رحلتي الى باريس الجزء الثاني

صباح الورد

هذا الجزء الثاني من رحلتنا الى باريس

في اليوم الثالث ذهبنا لاشهر معالم فرنسا برج ايفل والذي يقع في ميدان تروكاديرو

بني برج ايفل قبل قرن اي في عام 1889 بواسطة المهندس الكسندر  إيفل والذي استمر بنائه عامين

ويرتفع عن سطح الارض بـ375 متر ويزن البرج حوالي 7000 طن والغريب ان طلائه يزن 50 طن

برج ايفل يعمل على صيانته حوالي 500 شخص

اذا بدوا يصبغون البرج يجلسون سنه كامله يصبغونه مايمديهم يخلصون الا هو متقشر

يرجعون يصبغونه من جديد وعلى هالحال والله لو انا منهم استقلت

يتكون البرج من ثلاث مراحل الطابق الاول والطابق الثاني والقمه والتي تحتوي على متحف مصغر للمهندس ايفل

للصعود الى اعلى البرج يمكنك استخدام المصعد او استخدام السلم

وكلها زحمه بس السلم اخف زحمه انا اخترت السلم وليتني ما اخترته

جلست ثلاث ايام امشي>>>بدا النصب

بعد انتظار ساعه ونص بالطابور دفعت سعر التذكره وطلعت للمرحله الاولى بس وصلتها وانا

تعبان طلعت للمرحله الثانيه بالمصعد

اسعار التذاكر بواسطة المصعد 10 يورو للقمه و7 يورو للطابق الثاني و4 يورو تقريبا للطابق الاول

عند صعودك للقمه سوف تشاهد منظر رااائع لباريس وانصحكم بزيارة البرج مرتين بالنهار والمساء

لكن اذا طلعت للقمه خذ معك فروه

منظر لحديقة البرج من الطابق الاول وهنا تشاهد السياح متسدحين

ويداعبون بزارينهم ياخي تسدحوا بديرتكم

لقظه رائعه لنهر السين ويلاحظ المراكب السياحيه المنتشره على طووول النهر

لقطه من الطابق الثاني للبرج

بعد يومين من زيارتنا للبرج ذهبنا الى احد الانهار حيث كان العديد من البائعين يعرضون التحف كما يوجد العديد

من الرسامين يعرضون لوحاتهم الجميله ويقومون برسم صوره لك اذا ردت

انت بس اجلس على الكرسي وثبت خشتك ولاتتحرك وكلها 10 دقايق وراسمينك بعدها خذ الصوره

 وخوف فيها الناس خخخخخخخخخخخ

في احد الميادين مدري وش اسمه لقينا هالشله متجمعين واظنهم من البرتغال مسوين فيها جلسة طرب

شوفوا اللي رافع يده يوم صورته الظاهر عرفني>>>تكفى

نهر السين يخترف باريس وهو اكبر الانهار لاتفوتك رحله بالمركب وسط النهر >>>اجل وسط الشارع

كنا نمشي مره وسط باريس وفجأه لقينا سوق مخصص للخوال

مادري والله وش الدوله لكن كل منتاجاتهم تباع هنا واكلاتهم

صورة هالتماثيل تذكرني بالمقاصب اذا جيت كلها روس بقر

هالنهر مدري وش اسمه ماهو نهر السين  ماذكر بس اكيد ياعين او قاف المهم انه من حروف الهجاء

مبنى الاوبرى الفرنسيه

اكثر سياح نشوفهم اليابانيين في كل مكان تشوفهم وكل واحد معه 3 كاميرات ويصورون كل شي

كنا نضحك عليهم قلت لخويي شوف وش بسوي فيهم رحت لبرميل زباله شكله مربع وعليه نقوش وقمت اصوره

يوم التفت وراي لقيت 3 يابانيين يصورون

على فكره السايح الوحيد بالعالم اللي اذا طلع من ديرته يوفر هو الياباني يعني تصور ورع يقول لابوه تكفى خلني

اسافر ترى طفرت

ونااااسه

تذكرون اغنية ماجد  المهندس على مودك انت وبس صورها في المكان هذا

حتى شفته وهو يشيل اغراضه

هذي مجموعه من الشاشات توريك كيف صيانه البرج

طبعا الشاشات على مستويات معينه

تبدا من عند البنت وترتقع الشاشات لين توصل لمرحلة الكبار بس هالثور هذا مايدري وش السالفه

على طول راح لحقت المبزره

كانت الامطار تهطل كل يوم بعد العصر الى الصبح

من الايام الجميله المشمسه في باريس

مبنى الاوبرا من الجهه الاخرى وهو مقابل اللافيت جالري

وللدوجه بالشوارع نصيب

تكثر العروض الرياضيه والرقص في الميدان المقابل للكنيسه