رسائل المجموعة

جده زمان أول + طقوس دينيه والكثير

السلام عليكم ورحمة الله
أخباركم يارب يكون الجميع بخير وصحة وسعادة

اليوم جمعنا لكم صور لماضي جده ام الرخاء والشده وأهلها الطيبين أحلى ناس بالعالم
قبل حوالي أربعين سنه او أكثر

وبعدها نشوف احد الصور والمنتجعات الحديثه علشان تشوفون الفرق بين قبل والحين

وصح قبل ان الفقر ملحطهم ومهبلن بهم والحياة صعبه والرجال يطلع من الفجر يترزق ويكد ولايرجع الا تالي الليول وجهه مسـود وشعره طاير من الشموس حتى ان اهله ينسون معالم وجهه من قل مايشوفونه
لكن برضو حياتهم جميله مب مثل هالحين مع اننا في حضاره وتكنلوجيا وكل شي عندنا وفي رغدن من العيش

نبدا ونتوكل على الله في الصور

شارع من شوارع جده قديم ولاحظو الكراسي والمقهى بوسط الشارع شكلهم قبل يسمعون بشارع ومقاهي الشانزليزيه
عاد قبل يقولون هالشارع من اكثر الشوارع حوادث بسبة المطافيق الي مسرعين وينشبون في هالكراسي الي بوسط الشارع
بس ماعليهم اهم شي يكشخون

هذ محل العصيرات قبل واهم شي الثلج وش كبره يعني عادي الثلجه تقعد اسبوع ماخلصت واهم شي لبس القرسنيه حقين الطلبات وزرات موحده مسوين كاشخين

مايوقف قبل عند حقين الصراف والبنوك الا راعيين الدبابات الكشخه عيال النعمه يعني مستحيل تشوف الي اقصى يسار الصوره الي طالعتن عصاقيله شايل ماء معتب من عند الصراف

برابر راجعاتن مسيان ( اخر العصر يعني ) للبيت عاد قبل ينامون هم وغنمهم وحمامهم شي طبيعي

هذ الي كنه بسام كوس االضاهر انه الي يسوي النعال الله يكرمكم وكل هالصوره ترا علشان الرادوالجديد كاشخ

هذا اكشخ حلاق في الديره واكثر الي يجون مب كله علشان التحليق بس علشان يتبردون بهالمراوح

هاذولا شكلهم الي يرفعون اسعار الشعير قبل شكلهم يخزنون ويبيعون ماجاء هالجيب الي يتبالص يسار عبث

قبل دايم الشيبان يقولون جاهم في هاك السنه الي راحت مرض السحات والي قبلها مرض المدري وشو ويفطسون نصهم وهم ماغير يمخمخون اسامي لهالامراض وانا والله من شفت هالشاورما اتوقع نص الي ماتوا قبل تسمم


خلونا من الاولين وبثارتهم وفقرهم وتعالو شوفو الصور الي وش زينها تفتح النفس <<< قلب على الاولين
هذي شاليهات ومتجعات تطل على مزار ع القصيم ودايم نتبطح انا وعائلتنا الكريمه بها عقب المغرب

بها شبه وعلاقه شوي من حياة الاولين صح


فيه ناس يتفننون في الاكل وتشبع بس مجرد انك تشوفه
شوفو شلون شكل هالجحه

عاد ربعنا يتفننون مشالله هالجحه كنها طايحه من عشرة ادوار

الصينيين عليهم حركات بثرررره زارعيين ثيل ويتبطحون بوسطه ويقولون طقوس دينيه

هالدب التفخ متحمس هو وخدوده تحلفون انه يسبح مسبح قاعه الف متر

اييه اكثررر مابقي الاشوووي

مشالله معلومه رهيبه توي ادري انا ان المدرسه بها فصوول لا وحاط علامات استفهام كبر راسه مسوي يعني اننا مستغربين

عليهم حركات هالشوام بالكيلو حشى موز مب مناشف

اعوذ بالله حاااار بقوه هالجار عساني مأسكن بجنبه بس الغريبه كاتبها بخطاط ومكشخها

ياسلام على الملاهي

من جد هالحين المجالس كلها نفس النمونه

هالصور لو تدقق بها تعبر عن احد شيين
يأنهم يشربون وهم خايففين وبالعين العافيه من هالفيل الي قدامهم
او انهم مسوين اذكياء يقالهم مب لمه واخرتها بيخلونه عظامه فوق هالبحيره المخيسه
إلى هنا نصل إلى ختام موضوعنا الخفيف وان شالله أعجبكم
ووسع صدوركم
دعواتكم لنا ولوالدينا وجميع المسلمين


تابعوا جديد شبكة أبونواف على فيس بوك وتويتر

   

مقالات ذات صلة

‫14 تعليقات

  1. حاب اعطيك معلومه يااستاذ بدر انو العلامه هذي >>> !! مو استفهام الله يصلحك اسمها تعجب هذي الاستفهام اللي تقول عليها >> ؟؟ للتوضيح فقط ,, مشكور على مجهودك الطيب والله يوفقك وكل عام وانتم بخير

  2. انا شدني صور هالشالية وشدتني هالاطلالة,بس في القصيم يابدر ,,, قوية :$

  3. بس اعتقد ان تعليقاتك على الصور جارحة شوي ..! لقمة العيش بالاول صعبة .

  4. الصور حلوه بس ما اعتقد الصور حق الشاليهات في السعوديه واضحه لاحظوا المنظر المطل على المدينه طيب وش اسم الشاليهات؟

  5. مشكوري اخ بدر على الصور الرائعة لكن تعليقك عالصور بصراحه جارح للاشخاص الموجودين بالصور واعتقد كلهم قد أفضوا الى ما قدموا .. والى اهل جدة .. لا ادري متى ستوقف توجة النكات لهم وكأنهم مضحكة ..؟؟؟

  6. الرووعه في وجودك عزيزي زياد وحياك الله والعفو يالغالي ______________________________________ حياك الله اخوي سلطان بس مادري ايش تتكلم عليه بالضبط B مادري وين علامات الاستفهام او التعجب الي في الموضوع والعفو اخوي نورت الرساله _______________________________________ عبد الرحمن عند مزارع القصيم لوووووووووووول هههههههه طبعا مب في السعوديه اكيد 🙁 _______________________________________ علي هههههههههههههه لو اني قايل في جده ممكن تمشي بس مصلتها يوم قلت في مزارع القصيم 😀 ____________________________________ العفو اخوي تركي بس والله بالعكس ندعي لهم بالرحمه وبطولة العمر للموجودين ومستحيل نجرحهم لاانهم في النهايه اباء لنا ___________________________________ وياك يارب عبدالله ويسعد الجميع شكرا على هالدعوه الحلوه __________________________________ احمد من الوهله الاولى اذا شفت الشاليهات تغسل ايدك انها في السعوديه 😀 بس انا اضحك اقول عند مزارع القصيم وحياك الله ________________________________ احمد اتوقع في ذاك الوقت توها طالعه الشاورما لها اربعين سنه يمكن 🙁 ________________________________ ام وجد بالعكس والله نحب اهل جده ويمكن عبرة عن شعوري تجاههم في اول الرساله واهل جده معروفين بطيبتهم ومحد ينكر هالشي _______________________________ جداوي بالعكس والله انكم احلى من العسل ومافيه عنصريه ولا شي ان شالله

  7. كل ماجاء الطاري بعرس وخطوبة قلنا من هي العروس قالووو جــــــــــــــــدة جدة احبـك ياعروس البحر الأحمـرررررررررررر

  8. اشكرك على الصور الرائعه والجميله اللي ذكرتنا بايام زمان وايام البساطه والناس الطيبه لكن عندي ملاحظه وهي طريقة تعليقك على صور مثل هذي ياريت تكون ارقى لان ماضينا هو حاضرنا اللي لازم نفتخر فيه وهذولا هم ابآنا واجدادنا اللي نتمنالهم الصحه وطول العمر في طاعة الله

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى