محليات سعودية

شعر: سلامتك يابو متعب

/

 

سلامتِك يا سيدي وألف لا باس
طهور من قلب(ن) غلاك استحلّه
ياللي لك القرآن هادي ونبراس
والمرجله فعلك رسنها يتلّه
يا أبوي أبو متعب عسى كل الأنفاس
تفداك ياللي فزت بالطيب كلّه
الأبو غالي وانت أبو جملة الناس
يا بدرنا الكامل بعصر الأهلّه
يا سيد(ن) فوق أصعب الروس روّاس
والمجد لك عاده وفعلك محلّه
صفوة ملوك العُـرْب قطّاع الارماس
وزبن الدخيل اللي مخاويه غِـلّه
سيف(ن) مصقّل بالوغى يقّطع الرأس
ويشفي الكبود اللي رجت فزعة(ن) له
عزوة هل التوحيد بالسِّـلْم والبأس
اللي كنفهم كلهم تحت ظلّه
وعز الضعيف اللي شكا كود الاتعاس
وريف الضيوف المزنه المستهلّه
ما صَـرّ ماله في صناديق واكياس
ولا صك بابه في وجه عاني(ن) له
حلحيل ما ينحال للحلم لبّاس
والحَل لا عَـمْسَنّ الأفكار حلّه
ودخل قلوب الناس من دون مقياس
واصبح سواد عيونهم منزل(ن) له
فيا رب ياللي منك ما نعرف اليأس
تشفي حبيب الشعب من كل علّه


 

يشرفني دعوة الجميع لزيارة حسابي على تويتر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى