بسم الله الرحمن الرحيم ..
السلام عليكم ورحمة الله وبركاته..
كونيتشيوا مينا سان 
"مرحباً بالجميع المحترمين"
اليابان .. بلد الماضي والحاضر
بلد التقدم ..
البلد المحافظ على هويته اليابانيه الاصيله
بلد الساموراي .. بلد العباقره ..
بلد الانمي والمانجا
البلد الذي احب 
كانو ضيف شرف هذي السنه في مهرجان الجنادريه السادس والعشرين
فـأستغليت الفرصه لعمل تغطيه عن الجناح الياباني المشارك
وخرجت بهذه التغطيه المصوره البسيطه .. اتمنى تعجبكم 
لننطلق
في البدايه طبعاً لابد ان يكون هناك زحمه ..
والمشكله ياليت الي يزاحموك ناس مهتمه بهالبلد او جايه تتفرج بلطف 
عالم اغلبها همج متخلفه للأسف الشديد ..
تخيلو انهم وهم صافين طابور يستهبلون على اي ياباني يمر
وبعد مايدخلون برضو مو عاجبهم شي!!
طيب يا اخي ليش تجي هالجناج اساساً هههه!!
لكن الشيء المبهج التنظيم بصراحه
مع انه كانت زحمه لكن كان هناك طوابير منظمه مما ساعد على الدخول بسرعه
شكراً للمنظمين لجناح اليابان 
والآن خلونا ندخل الجناح مع بعض ^^
طبعاً زي ما انتم شايفين اول ماتدخل تجي هذي الغرفه
وجدرانها مليئه بشاشات العرض
وهي تعرض ثقافة اليابانيين في كافة الجوانب
الطرق .. الحياه .. الدراما ..الانمي .. الصناعه .. الخ
وبعدها تفتح الابواب للتوجه للصاله التاليه
صالة نمط الحياه في اليابان
وهنا احد المنظمين يشرح عن الطعام الياباني
وامامه عينات منه
وهنا اللباس الياباني التقليدي "الكومينو" >>الي في الوسط
اما على يسار الصوره فهو اللباس التقليدي للعروس اليابانيه
والي على اليمين محاولة محاكاه للكومينو على العباءه السعوديه>> مايجي
وهنا اللباس العصري لليابانيين..
>> زي اي لباس عصري في العالم
جيتار ياباني
والآن ننتقل للصاله التاليه
صالة التقنيه والسيارات
> من عندي الاسم 
شركة نيسان ..
قدمت روبوتين يتميزون انهم مايصطدمون بأي شيء من حولهم
لوجود اجهزة استشعار التصادم فيهم
المهم ان الشركه بتحاول توظف هالشيء في السيارات مستقبل
وهنا شركة باناسونيك تقدم اكبر شاشة بلازما في العالم
152 بوصه .. بالإضافه إلى انها تصير 3d لما تليس النظاره
يعني تخيل معي تشوف مباراة يال مدريد و3d 
والآن ننتقل للصاله الاخيره .. صالة التراث الياباني
> من عندي الاسم برضو
مانجا هوكوساي القديمه
.. بدون اي كلام فقط رسوم
وهنا مكان مخصص لهذا الرسام الياباني
فقط .. هذا المعرض ..
الآن دعونا نتوجه لمسرح العروض الياباني الخارجي 🙂
لكن قبل لانطلع.. بأقولكم موقف صار لي
قبل لا اطلع من المعرض.. قلت لازم اكلم واحد ياباني
مو كل يوم نشوفهم خخخ
وبالفعل اتجهت إلى احد المنظمين اليابانيين
قلت له : كونيتشيوا
قالي لي : كونيتشيوا ^^
قلت له : او قينكي ديسكا
"هل انت بخير"
قال لي : قينكي دس .. اريجاتو غوزايمست
"بخير .. شكراً جزيلاً"
بعدهتوهقت وماعرفت وش اقول خخخخوحولت انجليزي لعله يفهم وقلت له:
thank U for caming to saudia arabia
وطلع يفهم ولله الحمد وقالي:
i'm happy to be here
..you speak japanece very well
بعدها اصبحت كشنه خخخخ 
وشكرته بعدها وخرجت
الآن نتجه للمسرح
اثناء اتجاهنا للمسرح 
صورللمسرح وعرض من العروض
هنا الفرقه التي قدمت العرض بعد انتهائه
.. وتحيه للجمهور الحاضر
ثم توقفت العروض وعادت مره اخرى في المساء
.. هنا في انتظار بداية العرض
وصلو
وبدأو العرض
كانو قدمو لنا عرض يحتوي على وصله موسقيه من التراث الياباني
.. لمتابعين الدراما اليابانيه او الانمي دائماً ماتسمعون مثل هذه الموسيقى في المهرجانات الشعبيه 🙂
واثناء العرض دخل هذا الياباني المتنكر
وكان يمشي ويؤدي رقصه يابانيه
بالإضافه إلى انه كان يرمي حلويات على الجمهور من الجره المعلقه بملابسه
وهنا يحاول اصطياد شيء ما
وفجأه يطلع الي استطاده هو
شيء آخر تم اصطياده
اخيراً خلصنا ..
اتمنى تكون التغطيه نالت على استحسانكم
وعقبال مانسوي تغطيه لليابان نفسها بالمستقبل البعيد
اسعد برؤيتكم في مدونتي :
على الخير والمحبه نلتقي
تابعوا جديد شبكة أبونواف على فيس بوك وتويتر
