جامعةالامام الى متى هذا التخلف ….!!!!!!
بسم الله الرحمن الرحيم
السلام عليكم ورحمة الله وبركاته
الصراحتن وفي الحقيقة والواقع والسيف القاطع أني أول مره أتهور واكتب بالقروب النبيل والباسل وعادل
بسم الله وعلى بركة الله اكتب موضوعي الجميل والأنيق كنقاوة عنوانه(قلب أسود ينبض بعنف)
أي خمام تحتوينا أم أي صرح خرافي يحملن
اربع سنين ونحن جسد بلا روح
مشرووع الواسطة في صرحنا العظيم يمشي مليوووون
والكادر الإداري النسائي جسد بلا عقل لامجال للتفاهم
اصبروا ..
تسن هجمت وانتم ماتدرون وش السالفة
ولله الحمد تحقق حلمي ودخلت للجامعة والقسم الذي أرغبه .. وحققت أمنيتي لكن في بيئة لاتخلو من العيوب
جميلة هي الحياة في الجامعة بمافيها من ضغوط دراسية وتعب في تحصيل أفضل النتائج
لكن أصعب شيء .. ذلك الذي رأيته في جامعتي .. بمسماها الإسلامي !!
أنا لن أتكلم عن الطالبات ولاعن الأقسام ولاعن الكادر التعليمي (وليس الإداري) .. فكل ذلك افتخر بها واعتقد أنها تفوق الجامعات الأخرى ..
فطالباتنا من أفضل الطالبات ولله الحمد الأغلب محافظات وقلة منا من يجاهر بالمعاصي كغيرنا من الجامعات وهذا أكثر شي يعجبني في جامعتي الجميلة ..
أقسامنا ولله الحمد أصول الدين والشريعة والانجليزي أقسام متخصصة متميزة ..
لكن مما يعيب جامعتي العظيمة قد يخفى على الكثيرين …
طبعا كما هو معلوم أن جامعة الإمام تمنع جوالات الكاميرا وقبلها الجوالات العادية(بدون الكاميرا)
فمن يمسك بجرمة جوال الكاميرا قد يتعرض لحبل المشنقة
والحركة التي تخفى على الكثيرين أن جامعتنا الحبيبة
تقوم بتفتيش الجوال تفتيش خرافي همجي …
عن طريق عصابة تبع الجامعة تدعى (التوعية والإرشاد)
فلا يكتفون بدخول الاستديو ومشاهدة الصور والأصوات والفيديو
بل يقومون بقراءة الرسائل الصادرة والواردة
والسؤال عن كل اسم وكل مرسل
ولايكتفون بذلك أيضا
بل ويقومون بمشاهدة المكالمات الصادرة والوارده
والاتصالات على آخر رقم؟؟؟؟؟؟؟؟؟؟؟؟!!!!!!!!!!!!!!
أي تخلف واي حقاره تستخدمها جامعتنا المصونة !!!!
لن أتكلم عن الحكم في ذلك وقبل أن نعلم حكم الشرع فيه وانه من التجسس بصفتها جامعة اسلامية
أعتقد بالفطرة هذا العمل يثير الاشمئزاز في النفس
لن أتكلم كثيرا ولن أقول تجربتي سأتكلم عن قصص لفتيات اعرفهن واعتقد أن هناك قصص كثيييره تحمل السموم
والله على ماأقول شهيد <<ملازم(ـه) أول
1
صديقتي هيفاء متزوجه حامل في شهورها الاولى مسكو جوالها وشافو اخر مكالمه عبد الرحمن(زوجها)
من هذا؟؟
زوجي
(طيب وش الي يدريهم انه زوجها
اتصلوا من تلفون الجامعه وحطوه سبيكر
عبدالرحمن: آلوو
قولي له قولي له انت مين؟؟؟
هيفا: عبدالرحمن أنت مين؟؟
عبدالرحمن: هيفا تستهبلين متصله تقولين انت مين
قولي له قولي له وش تقرب لي!!
هيفا: عبدالرحمن انت وش تقرب لي؟؟؟!!!!
لاتعلييييييييييييييق
2
في أمان الله أقول لبنت عمي السالفه وانا متفاجأه .. قالت مثل صديقتي توها متملكه وتكلم زوجه
نفس السالفه
اتصلو من جوالها وحطيه سبيكر
فلان انا وش اقرب لك
وش تقولين
فلان انا وش اقرب لك
انتي زوجتي
خلاص يالله مع السلامه؟؟؟!!!
3
وحده ماسكينها تكلم اخوها تتناقش معه في موضوع ما (الامر ضروري)
مين آخر رقم
أخوي
أخوك تكلمينه ربع ساعه!!!!!
((فكروا معي اخوها تكلمه ربع ساعه
اكيد ان خويها مستحيل اخوها !!!!))
ننتقل لمشهد أكثر روعه
4
لقو رسايل بجوال بنت باسم رجال ..
مين؟
هذا عمي
طيب عطينا رقم عمك الثاني نسأله عن هالرقم!!
(وش السالفه .. مافهمت؟؟؟!!)
هل هو تشويه لسمعة البنت بالغصب
ابي افهم عمها الثاني وش بيقول !!
غصب بيشك بالبنت حتى لو طلعت بريئه!!
مالكم بالطويله ساخش الى قصتي المصونه
انا مسكو جوالي ولله الحمد جوالي لم يكن جوال سهل
يعني بالعربي مايفتحون كل شي (i-mat)
ليه جايبته
احتاج للقواميس الموجوده في الجوال بحكم قسمي
فتّـشوه ولله الحمد صار الجوال سليم من الامراض الخبيثه
روحي خذي من الاستاذه نجلا… موعد عند الوكيله
يعني بختصار مكتب الوكيله مستوصف الا شوي
طبعا انتقلت الى مكتب الاستاذه نجلاء لوسمحتي ابي موعد
طبعا سألتني موعد اسنان والا جلديه
قلت لها لا جوال كامير
واخذت موعد الاحد عن الوكيله الفاضله(استشارية عظام)
جا اليوم الموعود ودخلت المستوصف(مبنى خاص للوكيله والحاشيه بتاعتها)
الرسيبشن قبل مااخش سألتني: وش عندك
قلت لها : موعد يختي
قالت مانوع الموعد: قلت مسالك .. قصدي جوال كاميرا والعياذ بالله
وهناك جلسنا في غرفة الانتظار التي تعج بالبنات المخالفات بالجوالات
ولسته اسماء يدخلون ورا بعض
طبعا قعدت مع المريضات قصدي المخالفات اسألهم عن المشكله الي يعانون منه
كان منهم
متزوجه انتساب من الشرقيه
تترجاها تدخلها قالت اذا امدى الوقت والا تعالي بعدين
قالت انا بالشرقيه مااجي دايم
والجوال حق زوجي موب لي !!!
قالت وش اسوي موب يدي
..
سألت البنت اذا كان بودها ان تأخذ رقمي واقوم انا باستلام الجوال عنها
وارساله لها
فقالت لا مشكوره اذا بغيته ارسلت اختي هنا !! <<شكلها ذهينه وفهمت اني ابي اسرقه
دخلت وحده بريئه و بنت ناس
شكلها خايفه
سألتها عن قصتها ..
قالت جوالي موب كاميرا
بس استاذة اخذته مني (بوسط المحاضره)
وقرت فيه رساله …….. (طبعا هي تسولف لكل البنات)
قلت لها لاتفتشينه ماابيك تقرين!!
طبعا اعتقد ان الرساله فيها شيء مخالف وتقريبا البنت قالته!
الاستاذه: لااااا من حقي؟؟؟!؟!!
(انا ودي افهم وش هالحق ..!!!)
الاستاذه العظيمه : قولي لي وش السالفه وبيني وبينك!!
وقالت لها السالفه كلهاااا .. يوم خلصت
قالت الاستاذه : خلاص هالسالفه بيني وبينك وبكره تعالي خذي جوالك ..
تقول فلما كان من الغد سألتني الاستاذه وانا كنت منحرجه : ماتبين تاخذين جوالك !!
فأجبتها : ايه
قالت : وديته للوكيله روحي خذيه منها !!!!!!!!!!!!!!!!!!!!!!!!!!!!!!!!!!
أي قساوة تملكها هذه الاستاذه الفاضله
أي سخافه يملكها قلبها ..
حسبنا الله ونعم الوكيل
بعد كم يوم شفت البنت ومعها امها متوجهين الى بوابة الخروج
واحس وجهها ……
والله هذي أكثر بنت خلتني من جد أكره الجامعة والأسلوب السقيم الي فيه
(حسيت الصراحه إن البنت ماصار عندها اي احساس يعني لو مكانها مااقعد اسولف عند البنات سالفتي بس الصراحه مايستفاد ان طريقة الفضيحه التي تستعملها الجامعه لاتجدي واحس البنت تقول مفضوحه مفضوحه وش اغبي وش الي يخليني اتعدل.. اسلوب الجامعه ينفر البنات حتى لوفكرت تترك هالافعال)
.
تسن نسينا قصتي
(وجه خنقته العبره ووده يغير السالفة))
همن جا موعد أسناني
<<ركزوا على همن احسها فصحى بقوة
دخلت على الوكيله ..
طبعا هناك استاذتين
الوكيله والكاتبه
يعني وحده تحقق ووحده تكتب اقوالك
شسمك فلانه الفلاني
بنت
بنت فلان بن فلان بن فلان بن علان آل فلان فخذ وكراعين فلانان
اخذو الاسم الرباعي والعشاري
فصفصتني حتى من وين؟ وقسم بالله انها اسألتني
طيب ليه جبتي جوالك …
وسردت قصة خرافيه أأكد لها برائتي
الى آخر كلامي من النصبااااااااااااااااااااااااااااااااااات
تقريبا خليت جوالي معوق حتى رسايل مايستقبل بغيت مره اخربها واقول لها خربان اصلا بس مدري وشوله جبته!
قالت تعرفين وش العقوبه ؟؟
اذا كان الجوال سليم
فصل 5 أيام !!!!!!!!!!!!!!!!!!
قلت لها بس جوالي فاضي ولافيه شي<<مررره ابد مافيه صور للقاعه(من يقوله؟)
قالت ايه والله باين عليك انك مؤدبه وأخلاق من أول مادخلتي ماشالله عليك
وربي واضح انك بنت ناس
الصراحه اني سكت مع اني كان داخلي كثيرات من البربره
وكان ودي اتناقش معهم وجها لوجه واعرف مين الي اخترع هالحركه البهلوانية
بس ماش المدح أخجل تواضعي وخلاني اسكت
(يقولون اذا بغيت تلعب على بنت امدحها
وبصراحه أكثر بعلم جامعتنا معلومة مهمة …
جوالي مافيه صور بنات .. بس فيه صور للجامعه
وقاعات الجامعه حتى السطح مصورته والساحه
وكل هذي ماشافوها<<أحلا ياقوويه
يعني الي يبي يلعب يمديه يسوي كل شي وانتم ماتدرون
والي فيها خراب بتخرب بوسط الجامعه والا برا والفضيحه الي يسونها مارح توقف البنت بل بالعكس الا اذا كانت تخاف من ربها ..
وفي نظري واردت أن يعلمها المسؤلين
لايجوز تفتيش الجوال التفتيش الهمجي هذ
الصور ونقول ميخالف اخاف انه مصوره البنات
بس الباقي ليييه يعني الرسايل والمكالمات ليييه!!!!
احراج احرااااج .. اعتقد ان هذا فيه خصوصية حتى لو كانت ماتكلم شباب في رسايل بين الزوجين فيه رسايل بين الصديقات وخصوصيات لاتحب الفتاة ان يطلع عليها أحد ..
أنا الصراحه بديت أشك بنفسي وقعد مع نفسي وذاتي وضميري
يمكن انا فيني انفصام بالشخصية
وطلع لي هالرابط .. بجريدة الحياة (دققو عالي تحته خط)
هقوتكم جامعتنا والا بناتنا أجرم من الي يتكلمون عنهم
بموجب أنظمة الإجراءات الجزائية … عضو حقوقي يكشف منع تفتيش الجوالات وتحديد أوقات التفتيش
جدة – علي العمري وعزام الخديدي الحياة – 15/12/06
كشف المحامي عضو الجمعية الوطنية لحقوق الإنسان الدكتور عمر الخولي، عن وجود تعليمات من وزارة الداخلية في عيد الفطر منع تفتيش الهواتف المحمولة سواءً كانت للجوال علاقة بالجريمة أم لا.
وقال خلال محاضرة بعنوان «ضمانات المتهم في مواجهة سلطة التحقيق»، إن التعميم ينص على جواز تفتيش رجل الضبط الجنائي جسم المتهم وملابسه أثناء التلبس ولا يكفي مجرد التلبس بالجريمة في مذكرة التفتيش، بل لا بد من توافر دلائل كافية لجمع المعلومات لكشف الحقيقة عن الجريمة المرتكبة، أما الجريمة التي تمثل السب والقذف والمعاكسات، فإنه لا يجوز أن يقوم بالضبط مباشرة بتفتيش الجوال لانتفاء مسوغاته.
وأضاف الخولي أن الندوة لا تحاول تجميل أو تشويه صورة نظام الإجراءات الجزائية المعمول، بل مقارنة الإجراءات الأمنية في السابق والحاضر، والتعريف بضمانات المتهم في مرحلة التحقيق، وما موقع هذه الضمانات في نظام الإجراءات الجزائية، والقصد من مفردة الضمانات ومفردة المتهم ومفردة الإجراءات الجزائية.
ووجدت كذلك ..
«الأمر بالمعروف» تمنع تفتيش الجوالات بالســـعـودية حفـــظا لحـــرمة النــــــاس
أكد الرئيس العام لهيئات الأمر بالمعروف والنهي عن المنكر (الشرطة الدينية) السعودية إبراهيم الغيث على عدم جواز تفتيش جوالات الأشخاص المقبوض عليهم من قبل أعضاء أفراد الحسبة، إلا في أضيق الحدود وهي الحدود التي حددها النظام، ومن أهمها أن يكون الجوال طرفا أو دليلا ماديا في الجريمة الموجبة لعملية القبض.
وأشار الغيث إلى أن تجاوز ذلك يعد خروجا صريحا على النظام وتعديا على حقوق المقبوض عليه، لما قد يحتويه الجوال من صور ومواد خاصة أو عائلية لا يجب الاطلاع عليها إلا من قبل صاحب الجوال، خاصة بعد انتشار حالات الاحتفاظ بالهواتف الخاصة لمن يتم القبض عليهم من الشباب أو الفتيات لمجرد الاشتباه بحالات تحرش، والقيام بفحص الأرقام المخزنة في الجهاز، والتدقيق في آخر اتصالات أجريت، والإطلاع على الصور والمقاطع التسجيلية المصورة.
يابنات اللذين آمنوا يعني انتم احسن من رجال الحسبة والا بناتنا أدشر من هالي يمسكونهم عشان يحق لكم التفتيش!!
هذا اذا قلنا بالنسبه للنظام يعني الحكم الجنائي عندنا والاجراءات الجزائيه تمنع ذلك <<أحبني وانا اتفلسف بالسياسه
طبعا انا هذا مايشبع غريزتي أبي حكم الشرع
فتوى
ما حكم الشرع في مراقبة الآخر أو التجسس عليهم،؟؟
فالتّجسّس على المسلمين في الأصل حرام منهيّ عنه، لقوله تعالى: «ولا تجسّسوا» لأنّ فيه تتبّع عورات المسلمين ومعايبهم والاستكشاف عمّا ستروه
وقد قال المولى سبحانه وتعالى: يا أيها الذين آمنوا اجتنبوا كثيرا من الظن إن بعض الظن إثم ولا تجسسوا ولا يغتب بعضكم بعضا… –الحجرات: 12-.
فهذه الآية الكريمة تقيم سياجا قويا حول حرمات الأشخاص وحقوقهم وحرياتهم فلا تُمس من قريب أو بعيد تحت أي ذريعة أو ستار، حيث نهت عن تتبع عورات المسلمين بغية الظهور على عيوبهم، فللناس حرماتهم وكرامتهم وأسرارهم التي لا يباح للغير انتهاكها أو المساس بها.
وجاءت السنة النبوية المطهرة وأكدت حرص الشارع على صيانة حرمة الحياة الخاصة للفرد فقال صلى الله عليه وسلم: إياكم والظن فإن الظن أكذب الحديث ولا تحسسوا ولا تجسسوا ولا تناجشوا ولا تباغضوا ولا تدابروا وكونوا عباد الله إخوانا متفق عليه.
ويتوعد النبي – صلى الله عليه وسلم – أولئك الذين يتتبعون عورات الناس ويبحثون عن معايبهم فيقول صلوات ربي وسلامه عليه: يا معشر من آمن بلسانه ولم يدخل الإيمان قلبه لا تغتابوا المسلمين ولا تتبعوا عوراتهم فإنه من اتبع عوراتهم يتبع الله عورته ومن يتبع الله عورته يفضحه في بيته رواه أبو داود وصححه الشيخ الألباني.
كما روي عنه – صلى الله عليه وسلم – أنه قال: لو أن امرأ اطلع عليك بغير إذن فخذفته بحصاة ففقأت عينه لم يكن عليك جناح) –متفق عليه-.
ويتوعد – صلى الله عليه وسلم – من يتجسس عن طريق استراق السمع فحسب بالوعيد الشديد فيقول صلى الله عليه وسلم: من استمع إلى حديث قوم وهم له كارهون أو يفرون منه صب في أذنيه الآنك يوم القيامة صححه الألباني في مشكاة المصابيح.
وروي أيضا أنه أتى إلى ابن مسعود رجل فقال هذا فلان تقطر لحيته خمرا، فقال عبد الله: إنا قد نهينا عن التجسس ولكن إن يظهر لنا شيء نأخذ به رواه أبو داود وصححه الشيخ الألباني.
فالنهي الوارد في الآية القرآنية والأحاديث النبوية الشريفة الوارد ذكرها يفيد تحريم التجسس بوجه عام سواء كان واقعا من فرد على فرد أو من السلطة العامة على الأفراد. كما يحظر التجسس آيا كان صورته فيستوي أن يتم بالرؤية وهو ما يسمى باستراق البصر أو بالسمع.
رجاءا رجاءا لاحد يجي يقول الجامعة والجامعة ويدافع
أدري ان جامعتنا احسن جامعه في العالم
بس اتناقش عن هذا الفعل التي تمارسه جامعتنا الكريمة
