سلام اعضاء مجالس بونواف
الصراحة هذي اول مشاركة لي في المجلس ومن زمان خاطري احطها لكن ماكنت اعرف شقايل ابدي
المهم بعد ماقررت وعزمت ووطلعت ونزلت وانشكحت وووووو الخ الخ الخ…..قلت مابكتبه لكن!! وحطوا تحتها خطين
بعد ماشفت كيف الاعضاء متفاعلين والمجالس تشجعهم انهم يبدون برايهم واقتراحتهم في كل شي قلت مابدهاش يابت ما ألك الا مجالس بونواف
المهم موضوعي اللي ابغي اتحدث عنه هو الثانوية العامة بمفهومها الخاطي عندنا يالعرب بشكل عام وفي الامارات بشكل خاص
الى متى ونحن بنتم متاخرين؟؟لين متى ونحن بنتم متخلفين ؟؟؟؟ انا ابغي افهم ليش نحن جذا
يعني انا بقولكم الحكاية وانتوا احكموا
انا طالبة ثانوية عامة وتوني مخلصة من همها
………(السنة الدراسية كاملة)……..
اول شي انواع التحطيم والتحفيز العكسيعامة تشوف العالم انهبلت كنه مستوي شي مكبرين ام السالفة وهي ماتسوى شي
يعني كل ماحد شافني يالسة اتكلم قال يابنت الحلال انتي ثانوية عامة سيري ذاكري
كل ماحد شافني ظهرت اتمشى ولا سرت مكان ..قال يالظالمة ثانوية عامة سيري ادرسي
حشى من بداية السنة وهم يبغونا ندحدح عالكتب والله لو عبقر زمانه مابيسوي اللي يقولون عليه !!!!
من بداية السنة( ونحن تبدا السنة الدراسية عندنا 1سبتمبر يعني شهر 9 وتنتهي لطلبة الثانوية العامة بشهر يونيو يعني 176 )وهم يقولون ادرسوا انتوا ثانوية عامة عز الله مافلحنا من الزن
لا وكله كوم ويوم يقولون لك نبغي نسبة ترفع الراس كوم ثاني
اللي يقهر انهم ييسلون يقارنونك بطلاب فطاحل (يعني دحيحين يعني شطااااااااار بالقو) مايراعون الفروق اللي بين الطلاب
يعني مثلا انا كل سنة حد في اهلنا اييب نسبة اعلى من السنة اللي قبلها
وتوقفت النسبة السنة الماضية عند 92 % طيب انا من وين بييبها هذي!!؟؟؟ زين مني ومن كرم اخلاقي لو يبت فوق الثمانين لكن الاهل عندهم مافي
تقدرين ولا ماتقدرين لازم تييبين نسبة حتى لو على موتج مو عشاني لالالالاالالالالا…؟؟؟؟؟
عشان يتفشخرون جدام الناس ويقولون بنتنا او ولدنا ياب النسبة الفلانية ومن هالرمسة
والطامة الكبرى….والمصيبة العظمى ان اللي يرمس ويتفلسف ويقول ييبي نسبة حلوة يا تلاقيه ماكمل ثانوية عامة اساسا يعني خير شر هب دارس ولا تلاقي نسبته في الستين ويوم تقوله ماتشوف روحك ييلس يتعذر حق روحه …..نحن والله المنهج كان صعب وانا كنت مضغوط وحالتي النفسية تعبانة ولا اللي تقولك انا كنت مخطوبة عمري ماشفت خطوبة تخلي الواحد يفشل بدراسة اما الصراحة …..عجبي
وعلى هالحال والمنوال طول السنة وانا ضرابة ويا اهلي كل مايلست عالنت ولا عند التيلفزيون ولا مسكت التلفيون طاحوا فيني انتي تبغي تسودين ويوهنا!!!!!!
انا اللي ادريبه ان الثانوية العامة امتحاناتها في آخر السنة هب من اول شهر عافانا الله
وكلمة من هذا وكلمة من هذي اقوم واهج من البيت.
ابغي اعرف هم مايعرفون شي اسمه مراعاة لشعور الطالبمل الثانوية العامة واييب مجموع يجنن لكن اعوذ بالله اول مادخلت الثانوية العامة سدوا نفسي الكل يزن من صوب وانا المسيكينة لا حول ولا قوة غير ان شالله وادعولي ومن هالرمسة
وطول السنة ونحن ندرس ونتعب وهو اساسا مو محسوب !!!الله يسامح اللي محطي هالنظام
يعني الفصل الدراسي الاول ادرسي ماتدرسين انتي ابخص تراه بكل الحالات هب محسوب اهي اهيء اهيء عيل تعبنا راح فشوشي
لكن متى يكون محسوب اخر السنة تخيلوا نمتحن في كتاب كااااااامل ولا يساعدك لا نشاط ولا شهري ولا مشاركة في الصف اللي يساعدك بسسسسسسس درجة الامتحان اللي امتحنتها رسبت نجحت مالهم شغل فيك….
…………(الشهر الكامل المخصص لدراسة منهج الثانوية العامة كامل ويكون قبل الامتحانات)….
عاد هذا الشهر شو اقول عنه ولا اقول ولا اقول
هو شهر للمذاكرة ولا هو سجن للطفرة
هذا الشهر يكون اجازة كااااملة يعني اونة يعطون طلاب الثانوية العامة فرصة انهم يدرسون عاد اللي مافتحوا المنهج طول السنة ولا هم عارفين عنه شي ولا هم يحزنون بيروحون في خرايط ابوها
يعني تتوهق ماتتوهق بكيفك ذنبك على جنبك ….في بعض الطلبة مساكين يكونون طول السنة عندهم مواعيد وتلاقيهم طووووول السنة غايبين هذولا شوبينفع وياهم عز الله مو شهر يكفيهم ولا حتى سنة ثانية ماقول غير الله يعينهم
المهم في هذا الشهر تلاقي الطلبة والطالبات محتشرين ومحتشرات يسوون جدول ينظم لهم الايام بحيث يخلصون مراجعة المواد كاملة قبل لايخلص الشهر وانواع القهر والتعذيب من الاهالي .¦تصحى من فجر الله خير وتمسك كتابك وياويلك اذا ظهرت من الغرفة تحمل مايجيك
لكن هم فالحين انهم يوفرون لك جو الهدوء تعرفون كيف يورفونه ؟؟؟؟خخخخخخخخخخخخخ
يطلعون هم واليهال كلهم من البيت عشان يتمشون ويخلونك في البيت تذاكر…. بالذمة بييك نفس تذاكر وهم يتمشون الصراحة شي يفقع المرارة
وهم على بالهم الدراسة اكل كتب واكل طعام مالذ وطاب
يعني يوفرون لك انواع العصيرات انواع الماكولات المهم تييب لهم نسبة حلوة ؟؟!!!!
وكل يوم نفس الحال …واليوم الجاي ألعن من اليوم اللي قبله ونتم جذا ليييييييييييين تشرف الحلوة اللي هي منوووووو؟؟؟؟؟
الامتحانات !!!!!
عاد نيي نبغي نمتحن نحصل الاسئلة خارج الكتاب ولا صعععععبة مايجاوب عليها غير العباقرة والفطاحل ….ويبغون الطلبة اييبون نسب كيف هذي علمها عند الله
عاد ندرس ولا نرقد ونسير الامتحان ونحن سهرانين ومواصلين وانواع من العذاب والقهر والتسلط واللي يدوخ في اللجنة واللي تييها حالة هستيريه من الاسئلة واللي تيلس تصيييييييييييح كنه حد توفى عندها واللي تسكر الورقة وتسلمها وهي فاضية لانها بكل بساطة الاسئلة صععععععععععععبة
وتشوف الشكاوي بالجرايد عاد اللي يكسب ساعتها الجرايد هههههههه تلاقيهم في كل مدرسة ومرتزين كل واحد من هالصحفيين ولا الصحفيات يبغي يسبق الثاني ويحصل على آراء الطلبة في الامتحان قبل الثاني وهي ثانوية عامة شرات كل سنة المفروض ما يرهبون الطلاب والطالبات لهالدرجة تقول موت او حياة
انا ماحسيت بهالشي الا هالسنة لاني مريت فيها وقلت اللـــــــــــــه يعينكم يالثانوية العامة وانا على بالي انه كشخة ورزة وحالة وطلع خرطي ماغير حكرة بهالغرفة ومذاكرة والمصيبة انه مايستاهل… واستوى عادي تعرفون ليش؟؟؟؟!!!!
لانه استوى اللي يذاكر ويذبح عمره من الدح شرات اللي مايذاكر ولا يدري عن هوى داره لان الكليات والجامعات تقبل اللي نسبته 60%وتقبل اللي ام او ابو 55% وتقبل بعد اهل الـ 90%فما فوق يعني شرات بعض
طيب ليش اذبح روحي بالدراسة واخرتها يقارنوني باللي مايدري عن المنهج ولا يدري عن الامتحانات مايسوي غير انه ييي ويكتب اسمه عالورقة ويسير بيتهم يعطيها نومة لين اليوم الثاني والله قهر
مادري متى بيطبقون عندنا النظم اليديدة اللي ماتعتمد على النسبة ولا تسوي حق امتحانات الثانوية العامة هالرهبة والخوف كله حالها حال كل سنوات الدراسة
ماقول غير الله يكون في عون اللي بعدهم ماقدموا الثانوية العاااااااااااااامة
اكيد بتقولون ليش حاطة الموضوع
شونسويلج ؟؟
بقولكم بس ابغي افضفض ومالقيت احسن عن مجالس بونواف
والحين عقب ماخلصت غيبة ونميمة
اهمه لو كذب اني ماهمه…..غلاي يجول في قلبه ودمه
يبان الحب في نظرة عيونه…..يقول الصدق ولا ولد عمه
يغار وغيرته تفضح غرامه……وتكشف غيرته حتى كلامه
يغار ويقلب الدنيا عليا …..يبيني دوم في قربه ويمه
يبيني دايم بجنبه يبيني……ولو انه تمرمر مايبيني
انا ادري فيه وادري عن طباعه…..يخفي الشوق في قلبه ويضمه
يكابر وادري انه هو يكابر…..وانا ادري بس لكن دوم صابر
ابيه يبوح عن حبه وشوقه…….وانا اللي بين خلقه الله اهمه
