رسائل المجموعة

][ صرخة هدى ][

السلام عليكم ورحمة الله وبركاته
مساكم الله بالخير جميعا..
في الحغيغة والواغع
لما ارسلت الرسالة الأولى..
قلت يعني برسلها وخلاص ..
اللي يشوفها يشوفها واللي ما يشوفها هو الخسران
بصراااحه ..
فوجئت بالكم الهاااائل من الرسايل اللي جتني كرد او تعليق من المشاهدين
بصراااحه ما كنت اتوقع .. عشان كذا ردة فعلي كانت عويصه .. خلوها مستووره
فشكراً للجميع بلا استثناء
المهم هالمره جايكم بثلاث تصاميم ..
كلها بسيطه لأبعد مدى
لكن أتمنى تنال على شي من استحسانكم

~~~~~~~~~~~~~~~~~~~~~~~~~~~~~~~~~~~~

(1)


][ Looking at flowers remind me of ur pretty face ][

.][ الصور المستخدمة ][
.

~~~~~~~~~~~~~~~~~~~~~~~~~~~~~~~~~~~~

(2)

][ يا بحـ ــ ـر ][

الصوره الوحيده المستخدمه :
.

التصميم ..

.

~~~~~~~~~~~~~~~~~~~~~~~~~~~~~~~~~~~~

(3)

كاس عالم .. تصفيه .. جمهور و إعلام و كُره
والبشر لـ ألمــــانيا متوجـــهه نظــــــراتها
بينمـــا واحْنـــا نشجع منتخـــبنا وننصـــــــــره
نمتــدح من مــرّر الكــــوره ومن هو شاتــــها
صـــار في شطــآن غـزه تصفيه متكـرره
تصــفيه تِفْـرق مــع ان المــفرده هي ذاتـــــها
تصــفيه تخــلو من اصـوات البشـر والجمهره
كــان ضرب المدفعيه والرصــاص أصــواتها
تصــفيه والمنتخب رجّـال و اطفال ومَرَه
عــائله فـي نــــزهــةٍ للـبحر مــن نزهــاتهــا
مــا دروا للمــــوت مــوعـد والحيــاه مـقدّره
والعـــرب لاهين في الكوره وفي جولاتهــــا
قـصْـف بعثرهم على رمل الشـواطي بــعثره
مــا تجد غــير الــجثث مــتراميه باشتاتـهــــا
و طــفلة عــاشت ولــكن في خضم المجزره
راح ابــوها و أمهـا واخـوانهــا واخــواتهــا
أقـسم ان الصـدمـه أكــبر من حدود السيطره
وأقسم ان النفس ما تستوعب اللي جــاتهــــا
حــاله من الذعـر والهستيريـــا والمــرمــره
بين اهلها .. والصحيح اقول : بين امواتهـا
كـان أكـثر ما يغص الـريق وسط الــحنجره
عند ابـــوهــا طايحه وتصيح من حسراتهــا
لا تخـليني يــابه .. لا تـــروح الـــمقبره
صيحةٍ هـزّت جميع الــكون .. بين شفاتهــا
مسخــره .. واللي خلقني ما بعَدهـا مسخره
و أمة المليـــار مسلم غــارقه بسبــاتـهـــــا
يـقـلع الله عـــجــزنـا والــعــالم الـمستهتره
وين من يمسح بمنديل الدِّمـــا دمعــاتـهـــــا
ليت فينــا مثل قلب المعتصم أو عنتره
كـان ما نحسب لـ اسرائيل مع قواتهـا
ولـو تـوكلنـا على الله في زمـان السمسره
كــانت أمتنـا – وربي – عوّضت ما فاتها
بس اذكّــر قـد تفيــد المؤمنين الـــتذكـــره
بعد ما دوّت هدى في مسمعي صرخاتها
لي متى واحنــا نــواجه ذنبهم بــالمغفــره
لي متى والــصمت ألغى أمّتي وأمَــاتهــا
لي متى والقتل فينا نشجبه .. نستنكره
لي متى والقدس ذكرى وانطوت صفحاتها
يا هدى والعفو ماهو شرط عند المقدره
صرنا نعفو غصب والعربان ذي عــاداتها
بس مــا من عــذْر ولاّ احنا ندور مــعذره
لا تذكرنـا الـــحياه بطيشهـــا وشهواتهـــا
ليت بثَّت تصفية أهلك قنــاه مشفّـــره
كان قلنا : ما درينا عن هدى ومأساتها
صرختك جتنا .. نعم ..لكنهـــــا متأخــره
والبطوله إبتدت والحين جــات اوقاتهــــا
بينما واللعب حامي .. والـــعرب مستنفره
وفي متابعْة الــبطوله مركّزه شــاشــاتهـا
تنطلق كوره علينا من العدو مــدبّره
وعيْلتك تنشات قول بهجمه من هجماتها
فامنحينــا فرصه نشوف البطوله والكُـــره
بعدها يمكن بنسأل ؛ عيْلتك من شاتها ؟!

~~ محمد الشهري ~~

~~~~~~~~~~~~~~~~~~~~~~~~~~~~~~~~~~~~

هذي كانت اعمالي البسيطه
اتمنى من كل واحد لديه انتقاد او رأي انه ما يبخل علي به
واهم شي يعجبكم لو شي بسيط من التصاميم
موفقين جميعاً
سلامي ..

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى