رسائل المجموعة

سويسرا … قلت ما مثلك على الدنيا وصيف … لا حشى مالك وصوف (ج5) والاخير


يسعد لي هالمسااااااااااااااااا
هلا والله ومليون غلا ..
هلا والله .. بحبايبي أنا ..
كيف قلوبكم ؟ … ان شاء الله بحب وعااااااافيه ؟ ..

حلقتنا الليله غيرررررررر ..
في ملامحها غير ..
وفي حد النظر من طرف عيونها .. غير ..
وفي شعاع الشمس من جبينها .. غير ..
وفي بياااااااااض قلبها .. برضو غير ..

ابيك بس .. تجهز لي مفرحاتك ..
ايوه . ايوه . ايوه ..
هذاك هونيك .. وهذيك هناك ..
ما راح نطول .. وقت بسيط .. بكون أناني .. وبقول لك هاته ..
لأنه الله أعلم .. يمكن ما أطلبه منك مره ثانيه ..
ببسيك جاهز ؟ …
مفرحاتك يمك ؟ ..
جوالك مو تشيل بطاريته لالالالا .. طير الشريحه بكبرها ..
جوك هادي ؟ ..
نبدا ..!!!
تعال ..
هيا بناااااااااااااااااااا ..

اليوم بعون الله .. راح يكون اليوم قبل الأخير في مدينه الروعه . مدينه الجمال .. مدينه العشق .. انترلاكن ..
اليوم وين نبي نروح ؟ ..
اليوم نبي نروح للثـــــــــلج ..
نبي نروح نلعب بالثلج
اليوم نبي نروح لأعلى قمه ثلجيه في أوروبا كلهاااااااااا ..

أول ما قمت الصباح .. وخلصت كل طقوسي المعهوده ..
فتحت شنتايتي .. عشان اطلع جاكيتي الثقيل .. لأني رايح لمكان درجات الحراره تحت الصفر
يعني اسنانك تقول .. ططقطقطقطقطقطقطق .. طق .
طبعا راح نروح لحالنا .. ولا راح ناخذ معنا أحد ..

…….. ……..
<<<< تروح لحالك مييييييييين ..
>>>> ذب وجهك معه .. لا يهمك . مو كل يوم ثلج ..

^^
^^
^^
مو قلنا لحالنا . وش جابهم ذولي
اول شي .. خلونا نتكلم عن هالقمه الثلجيه .. قبل ما نروح لها ..عشان شسمه .. يعني اذا بغيت تروح لها لحالك . تعرف كيف أمورها ..

القمه اسمه
Jungfraujoch

بالله انطقها .. بعد وحده بليز .. كيف كيف .. شفت انك ما تعرف ..
المهم .. القمه هذه تعتبر أعلى قمه في اوروبا . ارتفاعها اعلى من 11000 قدم .. يعني تقريبا 3 كيلو متر في السما
<<<< مثل السوده في أبها
>>>> أوخس يالأوربي ..
تعرف وش معنى 3 كيلو فووووووووووووق ؟ ..
تخيل معي بس انت المنظر .. والا اقول لك . لالالالالا . لا تتخيل شي .. شوي ونتخيله بالصور ..

طيب اذا انت في انترلاكن .. كيف توصل للقمه هذه ؟ ..
توصل لها بطريقتين ..

1- عن طريق رجلين .. ( وهذا وجهي اذا وصلت )
2 – عن طريق القطار
شوف معاي .. اصبر .. بوص معاي
<<<< اشتغلت البصبصه
>>>> ملاحظ انت ؟
شوف الصوره

حنا راح ننتقل من محطه انترلاكن اوست .. اللي جنب الفندق ..
الى أعلى شي ..
طبعا تشوف الخريطه .. فيه اكثر من مسار . وفيه اكثر من نقطه توقف . وفيه برضو أكثر من قمه ..

فيه ناس خوافه .. تقول ما ابي اروح مره مره مره فوق .. ابي شي ع قدي .. فتوقف عند أي شسمه . يعني أي محطه ..
قبلها بليله . كنت مجهز تذكرتي .. وحجزت أبكر رحله . وكانت تقريبا الساعه 9 ..

فيه كم ملاحظه مهمه اذا نويت تروح للمكان هذا ..
– اول شي .. تأكد أن الجو هناك في نفس اليوم اللي تبي تروح له انت .. لأن ممكن يكون فيه عاصفه ثلجيه . وانت تضرب مشوار . واخر شي ما تقدر تدخل ..
– خذ معاك ملابسك ..انا كان معاي شنطه ظهر . حطيت فيها جاكيت ثقيل .. لأنك راح تتمشى في مكان درجات الحراره تحت الصفر
– خذ معاك اشياء خفيفه للاكل .. يعني سندوتشات . مفرحات .. ببسيات ( جمع ببسي ) . كوكاكيككيكات . ( جمع كولا ) .. لأن هناك صحيح فيه كوفي . لكن يا مزحوم او صعب توصل له ..
– اختر القطار اللي يروح بدري .. يعني لو تمشي ع الساعه 9 يكون حلو كثير .. على بال ما توصل هناك 12 ونص تقريبا .. وتجلس لك 3 ساعات مثلا . وترجع . يالله ع المغرب تكون في فندقك ..
– بخصوص الجزمه ( الله يكرمكم ) .. ألبس شي ثقيـــل .. يعني جزمه تغطسها في الثلج ما تقول أح .. مو تلبس صندل . بعدين صعبه ترجع بإسعاف ههههههههههههـ ..
– لا تاخذ معاك عفش واجد . ( واجد = أي كثير ) .. أفضل . أفضل . شي . تاخذ شنطه ظهر . فيها كل شي . تبي ترتاح كثيررررر ..
يعني هذه اهم الملاحظات اللي اتذكرها الحين

<<<< أقول ما ودك نمشي ؟
>>>> ترى تعبنا وحنا واقفين ..
^^
طيب طيب
طبعا الطريق اللي راح نسلكه مو عن طريق قطار واحد .. لالالا . عن طريق قطارين تقريبا .. واحد سريع . راح يوصلك لمكان معين . بعدين تنزل وتركب واحد ثاني قديم شوي . لأنه بيمشي على شكل علوي .. يعني تصاعدي .. يعني على فوق.. يعني الى الاعلى .. افهمها بأه ..
الطريق تقريبا 3 ساعات . اذا ما كنت واهم . ( ويا كثر ما اكون واهم ) .. ..
لكن طريق رووووووعه . تشوف المناظر الزينه اللي ترد الروح ..
وصلت المحطه اللي بطلع منها تقريبا ع الساعه تسع الا ربع .. جلست شوي . بعدين جا القطار اللي راح يقلني للقمه ..

<<<< قويه ( يقلني )
>>>> هههههههههـ . الله يرجك شرقت بالببسي
اول ما وصل القطار . وركبنا .. بدأت رحله الجمااااااااااااال ..
تمشي وخشتك لازقتن في القزازه اللي جنبك .. من هالمنظار اللي تشوفها ..

خلونا نشوف بعض الصور اللي ع الطريق ..


يا عيني يا عيني ..
وشوف هاللي مروووووووق لحاله .

احسه مشغل سيدي … والا بعدين ..
وشوفو هالمبنى .

المدرسه السابعه والثلاثون بأنترلاكن ..
طبعا القطار اللي انت فيه . يمشي إلى الأعلى .. يعني كل شوي تبي تحس نفسك ترتفع عن الأرض ..وتبي تشوف كل شي صار تحت .. بشكل ومنظر روووووووووعه


هنا بدينا نبتعد عن المدينه ..
وشوف هذه ..


وهون ..

وبوص هون . كيف جايه الاكواااااااااااخ

..
شي يرد الروح ..
طالع معاي ..

..
وبدينا نمشي . ونمشي . ونمشي .. لحد ما وصلنا للمحطه اللي نبي نغير فيها القطار .

وناخذ قطار ثاني اقدم شوي ..
شوف شكله ..

وهذه المحطه والقطار من بعـــــــــــيد ..

<<<< ويييييين . وش هاللعبه
>>>> انت بس شف اللون واغسل يدك ..
اول ما وصلنا . وركبنا هالقطار .. بدينا مرحله ثانيه من الجمال الربااااااااااااني ..
بدينا بطريق . كأنك تخترق السما على فووووووووووق ..
شي ما ينوصف .. شي خيالي .. شي غير طبيعي ..

شوف معاي بدايه معانقه السحااااااااااااب ..

تخيل معي هالشعور ..
وانت راكب في القطار . وفاتح الشباك بالكااااااااامل ..
شوي ويدخل عليك السحاب ..
مع نسمات المطر ..
تضرب بوجهك بشويش ..
الله الله .. سبحاااااااااااانه من صوركـ ..
وصلنا لمرحله .. تداخل اللون الأخضر .. مع اللون الأبيض ..
تداخل لون الطبيعه .. مع لون الثلج ..

يقولون السماء لغز النهار وسـره المكنـون !
وأنا أقول السماء ثوب النهار ولبسـه الدافـي
غيومه كنها قطعة قطن تمسح جـروح الكـون
إلى من سال مع دم الشفق دم أكثـر أطرافـي
وأنا ماسك جسد كنه شجر صبار وأرجي عون !
وترفات الورق تضحك علـي لا مـرت خفافـي

وهذه ..

هدوووووووء .. تفكر في طبيعه الله سبحانه ..
اقول لك شي .. قرب شوي . بعد شوي ..

شوف معاي هالصوره ..


أول ما راح تشوفها راح تقول اني مصورها من نافذه طياره .. لالالالا .. هذه من نافذه القطار ..
تخيلت معي الموقف ؟ .. تخيلت معي انك تطيررررر فوق السحاب .!! .. تخيلت معي ان ربي خلق لك جناحين . تبتعد عن جميع الكون .. لحالك ..
ومنظر آخر من الابدااااااااع والروعه ..

نشوتك تلعب مع قطر المطر . وانتشى قطره معكـ
والسحاب يطاردك بين الشجر . خالق الزين ابدعك
الندى في وجنتك . صار عطر بلمستكـ
والهوى غنى طرب . تستثيره بسمتكـ ..
كلما ضمت عيوني منك طيف يا بعد كل الطيوفـ ..
قلت ما مثلك على الدنيا وصيف . لا حشى مالك وصوفـ ,,,,

آه . من قلبي نصحته
بس عيا ينتصح نبضه يبيها
آه . منه ليه عيا
ليه عزم يترك الكون ويجيها
ماقدرت القى لهذا القلب حل
الجواب اقفى بظله وارتحل

ما بقالي . غير انتي ياغريبه
يارحيل . العمر فيني يا حبيبه
صدقيني صرت من بعدك اخاف
واعترف ان الخلاف واسع طريقه
واننا ما نلتقي . في أي شي
فينا اختلاف . فينا اختلاف
وللأسف هذي الحقيقة

يارضاها .وقف وناظر شوي
شف غلاها . كيف سوى بشخص حي

بعدها انتقلنا لمرحله البياااااااااااااااااااااض . مرحله الثلج ..
<<<< اصبر اصبر . بلبس جاكيتي ..
>>>> لا انا لابس بجامتي من طلعت من الفندق ..
^^
^^
البجامه البيج . حقت الصعايده .. نص الكم طالع برى..
المهم .. مثل ما قلنا في البدايه .. القطار راح يوقف في كذا ارتفاع .. بعض الناس تنزل .. وتقول ما ابي اعلى من كيذا ..

يعني مثلا . شوف معاي .

هنا وصلنا لقمه أرتفاعها 9400 قدم .. يعني 2800 متر .... فيه ناس نزلت وجلست ..
بس انا قلت موووووش مومكن .. واصل أعلى شي يعني واصل أعلى شي.
مسكت جعلها ما تمسك على شر
وبعدها قمه أعلى شوي .. شوف ..

وصلنا لارتفاع 3160 متر ..
ابدن . ولا أنززززززززل ..
<<<< يا المايسترو والله تعبنا . خلنا ننزل هنا .. ورانا بزران وحريم
>>>> انا عادي . بجامتي تدفي
ابدن يعني ابدن . ما راح انزل الا فووووووق . فوق فوق .. ..
تبون انزلو انتم
ويكمل القطار المشي ..
المهم . قلت هالحين هالقطار وش قصته .. كيف يمشي .. له دركسون والا بالنيه .
واروح لحد قدام .. قلت بشوووووووووف

هنا يجلس السواق
هذه يسمونها غمره الغياده .. لالالا وشو غمره .. ذيك الكلمه وش هي ؟ ..
يااااااااربيه . ذيك ذيك .
مو كابينه القياده . لالالالالا .. اممممممممم .. حول غمره .. عمره ؟ . لالالا وشو عمرته.. امممممم
قمره القياده . ايووووووووووووووووه قمره القياده
<<<< يا اخي الولد هذا مثقف ..
>>>> انت لاحظت ( غمره ) . سوداني ذا .. ..
المهم وصلنا المحطه الثالثه ..
وقلت ولا انزززززززززززززل .
لالالالالالا .. قال لنا هذه اخر محطه . انزل والا رجعناك .. قلت ها .. خلاص بنزل ..
بوص معاي على ارتفاع القمه ..

3500 متر .. أعلى قمه ثلجيه في أوروبااااااا
ننزل ؟ ..
غصب ننزل ..
اول ما تنزل . تمشي في ممر طووووووووويل .. شوف

تمشي . وتمشي .. وكل شوي تحس بالبرد جايك ..
وانا امشي .. شف ذيب . مدري ثعلب .. الا صدق وش الفرق بين الذيب والثعلب ؟ ..
<<<< الفرق حرف العين والثاء ..
>>>> ههههههههـ .. حلوه منك يا صديقي .. ذهين من ربي خلقك
شوف ..


صراحه مدري ذيب والا ثعلب والا كلب .. حيوان أليف وبس .. هذولي الظاهر اللي يجرجرونك في الثلج .. ( مثل ما انا اجرجر شنطتي ) .. ويطامرون فيك ..
قلت اصورهم .. وطبعا انا مبسووووووط . مطلع كاميرتي ..
تشك . تشك تشك .. والكاميره تدهر. . شوي وارفع راسي . الا اشوف


يعني لا تشغل الفلاش . والا قسم بالله شسمه ..
عاد ما شفته الا بعدين .. .. يعني كان الحين صاير لهم مفرحات ..
المهم كأني ما شفت التحذير .. وكملت المشي .. الى ان وصلت الى الباب اللي يطلع للثلج ..
اصبرووووووووو .. قبل ما نطلع للثلج ..
كل واحد يطلع جاكيته من الشنطه .. ويلبسه ..
<<<< دقيقه بلس جاكيتي
>>>> و مازلت بالبجامه البيج ..
يالله ندخل ؟ ..
جاهزين ؟ ..
هياااااااااااا بنا ..

هذا الباب اللي يطلعك للفضااااااااااااااااء الثلجي ..
يالله يالله امشو بسرعه قبل ماتثبت رجليك في الثلج


تشوف الناس مبسووووووطه .. اللي يلعب بالثلج . واللي يبني له بيوت ثلجيه ..
شوف شوف ..

شعور رووووووعه . انك تلمس الثلج وتتسدح فوق
بالنسبه لي . مو أول مره استمتع بالثلج .. كان لي تجارب قديمه في نيوزلاندا .. ايام دورات التزحلق على الجليد . اياااااااااااام ..
بعدها رحت اتمشى في كل مكااااااااان .. واتأمل في كل شي حولي .. شوفو معاي هالصور ..

..

ياليت قلوب الناس مثل هاللون ..

رووووووووووووعه

هنني ياللي جميعـي لـك هنا ..
حطـني بـآخـر مـداي ..
طيرك اللي ما يبي غيرك أنا ..
ضمــنــي إنـت فضاي ..
ضمني ..

طبعا فيه بعض الانشطه الرياضه البسيطه .. اللي ممكن تسويها هناك .. من اهمها التزلج والمطااااااامر .. وفيه من يأجرك كل العده ..
لقيت كوخ صغير . فيه يأجر هالحركات .. وتمسك معي اعيد ذكريات سنين حلوه ماضيه ..

نسيت اسمه
رحت له .. واخذت عده التزحلق كلها .. وبدا يشرح لي وش اسوي . قلت اهااااااااا بس ..
وخر عني ما عاد الا هو انت تعلمني ..
وطبعا عطيته عفشي كله . وقلت خله عندك .. يعني لو انحشت . بطلق عليك الذيب صديقي ..
<<<< اشوى أن الذيب كان بيقطعك
>>>> سلك له بعد انت ..
ومن الانشطه اللي ممكن تشوفها . بوص معاي ..

شف ذاك اللي متعلق هناااااااااااااااااااااك ..
لا تشوفني هنا . هنااااااااااط هناااااااااااك فوق يسار
شفته ؟ ..
هناك يربطونك بحبل .. وينزل بكل من قمه لقمه .. شعور غيررررررررررررر طبيعي .. بس يبي لها قلب جاااااااامد .
بعد ما خلصت تمشيه . قلت وراه ما اجلس في أي مكان .. وأتلفت ادور مكان . أتلفت . أتلفت ..
اخر شي جلست في مكاني ..
وافتح الشنطه . واطلع مفرحاتتتتتتتتتتي .
قبل ما اجي . ما لقيت ببسي .. فجبت معي كوكا كولا .. لكن يوم طلعته من الشنطه . لقيته حاااااااااار .. عاد ما ينفع ابد الكولا حار .. قلت يا ولد . انت في مكان جمده .. فكر . فكر . فكر .. جيت ودفنت نص العلبه في الثلج ..
عشر دقااااااايق . الا طالع أحلى واروع كولا باااااااارد .
شوف

أحلى . أحلى جلسه ..
وهذا الكولا بعد ما صار بارد ..

. .

طبعا تذكرون اننا ذقنا زفلت لندن .. وما نسينا عشب باريس .. واخرتها قبل كم يوم مع حصى جنيف .
يعني وقفت على ثلج انترلاكن ..


وانا جالس .. الا اسمع وحده تصااااااااارخ .. قلت وش ذااااااا . وألتفت وراي . الا ..

ههههههههههـ . نشبت رجليها . وتجلس تصارخ ..
طيب اجلسي مكانك . خايفه على الجنز يعني ؟ .. والا خايفه ع الشعر يتبلل ..
<<<< لا يخرب الميك اب
>>>> وشو ميك ابه مع هالثلج ؟ .. تلاقيه تجمد ..
وانا جالس . الا اسمع الأمن اللي هناك ينادي .. أطلعو . اطلعو ..
فيه عاصفه ثلجيه تبي تجي ..
وانا اللي تجيني ام الركب.. قم يا ولد . تحرك .. ابدددددددن . ما قدرت .. قم قم .. ابد ..
<<<< احسن جالس تطنز في البنت
>>>> العدوه قدوه . العدوه ربوه . العدوه شسمه . . ( اوف عجزت اجيب المثل ) ..
المهم . بعد ما تمالكت قواي .. قمت عشان اطلع من الباب اللي دخلت معه ..
شوف بدايه العاصفه ..

الناس جالسه تطلع ..
وشوف الرااااااااااااايق

جيت بسررررررررعه وانا طالع .. . وبووووووف . شته.. طالع وبخربها
بعدها طلعت لمطعم عندهم فوق .. المطعم فيه مثل البلوكنه تقدر تجلس فيها او تصور . او تسوي اللي تبي ..
جلست فيها لحد ما خفت العاصفه شوي ..
بعدين طلعت برى . واشوف شي غررررررررريب ..
لقيت مثل سلك الكهرباء .. متعلق فوق غرااااااب .. شوف

قلت وش قصته ذا .. واجلس اقول له . هش . هش هش .. هش

<<<< وشو هش ؟
>>>> يعني . طر . طر . طر طر ..
واجلس اهش عليه . ابيه يطير .. ولا حرررررررررركه
وارجمه بورق صغير . ابدن ولا حركه . ولا حتى ألتفاته …
لحظتها . عرفت .. وتيقنت .. انه متجمد بعد العاصفه . ومات الغراااااااااااااب ..

<<<< توهي توهي
>>>> آآآتشو .. بدت الزكمه ..
تذكرت لغز المحشش
وشو الطير اللي له جناحين ولا يطير.؟ وله عيون ولا يشوف.؟ وله رجلين ولا يمشي.؟ وشو ؟
ههههههههههههههههههههه……..! عصفور ميت


نكمل احسن
طبعا فيه ناس بايعينها . ولا طلعو يوم قالو ان فيه عاصفه ثلجيه تبي تجي .. صورتهم من فوووووووووق

كل شي ابيض .. في ابيض ..
طيب .. الان انت تبي ترجع لنفس المحطات اللي جيت منها .. كيف تعرف متى يجي القطار ؟ ..
وانت فوق . تشوف لوحات جدول توقيت حضور القطار . بوص معايا يا باشا

هذا جدول كامل .. عن تواقيت حضور القطار .. عشان تضبط امورك كلها . وتعرف متى تروح المحطه ..
وبرضو لوحات بدرجات الحراره ..

بعد ما جا القطار .. ركبت فيه . ورجعني لنفس المحطه اللي طلعت منها . ومنها على طول رحت للفندق ..
وصلت للفندق تقريبا على المغرب .. كانت الرحله ممتعه كثيررررر وبرضو متعبه ..
جلست اضبط شنطتي . وعفشي ..
لأن بكره من الصباح برجع لجنيف . ومن جنيف مباشره الى مطار جنيف الدولي ..
ومنه . الى .. الى .. الى ..
الريــــــــــــــــاض ..

وآآآه ما أرق الرياض .. تالي الليل ..

قبل ما نمشي
وين الحلوين الأثنين .. لازم يجون يسلمون على بعض . ويودعون بعض

^^
^^
بتوحشوني

^^
^^
اقول بلا حركات نص كم ..

/
هنا .. هنا . هنا ..
وصلنا الى الختام ..
وصلنا الى النهايه ..
اتمنى من كل جوارحي .. أن تكون استمتعت بكل لحظه عشناها مع بعض ..
اصبر .. وين تمشي ..
طبعا هالمره . الملعقه علي .. ولا تشيل هم .. ..
قرب ..
بعد شوي .
شوي بس ..



الفراوله باااااااااارده
بالعافيه .. على قليبــــــــــكـ .. ..

..!~¤§¦ ،،،….. كالحلم…… ،،، ¦§¤~!..
كالحلم ..
كالحلم كانت رحلتي ..
كـطيف مر علي بلحظات ..
كليالي من أروع الليالي ..
امتزجت فيها تلك الابتسامه ..
مع تلك الدمعه ..
مع قليل من الآهات …
بدأتها مع معشوقتي ..
بدأتها مع ذاك المكان .. الذي أشتاق إليه وحتى أنا بين أحضانه ..
بدأتها بلندن ..


كمعانقه السحاب لتلك الجبال .. كانت محطي الثانيه لتلك التي تسحرك ببهاءها .. بجمالها .. بروعتها ..
وصلت الى


وصرت كلي حـــــــــلم .. ..

كانت النهايه . مع روعه الخالق ..
كانت النهايه . مع الجمال الرباني ..
كان الختام .. مع سويسرا ..


كلها كانت في صيف عام 2007

في بداية رحلتي .. وحتى نهايتها .. كنت لوحدي ..
أخذت على نفسي تحدي شخصي .. وهو أن أحاول بكل الطرق .. أن أنقلك معي ..
صحيح أن الرحله كانت لوحدي .. لكن والله .. والله .. أنني في هذه اللحظه .. أكاد أجزم أن هناك الكثير قد رحلو معي بأرواحهم ..

كان . وما زال .. الهدف الاساسي من تلك الرحله .. أن تستمتع . بكل لحظتها .. معي .
وكالعاده ..
لا نستطيع التعمق في الاستمتاع في ما نراه جميل .. حتى تصل إلى النهايه ..
وها نحن نصل إلى يومنا الأخير ..
شكر كبير جدا جدا

للغالي على قلبي . لمن اعطاني هذه المساحه للتواصل مع قلوبكم . الشكر لأخي
أبو نواف

شكر كبير جدا
لكل من علق على اي حلقة ماضيه .. يعلم الله أني قرأتها حرف حرف ..
وأي استفسار مهما كان .. انا في الخدمه . سواء عبر القروب . او الأيميل . او على موقعي الشخصي

وترقبو قريبا .. على قروب أبو نواف . كتيب يجمع جميع رحلاتي ..


أختلفت مشاعري ..
وتبعثرت كلماتي ..
وضاعت أحرفي ..
و الله خانتي دمعتي ..
لا أريد أن ازيل الابتسامه من محياك ..
أريدها . واتمناها .. وادعوا الله عزوجل . أن تستمر في قلبك ودنياااااااااااكـ ..
إذا احسست أن المايسترو قد أخذك معاه بمتعته ..!! .. فأرجوك لا تنساني من دعواتكـ ...
وإذا أحسست أنه كان هالثقل عليك .. فجل من لا يخطأ . سبحانه ..
/
في هذه الحلقه ..
لن اكتب متنفسـ ..
لأنه بكل بساطه ..
أنت متنفسي ..
أنت متنفسي ..
أنت متنفسي ..

أنت في الدنيا نظر عيني منايا ومطمعي .
في موعدي ليلة لقاءنا مولدي ..
يا قمره ويا نجوم أشهدي ..
أني معك . منك .. ولكـ ..
يرخصلك الغالي النفيس ..
والليل من فرحه عريس ..
ليلة خميس ..
/
بدأنها في ليله خميس ..
ونختمها في ليله خميس..

\
اشوفكم على خير ..
دمتم في أمان الله وحفظه ..
دمتم بكاااامل عافيتكمــ ،،،
وطبعا ..
لكـــ .. انت بس .. مو لغيركـ .

محبتيـ
المايسترو ،،،،

مقالات ذات صلة

‫71 تعليقات

  1. جزاك الله خير على الرحله الاكثر من رائعة اخي المايسترو…هنيئا لك بروحك…تابعناك بكل شغف من بداية رحلتك..حتى النهاية….اكتب عليك وانا لادري مااذا اقول…سوا اننا كنا معك بكل جوارحنا

  2. مشكور:~ يا حرام خلاص مافي جزاى 6 🙁 مشكور و علمتني شي جديد اسمة مفرحاة

  3. أنا من المتابعين لما تكتبه وبما ان لي سفر مع العائلة الى أوروبا فاني اتمنى ان تخبرني عن نوع كاميرا يكون سعرها مناسبا وجودتها عاليه ودمت بخير

  4. قرات في احد مواضيعك انك ذهبت الى نادي مانشستر في صيف 2006 فهل بالامكان ان تضع رابط ان كان هناك او اود ان ارى بعض الصور

  5. حبيبي الغالي يعلم الله قد ايش اني افرح لا قريت رسايلك واني انتظرها كل اسبوع اسلوب مميز وتصوير رائع وكلمات يعجز الوصف عنها ابداااااااااااااااع لا يضاهيه ابداع دمت مميزا وبانتظار جديدك2008

  6. يسعدني ويشرفني المشاركه في سلسلة رحلاتك الرائعه الله يستر عليك وويوفقك حقآ عشنا معك بكل خطوه احببنا المفرحات الله يسعدك قول آآآآآآآمين اختك:ديما في انتظار جديدك

  7. جوناااااااااااااااااااااان روووووووووووعه الرحله ذبحتنا بهاالصور الموهيم الله لايهينك انا مشتركه في القروب من نص الرحله كيف اعوض الي فاتني ابغاه في ايميلي ياليت لو القروب يعيد يرسلها وياليت ما تقطع عنا بمواضيعك المتميزه ياليت تستمر مواضيعك في القروب الرائع

  8. صبآحمسآء الخيــر مناظر مؤلمه روووووعه 🙂 يالله الجنه بس ،، شوف الأجواء بس وتكره نفسك .. بس قهر ليش الجزء الأخير 🙁 لاهنت أخوي .. ننتظر جديدك

  9. يعطيك الف عافيه اخوي المايسترو مبدددددددددددددددددع في كل شي حتى الاغاني الي تختارها وتكتبها مااقدر على طول ادندنها مع الصور تسلم يمينك ولاتحرمنا جديدك

  10. 🙁 يعطيك الله عافيه وصدقني تابعتك من اول حلقه وحسيت اني معاك . . بس المره الجايه خذني معاك < حركات هههههههههههه .. ماعلينا يعطيك العافيه وننتظر جديدك ..

  11. ماشاء الله عليك يا مايسترو كلمة مبدع قليلة في حقك.. صدقني يا مايسترو إنك تستحق تكريم من كل الدول التي زرتها، لأنك نقلت لنا صورة رائعة عن تلك البلدان الجنان تحياتي لك يا مبدع

  12. ::Dشكرا يامايستروا على مااتحفتنا به من موضوعات شيقه ومثيره خليتنا نعيش جو معاك وننتظر منك الكثير:$

  13. شكراً لك أخي المايسترو على هذه التقارير الجميله بصورها وبإسلوبك الأكثر من رائع الله يعطيك ألف عافيه .

  14. راااااااااااااااااااااائع انا اعتبر نفسي زرت كل الاماكن الي زرتها…

  15. يعني خلاص كل شي انتهى وراح ؟؟ 🙁 زين يعني خلاص ماشي مفرحات .. وماشي رحلات ؟؟؟ ما في خاطرك اتسافر صيف 2008 وترجع لنا برحله جديده 🙁 زين عيد لنا الحكايه من جديد … ولا أقول 🙁 قول لنا حكايه ثانيه .. اي شي المهم ما تخلص الرحله 🙁

  16. شي خيال ةلافي الاحلام والله ثم والله لم اشاهد جمال ولا كنت اتوقع ان في الدنيا جمال زي كدا رحنا معك وجينا وتمشينا ربي يسعدك دنيا واخرة ونشكر لك هالوصوف الرائعة اقول شاعر مدري اقول كاتب مدري …جزاك الله كل خيرررر

  17. مرحبا المايسترو.. اول مره اكتب تعليق وماعرف شلون اشكرك على هالرحله والصور الروعه كنت متابعه لحلقاتك كلها وانتظرها عشت كل رحله بلحظتها وجوها وتمنيت من قلب اروح الى هالامكان شوقتنا لها وراح نفتقد حلقاتك الف شكر لك

  18. واللله مره مشكوووره ونستا يعطيييك الف عاااافيه ولا تحرنا من جديدك

  19. يعطيك العاافية كنت معك بكل كلمة وكل حرف وكل صورة جوناااان في جونااااان

  20. الف شكر على جميع المواضيع وبصراحة امتعتنا وخليتنا نروح معاك في عالم ثاني وارجو ان تستمر في موضوعتك الشيقة وما تقطعنا والله يوفقك ويجزاك خير عن كل ضحكةاخرجتها من قلوبنا :$

  21. بصراحة الحلقة هذي هي الأروع والأجمل يكفي منظر الثلوج واحنا هنا ننصهر ونذوب من حر الرياض يعني بالعربي بردت علينا الله يبرد عليك وان شاء الله سويسرا هي محطتي القدمة :$

  22. أنا من المتابعين لجميع رحلاتك تقرير جوناااااااااااااااااااااااااااااااااااااااااان بأننتظار تقريرك لرحالاتك هالصيفيه:)

  23. وااااااااااااو والله بصراحة رووووعة بس ياخي لو كان اخذ معاك رفيق يسليك:D

  24. 🙁 ماأحب النهايه أبد أبد أستمتعنا معاك يالمايسترو بكل جوارحنا أتمنى لك التوفيق أينما حللت

  25. تصدق اني اخاف من الطيارات لكن والله شجعتني على السفر بس استأذنك باخذ بعض الصور وتكبيرها لوضعها عندي بالبيت باسمك انت رائع رائع راااااااااااااااااااااااااااااااااائع

  26. مشكور مايسترو الله يوفقك بس خساره الاخيره خلااااااااااص 0 نتمنى جديدك 2008 تروح وترجع بالسلامه ماشاء الله خفة دم واسلوب وروح مرحه ماشاء الله علييييييييك

  27. بصراحه اكثر من روعه قال ايش قالو سياحه داخليه وخجلت بأن اطلع ولا ارد فها انا اشكرك من كل اعناق البي

  28. جزء ورا جزء،، كتبت فابدعت يا صديقي اسلوب وتشويق وفله الله لا يضرك يا مايسترو بس فيه شي تقطع قلبي تقطيع عليه: التفاريــــــح اللي تحطهن! الحلويات اللي تصورهن ! آآآآآآآآآآهـ يا قلبي ليش ،، شلوووون ،، وراااه ،،، الله يهيك حبيب قلبي ويسعدك وسير عاد ترانا جيران بالربوه :$

  29. يسلمووووو يابندرر على التقارير وعطنا تقرير وصوولك للرياض ههههههههههه في مطار الملك خالد:$:$:D

  30. رائع ياخوي ومبدع لبىليبك ماشاء الله بجد استمتعت ونقلت صورة جدا رائعه ..عن تلك البلدان . ماني قايل شكرا بس بقولك الله يسعدك ويجيزك الخير

  31. ابدعت بالصور والتعليقاات بجد عششششت معك لحظااتك وكاانى معك اتمنى ازورهااا .. وربي انى اذا قريت تقاريرك ترتاح نفسيتى رربي يسعدك ويوفقك قل اميييييين ..

  32. اريد ان اشكرك من اعماق قلبي من البداية حتى النهاية ربي يحفظك ويخليك لأهلك تستاهل كل خير على التقارير والصور والتعليقات الاكثر من رائعة تقبل مروري دمت بود اخوك ريان

  33. السلآم عليكم اخوي المايسترو بصراحه و من غير مبالغه تعجز الكلمات عن وصف الرحله انا شفت جميع الحلقآت وكلهآ روعـه بالآسلون الي اهنيك عليه والصور الي اشكرك عليهآ مآ ادري وش اقولك لكن الي اقدر اسويه اني اصفق لك من قلب ولآ تقطعنآ تعودنآ عليك

  34. ماكنت اتمنى ان تقاريك تخلص استمتعت بكل لحظه قضيتها معك عن جد عيشتنا باجواء مره روعه وخليتنا ننسى كل شيء الله يسعدك زي ماسعدتنا لاتحرمنا من مواضيعك الشيقه ودمت بصحه وعافيه ياحبي لك يالمايسترو ننتظرك بلهفه

  35. الله يعطيك الصحة والعافية ويسلم ربى عمر الجميع مشششششكورر حيل على التميز الي زوتدنابه نطمع منك المزيد وتقبل تحياتي فعلا صور جميلة وجمال الطبيعة وحسن ا$ختيار وفقت فية

  36. :(:(:(:( مـآودي تخـلص 🙁 مـآفيه شئ جديد لـ 2008 .. نبيهـآ في النمسـآ :D< = برأأ شــكرآ يـآالمايستروو و جزآك ربي كـل خـير .. والله إستمتعت كثيـر بهـآالتقارير ..

  37. آ‘ذآ‘ آ‘لآ‘بــدآ‘ع مـن الزمـآ‘ن فآ‘نت مبـدع للمكـآ‘ن… وٍ آ‘ذآ‘آ‘لآ‘بــدآ‘ع كلمـه فآ‘نت المتحـدث الرسـمي آ‘هنـئـك من آ‘عمـآ‘ق قلبــي … أنت جميــل بتعلقـآ‘تـك ..

  38. إبدااااااااااااااااااع صراحه اخوي(( المايسترو )) أبدعت في السلوب أبدعت بالتصوير مشكوووووور ألف شكر وجزاك الله الف خير

  39. ميسرو لا اعرف كيف اشكرك على هذا المجهود الكبير سوى بالدعاءلك الله يوفقك و يبارك لك في دنياك و اخرتك

  40. يعطيك العافيهـ أخوي على هذا الابدااع والله يصبرنا:( في انتظار رحله جديده 😀

  41. استمتعنا معاك يالمايسترو وكنت من المتابعين لكل حلقاتك و لكن لم يسعفني الوقت في التعليق الى الحلقات الماضية فقررت ان اعلق في الحلقة الاخيره :(:(

  42. الله الله الله عليك يالمايسترو والله العظيم ااااابداع وتبي الصرااحه استنااك من اول جزء الى اخر شيء كتبته ويشهد علي الله اني كل ماتنزل جزء اجلس انتظر الى الجزء اللي بعده بس ماقوول الا الاالامام والله يوفقك ان شاء الله ووننتظر صيف 2008…

  43. واااو روعـــــــــهـ شكراً لك أخي المايسترو على هذه التقارير الجميله بصورها وبإسلوبك

  44. عشنا في جو ولا أحلى الله يعطيك العافيه ولاتحرمنا من رحلاتك من ابداعاتك

  45. 🙁 يعافيك ربي … جد مراا اسمتعت وبشده معك … باسلوبك وتنسيقك للموضوع… تبرد الكبد مشاء الله عليك..8) وتحمست زود على زود إني أسافر.. ملف كامل كله لرحلاتك عندي على الجهاز.. جد الله يعطك ألف عافيه.. ويوسع صدرك بالعافيه.. وعقبال ماتروح شهر عسل8)

  46. :(:( صراحة عشت معاك من بدائية الرحلة لين انتهت اتمنيتها ما تنتهي موفق

  47. ممكن اكون اول مره اعلق لكن رحلت معك لحظه بلحظه عشتهم كاني سافرت معك 😀 أشكرك على طرحك الرائع للموضوع 🙂 وأتمنى لك رحلات سعيده ها السنه

  48. اسافر معك للبلاد وانزل معك في بلاد ..ومن غيمة الى غيمة ولا للمساء حدي 🙂 شكرا بعدد احرف رسائلك على هذا الكم الهائل من المتعة ….شكرا سارة

  49. :oالماسترو استمتعت جد برحلاتك المذهله عشت معك في كل لحظه 😀 ابدعت وتجاوزت الابداع في طرحك الاكثر من رائع ساافتقدك كثير للامانه دائما ماكنت انتظر سلسة رحلاتك الممتعه والشكر موصول للاخ ابونواف:) لا هنت:D

  50. ماشاء الله رووعه ماشاء الله الله يهينك انت زرت احلى مدن العالم واخذتنا معك كان نقلك روعه للسفرياتك اتمنى لك التوفيق 😀

  51. الأخ المايسترو هذي اول مرة اعلق على موضوع لشخصك ولكن تابعت بشوق كل رسائلك وكنا معك خطوة بخطوة وبمتعه كبيرة جداً وحقيقه سنفتقد رسائلك كثيرا ,,كل الشكر لك ,,وبإنتظار رسائلك دائما دمت بخير

  52. مشكور على المجهود الكبيـــــــــــــــــــــــــر الي قمت فيه خلال من أول موضوع إلى آخر موضوع س. -إذا ما فيه إحراج- كم كانت مدة الرحلة وكم كلفت؟

  53. والله انا ما قريت الموضوع لسه بس عندي ايميل جديد وبازن به ابي اجربه مع الاعتذار الشديد للكاتب الله يطول في عمره ويعطيه العافيه وأعده اني راح اقرا الموضوع

  54. اخيرررررررررررا خلصت يووه تعبت وانا اقرا بس والله استمتعت كثير 8)8)8)8)8)8)8)

  55. إبداع … إمتاع … إشباع … الله يزوجك يارب ويوفقك .. بصراحه إختصرت علينا أشياء واجد .. ويا ليت لو تضيفني عندك على الإيميل محتاجك بمواضيع … شكراُ من الأعماق ..

  56. يعطيك العافية وما قصرت تضايقت مرة لما انتهيت بإنتظار جديدك 2008 تقبل تحياتي

  57. ماشاءالله عليك انا تابعت كل رحلاتك من جد انبسط وانا اشوف احس اني معك وتضايقت لما خلصت بس بننتظر شي جديد الله يعطيك العافية اخوي..

  58. اخووي والله اني ارسلت لك رد طويل بس مانرسل ونسيته بس اقولكـ رحلهه ممييزه وابيك تروح السعوديه وتورينا المناظر ماظن احد راح السعوديه

  59. 🙁 🙁 🙁 🙁 ياااربيه ضاق صدري مرررررررره:( المايسترو اشهد إنك ماقصرت 🙁 والله إني عشت معك جو الرحله لحظة بلحظة:( وصفك وتغطياتك للرحله كانت جدا رااائعه بس يااشين النهاايه والوداع 🙁 ننتظر تغطيتك لسفرتك هذي السنه إن شاء الله 🙂 الف شكر لك اخوووي 🙂

  60. بصراحه شي كل ذوق واحساس طبيعه روعه فيها احساس الهدوء وشكرا علي العاملين والمبدعين شي رائع 😀

  61. وبس ! خلاص يعني مافيه حلقات ثانيه ! 🙁 بس استمتعنا 😀 ترجع بالسلامه ان شاء الله

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى