رسائل المجموعة

حملة تسذا … ماهوب تسذا الثانية ،، لتوعية الأسرة العربية

بسم الله الرحمن الرحيم
السلام عليكم ورحمة الله وبركاته
خذ الحذر … درن درن
خذ الحذر … درن درن
لديك في المنزلي
أماتسنن تسثيرتن فيها خطر
خذ الحذر
درن درن

بالله تذكرون برنامج سلامتك ؟
منذُ نعومة مخالبي وأنا منشطب راسي من هالبرنامج
فيه حلقة يجيبون واحد ياكل وهم يصورونه صدره وبلعومه بأشعة x فوق الحمراء المغناطيسية << وحدة من ذولي
أنا الي فاقع راسي وش ياكل نعنبو بليسه أول مايحط اللقمة بفمه تسقط بالمعدة
المهم
يالله مسهم بالخير ، وشلونكم يا أحلى شيون شفتهم بحياتي ؟
تخبرون حملتي الأولى الي بعنوان ( تسذا … ماهوب تسذا ) ؟
أبشركم الحملة تكللت بالنجاح ورأينا نتاءجها الباهرة بعد برهتن من الزمن ، وحدثت نقلة نوعية بتاريخ البشرية
وحل الدمار في البر والبحر فانقلبت محاور الكرة الأرضية
تصدقون من أول ودي أموت قبل عام 2008 << مهبلتن فيه عدنان ولينة
عاد إذا مرت هالسنة ولا قامت الحرب العالمية الثالثة وحل الدمار في البر والبحر وانقلبت محاور الكرة الأرضية ، أبروح للكويت
و أمسك عبدالرحمن العقل وأعفط وجهه .
ماعلينا من هالحتسي خلونا بموضوعنا
اليوم أطلق لكم حملة د . جنط السفينة لتوعية الأسرة العربية ، بعنوان ( تسذا … ماهوب تسذا ) ، وإن شاء الله الحملة تنجح مثل الحملة
الأولى .
قالوا عن الحملة الأولى :
ع.س.ق من الرياض :
أنا متزوجة من عشر سنوات بس كنت أخاف من الحمل ، بس يوم شافت الحملة الأولى حملت وأبشركم
إني ولدت على خير والولد هالحين بثالث ابتدائي .
أبوجلمبو من منفوحة:
أنا من أول أحس إني مانيب رجال ولانيب كفو للعرس بس يوم شفت الحملة الأولى قررت إني أعرس ، وهالحين
أبشركم إني خاطبن حسينة شغالة خالتي الجوهرة
م.و.ن من المزاحمية :
أبد أنا ما استفدت شي بس كنت فاضي وأجي أرسل لكم << نشرت بالخطا
……
+ = أسرة عربية
بسم الله وعلى بركة الله نطلدز الحملة :


بالله لا يفوتكم وجه البزر وهو مركز


بعض بزرايننا يبي لهم غسيل بستم




يا أخي البزران عليهم حركات بايخة
بالله ماعمركم شفتوا بزر ياكل تراب ؟
أنا ودي أدري وش يحس فيه الزلابة وهو ياكل تراب











هتسذا نكون ختمنا حملتنا الثانية لتوعية الأسرة العربية

دمتم بأحلى ابتسامة
أحسن واحد بالعالم
د. جنط السفينة

مقالات ذات صلة

‫64 تعليقات

  1. مشكور اخوي على الموضوع انت من وين تجيب ذي الافكار والله الموضوع ممتع على الاخر خذت اجري في ذا الصبح 🙂

  2. حسبي الله على ابليسك ياولد موتنا ضحك وش هالحمله بس من جد حمله توعويه صح :$:$:$:$:$:$:$

  3. والله يوم كنت صغيره كنت انا وولد خالي نروح نبلع تراااب:$بس والله ياهو طعم مشكوور دكتور استفدت كثير من النصايح:D

  4. 😀 موضوع في قمة الروعة دكتور و الله لا يحرمنا من جديدك وابداعك من جد مبدع تقبل مروري دمت بحفظ الله

  5. موضوعك في قمة الروعة و الطرافة… حملة ناجحة بكل المقاييس حتى مقياس ريختر 🙂

  6. حطيه بشويش ولا تجدعينه جع خخخخخخخخخخخخخخخخخخخخخ الله يرج ابليسك يا دختر ..:D

  7. ههههههههههههه بغيت اطيح من الكرسي من كثر ماضحكت وش الموضوع هذا , وربي يخلي الواحد يموت من الضحك خااااصة نشفه بالفوطه ولا تحطه بالنشاف ههههههه

  8. الموضوع جميل ومتعوب عليه لكن ليه غالبية التعليقات على الموضوع حريمB

  9. ..الاكدآآونص وتلات اربااع 😀 ..مواضيعك خطيرة ولو اني ماافهم بعض الكلمات.. اما 2008 هههههههه الله يعين العقل اذا عدت هالسنة على خيرر يعطيك العاافية :>

  10. ههههههههه من جد حملة ناجحة وأكبر دليل اني وافقت على الزواج والحمدلله كنت خايفة من المسؤلية وتربية الاطفال:( بس الحين لا شكرا دكتور أفدتني 😀 بانتظار باقي الحملات:o

  11. افخر بلغتك العربيه وتكلم فيها بالطريقة الصحيحه لانك وعلى اغلب الضن عربي من سكان جزيرة العرب,,,منبع العروبة…اختر كلماتك بطريقه افضل…(تسذا) كلمه غريبه ولاتمت للغه العربيه بصله….حتى لو اختلفت اللهجات…يجب ان تضع في الاعتبار اختلاف القراء..واختلاف اعمارهم وجنسياتهم…وكلنا تجمعنا لغه واحده…لغة القران…فلاتجعل لغة أهل جزيرة العرب ان تصبح غير عربيه…(تسذا) للتوضيح فقط هي (هكذا)….اتنمى ان تفهمني بالطريقه الصحيحه

  12. اجل ماهوب تسذا والله يانهم بعض الناس دلووووووخ:$ يعني يخلونك تطالع تسذاB

  13. هههههههههههههههههههههههه ههههههههههههههههههههههه منتب صاااااحي مييييير..:D ياخي قسمن موزوع لزييييز اوي اوي اوي..~ اوووووووووووووومــــآ عدنان ولينا وقصة 2008 ههههههههههههههههه رهيبببببببببببببببة اللي يسعدك يا اخي.. سلامتك نود لك سلامتك ..~ يامصله بس هع.. يسلمووووو خيوو وما ننحرمشي..~ يسعدك ربـــــــــي..~:)

  14. ههههه للحين انت تنصح بهالعالم يا فطست ضحك على رموز الاسم الاول اجل ما تبي تجيب عيال وابو جلمبو ما يبي يعرس هههههه الا بسالك في حمله ثالثه

  15. مشكور يا اخونا جنط السفينة بس لو كل الدكاترة زيك كان سمعنا الكلام صح

  16. هههههههههه ياخي ارحمنا شووي انا ما ضحكني شي كثر سالفة 2008 و الدمار هههههههه بالله كيف تجيب الكلام كذا:$ يعطيك الف عافية والله يونس قلبك بالعافية

  17. هههههههههههههههههههههههههههههههههههههههههههههههههههههههههههههه هههههههههههههههههههههههههههههههههههههههههههه هههههههههههههههههههههههههههههههههه يآآآآآآآبطني يآآآآبطني تشقق حسبي الله على بليس بليسك ماهنا نصآيح بالعالم اسنع من نصآيحك ولا يوم يلعب بلياردو قصدي شطرنج ويوم جالس يتقهوى مع اموه آآخ يابطني آآآخ أطلدز حمله عرفهآ التآريخ :d يعطيك ربك اللي تبي يآرب

  18. هههههههههههههههههههههههه ياحليكم والله تصدق أنا أول كنت أكره البزران وحوستهم بس اللحين قررت أربي اخواتي بنفسي شكراً درختر..:D

  19. بصراحه وبدون مجاملاات وبدون لف ولا دوران وبدون ترقيص حواجب اقولك وانا اختك .. جعلك تسلم على ذا الحمله الطيبه الي بحول الي ماتنام عينه بتحقق النتايج المرجوة بل واكثر من ذلك .. وانا من موقعي هذا ادعو كل ربت منزل متربيه تربيه اسلاميه صحيحه للالتزام والانضمام لهذه الحمله والتي ستسمى حملة الشيخ صاحب المعالي د.جنط السفينه..

  20. دكتور جنط انا عم حيك كتير كتير اوي اوي برشا برشا واجدن واجدن اختار منها الي يناسبك اما بنسبه لحملة ((تسذا وموب تسذا)) انا اقول انها غطت على حملة ممنوع التدخين وبما انه فيه واحد من المزاحميه ديرتي احب اشكره على مشاعره النبيله اتجاه هذه الحمله واخر شي لك اعتزازي . اخوك جورج مناحي _ بيروت _ شارع السعاده العنوان الحقيقي المزاحميه _شارع الهاتف

  21. قسم قسمات انك توحفه ضحكت لين قلت بس واااااااي ياربي نبي جزء ثالث تكفى

  22. جنط السفينة موضوعك تسذا يعني رجة هاهاه والله يانت واحدن من اثنين يا من اهل شقراء او من الوشم هذا حتسيهم يحبيلهم هاهاه

  23. تسلم يادختووورB أثره تسذا تربية الورعان..وحنا نقول إذا فطسو ورعانا قضاء وقدر..ياويلي ويلااااااه:(

  24. :D:D مبدع … مبدع ياخي وينك انت .. ورى ماتسوي لنا حملات المرور واسبوع الشجرة واسبوع النظافة …الخ بلا هالخرابيط اللي مزعجينا فيها.. والله تبي الصراحه ترى حملتي نالت اعجابي الشخصي >> احلف:$ (( ياخي تصدق ان كود تفعيل الرد حقي مميز ؟؟ 7878 من قدي8) ))

  25. يالبى تسبودكم 😀 ياهلا والله وسهلا بالقميع والله ودي أمسك ردودكم واحد واحد بس مافيه اقتباس

  26. واااااااااااااااااااااو شجعتني على الزواج عشان اتفسلف على زوجتي ما غير تسذا وما هوب تسذا شكررررررا الله يوفقك بانتظار الحملة الثالثه 😀

  27. عليك تعليقات يا شيخ مب طبيعيه ابدا.. الله يعطيك العافيه و اتضحكنا اكثر و اكثر بعد..

  28. السلام عليكم اخ جنط الحمله حلوه ومو حلوه بس بصراحه استانست فيها اكثر من الحمله الاولى الله يعطيك العافيه حبيت اقولك انوا عندك اسلوب رائع وتقدر تستخمه باشياء افضل من هذا انا ماانقد او اقول ان الايميل ماكان حلو او مايضحك بالعكس بس اتمنى من كل قلبي نشوف لجنط السفينه اشياء غير الفكاهه استمر واحنا معاك بالتوفيق لك

  29. هههههههههههههههههههههههههههههههه الله يقطع شيطانك قل آمين فطست من الضحك .. وخلك من الي يسبون لهجتك ترآآه جنــآآآآآن …. أنبه الي يقول انت من شقرا والا الوشم لا ياخي ترآ القصيم بكبره تسذا كلامهم فديت قلوبهم والله ولهجتهم وكلش بهم .. 🙂 يعطيك الف عــآفيه خيوو

  30. مشكوررر اخووووي ع الحمله….. ننتظررر الحله الثالثه بعد الحرب العالميه 10000000

  31. الله لعطيك العافية جميعاً على المتابعة والردود الأخت منو لي كتابات غير الكتابات الساخرة ولكن لم أطرح في القروب شيء منها . لكن بإذن الله بيصير هالشي . شاكر لك نصيحتك

  32. ههههههههههههههههههههه وربي فطست ضحك تسلم خيو .. بس عقب حملتك ذي صرت احس بالأمومة اللي جايتن مهوب محلة وقلت خلاص ماعاد ادبج عيال خواني واصير لهم الاب الحنونة والام الحنون .. وغدين اروح للحملتك الاولى,.. هع هع تسلم يعطيك العاافية

  33. انا من بكره بتزوج عشان اطبق نصايحك ههههههههههههههههههههههههههه

  34. هههههههههههههههههههههههههههه ااما شكل البزر وهو بحوض السمك هههههههههههه والله لو انه زبيدي ماحلتوه بسطه صراحه اطلق حمله شفته بدال الفلسفه ونضعووه ونعمل بهوو الكلام اللي يدبل التسبد بانتظار حملاتك جنط .. وسلملي على ابو جلمبو وقوله الله يخسك ضاقت الدنيا B

  35. الله يرجك رجاً قبل الفتح وبعده وووالله انك كفووووووووووو فديت روحكم ياهل السعووووووووووووووووووديه يادلبي عليكم من جد وجد ومن زرع حصد >>>>>>>ومن واصل على الدربي وصل >>>> متاثره بالاختبارات اللي ملوعه كبدي 12 سنه .. خيووووو حبيت اقولك واصل على الاسلووووووووووووب والله انك رووووعه

  36. 8)بداءتـ التفكير الجدي بالزوج ؟؟؟ عشان اطبق ((تسذا مو تسذا)) ومن ناحيتي بجيب توائم الاول بطبق عليه تسذا والثاني بطبق عليه مو تسذا .. كل هذا لاثبت صحت دراستكـ تحياتوووووووووووووو ..,

  37. الحين قلت المواضيع ماتكتب الا بالحمل والوحم والولادة 🙁 عرس وان شاء الله تشووووووف بس والله موضوعك وطريقة كتابتك حلوووة

  38. والله انه موضوع رهيب يا جنط السفينة وممتع لأبعد الحدود 😀 وصدقني لولا صداقتي مع شباب سعوديين ما كنت عرفت وش تسذا ولكن سلمت يداك على الموضوع 8)

  39. بيض الله وجهك يا دختوور أقول يا دختور متى نعاين برنامجك (دختو جنط السفينة لسلامتك) :oB :oB :oB

  40. موضوع مفعم في البيض والشطه يعني لازم يكون حمل عشان يكون فيه رز لكن انا وجهة نظري ان الشطه لازم تكون باردة عشان مايجيك بواسير ياحلو

  41. الله يرجك ابليسك ياجنط السفينة قطعت بطني انت ونصايحك ماعليهم شرهة ورقة بلوت والشباب طايحين بك تقطيع أقول الله يخلف لو بتمسك توعية عزالله إن ينخبلون أهل الحي اللي انت به

  42. ههههههههههههههههههههه الله يرجك والله اني مت من الضحك منتظرين حملتك الجديدة

  43. ههههههههههههههه 😮 والله انك مهوووي خخخخ 😀 هذي الحملات ولا بلااش موب الملااغاات 8) يصلمواات يابو الشبااب بانتظار الحملات الجايه اختك دودي:o

  44. هههههههههههههههههههه هههههههههههههههههههه ههههههههههههههههههه والله انك رهيبن رهييييب ياتختور عجييييبه هالحمله قبل اقرا حملتك كنت تسذا:( وعقب ماقريتها صرت تسذا:D يعطيك العااافيه

  45. :):) يااخي صحيح هالكلام يالله اجل انا ربيت عيالي غلط وش اسوي الحين ؟؟؟؟؟ من جد توهقت اخ بس ياليتني سمعت كلامك من زمان

  46. هههههههههههههههههههههههه والله موضوعك تحفه واحمله شفتها بحياتي تسذا ياحركات

  47. صراااحه حتسيك يبزخ السبد تبزيخ والله عجزت اسكت ميت من الضحك الله يرجك

  48. ياخي ما شاء الله عليك .. يا خف دمك والله إنك خفيف الدم فقعت بطني من الضحك .. خصوصاً يوم قلت 2008 والحرب حقت عدنان ولينة هههههههههههههه خخخخخخخخخخخخخ

  49. انا الصراحه كل كلامك تمام بس فيه بعض الكلمات غريبه علي شويB تسذا ماهو تسذا:(B العاده نقراها ونسمعها كذا مو كذا :$ او هكذا وليس هكذا :$:$:$:$ على العموم الف شكر على الموضوع يا الغالي.0……….

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى