اي شي يخليهم مايشوهون مناظر الشارع كذا وهذا شسمه عادي والله ديرتنا وحنا حرين اصلا وين تلقا سعودي يفكر ولا يحرك مخه ويبيع مثلهم شرط يطلع من اصحاب الملايين بس مشكله الي مايفكرون ولو انهم سعوديين ماشوهو المكان كذا دورو مكان يبيعون فيه زي الناس ….وشنقرا

  40. وقال تعالى : (لَا خَيْرَ فِي كَثِيرٍ مِنْ نَجْوَاهُمْ إِلَّا مَنْ أَمَرَ بِصَدَقَةٍ أَوْ مَعْرُوفٍ أَوْ إِصْلَاحٍ بَيْنَ النَّاسِ وَمَنْ يَفْعَلْ ذَلِكَ ابْتِغَاءَ مَرْضَاتِ اللَّهِ فَسَوْفَ نُؤْتِيهِ أَجْرًا عَظِيمًا ) ، وقد روى أبو داود في السنن عن النبي – صلى الله عليه وسلم – أنه قيل له : ( أمن العصبية أن ينصر الرجل قومه في الحق ؟ قال : لا ؛ قال : ولكن من العصبية أن ينصر الرجل قومه في الباطل) وقال : (من سمعتوه يتعزى بعزاء الجاهلية فأعضوه بهن أبيه ، ولا تكنوا) فأقول للكاتب تطبيقا لحديث النبي صلى الله عليه وسلم اذهب وعض ذكر أبيك، الذي تتشرف به فإن مخرجك منه

  41. قولي الحمد لله على النعمه الي انتي فيها تحسدي الناس على لقمه عيشهم الوحيده زين انهم يترزقوون الله بالحلال ولا لو ما عندهم البسطات هذي صدقيني بيصيروو حراميه وانتي اول من تتظرري وبيسرقوون منك بس والله كفوو الي علقووو على الموضوع باين عنهم نااس اصحااب عقوول وعواطف يحبوو الخير للناس وينظروون للناس نظره احترام مو مثلك للاسف نظره انانيه بحته واذا انتي صرتي مثلهم بتحسي في الشيء بالتوفيق يا عديمه المشاعر

  42. السلام عليكم ورحمة الله وبركاته غريبه والله في بداية موضوعك كنت تقولي لو كان سعودي كان شجعته بعدها قلبت وناديتي الإمانه الرجاء وضحي موقفك .. أولاً صدق من قال إن أهم شي إن الرزق يكون حلال وإلا إذا تسكرت على هذولا الناس باب رزقتهم أكيد إنهم راح يتحولوا إلى مجرمين وحراميه وشوفي البلاغات عن السرقات ( سيارات ، بيوت ، أنابيب غاز ، حتى الجوالات من أيادي أصحابها .. ) قبل سنين هذي الجرايم كانت بعيده عن المجتمع بسبب التربيه وقوتها أما الأن ضعف الوازع الديني ، عدم التراحم في ما بين المسلمين ، منع المسلمين من البحث عن الرزق الحلال بأبسط الطرق ، الكثير من الأمور جدت بعدما زادت تعقيدات الحياة .. الرجاء نخلي أهدافنا أكبر من كذا ولا نقعد نطالع لسفاسف الأمور .. ممكن المره الجايه تجهزي لنا موضوع نفكر فيه كيف نطور من أنفسنا ونفكر بطريقة أفضل ونكون شعب منتج مو بس مستهلك أو متذمر .. بعدين في شغله مره مهمة أللحين الإنسان إذا جا يكتب عن أي موضوع لازم يشوف أبعاد الموضوع كلها مو يركز على نقطة بسيطة ويناقشها وهي مو محل نقاش ..

  43. بصراحة كسرت خاطري صاحبة الموضوع :~ بس تستاهل هع هع 😀 انا وبدون كذب احسها بدون رحمة وماجربت الدنيا ولا ضاقت فيها بيوم عايشة راهية ولا عندها شئ يهمها آآآه بس لو مالت بكـ الدنيا كان حسيتي بالمساكين الضعوف اللي مالهم لا حول ولا قوة الله كريم المشكلة صدقوني مو بالباعة اللي بالشوارع المشكلة اللي ماكلين بالطالعة والنازلة المسؤولين اللي بطنه يمشي قدامه من كثر السرقات يعني الحين لو نفكر نمنع الباعة على كلامكـ لابد اننا نلقى حل بديل وعظيم يحسن من صورة ديرتنا بأننا نفكر نحط محلات صغيرة منظمة عاد الحين يجونكـ الاستغلاليين اللي سبق ذكرهم سابقاً (بطنة يمشي قدامه) ويحطون ايجار بمبالغ عالية لانهم ماهمهم حل المشكلة الاهم عندهم كيف نستغل الموقف ونجمع من الاموال قبل انتهاء العمر ولا يكترثوا بحلالها وحرامها المشكلة حلها بسيط جدا بس من عنده ضمير لعملية التنفيذ بالمعقول آآآآخ بس آآآآخ لو اني مسؤول لاضبط لكم الدولة على اسس وقواعد ثابتة لاخلي العالم تمدح ديرتنا بس اصبروا علي اتخرج واتوظف وبعد عشر سنوات اصير مدير وبعدين اذا ماتغيرت ولا صارت كرشتي تمشي قدامي راح احل المشكلة شكلكم ماراح تنتظروني احل المشكلة هع هع على العموم مشكورين على الردود والله اكثرها اعجبني وتدل على اننا بخير ولا يزال فينا رحمة كبيرة

  44. الحمد لله الحمد لله الحمد لله وربي انى استانست بالردود وجاي طاير يوم قريت الايميل برد على صاحبه الموضوع ان هالتكرنا مكه تراهم مسلمين وفيهم ناس طيبين كثييير ويبي ياكل لقمته بعرق جبينه يعنى قضت المشاكل كلها وصرنا نحسد هالضعيف على لقمته يالله يارب لاتغير علينا يالله يارب لاتغير علينا

  45. في نقطة حبيت أوضحه إللي هو تقول سبوني يخوك واضحة الصور إنك مصوره وانت في السيارة وبعضها ماهي واضحة … معناه مصور والناس ماتدري إنك مصوره… بعيدا عن ردوود الاعضاء كلش إللا العنصرية

  46. اغلب اللي ردوا قبلي معاهم حق …ماقلت كلهم 🙂 وانا مع الأخ مرزوق الغامدي والأخت وحده من الرياض حددي موقفك بعدين تعالي ناقشي لأن على كلامك في البدايه لو كانوا سعوديين ماكان فيه اي تذمر بس غيرهم لا ……. كيف تقولين كذا وانتي اللي مسويه سالفه عشان منظرهم ومدري كيف يعني لو سعوديين كان منظرهم بيكون اجمل خخخخخخخخخخخخ خلينا صريحين شوي ان بعض كلامك فيه عنصريه وبعضه معاك حق فيه عالعموم معاك حق بشي واحد المفروض لهم مكان خاص ومانحصلهم بالشوارع بالطريقه هذي وبرضه مراقبة البضاعه اللي يبيعونها وتاريخ صلاحيتها وشكرا

  47. السلام عليكم ورحمة الله وبركاته انا مع صاحب الموضوع فبيع[التكارنه] في شوارع الرياض امر مخزي والاخزى من ذلك مرور امانة منطقة الرياض وكأن شيئاً لم يكن…. يآ أصحاب العاطفيه تريدون العطف على الفقراء انظروا الى من هم حولكم الشباب السعوديين عندما يحاولون أو يفكرون فقط مجرد التفكير البيع تطاردهم الهيئات والذين يسمون بأمآنآت الرياض وهذا النوع لايستحق إطلاق هذا الاسم عليهم ويسوون[زحمه]على هذا البائع ويكتب له مخالفات :~ والبائع الاجنبي يمر من جانبه امانة منطقة الرياض كما في الصوره التي التقطتها اختنا وكأنه يرا منظر حضاري أهذآ هو العدل ؟؟.! أهذآ هو المطلوب ؟؟ لكن اقول لأختنا صاحبة الموضوع التي التقطت الصور وكتبت هذا الكلام من قلب خاف على موطنه وبكل جرأه أكملي مشوارك فأنتي على حق.. وبارك الله فيك

  48. الله واكبر ياخالد يعني جبت شي جديد تطالب باماكن لهم حنا وش نقول من اليوم ومانبيك مسؤل الحمدلله المسؤلين يكففون بس لو يفتحون عيونهم والي يقول مصوره بسياره تستهبل بدخل بين البسطات بالسياره وينافيه؟ تبي يفرشوني الصور امام مرئ اعينهم لو كانت بالسياره ماشافوني انتم مع وين تقرون اقرو الموضوع من جديد اشان تعرفون وش قلت عن السعوديين قلت لو يبيعون شالوهم هم والي يبيعونه والاولى يشيلون ذولي ويحطونلهم سوق حاره الي يبون اهم شي مايصيرون كذا

  49. :$تحيه حب واجلالالالال للكل المعارض والمؤيد .. اااااه لقد تجدد الامل في قلبي يعلم الله لقد اثلج صدري من تعليقاتكم الرائعه واللتي جعلتني اؤمن اكثر واكثر بمقوله الرسول العظيم عليه افضل الصلاه وازكى التسليم الخير باق في امتي الى ان تقوم الساعه او كما قال رسول الرحمه والاكرام .. ولا فرق بين عربي ولا اعجمي الا بالتقوى. اختى العزيزه صاحبه الموضوع انا فهمت قصدك ولكنني افترض بان التعبير خانك بطرح هذه المشكله واللتي بينتي فيها من خلال طرحك انك عنصريه وكما فهمها القراء الاعزاء … عزيزتي لماذا لا تضعي فكره او استراتيجيه وتدافعي عنها بحل هذه المشكله بدل من التشهير وتايييد البعض لكي بان الاجانب اكلين ملح البلد والمصايب من الاجانب ؟؟؟ لا والاخ اللي يقول كل المصايب من الاجانب !!! حرام عليك يا اخي الظلم ظلمات يوم القيامه لماذا تتكلم بالعاميه وبالاطلاق اعلم انك محاسب على هذا الاتهام .. وبعدين لوسمحتلي انا هنا لست اناقش قضيه سعودي ولا اجنبي ولن انجذب لهذ1 الحديث اللي اعتبره من وجه نظري تافه ولكن هل كل السعودينن انبياء !!! هل كلهم اغنياء .. والله ثم والله في شريحه بالمجتمع السعودي من كثر الدمار والخراب اللي يجري بدمها خلاص ما عاد فيه امل منهم ولا رجى وكذ1لك نفس الشي للاجنبيهنا الحل معروووف ترحيل الاجنبي السيء وتخلصو من بلاويه اما السعودي السئ كيف بتخلصو منه ؟؟ وبعدين اللي بيقول الاجانب مليانين فلوس انا اقولك مو كل الاجانب مثل ما تتصور روح الجوازات وشوف الماااااسي يا بن الحلال وانا معك فيهم النصاب والحرامي والعالم والتقى ولاكن فكرتنا دائما نقولها بالمطلق ونخلط الحابل بالنابل … عزيزتي صاحبه الموضوع ارجع واقول لكي لو تتكرمي بطرح حل للموضوع وحل عقلاني لا يكون فيه اذايه لاحد وليكن فيه ارتقاء بمعنى مفهوم الحضاره اللتي يعيشها العالم باسره وحل المشكله بدون قطع ارزاق وانا معك بانها ظاهره ليست حضاريه ولاكن كما يقول المثل قطع الاعناق ولا قطع الارزاق كما تفضلو بها اللذين قبلي …ولا تمسكي مثال (فرق تسد ) اخي woudie تحياتي لك خاصه …..خاااارج الموضوع هذه التحيه

  50. طيب سؤال … إش رايك بالمنظر الحضاري للعوائل (السعودية) في نفس المنتزهات وهي تقوم من المكان وتترك وراها كوم زبالة؟! إش المنظر الأسوأ في نظرك؟ البياعات والا أهل المزابل؟! سؤال يستحق التأمل 8)

  51. سؤال ثاني لصاحبة الموضوع واللي متفقين معها … أي أخطر على اقتصادنا … بياعة تكسب في اليوم كم ريال … والا موظف كبير ياخذ راتب عشرة سعوديين لمجرد جنسيته من ذيك الجنسيات وشعره أشقر وعيونه زرق؟! من جد أسأل … 🙁

  52. نشوفهم باسطين بكل محل والسنتهم مااطول منها اذا فتحت فمك بكلمه بتشتري والا اسكت :(:(:( ونشوفهم يطرون عند كل اشاره ومطعم ومخبز وصيدليه وصراف وتمر السنين ولاحد قالهم شي تعالوا شوفوهم عندنا بالخرج تلتفت يمين ويسار تلاقيهم خاصه بطريق القاعده وهالبزارين الي معهم تشوفه تدور فيه برد والا حر واالا مطر والا غبار رضيع تدور فيه ماتخاف الله فيه حسبي الله عليهم

  53. والله شي يقهر انا سعودي لو افكر ابيع في بسطه و الله ان ادخل السجن اذ كان فيه موقف اذكر صار لواحد من الشباب متخرج من الجامعة عام 1416جامعة الامام قسم جغرافيا و دور وظيفه لمدة سنتين ما لقا طبعا قال ابي اترزق و كان يشتر يطيخ و يبسط علي طريق خريص بعد دوار الاحساء او بداية طريق النهظه او مخرج 10 او مخرج 15 وكل يومين تجيه البلديه و يرمون البطيخ حقه طبعا معهم الشرطه و مره قفلت مع الرجال قال لمندوب البلديه ما لك حق و الله لا اشتكي عليك قال اذا عندك تصريح هاته و الرجال راح لسياره و جاب شهادة الباكالوريوس وقال هذا تصريح انا ابي وظيفه عطني وظيفه او خلني اطلب الرزق من الله قام المندوب و شقق الشهاده و يقول اعلي ما بخيلك اركبه طبعا الجال بعد كم سنه مسكوه المكافحه في قضية تهريب مخدرات و العام لقيت الناس باسطين في كل الاماكن المذكوره و الغريب ان طريق النهظه كان مندوب البلديه يشتري منه نزلت لقيته بنجلاديشي يعني ولد البلد ما يقدر يشتغل و الغريب نقول خله لاتقطع رزقه لمعلوميتك اتحداك تفتح بقاله ياللي تقول لا تحاربون الاجانب حنا ما نبي نحاربهم بس نبي نصير مثلهم

  54. رد اخوي Hosam رد اختي وحده في الرياض ـــــــــــــــــــــــ مادري اش العنصرية هذي من لاجانب والمشكلة نحن مسلمين وعارفين ان الرزق من الله ومع كذا نلاقي ناس متخلفة تقول الاجانب اكلوا حلالنا وللاسف ينحسبوا علينا مسلمين ورد للاخت الي كاتبة الموضوع انا لو منك بعد الردوود هذي اودع القلم احسن لي لانك ماتستاهلية

  55. الحل عندي وانا ابو هندي لايغركم كلمة هندي ترى سعودي 100% نفس سالفة الاخت اللي عندها سؤالات ثانيات وتقول انها سعودية 100% (زيت عافية صافي هع هع) هذا انا ارجع من جديد على الموضوع اللي والله ماشاركت بغيره ودخل مزاجي واحس اني تفاعلت مع صاحب الموضوع بس تبون الجد الموضوع فتح لنا مواضيع اكثر اهمية يعطيكم العافية وشئ يبشر بخير إن شاء الله بالمستقبل بس لا اوصيكم ياشباب لاتصيرون بيوم من الايام اعداء لوطنكم لما يصبح لكم مراكز عالية وتصير كرشتكـ تمشي قادامكـ الله الله بالخير واذا على الكرشة ادخل نادي ولا في كريم ازاله الشعر اتوقع يصلح بهالامور بصراحة تكلمنا بالمووضوع بمافيه الكفاية لاتفضحونا وتحسسون الاجانب اننا شعب مانفهم من اول نظرة 🙂 يعطيكـ العافية لكاتب الموضوع ويعطيكم العافية لكل من اضاف الردود والملاحظات والمناقشات ويـلا نبي موضوع كبير احلى من هذا لان هذا الموضوع وعدتكم اني لما اتخرج واتوظف وبعد عشر سنوات احله لكم صدقوني يمشي العمر والمشكلة مستمرة مافي احد يهتم فاحسن لكم تنتظروني اللي محيرني السعودية 100% مادري نصدقها ولا لاع هذي هي المشكلة الكبيرة هع هع اخاف تطلع جاسوسة تكرونية وتروح تعلم علينا التكارنة ثم عاد يبدون يسون انقلاب علينا ويذبحون دجاجتنا ويسرقون عداد الكهرب حق بيتنا (متأثر بافلام الكرتون) انا مابي اطول باقي لي كم حرف واخلص واحب استثمر الحروف على اكمل وجه هع هع (الذكي اللي يفهم اي حروف هذي) سوري والله اذا ثقلت عليكم (لاحظت الشئ هذا بس الارادة اقوى مني وقلت لازم احاول واستفيد من اخطائي 🙁 ) يلا ياجماعة تصبحون على خير ودي انام ورجاءا يكفي تعليقات على الموضوع إلى ما اصحى من النوم إلا جد مافي احد حل الموضوع من الكبار والمسؤولين انا ابكلم لكم فراش الوزير يقدر يكتب معاملة ويضبطها ويوقع عليها الوزير وهو مايدري هع هع المهم ماعلينا (ماودكـ تخلص يابو الشباب ترى طولت علينا انت وحروفكـ) نرجع لمحور حديثنا انا عندي سوعال؟ ليش الفقراء مامعاهم فلوس سبحان الله وحنا نعتبر من اغنى الدول في العالم؟ اتحدا واحد تجيه الجراءة انه يجاوب على هالسؤال بس رجائي الخاص انا غير مسؤول عن شئ 🙂 باقي حدود 200حرف شرايكم اخليها على العيد ايه صج كل عام وانتم بخير وعيدكم مباركـ وخروفنا وخروفكم واحد هذي تهنئية بمناسبة عيد الاضحى المباركـ لعام 1429هـ ولاتنسو تروحون بالعيد منتزه سلام وتطمنون على التكارنة ابشركم خلصت الحروف تقريباً

  56. المنهبل هذا الي يقهر امثال هالقصه الي ذكرتها سمعت كثير وكثير واظن الاغلبيه شافو حلقات 99 البرنامج الي يعرض على الرياضيه السعوديه قبل سنه ذكر فيه هالكلام اذا للحين ماخبطت اما الاستاذ القدير ابو مازن لمن تدعني ان اترك القلم لامثالك من لايملك الذوق في فن الكلام ام لاصحاب المجامله لا والذي خلقني وخلقك كل ماقيل دفعني لبدء البحث في موضوع اخر اذا كان مثل هذا اثاركم واشغل عاطفتكم وابعدكم عن صلب الموضوع بالعاميه ((كدينا خير نآس فاهمه )) هذا لايمنع ان اشكرك على قرائتك ومرورك على موضوعي اما سعوديه اعتقد اجيب على كلامها بما فيه الكفايه ممن سبقني وياخي شفيكم تحطون بذمتكم عندكم الي كبير ومسؤل لازم يصير حرامي ومرتشي ماتحسون ان ذا الحسد بعينه وعلمه الله واكبر عليكم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى