السـلام عليكم
صبحكم الله بالخير والسرور
بعد مدة ماهيب قصيرة الصراحة 
إشتقت لكم والله 
اليوم حبيت أكتب لكم تقرير بسيط عن عدسة جبـارة بنتايجها وسعرها رخيص بالنسبة لـ العدسات الثانية
أبتكلم عن عدسة :
Canon 50mm F/1.8
قبل فترة طويلة
بعد ماشريت الكام بـ 5 شهور تقريباً
كنت ناوي أشتري عدسة .. طبعاً من باب إني كنت مبتدئ في عالم التصوير
ولا أدري وش اختار ووش أشتري
لقيت لستة بالنت بـ قائمة عدسات كانون في السعودية وأمام كل عدسة سعره
فـ كنـت أشوف أسعار العدسات وأسمائه
ولقيت هـ العدسة
canon 50mm F/1.8
370 ريال
انا إستغربت من هـ العدسة
وخصوصاً من سعرها .. لأن باقي خواتها اقل سعر يوصل لها حوالي الـ900 ريال
مع إني ماعرف وش إستخداماتها لكن قررت أشتريه
شريتها وركبتها وبديت أصور فيه
بالبداية ماأعجبتني لأن الزوم حقها ثابت [ 50mm ]
لكن قلت يمكن من مميزاتها .. وبعدين إكتشفت إنها ميزه في هـ العدسة الصراحة
جربت التصوير على أكبر فتحة للعدسة وهي ال1.8
وأكثر شي شدني فيها .. كمية الإضاءة اللي في الصورة .. والعزل !
بذكر لكم مميزاتها ببساطة :
1- زومها ثابت .. واللي يميز الزوم الثابت عن غيره .. بأنه يعطي الصورة كمية حدة خيالية وتقدر تتأكد من نفسك 🙂
2- فتحة العدسة [ 1.8 ] إضاءة ممتازة , ماتحتاج رفع الISO لـ تعويضه بالاضاءة , عزل أقوى
3- سعرهـا رخيص جداً مقارنة بالعدسات الثانية
4- الفوكس فيها سريع
5- حجمها الصغير
الآن ننتقل لـ بعض الصور من تصوير هـ العدسة
من تصويري :
Canon EOS 400D Digital , Lens : 50mm F/1.8 , ShutterSpeed : 1/60 Sec , Aperture : F/1.8 , ISO : 400
..
Canon EOS 400D Digital , Lens : 50mm F/1.8 , ShutterSpeed : 1/30 Sec , Aperture : F/1.8 , ISO : 400
..
من تصوير المصورة
Canon EOS 450D Digital , Lens : 50mm F/1.8 , ShutterSpeed : 1/100 Sec , Aperture : F/1.8 , ISO : 400
..
Canon EOS 450D Digital , Lens : 50mm F/1.8 , ShutterSpeed : 1/80 Sec , Aperture : F/2.5 , ISO : 800
..
Canon EOS 450D Digital , Lens : 50mm F/1.8 , ShutterSpeed : 1/60 Sec , Aperture : F/1.8 , ISO : 400
أتمنى إني وفقت في طرح التقرير
أخوكم فيصل الخضيري
