رسائل المجموعة

حساب في بنك الراجحي عمره 100 عام / قصة حقيقية

هذه قصة حقيقية حدثت يوم أمس 14/10/2009
وأنصحك بقرائتها ..
راح تستمتعwidth=19وتضحكwidth=19وتستغربwidth=19وتتألمwidth=19وتأتيك كل المشاعر المتناقضةwidth=19.. وفيه
·حساب في بنك الراجحي عمره يزيد على 100 عام !!
·أربع ساعات ونصف لاستخراج شهادة مصرفية !!
·نقاش تحول إلى هواش مع مدير البنك
·بنك الراجحي ما فيه سيولة (كاش) !!والناس تتأففwidth=19
·حراج داخل البنك.!

أمس رحت بنك الراجحي أستخرج شهادة مصرفية (للي أول مرة يمر عليه المصطلح: يعني رصيد الحساب في يوم معين يختاره العميل) ، وعادة يُذكر بالشهادة تاريخ تواجد هذا العميل عندهم من ساعة ما فُتح الحساب لأول مرة ،، وتبين إنه حساب والدي عندهم له 101 سنة و3 شهور !! من عام 1908 !!width=19
من قبل ما يكون فيه شي اسمه السعودية .. فضلا عن أن يكون هناك شي اسمه بنك الراجحي .. فضلا عن أن يكون والدي عايش على هذا الوجود في ذاك الوقت (الله يحفظه ويخليه لي) .. ولأجل طباعة هذه الورقة اليتيمة انتظرت ساعة ونصف ،، وكل هذا التأخير عشان يعدلون الاسم للإنجليزي ، لأن نظام الراجحي يطبع لك الاسم عربي (والشهادة المصرفية لازم كامل معلوماتها بالإنجليزي عشان مراسلة الجامعات الأجنبية وألا وش فايدتها) ..
وعشان يعدلون لك الاسم واللي ما يستغرق إدخاله بالظروف العادية دقيقة(ولكن لأن كل شي غير عادي في هذا اليوم المنحوس)، استغرقت الشغلة أضعاف هالمدة بمرات كثيرة تستحق أن تدون في موسوعة جينيس للأرقم القياسية ، من أجل تعديل اسم وفق الآلية العبيطة التالية:إرسال إيميل للمقر الرئيسي للبنك عشان يعدل الاسم على (النظام / السستم) من العربي للإنجليزي .. وانتظر عاد لين يجيك الرد .. ويوم جاء الرد بعد ساعة ونص من انتظاري ، طلع فيه خطأ الــ100 سنة السالف ذكره .. (اللي ما انتبه له الموظف رغم الختم والتوقيع بصلاحية الشهادة وأنا اللي نبهته عليه)
بعدها أرسلوا ايميل ثاني للمقر الرئيسي برضه بطلب تعديل تاريخ الحساب .. وانطقيت ساعة .. ساعتين ..width=19غير الساعة والنص الأولى وما جاء رد .. وكل ما سألت الموظف يقولي: بس دقايق .. شوي .. والله ما وصلني رد .. ما بيدي شي .. وأنا أقول له تحمل كلامي أنت بوجه المدفع.
ويمكن يتوارد لذهن البعض منكم: إنه ليه ما رحت للبيت وأجي آخذها بعدين ؟ والسبب اللي خلاني أنتظر إني محتاجها بنفس اليوم الأربعاء ، وما أقدر أنتظر حتى يفتحون يوم السبت .. غير إنه راح أسافر الخميس اليوم ولمدة أسبوع ولا أقدر أطلع الشهادة إلا من الفرع اللي مسجل فيه الحساب أبو 100 سنة.

بالنهاية سووا الاقتراح اللي كنت قايله لهم من أول ما جيتهم .. طبعوا الورقة يدوي (وأخذت كتابتها بشكل يدوي حوالي نص ساعة) وكنت قايل لهم يا ناس صلحوا خطأ نظامكم براحتكم .. إطبعوا لي الورقة يدوي وخلوني أمشي .. قالوا ما يصير ما عندنا صلاحيات >> نعبنوا داركم هو مفتاح الكعبة وألا مفاعل إيران النووي.!!
وتخلل هذا الإنتظار مناقشات مع مدير الفرع وأحيانا ملاسنات .. أقوله: إرفع للمقر الرئيسي بطلب عشان يعطونكم صلاحية تعديل الأسماء من الفروع (بشكل دائم) والطباعة بشكل يدوي في حال الضرورة .. قال: ما بيدي صلاحية .. قلت له: نظامكم غبي ، لأنه بالنهاية الأنظمة والتقنية نستعين فيها بالحياة لتسهيل أمورنا مو تعقيدها .. وش هالمرونة اللي بنظامكم تلطع الناس 4 ساعات ونص ؟!
هنا ثار الأخيظن إني أتهجم عليه وإن الأمر شخصي .. وما يدري (عن جهل أو حماقة) إن كلامي على الكيان الاعتباري المعروف بين الناس بإسم (مصرف الرجحي) .. واللي يمثله هو بقبوله الجلوس على كرسي المدير ،، لكن يبدو لي المدير يبغاني أقعد ساكت طول ساعات الانتظار .. وأقول له: سم .. أطعنا وسمعنwidth=19وأحب يدي مقلوبة إنهم عطوني الشهادة .. رغم أنها أبسط حقوقي كعميل عندهم.
وقلت له:يا أخي أنتم البنك الوحيد بالسعودية اللي أسماء العملاء فيه بالعربي (وأنا متأكد من هالمعلومة) .. قاطعني وأزبدوأرعدwidth=19وقال: إحنا في بلد عربي ولغتنا العربية ومعاملاتنا بالعربي .. وهو قبلها بثواني يوم أكلمه عن خطأ التاريخ يقولي: هذا خطأ بالإدخال في (الداتا بيز) !!width=19
طيب يا سعادة المدير: باللغة العربية اللي تتبجح إنك تطبقها وما نحتاج غيرها .. فيها بديل سهل وجميل يدعى بــ(قاعدة البيانات) وألا العربي ما نلقاه إلا بنظامكم .. عجبي.!width=19
طبعا هذا غير بعض المهازل اللي شفتها بعيني خلال انتظاري: منها عطل لوحة أرقام الانتظار ، والناس ينظمون أنفسهم ويصوتون وكأنك في حراج ، وكل واحد يقول للثاني هاااه كم رقمك .!
يالله يا رقم كذا وصل رقمك .. ومن وراهم الموظف اللي يحرج بأعلى صوته 149 .. مييية وخمسين ..
والأطم من هذا وذاك البنك ما فيه كاش.!!
قدام عيني جاء واحد يبدو لي تبع مؤسسة ، قال: أبغى أصرف شيك بقيمة 100 ألف .. قالوا: ما عندنا.!! ما فيه >> بنك بطول وعرض واسم ورنة ما عندهم كاش.!
جاء واحد ثاني لشباك الصرافين قال: أبغى أسحب كاش .. قاله الموظف ما فيه.!
قال الرجال (يا زلمة ما بيصير .. أمس جاي بتقولوا ما فيه .. كمان اليوم).!!
تخيل يومين فرع بنك الراجحي ومن أهم 3 شركات في السوق المالي السعودي .. ما فيه كااااش.!!
وأثناء وقوفي على شباك الصرافين أنتظر: مر المدير على موظفينه بعد نقاشي معه بفترة .. وناظرني واقف وإلتفت ناحية الموظف((اللي كانت معاملتي عنده من ساعة ما دخلت البنك ، ورضى يكتب الشهادة أخيرا بعد ما شاف إن المقر الرئيسي ما ردوا ولا جابوا خبر))المهم إلتفت المدير ناحيته وقال بكل وقاحة: يا علي الله يعينك إبتلشت بالشهادة.!!
وأنا أشوف الموقف وبدون أي إعتبار لساعات إنتظاري الأربع.!!
وأخيرا: صحيح ما عندي 100 مليون بحسابي .. تخلي هذا وأشكاله يوقف عند حده وما يقول هالكلام ..
صحيح ما عندي 100 مليون تخليه يتحببني عشان ما أسحبها ..
لكن بالمقابل لا هذا وأمثاله يقدر يوقف فمي عن الكلام .. الكلام الذي جعل سعادته (الأربعيني وربما الخمسيني) يغتاظ ويحارش شاب لتوه تخرج من الجامعة .. ولتوه أكمل الـثالثة والعشرين من عمره .. ولديه لسان يتمناه أصحاب الملايين .. ولا يمكن أن يسكت عن حقه.

/
/
عبدالعزيز الغفيلي
15/10/2009 م
أتحمل مسؤولية صحة كلامي أمام الله والناس
أحبتي: تفاعلكم برد أو تعقيب يهمني

مقالات ذات صلة

‫113 تعليقات

  1. السلام عليكم ،، للاسف الشديد هذا جزء من بعض وماخفي اعظم قصدي ماخفي عن الناس اللي مايعرفون بنك الراجحي قصدي حكومة الراجحي والله ياخوان مافي شك في كلام اخونا عبدالعزيز وماهي بغريبة على الراجحي سبحان الله التعامل السئ الاخلاق السيئة عدم احترام الغير الا اللي عنده طبعا دراهم يوقفون لك سيارتك ويغسلونها كمان سبحان الله كأن الواحد هو محتاجهم مايعرفون انهم هم اللي محتاجين العميل او انهم يمكن مايدرون ان الينوك ياكثرها الحين وكل واحد يقول انا في خدماته الرائعة سلامي على بنك ساب وساميا ومصرف الانماء حديثا وشكرا

  2. الاخ عبدالعزيز الغفيلي تحيه طيبه وبعد بحكم علاقتي بمصرف الراحجي اعتذار لك علي هذا الكلام وهو ان كلامك يوجد به مغالطه شدبد وليس به من الصحه اي شي وهذا الكلام يحملك المسؤوليه امام الجهات المعينه وليس من حقك التشهير بمؤسسة له مكانتها الاقتصاديه في البلاد ويمكن لنعتبر كلامك به نوع من الصحه فان مصرف الراجحي يمتلك افضل الانظمه علي مستوي الشرق الاوسط ويمكن لنظام في خلال دقائق استخراج شهادة مصرفيه بالغتين ام عربيه او انجليزيه فاياخي لايجوز ماقلت وارجع نفسك فمصرف الراجحى صرح شامخ في المجال المصرفي وذا كان لك مشكله باحد الفروع فهناك اداره علي وعي في تحقيق ما يتطلبه عميلها كان لك الرجوء بشكوه للاداره لحل المشكله وليس بتشهيركبير مثل ماحدث في قروب ابو نواف هذا راي في موضوعك

  3. السلام عليكم أخوي عبدالعزيز وأنا جالس أقرأ الموضوع حسيت بحرقان و هذا يدل على إنسجامي في الموضوع لان بصراحه الراجحي بنك غبي ويعتبر دوله تتبع نظام الرأس مالي يعني إذا انت كاش أبشر بالخير والله لو تكون على فصلت أحد موظفينه ولكن إذا أنت على قد الحال ولا تملك في الحساب بأقل تقدير ( 2 مليون ) أجل تحمل الوضع ( بنك تسديد فواتير ) كلام قديم طبعاً …

  4. بصراحه اذا تبي تكرهك نفسك اكثر ادخل قسم النساااء ؟؟ الخدمات بجد تعبانه اكثر

  5. بيض الله وجهك .. كم اكره الدخول لأي فرع من فروع هذا البنك .. بنك لا يعطي لمراجعيه أي احترام ..

  6. السلام عليكم,, مصرف الراجحي أخذ شعار إنه مصرف إسلامي وعلى هالأساس الناس تهل عليهم مثل الدود,, كانوا أذكياء من البداية واستخدموا هالأسلوب عشان يجذبون الناس يعني مثل ما قال لك طويل العمر نصير اللغة العربية,,! ناسيين إن الدين المعاملة أولاً وإن هاذي ما هي أخلاقيات الموظف في القطاع المصرفي ثانياً,, وماصار بنك صاير حراج,, أخطاء كثيرة,, تطبيق خدمات متندني,, أجواء غير مناسبة,, البنك السعودي للاستثمار على إنه جديد لكن عندهم مميزات وخدمات توفر راحة للعميل أكثر من الراجحي ولايهون العربي اللي كنه سوق حمام,,! وهالكلام بناء على دراسة ميدانية قمت فيها بنفسي لجهة تدعم البنوك,, يعني لا تستغرب لو يطلعون لك شهادة عمرها 100 سنة أو حتى من عصر الديناصورات,, دمت بخير وسفراً سعيداً,,

  7. تعليقي ان ردة فعل المدير عاديه وذلك نتيجة ;كلامك معاه وعدم صبرك تقول للناس نظامكم غبي ودام قبلت انك تتلفظ بهالالفاظ معناتها ان المدير ماغلط وبالعكس انا لو من المدير ماكنت اسكت عنك لأن حتى لو مثل ماتقول انك ماتقصده هو وانك تقصد الراجحي طبيعي انه ماراح يرضى تغلط على مكان شغله بهالطريقه ونصيحه عامل الناس بصوره احسن من جذي ولا بيردون عليك بمثل طريقتك اللي انا اشوفها وقحه

  8. من جد السالفه تقهر ع الاقل لما صار كل هالتأخير يحسون شوي ويصير التعامل راقي ويعطون العذر للعميل حتى لو ناقشهم وعصبّ وتذمّر … وانا لو صار لي موقف زي كذا ممكن اتحمّل واتجاوز اذا شفت معامله حلوه ونفس زينه واحساس بالذنب 🙂 مشكور اخوي على هالقصه المحزنه…. p;

  9. 🙁 ياخي والله مب غريبه على انظمة في نظري الشخصي عقيمة نعم عقيمه لان من وضع هذي الانظمه لو نظر لانظمة اخرى متطوره جدااا وتعتمد على اساليب عالميه وعلميه وتؤدي نفس الغرض لوجد انهم يعيشون في عصر قد ولا من اعوام عديده:( وفي الاخير ارجواا السموحه والمعذره8)

  10. ياخي الكريم هذا خطأ من الموظف المستلم، وبرأيي ماكان فيه داعي للتشهير بالطريقة هذي، وش الفايدة يعني ؟ هل تبغاهم يفصلون الموظف مثلاً، وإلا يوقفون بنك الراجحي ويغرمونه ؟ كلنا نعلم سوء التعامل في فروع بنك الراجحي وعدم الاهتمام واللامبالاة من قبل الموظفين، زيه زي شركة الاتصالات السعودية، أتوقع سبب سوء التعامل هو كثرة العملاء يعني لاحقين على مين وإلا مين تحياتي لك

  11. الراجحي جمع من العملاء إلين قال بس … بعدين بدأ يتضرب فيهم … لا تنس يا حبيبي انه راح يخصم من حسابك 25 ريال مقابل هذه الشهادة اللي كانت ببلاش …مع انه صارلي نفس مشكلتك في فرع بالرياض …. كتابة معروض وحبة راس و بعدها ساعة علشان تأخذ ورقة لا ويخصم 25 ريال … أنا عندي نقاط بيع من الراجحي الآن ألزمون ب250 عملية منها عدد 15 فيزا … وإلى يخصم شهريا 300 ريال … حسبي الله عليهم بس وعلى من سكت من المسؤولين لهم …

  12. مادري ليه بعض الكراسي تغير منطق واخلاق خلق الله تشوفه وش حليله و وش زينه وهو موظف مرؤوس و يمشي خلق الله ويحش في اللي متسلطين عليه من مرؤوسينه اللي شايفين انفسهم ويقول لو وما لو والله لاسوي كذا وافعل كذا لو انا مسؤول لكن سبحان الله اول مايجلس على كرسي كبير شوي من كريسيه الاول الا المخ حايشه فيروس التكبر وطرش الاذان والباب يتسكر سبحان الله مادري كيف من دون قفل خلها على الله ياشيخ كل اكثر من ولي منصب سوى كذا وعلى قد قرينقشاتك حياك ربي ويامسهلا بالبنوك كل واحد من الضيوف له كرسي على حجم حسابه راح يلقى حشيمه ——- ملاحظه صغنونه ومهمه جزاك الله خير في اخر رسالتك (أتحمل مسؤولية صحة كلامي أمام الله والناس) ياليت قبل الناس ثم تحياتي

  13. أعجبتني جرأتك في إحقاق الحق ,, لو كل مواطن سوا مثلك ماتمادوا بهالشكل .. 8) والتعامل هذا معهود منهم ومن غيرهم وتعودنا على هالأخلاق التعبانه .. كأنهم يصرفون علينا من جيبهم الله يرحم حالنا بسسسسسسسس

  14. اهلين اخوي والله يوفقك بدراستك .. اللي حصل لي قريب من اللي حصل لك ولكن في بنك سامبا وعشان اطلع هذي الورقه اخذت مني ثلاث ايام اليوم الاول ماعندهم الفورم الخاص بالشهاده والمشكله ليتهم يتكلمون كل ماقلت وش صار قالوا انتظري وعلى هالقصه ليمن انطقيت فوق الثلاث ساعات يخاطبون قسم الرجال لانه اللي اكتشفته انه قسم النساء منظر مابيدهم اي صلاحيات وماعندهم الا شغلات سطحية ثاني يوم نفس الحكايه ولكن بعد ماقالت ماعندنا الفورم ولا في قسم الرجال ولازم يجيبونه لي من فرع ثاني طلعت على طول عشان وقتي وعملي ثالث يوم حلفت ماقوم الا اخذ الورقه وتركوني منطقه بس زين معاي كتاب وارواقي وشغلي صرت موسعه صدري انهي شغل الجامعه عندهم ليمن مابقى الا انا وانتبهت رئيسة القسم وتحركت اخيرا مع الجميع انهم يكملون اجراءات الورقه وهم مره منحرجين مني إلى درجة انهم نسوا ياخذون رسوم اجراء هذي الورقه اعتقد انها خمسين او ميه وخمسين واستغليتها لأنهم كانوا خايفين على سمعة الفرغ اني طلعت اكثر من ورقه وبختوم .. يعني يمكن وضعي افضل من وضعك على اني جلست إلى صلاة العصر .. لكن هذا للاسف مستوى كل البنوك عندنا .. ولو انه سامبا في نظري افضل من غيره بالتعامل .. تحياتي لك واتمنى لك التوفيق في دراستك 8)

  15. والله واسطتك قوية اللي أمورك مشت بأربع ساعات ونص .. أنا أخذ الموضوع معي أيام ولا تخلصت من توابعه حتى الآن ، فبعض الخانات لا زالت تظهر لي بالانجليزية بل والأدهى أني في البداية تعطلت معي بعض الخدمات بسبب تعارض الاسم .. في الحقيقة تستغرب تخلف نظام مصرف الراجحي رغم قوة الخدمات الالكترونية لدى المصرف ! على العموم أخوي عبدالعزيز يمكنك مخاطبة الإدارة العامة بشكل مباشر ولو أن مبلغ الحساب 138000 ما يأهل يعطونك وجه .. لكن كل شيء ينفع ! تحياتي لك وأتمنى لك التوفيق

  16. الله يعينك على مابتليته ياخوي انا من الناس الي كنت عميل لراجحي وانو بسبب سو التعامل مع الزبون تركتهم مع انو وقتها كانو اغلب معارفي موظفين بالراجحي والله يخلي لي سامبا والله ان الخدمات العاديه عندهم افضل من التميز عند الراجحي الكائيب وشي مهم بعد اشوفه فيهم انو من افشل السكيرتي الي يوضفونه هم الراجحي كلهم اجانب مو مثل سامبا وتلاحظون اكثر السرقات الي تصورت وسمعنا عنها ببنك الراجحي

  17. B صدق شي يقهر والله انك حكيم وزين ماسك اعصابك متري بس احس لو اناا كان اديتوه كف على وجهه الحمد الله اني فتحت عندهم حساب وتقفل تركته متعمده لين تقفل مالت بس ياسلام على الااهلى قمة في الاخلاق حتى المديره اخلاق ودخلتني وجلستني يمها كذا يكسبون الزباين:D والله يسهلها لك يااخ عبد العزيز

  18. منتب صاحي وشلون توهقت ودخلت هالبنك الغبي سبحان الله مدري وشلون الناس متحملته مع ان الموظفين اغلبهم مهب كلهم انفسهم براس خشومهم تقل تطلب من حلال ابوه وثاني شي نفس خدماتهم تجيب المرض احسن خدمه عندهم اذا انتهت بطاقتك تروح وتلقاها سابقتك البطاقه غيره ماعندهم ولاخدمه تشفع لهم عندك خوي يشتغل بالراجحي كل امورك تمشي ماعندك اجل شف لك بنك ثاني المهم كانك تبي شهاده بنكيه احسن شي خذها من بنك سامبا هو الي يعطيك اياها بالدولار من بين كل البنوك بس مشكلتهم يشرطون عليك يقول مانكتب عليها لمن يهمه الامر نكتب عليها الجهه الي تبي ترسلها لهم سوو انفسهم اذكياء علي بنك سامبا وقالي هالكلام بس طلعت اذى منه وقلت له اوكي اكتب اسم الجامعه هذي WHOM CONCERN ههههههههههههههههههه عاد تدري وش معنى اسم الجامعه؟ معناها الى من يهمه الامر بالانجليزي ^_^ بالتوفيق للجميع وانتبه توهق وتدخل هالبنك مره ثانيه

  19. هلابك اخوووي ايش الي صااار اخذت الي انت تبيه احمد ربك انهم خلصووك وماا تمرمطك اكثر من كذا<< بموجب تلاسنك معا المدير انت لو اشتغلت في شركاات بتعرف ان معااهم حق اي صغيره وكبيره محسوبه عليهم كانه يعدل اسمك او انه يطبعلك لكن اذا انا مدير فيه فوووقي مدراااء مو مدير وبس اخي العزيز قووول الحمدلله غيرنااا ماالقى هذي الخدماات ومن الاساااس ماالقى احد يحمي مااله بعد الله

  20. انا توقعت اللسان الزفت والمعامله السيئه فقط عند النساء ..أثاري امتد الحال لقسم الرجال كمان .. بنك الراجحي من البنوك المعروفه بتعاملها السيء للعميل ..مافي يوم سمعت احد مدحه ..الكل يذمه لااخلاق ولامعامله … اللي يبغى الذل والمهانه يفتح حساب بالراجحي .. بقسم النساء الوحده تكلمك كأنك جاي تشحد منها ماكانها هي اللي وظفوها عشان تخدمك …. يعني لولا وجود العميله ماكانت جلست على الكرسي .. وأنا ياما حصل لي مواقف منهم بس مااقةل غير حسبي الله ونعم الوكيل عليهم . 🙁

  21. موغريبه ع بنك الراجحي لما حاولت بس افتح عندهم حساب خلوني يومين اتردد عليهم حتى يفتحو لي وهذا غير تعامل الموظفات فيه والله ولا كأني جايه اشحذ منهم بس ماقصرت فيهم

  22. وناخوك شي طبيعي انت كل مازاد رصيدك بالفلوس زاد احترامك وخدمتك وغير كذا هذولا عارفين انك محتد تراك بالسعوديه يعني مافيه الا كم بنك مستلمين السعوديه كلها ولا بعد كلهم تقريبآ بنفس الخدمه الا بنك سامبا الي بنضري هو الافضل فيهم وغير كذا عارفين انك مواطن كسول مهما صار ماراح تغير الفرع ولوغيرت فيه غيرك مليون بيخش يعني ماراح تأثر فيهم بشي بعكس لو تحركت انت ومجموعه كبيره صح كان وقتها تقدر تهز البنك ونضع له حد بس يد وحده ماتصفق قسم بالله كل ماشفت موضوعك اني اضحك 101 سنه << قويه شوي هههههههه ارجع وقول حنا دولتنا ناميه لحد الان فستحمل الوضع لين تتطور اكثر من كذا وتكون الخدمه افضل من كذا موفق ان شاءالله ,,,

  23. كتبت تعليق طويل عريض ،وفي ثواني معدودات مسحته ولاني أول مره أرد على موضوع فقد شدني موضوعك ما أقول إلا الله يكون في عونك.خير الكلام ما قل ودل

  24. اما قوله ان ماعنده كاش هذي قويه شوي الظاهر انك داخل بقاله مترين بمتر مب بنك لو انك قايل صرافه معقوله اما فرع كامل مافيه دراهم تراك تبالغ ياليت تذكر الفرع وين مكانه

  25. لايمكن للحياة ان تجري كما نريد فدائما وابدا تسير الرياح بما لاتشتهي السفن اعتدنا على القصور الواضح في خدمات العملاء تعلمت ان من توكل على الله فهو حسبه فلتكن دايما وابدا معاونك وعائنك هو الله ياقاضي الحاجات اقضي حاجتي

  26. صادق بكل كلمه انا اانتهت بطاقتي من سنتين والى اليوم ما جددتها حرمت ارجع للبنك القسم النسائي اززززفت من الرجالي بعد تروح تشحذ ونفس الكلام اللي قلته بالضببببط فوضى وناس تصارخ بالارقام وموظفه تعاملها سييييييييء لابعد درجه وكل وحده ترميك ع الثانيه جد والله ما شافوا البنوك الثانيه كيف تعاملهم

  27. السلام عليكم ,, ولا غرابه في الموضوع أبدا ومو غريبه عل الراجحي وتعاملاته الفاشله وبنك الرياض بعد <<<تحس حاقده عليهم:D مايسوى علينا بنك أسلامي وبهذلنا بتعامله وسوء أخلاق موظفيه ,, الله يكون بعونك أخوي وأعجبتني جرائتك على الكتابه 🙂

  28. ماشفت شئ يالغالي :~ لكن وافنا بالتفاصيل .. اول بأول لاهنت للأسف مافيه اي احترام للعميل ولا اي اعتبار اهم شئ عندهم عدد العملاء بغض النظر عن مستوي الخدمة المقدم ..

  29. بصراحة يوم قريت كلامك ماشكيت ابد .. لان ماعمري رحت لهم الا قالو لي النظام مهنق.. خير ان شاء الله مايصير مهنق الا اذا شرفتكم ؟؟

  30. انا موظف في هاتف الراجحي لخدمة العملاء . ولا انكر ان للراجحي كبوات غير عن البنوك والتعقيدات والمماطله . في السابق ايام ماكانت الادراة تحت نظر الشيخ سليمان الراجحي كانت الامور على مايرام لاكن الان في ظل ادارة عبد الله والمدير التنفيذي سعيد الامور من سيئ الى اسواء . لاكن هنالك مايشفع للمصرف وهو كثرة عملاء وعدم السيطرة على جميع المشاكل 70 % من الشعب رواتبهم على الراجحي وللمعلوميه راتبي غير محول على الراجحي . شاري الراحه

  31. والله يا خوي انا لم اتعامل مع الراجحي بشكل كبير رغم ان لدي حساب لديهم ولكن انا ارى انهم حاليا افضل من البنك الاهلي التجاري ولتصحيح معلومة الاهلي ايضاً فقد حدث لي قصة قريبة جدا من قصتك في البنك الاهلي فانا مندوب لاكثر من شركة ولملاكها وقد طلبت يوما كشف حساب باللغة الانجليزية وقالوا ان السستم لا يسمح الا بعد تحويل اللغة وطلبوا خطاب رسمي ، وبعد الخطاب انتظرت ساعات ثم طبعوا لي الارقام بالانجليزي والاسم والبيانات بالعربي وصارت قصة طويلة حتى انتهو في اليوم التالي من تعديلها (مع العلم ما حدث في الفرع الرئيسي في البلد وفي خدمة الشركات) غير الفروع المعروفة بتعطل النظام يوميا بعد الساعة 3 عصرا وفي اوقات الذروة مثل فرع شارع التحلية وفرع شارع خالد بن الوليد بل تصل احيانا الى الطرد للعميل . وقد حدثت معي ولكن لاني مندوب لا حد كبار التجار تم الاعتذار ولكن لم تتغير المعاملة .

  32. قصة مؤلمة تخبر عن واقع مرير في هذا المصرف المتهالك (تعامله ونظامه) مع كل أسف .. احترام العميل لديهم شيء ثانوي … الأخطاء لديهم على قفا من يشيل .. ولا يهمهم العميل إلا ما ندر . تخيل يا أخي ذهبت لأودع شيك في حساب التميز وفرحان بنفسي لأني عميل تميز واضطريت أجلس حوالي ساعة كاملة !! في حساب التميز موظف واحد فقط .. وكم كبير من العملاء المتميزين !! إضافة لذلك فقد تم تجميد حسابي بحجة انتهاء تاريخ الهوية الوطنية، وعندما راجعت الفرع وعاتبتهم على ذلك لأن هويتي الوطنية لم تنتهي بعد وتاريخها ساري المفعول .. قال لي المدير بكل وقاحة : معليش خطأ في الإدخال .. انتظر 24 ساعة يشتغل حسابك !! صار لي موقف في شهر رمضان الفائت ، وكتبت شكوى لإدارة الشكاوى وحتى تاريخ اليوم 28 شوال لم يصل منهم أي رد أو تعليق أو حتى اتصال .. بالله عليكم هذا بنك !

  33. السلام عليكم ورحمة الله وبركاته مؤسسة النقد وبقية الجهات الحكومية الأخرى مطالبة بشكل عاجل بإعادة النظر في بعض الإجراءات منها على سبيل المثال ما تطرق له الأخ الغفيلي وهنا اذكر لكم مثالا آخرا : عند إصدار الوكالات في ( كتابة العدل ) ، هناك وكالات لمراجعة البنوك خاصة امور المواريث وفتح الحسابات الخ.. فيكتبون ( مراجعة جميع البنوك ) أو ( وكالة عامة ) طبعا يفهم منها ان جملة ( جميع البنوك) لا تستثني أحدا .. ولكن الإخوة في مصرف الراجحي يصرون على ان يفرضوا رأيهم المشبع بالأنانية على كتابة العدل فينساق لهم كتاب العدل بأسلوب غريب يوحي بالضعف ، فيكتبون: ( جميع البنوك و مصرف الراجحي ) !!! وهذا في نظري ضعف موقف من وزارة العدل ، حيث يجب أن يفرض على مصرف الراجحي قبول ما يكتب في الوكالات وتخلو مسؤليته بناء على رأي كتابة العدل التي اقرت الوكالة للبنوك .. هذا الموقف من الراجحي تبعه موقف من البنك العربي فصرنا نرى : ( مراجعة جميع البنوك ومصرف الراجحي و البنك العربي ) !! يا جماعه اين نحن ؟! والى أين نسير؟ ربنا يصلح الحال شكرا لكم

  34. هل تعلم لماذا عاد الى المركز الرئيسي وانه لايملك الصلاحيات؟ لانه ليس بالشخص الكفئ لماذا ؟ أعتقد من وجهة نظري المتواضعه ان نسبه كبيره من موضفي البنوك في المملكه العربيه السعوديه يفتقرون الى المهارات الاساسيه للمهنه بما معناه ان من المفترض بان لايعمل اي شخص في البنك الا بعد الخصول على اي شهاده تختص بالمحاسبه ودورات تختص بالاقتصاد بصفه عامه وان يكون يحمل شهاداة في مواجهة الجمهور ودورات في مهارات الاقناع والاتصال وخلافه وذلك تحبا لمثل هذه المواقف انت كل ما كنت تحتاجه في هذا الموقف هو ردة فعل موازيه للموقف وهذا لم تجده لا من موضفي البنك ولا مديره اعتقد بان عدم ثقة الاداراة بموضفيها لهذه الاسباب والمتسبب اولا واخيرا إدارة البنك وليس الموضف

  35. تدري ليش اقول هالكلام ؟؟ لأن أي عميل يرضى بالمرمطه والتخلف البنكي والاداري ويستمر مع هالبنك بنك لئومي الاسرائيلي فرع السعوديه فيستاهل كل الاهانات اللي تقابله !!! انا من 2003 رميت عليهم اوراقهم وبطاقاتهم وسحبت فلوسي اللي عندم حتى هلله وحده ما تركتها لهم لأنها بكل بساطه خساره فيهم

  36. السلام عليكم … انا واجهة برضو موقف مع بنك العربي (البنك الي فيه كل رواتب الوظائف الحكومية والناس المتقاعدين), أنتظرت في البنك 3 ساعات عشان اطلع شيك بسيط ب150 دولار وكان فيه حراج وارقام وبرضو نفس الكلام كل10 دقايق ا اقول للموظف: خلص الشيك ؟ يقولي: شوية بس دقايق بس شوية :@ انا مادري ليه مستوره الدعوا بس الشكوا لله ..

  37. أعوذ بالله أخس بنك في حياتي الراجحي ، والله ثم والله كلمة مافي كاش هاذي من زمان عندهم ألاحظ شي انه الي يبي يسحب فلوس من حسابه أو يبي أي خدمة منهم كعميل يذلونه ذل ويعقدونه بالنظام والي يبي يضع فلوس يفرشون له الأرض ورد والله يا أخوان هذا من خلال تعاملي مع هذا البنك الحقير بصراحة أنا عن نفسي اتعامل مع البنك الأهلي خدمة وجودة واحترام للعميل ولكن يوجد بعض الفروع للأهلي خدمتهم سيئة وهذا يرجع طبعا لمدير الفرع ، تعاملت مع ساب سيء وموظفينه بزوره مايفهمون شي

  38. والله كلامك صح تعامل زفت ، وزحمة ، ودايما البنك السيستم عطلان ، ودايما اللوحة عطلانة ، لكن اذا عندك ملايين التعامل ثاني طبعا ، يا جماعة روحو بنك البلاد والله يا زين تعاملهم انا قفلت من الراجحي ورحت البلاد اخر راحة وشكرا

  39. كفو والله..وياليت كلنا كذا ما نسكت عن حق حتى لو كان بسيط ونشهر بالغلط عشان يتعدل الله سبحان وتعالى يقول : (لا يحب الله الجهر بالسوء من القول إلا من ظلم) بالتوفيق

  40. ما غلط من سماه ماكدونالدز والا يعني عشانهم مسوين بنك اسلامي لازم يذلون الناس الي ما لقو غيرهم حسبنا الله ونعم الوكيل

  41. فعلاً بنك الراجحي … على صعيد الخدمات والموظفات ( وانا اتكلم عن القسم النسائي ) بحكم تعاملي معهم فاشلات لحد السماء …في استقبال العميلات وترتيب الاولويات … والله اني حولت كل معاملاتي لبنك سعودي اخر بسبب التعامل النسائي الفاشل وعدم قدرتهم على اعطائك اي رد أو جواب لاي استفسار الا بمشاورات مع رئيسة الفرع كأن الواحد يسألهم متى يتم اطلاق القنبلة النووية ؟؟؟!!!! يعني الواحد مايزعل والمفترض بالراجحي كشركة مصرفية عملاقة تتقبل اراء الناس وتعمل على اخذها بعين الاعتبار وتصحيحها …. الموقف الي صار لي اني زرت فرع الراجحي ابي افتح حساب جديد لديهم لان هناك حوالة في الانتظار ومستعجلة المهم بعد ساعاتين من الوقوف بدون كرسي لعدم توفر كراسي انتظار للمراجعات كافية:( رحت للموظفة وعطيتها بسرعة اوراقي الثبوتية وطلبت فتح حساب جديد .. وعطيتها مبلغ للايداع . المهم وهي تدخل اسمي كتبت فلانة بنت فلان … فلان . بدون ال .. قلت لها اسمي فيه غلط حبيبتي لازم تدخلين ال قبل اسم العائلة زي مافي اوراقي الثبوتية قالت لحظة وتروح تشاور رئيسة القسم الي كان عندها مراجعات انلطعت لمدة ساعات انتظار ورجعت قالت تقول عادي .. ولاتنسون المراجعات الي وراي الي ينتظرون وعشان استفسار تافه ضيعت ساعة من وقتها ووقتنا كككككككككككك بذمتكم ؟؟ مو من المفترض ان يكونون موظفات هالبنك الي يعتبر من اكبر البنوك السعودية مؤهلات لمثل هالملاحظات التافهه ؟؟؟ !!! وهذا ان دل فهو يدل على سوء التدريب والتوظيف

  42. المشكله تحسبهم بيستحون على دمهم ويعتذرون يناشبونك ويخلونك غلطان

  43. الله يعينك والله ويقويك يارب هذا بنك بكل صراحه فاااااااااااااااشل من جميع المقايس فلو جميعاً نعمل مقاطعه على هذا البنك نكون ريحينا انفسنا منه لو كل واحد يقفل حسابه وينقل لأي بنك اخر افضل شي خدماته ومعاملاته فاشله الله لا يوفق من فتحه وارغم الناس عليه

  44. مرحبا بك اخوي بالعكس ما تلام ابدا انا راجعت بنك الراجحي ومن افشل المدراء فيه مانظلم الموظفين مالهم اي دخل .. انا كنت اراجع فرع الراجحي الي علي طريق الملك عبد لله كان فيه حساب ورث للوالد الله يرحمه .. والمهم الاوراق جاهزه الوكاله وما الي ذلك .. والطعوني 3 شهور وكل واحد يصرفني.. المدير الموظف المغلوب علي امره .. ولا عندهم نظام يعني تخيل اروح لصاله الاسهم فوق يقولي مالنا دخل بالي تحت ويعطيني اجراء ونظام امشي عليه واذا مشيت علي النظام الي عطاني اياه رجعت للي تحت قال لا ما عنده سالفه امشي علي النظام هذا .. وكل واحد يعطنيني نظام من راسه اذا ما كان عندك واسطه ما تمشي ابدا .. وراجعت بنك العربي ايضا كان للوالد فلوس بحسابه وحتي الراتب التقاعدي فيه ماشاء الله عليهم تخلص امورك وانت واقف عندهم ونظامهم سلس ويعرفون شغلهم صح وماشين علي نظام صح ما فيه فلسفه ابدا .. واخوكم قانوني علي اساس ما يجيك احد من البنك يقول انت ما تعرف القوانين الا عارفه .. ما اقول الا حسبي الله عليكم …

  45. وش ذا والله يوم قريت الموووضوووع طارت عويناتي B اعنبووووهم 100 سنه هاذي اللي ماتدخل العقل 🙁 عموما مشكور انك فضحتهم

  46. اية عاش عاش كفو بعد حيي ياعل مايجيك الشر ياخي ناس ماتحس اعوذ بالله ساعة ونص عشان ايميل ؟ ويطلع حسابك من مية سنة ! وش هالجحلط اللي مايدرون وش السالفة ! كفو ياحيي وان شاء الله مايصير لك اللي صار ثاني مرة 😀

  47. والله انك صادق هذولي البنوك ماساروا مثل كذا الا من الي مخليهم ولا شوفهم برره اقسم بالله انك ترفع قضي يعوضونك اضعاف رصيدك وانا لما اروح مع الوالد اشوفهم كيف يسلمون على يده وودهم لو يسلمون على رجله بعد B وسكوت المجتمع في اي مشكلة يزيدها .

  48. معك حق بس تعرف الخطاء هذا يكون قديم وليس للموظف دخل في هذا وتدري كل شي من الاداره وان اعرف الاجراءات بعدين اقولك تراهم فازعين لك صدقين مافيه شي يدوي وعلي مسؤليهم

  49. انا لي تجربة مع البنك البريطاني وسامبا، اللي وجدته ان كل الموظفين تراهم خايفين وخاصة لما يكون عندك شك تبي تقبضه، يعد لك الفلوس 3 مرات ويخليك توقع بعد شوي على شماخه انك استلمت الفلوس وبصراحة الموظفين كلهم لم اجد فيهم الكفاءة المطلوبة لا من ناحية السلوك ولا من ناحية المهارة الفنية كان الله في عون كل من يتعامل مع اي بنك سعودي.

  50. حقيقة انا ما أشكك بكلام اخوي وعتبره صادق بكل كلمه قالها احنا في السعوديه عندنا بنوك تستنزف المواطن وشعارهم الوحيد منو الازود ربحيه اخواني بنوك العالم كلها خسرة في الازمه العالميه ماعدى بنوكنا محد يقولي وش السبب انا اقولكم السبب انه البنوك السعوديه طايحه نهب فينا وحتكار بشكل مو طبيعي والمشكله الاكبر انه حتى البنوك محتكرتنا احد يقولي باي دوله من دول العالم ربح القروض الشخصيه ياصل 35% مستحيل تلقاها الا عندنا عموما صبرا جميل وبالله المستعان وحسبنا الله

  51. للأسف يا اخ عبدالعزيز احنا اللي عودنا جميع المؤسسات على هذه التعاملات السيئة في جميع تعاملاتنا فتجد احدا يهضم حقه وهو ساكت ما يتكلم تجدرحلة الطيرا تتأخر ما يقوم مع الناس و يرفع صوته أنا عندي موعد أنتم أخرتوني قل ذلك في المستشفيات قل ذلك في أي مكان تقدم فيه خدمة للمواطن شعب صامت يرى الظلم بأم عينيه ثم يسكت و لا يحرك ساكنا تربينا على المظاهر و الخوف على وظايفا و الادهى من ذلك أنه لا يوجد تعاون بين الشعب على إجبار المؤسسات بتغيير نوعية تعاملاتها فحن الشعب الوحيد الذي يتخلى عن أبس سلاح ممكن أن يستخدمه للمطالبة بحقوقه الا و هو سلاح المقاطعة

  52. يا اخي هذا مو بنك هذا بقاله ليته سوبر ماركت كان أشواء……………. الله يخلي لنا الاهلي صحيح انه مو طموحنا لكن شي أفضل من شي وأهم شي الاخلاق….

  53. الراجحي مو بس بالرياض كذا اختي بتفتح حساب عشان المكافاه كان اقول لابوي افتح بالراجحي عشان اغلبية اللي حوالي الراجحي قال بابي لو يفصلونها من الكليه ما فتحت لها بالراجحي هو ومديره اللي نفسه بخشمه وغير هذا حتى شيبي بلحيتي ما استحى على وجهه وقدره بس الرياض ما يقصر قايم بالواجب

  54. انا اكره هالبنك من كثر ماسمعت عنه رغم معرفتي الشخصيه بمدراء الفروع فالمدينه المنوره وشخصياتهم الرائعه الا اني بقولك لو انا مكانك من زمان ساحب عليهم الله لايشتكر لهم خخخخخخ يااخي البنوك كثيرة ولله الحمد اشترى راحة بالك ولو انا مكانك يوم يقول لخويه الله يعينك على الشهاده بحترم القراء لاكن انت خابر ايش بقول خخخخخخخخ الله يعينك ومثل ماقال خوينا هالبنك انا استخدمه بس للتسديد الفواتير وبطلت يوم الصراف اكل البطاقه ههههههههههههه وماطلعت خخخخخخخخخ الظاهر كان جوعان خخخ عالعموم كلنا متعاطفين معك

  55. شكرا للجميع على تفاعلهم .. ولكل من فهم إني ألوم الموظف فهذا غير صحيح .. فهو في الواجهة فقط .. أنا ألوم البنك وطريقة الإجراءات فيه .. وأسلوب المدير. واللي يقول البنك منشأة إقتصادية لها فضلها بأن وفرت البديل … كلامه على عيني وراسي .. لكن ما يعني هذا إنك تطفش الناس وتصعب الأمور عشانك وفرت البديل.

  56. الأخ/ عبدالعزيز الغفيلي.. بعد التحية لن أزيد على ماكتب الأخ بالرد رقم (2).. ولكن نصيحة لك وللجميع.. من الخطأ بل من أكبر الأخطاء ان تنظر الى المرآة من زاوية واحدة وتحمل الآخرين أخطاء تعتبرها أنت أنها أخطاء وهي بالحقيقة ليست كذلك.. بل لو شرحت لك بالطريقة التي تفهم بها لطلبت أنت هذه الإجراءات بل وأكثر !!! بداية أخ عبدالعزيز.. أنا لست هنا لأدافع عن الراجحي أو غيره.. ولكن الحق يقال.. الخطأ لايعالج بخطأ وإن عولج بالخطأ فهو خطأ أكبر,, فهل التشهير والتظهير بالمستوى هذا وبالأسماء ترى أنه فعل صحيح وعقلاني؟؟ وهل تعتقد بأنه سيحل الموضوع الذي اعتبرت أنه مشكلة من لامشكلة !! بالنسبة للكاش فماعلاقة حجم البنك (اكبر بنك) بحجم السيولة بالفرع ؟!!! فلا تقول وتشرح ماتجهل! ولعلمك الكريم فمؤسسة النقد تدرس حالياً ان يمنع السحب (كاش) أكثر من 50أو 100ألف باليوم الواحد الا بورقة من المؤسسة فهل تعي ذلك؟؟ وهل تعرف اخي الكريم مافوائد هذا القرار اقتصادياً؟ ام ستخرج لنا بعد القرار لتشرح أن السيولة انتهت بالبلد !!!! وموضوع ال100مليون ومدير البنك (يتحببك) ماتسحبها.. ألا تعتقد أن هذه الجملة فيها مافيها من الغرور والكبرياء الممقوت؟! وهل هذا صحيح بوجهة نظرك! هل تعرف أن المدير الذي كافأته أنت بهذه الإساءة غير مجبر على حل مشكلتك مع النظام؟ الادارة لم تعدل التاريخ وباستطاعته (وبكل بساطة) ان يقول لك المشكله لم تحل راجع الادارة او اعمل مايحلو لك فقد خرج الامر من امكانياتي.. ولاأحد سيلومه لأنه ليس بيده حل.. ولكن الرجل (الطيّب) تجاوز النظام وكتب لك الشهادة يدوياً ليحل مشكلتك ويساعدك مع انه يعرف أنه خالف النظام ولكن اراد مساعدتك .. فهل هذه مكافأته بالنسبة لك !!!! لاأود الاطالة أكثر من اللازم ولعلي وصلت ولو جزء يسير مما أود ايصاله وليسامحني من فهم أن اسلوبي به إساءة.. والله أعلم.. خاطرة أخيرة: قبل ان نتكلم بعيوب الآخرين لنحاول اصلاح مابنا من عيوب فإنه أفضل وأقوم..

  57. عزيزي عزووز .. مؤسسه النقد فرضت على البنوك ان تستحدث قسم يسمى (العناية بالعميل) وهذا القسم يستقبل ويعتني بشكاوى العملاء بأحترافيه فائقه .. ارجو منك الدخول على الموقع او الاتصال عالمجاني وسرد الشكوى ..ولا تقفل اللا لمن يعطيك رقم للشكوى … انت عميل ..لازم يحاولون يهدونك ويتعاملون مع غضبك مهما كان …ومهما تلفظت ومهما قلت ..هذا اساس خدمه العملاء ومبدئياته .. ارجووك لاتسكت واشتكيهم عشان لايحدث هالشي مع غيرك من الناس 🙂 … تحياتي لك

  58. ويلومني ليش اكره هالبنك اي اسلامي اي خرااابيط زيه وي غيره كل شي بحقه لكن جربتهم اياام الكلية مغصوبة مكأفأة وربي 500 رياال طاارت ولا رجعت الا بعد 3 اياام وين ماادري يقوولون سحبتيهاا تأكدي بعدها حلفت يمين ماااتعاامل معهم

  59. مش غريبة على بنك الراجحي أسؤا بنك تعاملت معه هو الراجحي انفس زي الزفت كانك جاي تشحذ :~

  60. ياخي في ناس رصيده 1000 الف ريال واذى البنوك كل يوم يسحب 100 ريال ويجي ياخذ رقم ويودعها في الحساب وينافخ غلى الموظفين ومسوي زحمه ويقول يبي خدمه وخاصه بنك الراجحي العملاء فيه من هذا النوع لان الشخص الفاهم مايدخل البنك الافي ضروره والنت موجود والهاتف المصرفي والصراف

  61. أخي الكريم كاتب المقال ليس فقط الخدمه في بنك الراجحي ولكن للأسف في حميع البنوك الموجودة في المملكة أذا لم تكن من أصحاب الستة أصفار فا معاملتك تميل للأصفرار .مع العلم أن المكان الوحيد الذي تأتي الخدمة أليك ولا تذهب لها هو البنك(في الخارج أفتح حساب جاري ولاحظ الفرق)ولكن اللوم يقع على مؤسئسة النفد لدينا لتحسين هذة الخدمات والرقي بها كدولة خليجية مستثمرة:$

  62. أخى الحبيب … هذه مشكلة التعامل مع القوانين والأنظمة القديمة !!! وعدم الإلتفات والإهتمام حتى بأصغر الأشياء التي قد تطلب منهم يوما ما ؟؟؟ أكثر مايضحكني خدمة الراجحي أون لاين بالفعل كأنك تستخدم منتدى وليس موقع خدمات آلى يحميك من السرقات 😀

  63. والله انتظر بس متى ينتهي القرض والله لحول الراتب وافتك من هذا البنك الي مانستفيد منه ألا الفواتير وماشابهها ومالقيت احد يمدح البنك وموضفينه الي شايفين انفسهم ومدري على أيش بعد.ودمتم

  64. مفروض يعلقون لوحة على مصرف الراجحي ويكتبون عليها لتقبيل لانة لايرقى الاان يكون شركة سعودية مساهمه فهو مجرد مصرف خاص بالبنقال

  65. الله يكون في عونكم ياعملاء بنك الراجحي والله حالتكم يرثى لها انا الحمد لله عمري الحين 24 سنه ولا مره فكرت او افكر اني اكون من عملاء البنت المخيس ذا نظامهم وصخ في كل شي والمفروض الحكومه ما عاد تتعامل معه الا لين يعدل من نظام بنكه سلمو لي على بنك ساب البريطاني ولا البنك الفرنسي احترام وتعامل زين بس المركز الاول ســــــــــــــاب ويدعسى على الراجحي بس اخ الحكومه داعمه الراجحي والله المفروض يسكره ولا يقلبه مخبز

  66. مااقول غير الحمد لله وانت اخذ الشهادة وانتهت المأساة بيني وبينك هذا النظام عندنا مافيه تطور والى الوراء سر ………………………..

  67. احسن شي انك ما سكت عن حقك وشهرت فيهم بس غريبه بنك الراجحي عندهم نظام وحركات انا صارتلي مشكله بالهنبك قبل فتره وخشيت على احد المنتديات وسمعت انهم يتواصلون عن طريق قواطي رابطينها بخيوط بين الموظفين :$ :$ :$ واذا عل الاربع ساعات يا ما وياما انلطعنا ــــــــــــــــــــــــــ بس اللي شدني بالموضوع قولت المديبر ما عندنا صلاحيه والنظام ما يسمح يذكرني بقصه مدرس بريطاني بالجامعه جاي من بريطانيه هو وزميله واثنينهم حامين نس تاريخ التاشيره بس الاخ موضف الجوازات يقول الكمبيوتر مو راضي يقول تاشيرتك منهيه لازم ترجع من مكان ما جيت يقوله شلون منتهيه شوف انا وهذا نفس التاريخ ويقول موظف الجوازات جلس يقولي كمبيوتر كمبيوتر كمبيوتر 🙁 عاد يقول المدرس الملحد اللي ضحك علينا 🙁 انا قوله هذا الكمبيوتر حنا مسوينه ويصلح وحنا نصلحه ابي واحد اكبر منك اتفاهم معاه وناداله ضابط بالمطار : والظابط يقول كمبيوتر كمبيتور كمبيوتر :$

  68. السلام عليكم و رحمة الله و بركاته. اسمعت من جدتي الله يحفظها و يحفظ جدات المسلمين ان بنك الراجحي من العصر العباسي فتحه الوالي و كان اسمه البنك العباسي B و زي ما انتم عارفين التغيرات الي حصلت بالعالم جرت على الراجحي و تغير اسمه …….. و من نظرتي للقضيه اعتقد و الله اعلم ان احد اجداتكم في ذلك العصر فتح الحساب لأبوك و اذا دخلت الارشيف تبع البنك راح تحصل حجار و جلود بدل الملفات الورق:(:( عاد مدري يمكن تحل جلده فيها حساب حساب لي و على ما اضن ان فيها عضت الحمار في اسفل اليسار <<<< بدل الختم :$:$ بنك الراجحي مسخرههههههه معنى التأخر العلمي

  69. الراجحي اسوأ بنك في المعامله جدا فاشلين سمعه عالفااضي وخدمااات فاااشله يذركوني بجامعة الامااام واهنيك على احقاق الحق وانك ماسكت ..خلهم يتأدبون والي يقولك وش الفايده دامك خلصت الموضوع .. بالعكس تعجبني خلك كذا لاانه هو سلاحك .. وبالتوووووفيق ..:D

  70. اخي الكريم اربع ساعات بس ما شاء الله جرب بنك قطر الوطني الاسلامي او بنك المشرق بدولة قطر راح ترجع تبوس عتبه بنك الراجحى فمئلا ماكينة الايداع ببنك المشرق تدخل الفلوس الي حسابك بعد ثلاثة ايام من تاريخ الايداع هذا في حالة ايداعك بعد اغلاق البنك في الواحده ظهرا ولو بدقيقة اما عن بنك قطر الوطني الاسلامي فلا يوجد تعليمات واضحة بخصوص اي شيء وبالنسبة لرسايل الجوال فالبنك يخطرك فقط بعمليات السحب وليس الايداع كما ان الرصيد يتغير بتغير الوقت وعليك مراجعه خدمة العملاء باستمرار لتعديلة والذي يستغرق ساعات وربما ايام وبيصير خير

  71. الله يعينك على الموقف يعنى المفروض على التقنيه الحديثه اللى تتعامل بها البنوك يكون تعاملها سريع ومرن ان شاء الله مايتكرللك مثل هذه المواقف مره ثانيه

  72. انا مره صاري موقف مع خدمه العملاء في مصرف الراجحي كنت ابي ايدع فلوس نقدي كان ناس واجد قدامي لما جاء دوري اعطيته الورقه والفلوس شوي عدها بعدها قال عطني بطاقتك قل دقيقه ابي اجيبها في السياره ؟؟ تصدقون وش قال مشاء الله جايني بدون اثبات بعد لا ينفخ بصوت عالي وش يسوي في السياره ثباتك انا والله انقهرت؟؟؟ انا مابي اوقف واخر نفسي لان كان واحد محتاج الفلوس الحين كنت ابي احولها لك .. قلت يارجال خلص شغلك بعدين تفاهم معاي قلت دقيقه ابي اجيبه لك في السياره ابي اعرف وش اللي رافع ضغطه مدري انا لي ساعتين واقف احتري مع السرا علعموم رحت جبت ثباتي يوم خلصت ؟؟ تدري ليه نسيت ثباتي .. قالي ليه ؟؟ وانا اجهت التفله واتفل في وجهه هذا اللي خلني انساء الثبات ههههههههههههههههههههههههههههههههااااااااااي نص الواقفين يضحكووووووووون ..>> علشان كذا انا سكت يوم ينفخ على والله لو انه عسكري على غفله

  73. تقريرك هذا يعتبر قذف للموظف وتشهير به مهما كان يعتير خطأ موظف يستقبل 100 عميل في اليوم فما بالك بعميل غثيث !! إقتباس عقوبة جريمة التشهير بالآخرين عبر الإنترنت كجريمة معاصرة د. عبد الله الشريف: التشهير في الإنترنت يأخذ حكم التشهير باللفظ.. وعقوبته الشرعية تتجاذبها عدة عقوبات هي «القذف واللعان والتعزير». http:www.almolltaqa.comvbarchiveindex.phpt-23793.html

  74. انا الحمدلله ماعندي حساب عندهم…بس كل اللي حولي في بنك الراجحي…وبشكل شهري اسمع عن مشاكلهم ومعاملتهم السيئه…بنك يجمع هالكم من العملاء لازم يرتقي بأدائه…والمدير غلطان في ردة فعله سواء عاتبته او غلطت في نظامهم…فهو كمديرمن المفترض ان يكون لديه المعرفه بطرق امتصاص غضب العميل. والله شين وقوة عين :~

  75. تعاملت كثيرا مع بنك الراجحي وهو يعاني من ضعف شديد في مستوى الخدمات المقدمة للعميل ، والغريب أن كل فرع من فروعه له نظام خاص به يكون مديره قد اخترعه بنفسه وفرضه على المتعاملين المساكين . مثلا فرع الصناعية الثانية لا يودع أقل من عشرين ألف ريال لأن الموظف يقول لك اذهب الى الصرافة اودع عن طريقها أي مبلغ أقل من عشرين ألف وحتى لو كانت الصرافة معطلة يرفضون الايداع . أما فرع الريان لديهم الشركات لها موظف واحد أما الأفراد فلهم ثلاث موظفين يرفضون استقبال الشركات حتى لو كانوا يجلسون بدون مراجعين ويتركون موظف الشركات يعاني شدة الزحام لوحده . أما الفرع في مخرج 15 دائما النظام معطل ( السستم عطلان ) ولو اشتغل النظام يقولك ما في كاش ( حصلت معي مرة 30000 ما عندهم ) وغيره كثير مما لا يتسع الوقت لذكره . أما أفضل خدمة وجدتها فهي في بنك الجزيرة خدمة سريعة واحترام للعميل ولو تأخرت عندهم يجيك الشاي والقهوة صراحة قمة في الأخلاق وخصوصا في فرع الريان .

  76. انتم شعب مستحيل تعترفون بالخطاء يعني اشوف كلام الغفيلي انة على صح في كل تصرفاتة وانة هو الصح والناس على خطاء بس انتم شعب مايجي الا ….

  77. أخي عبدالعزيز السلام عليكم اعانك الله على ما وجهت من المشاق والمتاعب في سبيل استخراج شهادة مصرفية ولكن لو احتفظت بنسخة من حساب والدك المعنون 100 سنة وقدمته إلى جهات الإختصاص لردع المخطيء وينال جزاءه أما بخصوص بعض الردود التي تعارض هذا المقال فالرجل قال اتحمل المسؤلية امام الله وامام الناس وهذا لاشك يدعم قوله ويؤكد صحته وانتم عارضتم بدون دليل وهذا يبطل شكوككم، مع العلم أن بعض المصارف تفعل مثل ذلك أو أردى منه ولو كان برصيدك 100مليون كان وضعوا قلعة البيانات بمنزلك..!! تقبل ردي وشكرا…

  78. السلام عليكم حبيت اعلق على هذا الموضوع وانا هنا لست للمادفع عن اي مصرف اين كان لكن بحكم خبرتي في المصارف ووظيفتي في احد البنوك استنتج القصه اللي حصلت لك اوصفها بالعاديه ..لان في بعض البنوك الاخرى تستغرق اخذ الشهاده المصرفيه اكثر من ثلاث ايام يعني انك من المحضوظين انك حصلت عليها بنفس اليوم.. والشىء الاخر.. المشاكل اللتي تحدثت عنها من تعطل جهاز الارقام وعدم وجود (الكاش) في الفرع فهذي مشكلات تحصل ومن الصعب تجنبها لان اجهزه الارقام من المكائن الاستهلاكيه التي لابد ان تتعطل من كثرة الاستخدام.. اما بخصوص الكاش في الفرع .. فهي لان الفرع ملزم ب(ليمت ) معين حد اعلى للكاش لايتعدى في اكثر الاحوال العشرين مليون ..ليس لان البنك لايسطيع تأمينه بل لان هذا يحكمه شركات التامين اللتي تأمن المال في الفرع ولأسباب امنيه ايضاً.. وفضلاً عن ذلك نظام مؤسسة النقد العربي السعودي .. يتطلب ذلك..ولكن انا تفق معك اذا كان الفرع لمدة يوميان لايجد فيه الكاش فهذي مصيبه .. انا ياخي الكريم لااقف امامك واعلم تماماً ان العميل دئماً عل حق لكن هناك اشياء ليست من صلاحية الفرع.. تقبل مروي بصدر رحب

  79. يا أخوان نحن شعب لا يعرف حقوقه من أجل ذلك نظل ننظر ونجتهد في كل إلأشكالات ألتي نتعرض لها في حياتنا ومع إختلاف ألجهات ألتي نختلف معها. دائماً نسكت على هضم حقوقنا خوفاً من ألمسائله أو بالأحرى من ألعقوبه . أرجو من أي شخص لديه ألمقدره وألإلمام بحقوق ألمواطن يسعفنا فكل يوم هناك ألعشرات إذ لم يكن أكثر و لا يجدون مثل هذا ألمنبر لكي يعرضوا ما حدث لهم ولو لمجرد ألتنفيس (ولو إن ألشكوى لغير الله مذله) وتقبلوا تحياتي

  80. بنك لا يهمه المواطن او المقيم اكبر همه اصحاب البشوت عندك مال اهلا وسهلا ماعندك (برى) انا حصلة عندي مشكله وهي ايام ماكانت الاسهم لازم تنباع بالصرافه ذهبت الى مصرف الراجحي اريد بيع اسهمي ولاني محتاجها واريد ا ن اسافر وحالتي الماليه زفت. تفاجئت ان البنك كأنه حراج زحمه مره والمدير بلشان بعمره. اول مادخلت جاني طاير وقال مافيه بيع؟؟ قلت يا اخي انا عميل ولازم ابيع الاسهم قال مافيه النضام خربان وانا اتكلم معه اشوف اصحاب البشوت يدخلون ويبيعون اتصلت على خدمة العملاء وافدتهم بما حصل لي وقالي موضف الخدمه هذا رقم فاكس ارسل عليه شكواك ولازم تكتب اسمك ورقم جوالك وتوقيعك المعتمد للبنك وطبقت كلام الموضف وارسلت خطاب شكوى لمدير الفرع عندنا بالشماااااال والله خلال 24 ساعه اتصل على رقمي صاحب الفرع يترجاني ان احظر له وفهلآ حظرت وجلسني في مكتبه وباع لي الاسهم وقالي اول ماينزلن بحسابك راح اتصل عليك شوف الفرق يعني يتصل علي اذا نزلن بحسابي وبعده بساعه اتصل علي وقال المبلغ بحسابك هع هع هع للاسف الشديد حنا اذا اردنا حاجه من البنك او الاتصالات ندور واسطات. اذا حصلة تجاهل من قبل اي مسؤول لا يحمل المسؤليه على عاتقه ولا ينظر الناس سواسيه ويحب الواسطه ويستقل مكانه للمصالح المشتركه (سويلي وسويلك) ارفع شكوى وراح تاخذ حقك بزياده شكرآ عبد العزيز والله يطول بعمر ابوك ماشاء الله 100 سنه وله حساب: وتمنى ان ترفع شكوى اذا كان لديك هاتف مصرفي اتصل عليهم وقل ابي رقم الفاكس الذي فيه الشكاوي ولا تنسى تكتب اسم صاحب الحساب بالكامل ورقم العميل وتوقيعه المعتمد بالبنك وخلال 24 ساعه يتصل عليك صاحب الفرع قصب عليه ويطلب منك الحظور ويجيب لك قهوه وشاي ومورك تخلص بأسرع وقت ….. اسئل مجربD لك كل الود والاحترام باي

  81. نعلم انك عانيت وانا الخدمات رديئة جدا .. وتعجبني ثقتك واعتزازك بذاتك ولكن انتبه يبدو انها بدأت تلامس حد الغرور…وهذا مارأيته في تعاملك مع مدير الفرع.. حاول اجرا تغيير في الامر ….ولكن انظر الى الجزء المملؤ من الكأس اختك:م.نورا

  82. يا أخي الكريم عارف المشكله وين المشكله انك ما تعرف شي!! بنك مافيه فلوس بنك مافي ارقام بنك ما عندهم شهاده مصرفيه يا عزيزي انت تتكلم من فراغ وتحاول تكبير الموضوع واثارت ضوضاء خصوصا لما شفت الردود صراحه شي عجيب! يا اخي الكريم لكل مشكله ظروفها الخاصه فيها وانت شخص من اسلوبك لا تبحث عن سبب المشكله ومعرفه ما هو السبب!! بل تبحث عن التغليط والشماته بأدعاء انك>>تملك لسان يتمناه الملايين>>وبأنك ابن الجامعه الفاهم الوحيد في هذا المجتمع! بنك لا يوجد به ارقام انتظار>> ما هي ماكينه الارقام سوا انها االه يوضع بها ارقام(ورق) اما ينتهي هذا الورق اما تحتاج الى ورق لتعبئتها>>انني مدرك تمام ان الاوراق التي بداخلها نفذت ومتأكد من جهد الموظفين المسؤولين عنها لتعبئتها! واذا كان لا يوجد في الفرع الورق المناسب الاكيد انه تم الطلب من الجهات المختصه>> فأين المشكله وهذا رد ع كلامك لماذا انتهت الاوراق الخاصه بالانتظار؟؟ بسبب نجاخ هذا المصرف وازدحامه الشديد من قبل عملائه الكرام بنك لا يوجد بو مبلغ مالي!! فهذا الكلام غير صحيح او بمعنى ااخر لا تتكلم عن غيرك لانك لا انت ولا نحن نعلم ما هي مشكله هذا العميل>> انت تتكلم لاثاره الضوضاء ع المصرف عزيزي انت تطالب بفتح حسابات بالغه الانجليزيه>> كان رد مدير الفرع كافياا ع طلبك اما نحن مسلمون في دوله عربيه!! الا عند الحالات الخاصه فهي تستثنى!! شهادة مصرفيه هل تقبلها باللغه العربيه الاكيد لا !! الامور ليست بمثل ما تتصور انت لست في محل لطباعه الورق او مكتبه تصوير لدفاترك الدراسيه انت في مصرف له نظام وله اجراءات خاصه عند طلب شهاده المصرفيه كان لابد من تغير الاسم الى اللغه المطلوبه ومن ثم تعميده ومن ثم طباعته>> اما تحتاج هذة الامور لوقت!! اما تحتاج خمس دقايق مثل ما انت تقول؟؟ اخي اكرر لك مصرف الراجحي صرح كبير من صروح الشرق الاوسط احترامي الشديد لك كلامك لن يزيد المصرف الا سمعه طيبه والدليل اذهب الى الفروع وانت ترى بنفسك اقبال العملاء الهائل احترامي للجميع…8)

  83. السلام عليكم والله مالومك انا أول مره اتعامل من بنك الراجحي ورحت له قبل يومين أبي أفتح حساب قالو الشركه تبعكم لها فرع محدد روح كلم الشركه وقول لهم يكلمون وزارة الماليه ويسألونهم عن الفرع المخصص لهم <– شوف الفلسفه بس ..المهم انا قلت خير ان شاءالله رحت بعدها لفرع ثاني فتح لي الحساب ولا قالي رح اسأل شركتك ولا غيره وحتى لما جيت ابي افتح حساب تعطل السستم عندهم وحتى عداد الارقام لما جيتهم لقيته معطل وينادون بالاصوات….والله فكرته أفخم البنوك وأحسنها وطاح من عيني …بس يلا مجبور افتح حساب عندهم على حسب طلب الشركه ….سـلام

  84. السلام عليكم جربت كل من الراجحي – البلاد – الأهلي – الرياض – سامبا بصراحة أفضلهم في التعامل البلاد لكن نظامهم ضعيف بشكل عام الراجحي ممتاز وسرعة في العمل أكثر من غيره مقارنة بالأعداد الهائلة التي تفد إليه بعكس بعض البنوك ماتلقى عندهم أحد

  85. تنبيه للاخ fAsLaH فقد ذكرت(الدين المعاملة) وهذا حديث غير صحيح..بل ليس حديثا ………وانما الصحيح هو(الدين النـــصـــيــــحــــة) ..

  86. ابن الراجحي الصرح العظيم اللي تتكلم عنه .. لي اكثر من سنه ساحبين من حسابي ثلاثمية ريال .. ووإلى الان ما رجعت لي وما بقى شكوى ما رفعتها ولا حياة لمن تنادي .. لحد ما مليت وقلت الشكوى لله .. …………. تخيل كل ما قدمت شكوى يعطوني رقم معامله عشان اتابعه بعد اسبوع ارجع بعد اسبوع واعطيهم رقم المعامله يقولون من وين جايب هالرقم .. هالموضوع تكرر ثلا مرات .. موب مهزله هذي ..؟ …………. و بالنسبه للارقام تقول يخلص الورق بسبب الاعداد الهائلة طيب ليه ما يكون فيه احتياط اذا كنت عارف انه يجيك اعداد هائله باليوم ..؟ قسم بالله اذا دخلت بنك اراجحي ادور ثلاجة ببسي .. حسيت اني في بقاله مو بنك ..

  87. عشت يالغفيلي على نقل القصة والتوثيق للعالم بأنحطاط هالأمة والسكوت على أتفه الأسباب ولو كنت مستخدم شيء ثاني غير الكلام لأعانك الله قبل العباد ……… بوركت والشرف من بابك ،،،،،،،،

  88. تحية للجميع أرجوا من القارىء أن يتسع صدره لما أقول اقسم بالله العظيم على كتابه الكريم لو اني في مدينة وفيها مصرف الراجحي ومصرف حق واحد يهودي لاحط فلوسي عنده / يا عالم يا ناس مرة سحبت 1500 ريال وظهر لي فقط 700 وطالبت بالباقي أكثر من مطالبة ويقولون المطالبة مرفوضة ( قلنا حسبي الله ونعم الوكيل ) ( أين اذهب واشتكي البنك) اضافة إلى الفروع النسائية وخدماتها التعبانة (( الراجحي نفس شينة و 0000)) (( هناك اضافة )) أن جميع أو أغلب المسلمين لا يأخذون (فوائد ربوية من الايداع ) فأين تذهب عندنا في المملكة

  89. يووووووووووووووووووه ما بعد شفت شي وبعدين انتي الي قول ولد الراجحي بس كل شي ول عذر عطنا اعذارك ونشوف اذا نقدر نعيد النظر فيها وبعدين اتمنى ان الحق ينقال لو على جذع شجره << يعني حتى لو عليك المشكله هذا اللي مضيعنا يا ناس

  90. ما يلفظ من قول إلا لديه رقيب عتيد اخي الكريم لايجوز لك التشهير بهذا الصرح الشامخ ولو ما هو شامخ كان ما شفت الردود اللي وصلت لموضوعك انت للأسف حاولت الاثاره وكسب عطف الراي العام باسلوبك الغير منطقي انا اتمنى منك انك تجرب بنوك اخرى حتى تعرف قيمة مصرف الراجحي. يكفيك انه منتشر في جميع مناطق المملكة وله توسعات خارجيه يحق لنا الفخر فيها. مسألت الانتظار وان الجهاز متعطل فانني اشك في كلامك لاني ما قد شفته متعطل وللمعلوميه فان ادارة المصرف تهتم بنظام الطابور بشكل كبير واتمنى ان تذهب الى بنك اخر تتغنى فيه وتشوف الزحمة وعدم الترتيب. والله ثم والله انك لو ذهبت لبنك آخر وطلبت شهادة فانك لن تستلمها بسرعة مصرف الراجحي وانا عند كلامي. ولو حبيت تتواصل معي وندع المهاترات يمكنك التواصل معي عن طريق الموقع وطلب ائميلي من قبلهم. نتمنى لك التوفيق

  91. :$:$:$حبيبي عبدالعزيز وسع صدرك الدنيا تبي صبر بنك الراجحي على كثر عملائة الاأنة لايحاول التماشي مع متطلبات العملاء لازال يبدى من حيث أنتهى الناس يكفيك يوم25 لايمكن تلاقي كافة مكائن الصرف الالي التابعة للراجحي تعمل والحجة ضغط الشبكة الله يهدي القائمين على ادارتة

  92. السلام عليكم بصراحة موضوعك شد انتباهي لاني و اجهت نفس المشكله و لكن بمعامله اخري و كان رد الموضف سي و لا عنده اي اهتمام بي العميل زد على دالك الشاي و الموية اللي امامة الله يعين الجميع

  93. كثيرا مانسمع عن بنك الراجحي في الكويت وان مؤسسة رائدة وعريقه 🙂 والله غريبه يتعاملون بهذه الطريقه 🙁 ،،،، ممكن بسبب كثرة العملاء :~ الله يكون في العون 8) 8) 8) ،،،،،،

  94. يارجال انت قلتها لو عندك ملايين كان جاء وفتح لك الباب والمباخر تدهر ويهلي ويرحب .. سارررقين مني5000 الاف ريال وكل ماراجعتهم قالو القانون لا يحمي المغفلين .. اززيدك من الشعر بيت تبي تشوف وش لون يعاملون الناس رح لفرع الصناعيه الثانيه عند ارامكو يوم الخميس شف كيف التعامل الراقي وكيف السكورتي يختاار بمزاااجه يدخلهم على الصرافين ( بس انتبه على روحك كل خميس يصير سكران السكرتي تمسك عليك همن تبلش ) ويالله ياكريم انك تروينا افلاسه عاجلاً

  95. اتمنى اخوي ان تسئل نفسك هل تستطيع ان تترك هذا البنك او لا اعتقد ان الاجابة عند الكثير بلا لأنه ليس هناك بنك لديه هذه الكمية من الصرافات المنتشرة في كل مكان مثلا واعتقد ان ذهابك للبنك عند الحاجة فقط خصوصا وان اكثر الخدمات بستطاعتك انهائها اليا واخيرا تقبل مروري

  96. اخي الكريم ….. واضح جدا التحريف في التاريخ والتزوير في الشهادة لان التاريخ لايظهر بخانه واحدة في خانه الاشهر الطبيعي ان يظهر بهذا الشكل 25/06/1908 … اعتقد ان هناك من دفع لك مبلغ لتقوم بذلك …. واضح ان صاحب الثلاثة وعشرون ربيعا وصاحب اللسان الثمين اخطأ ….

  97. الله يسامحك .. وتمنيت لو تحليت بالشجاعة وكتبت بإسمك الصريح بدل رمي التهم من خلف اسم مجتزأ (أو مستعار حتى) .. وإذا كان كلامك بداعي الفضول فاشتغل بشؤونك لأن من حسن إسلام المرء تركه ما لا يعنيه .. وإن كنت من البنك أو من جهة ذات علاقة وموكل إليك الأمر ، فراسلني على إيميلي لأوافيك برقم الفرع وعنوانه بالتفصيل .. وأدلك على الموظف المختص بإصدار الشهادات المصرفية في الفرع .. وتراجع محفوظات النظام وسجلاته إذا كان لديك الصلاحية بذلك .. وتشوف بنفسك الشهادة المسحوبة من النظام الساعة 12.30 من ظهر يوم الأربعاء الماضي.

  98. بسم الله كثيرون يعترضون على موضوع التشهير فلا اعلم ماذا تعني لهم هذه الاية الكريمة ((‏ لَا يُحِبُّ اللَّهُ الْجَهْرَ بِالسُّوءِ مِنَ الْقَوْلِ إِلَّا مَنْ ظُلِمَ وَكَانَ اللَّهُ سَمِيعًا عَلِيمًا )) فالرجل يرى انه ظلم ولديه مايثبت ومستعد فهل تخافون عليه ام على البنك ؟؟؟ لو كان ايا منكم محله لاحترقتم غضبا وقلقا على مصيركم ذلك الوقت رأيي في تدني مستوى خدمات بنك الراجحي يعود الى انه شركه حكومية فلازال شركة تماثل الخطوط السعودية وشركة الكهرباء وغيرها حتى وان بدا لنا غير ذلك فليس ملزما كباقي الشركات بتحسين جودته للحصول على العميل وانما يجر العميل اليه جرا كما يحصل في نظام التأشيرات هو وبنك الرياض لهذا نعاني من اهماله لنا كعملاء كما ارى ان سياسة البنك التي قام عليها من تأسيسه ولازال يتشدق بها وهي المصرفية الاسلامية قد بدت معالمها في التاكل واعود الى موضوع التشهير واتمنى ان لاينسى الاخوه المعترضون كذلك ان هناك شيئ يدعى وسائل اعلام تنشر فيها التظلمات وبالتحديد جريده الاقتصادية ويتم فيها الرد من قبل الشركات وليعلمو ان هناك مفولات تتردد لانعلم صحتها انه يوجد شركات تمنع الاعلانات عن بعض الصحف التي تنشر اخبار او غيره ويرون فيها اسائه لهم فهذا الموقع هو احد والوسائل الاعلامية النزيهه واذا كان للبنك اي اعتراض اتمنى ان يرد هو وليس بالوكالة,,,, مع السلامة

  99. انا بصراحه مع عزوز وضده وبمانني ضحيه قديمه لهم واعرف طريقتهم فيجب ان انبهك لما لاتعرفه …لو سكت وما نبهت الموظف للغلط كان مشت امورك وخلصت من بدري بس طيبتك وخوفك على الموظف خلاك تقوله ولكن هم مابقدرون مثل مانقدر حنا !!!!! التميمي __حائل

  100. بصراحة مهزلة اللي صار معك الله يكون في عونك يبدو لي أن الراجحي بيحذو حذو STC الظالمة.

  101. هلا عزوز وش فيك خربتها الله يرجك اجل الحين بيفصلونك الله يعينك بس ويستر عليك المهم متى أجي اتقهوى عندك واذا بتسافر دق علي جوال لان احتمال اسير عليك المغربيات وسلمني على الوالد والوالدة وخلهم يدعون لي :$ ابوفهد

  102. B B B والله التئخير من الي يشتغلون مو من الكمبيوتر لأنهم يشغلون ناس ماتعرف تشتغل زي الناس

  103. الله يكون بعونك اخوي … بس ترى ما شفت شي ترى كذا معاملينك قمة في الاحترام من جد هالبنك اغلب موظفينه يعاملونك كانك تشحد منهم والواحد يتكلم من طرف خشمه,, ياخي اذكر موقف وربي اني دايم ادعي على الموظف , الموقف ياطويلين الاعمار ان مرة فيه شايب يبي يعبي له ورقة وشافني وقال ياولدي تكفى عب لي الورقة انا ما اعرف اكتب المهم قلت طيب ياوالد امش معاي دورت كراسي نجلس فيها انا وياه ولكن كل الكراسي مليانة بالاخير قلت امش معاي ورحنا لصالة انتظار التميز علشان اجلس انا والشايب واعبي له اوراقه المهم وانا قاعد اعبي الورق للشايب جا موظف ويسالني قال لك حساب تميز ؟ قلت له لا . قال اجل اطلع انت والشايب واعيييييييباااااااااه يطرد شايب كبر ابوه لاحترام ولاحشيمة ويطرد واحد قاعد يساعد له شايب بغى الفزعة منه , والمشكلة الموظف ملتحي والله حطني في موقف لااحسد عليه لان الصالة كانت مليانة ناس , ورب البيت كل ما اتذكر هالموقف اقعد ادعي على الموظف ان الله لايوفقه ولايبارك له بعيشته ويذله في حياته ,,, ============================ سلموني بس على بنك الاهلي ورب البيت قمة في التعامل وذوق في الاسلوب وسرعة في انجاز المعاملات وكل الموظفين يحاولون يساعدونك ويكسبونك, انا ماينزل لي في حسابي بالاهلي الا راتبي يعني عميل عادي ومع ذلك ماشاء الله بنك ولا ارررررروع وخدمات زي الفل بلاراجحي بلا بطيخ اصفر… ارجو من المشرف نشر ردي لاني والله ما قلت الا الصدق. تحياتي للجميع

  104. انا صار لي نفس موقفك بالضبط ولا بعد هذا حسابي مو حساب ابوي و بعد حساب تميز يعني قمة الوقاحة ,, انا الحين عمري 25 وحسابي مفتوح من 97 سنه تخيل ,,و نفس الشي طلبته بالأنجليزي و جلست يمكن ساعتين وماقدروا يحولونه ومارضوا يسوونه يدوي وبالاخير قالت لي الموظفه خلاص روحي وحنا نكلمك على جوالك اذا جهزناه وماراح ياخذ يومين وتخيل مر اسبوعين محد اتصل ولا شي .. ولمن رحت بعد اسبوعين قالوا حنا اتصلنا عليك وهم كذابين محد اتصل ولا شي والموظفه اللي قالت لي اذا جهزناه بنكلمك طلعت رايحه إجازه ولا جابت خبر ولا قالت شي لأحد .. ويالله طلعوا لي الشهاده بعد هواش.

  105. للأسف الشديد الراجحي هو البنك الوحيد الذي يتميز معظم موظفيه بقلة الأدب والعنطزه في التعامل

  106. ماشأ الله عليك ياسلام عليك استقعاد على اصوله وياحبيبي تلاقي مبداء المدير العنصرية ولا تستغرب من هذا الشي للأسف العنصرية منتشرة عندنا تلقاه شافك مو من قبيلته لطعك ولا يقول للموظف الله يعينك هذا اكبر دليل على انهم يقربون لبعض او اقلها من قبيلته وليعذرني الجميع من طريقة وصفي للوضع الله يهدينا ويهدي الجميع سبحانك اللهم وبحمدك استغفرك واتوب اليك

  107. الله يعافيك (متابع) كفيتني الرد والنقاشات الجانبية بكلامك المنطقي عن التشهير .. والشكر الجزيل (لكل شخص بإسمه) لتفاعلكم برأي أو أحداث مرت بكم. وأبو فهد حياك .. مع إني للحين ما تشرفت بمعرفتك ^_^

  108. السلام عليكم عندي استفسار بسيط اخوتي انا ابوي متوفي وانا صغير و عنده حساب قديم جداً في مصرف الراجحي ولدي بطاقة غير إلكترونيه قديمه للمصرف و ابي اعرف ان له أموال في حسابه او لا كيف اعرف اروح بنك او لا وش تنصحوني يليت تفيدوني

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى