السلام عليكم ورحمة الله وبركاته
صباح \مساء الخير لجميع اعضاء القروب
من زمان وانا متابعة جيدة لرسائل القروب ,, اليوم قررت أشارك معاكم
بما اننا خلصنا الاختبارات ومبسطوين
ندخل لموضوعنا
في الفايرفوكس يوجد ما يسمى بالـــــ Add-ons
– الاضافات بالمتصفح العربي- وراح اتكلم عنها اليوم
وراح اشرح لكم 4أربعة اداونز – الادوات او الاضافات بالمتصفح العربي – , ووجودها مفيد واساسي بالمتصفح وهي
1- Read it later .
2- Adblock Plus .
3- Click Weather.
4- DownThem All .
في كل أداة راح اتكلم عن ثلاث أشياء: –
أولا : فائدتها
ثانيا : التحميل والاضافة على الفايرفوكس
ثالثا : كيفية الاستخدام
1- Read it later :
أولا- فائدتها :
هذه تسمح لك بانك أول ماتشوف أو تفتح صفحة على النت وكنت مستعجل وتبى تقراها بعدين,,
بس بنفس الوقت تبي تقفل وترجع تلقاه
مايحتاج انك تسوي لكل صفحة تعجبك حفظ باسم وتسبب زحمة بجهازك
بواسطة هالاداة تقدر تحفظ الصفحة بطريقة سهلة ومنظمة وترجع لها في اي وقت تلقاها موجودة
ثانيا – التحميل والاضافة على الفايرفوكس:
1- تحمل الاداة
2- تكون فاتح الفايرفوكس وتروح لايقونة الاداة وتضغط عليها بزر الماوس الايمن
وتختار فتح باستخدام الفايرفوكس تقوم تنفتح لك
وتضغط على تحميل او انستال باالانجلش
3- تقفل الفايرفوكس وتفتحه مره ثانية وتكون اشتغلت معاك
ثالثا – كيفية الاستخدام:
1- عن طريق الماوس :في أي مكان في الصفحة تضغط على الزر الايمن للماوس ,,تطلع لك بعدها قائمة
,وبمجرد ما تضغط عليه راح تنضاف لقائمة الاداة
زي ماهو موضح بالصورة
2- من مربع العنوان:,الي به عنوان الصفحة , تجد علامة صح جنب رابط الموقع اضغط عليها وراح تنضاف الصفحة للقائمة
شوفو هنا العلامة قبل ما ضغط عليه
وهنا بعد ماضغطت عليها وانضافت لقائمة القراءة
كيف ترجع لنفس الصفحة الي أضفتها بعد ما تقفل الفايرفوكس ؟
اول ماتفتح الفايرفوكس تجد أيقونة في المتصفح من جهة اليمين كماهوموضح بالصورة – الكتاب الي له شريط أصفر
تضغط على السهم الصغير الي جنبه تطلع لك كل الصفحات الي اضفتها مؤخر
2 – Adblock Plus :
أولا- فائدتها :
دائما ماتدخل مواقع وتزعجك بكثرة اعلاناتها اللي يمين ويسار تنطنط
او تكون في صورة ماهي عاجبتك بالموقع وماتبي تشوفها كل مرة تدخل الموقع ..الحل مع هالاداة ..
ثانيا – التحميل والإضافة :
بنفس الطريقة الي شرحتها اول
ثالثا – الاستخدام :
أول ماتشوف صورة ماتعجبك تروح على الصورة وتضغط بزر الماوس يمين تطلع لك قائمة اختار منها ,,مثل مو موضح بالصورة
ملاحظة : الصورة لموضوع من مواضيع الجروب
لو تبي تعمل تراجع وتطلع الصورة روح على اقصى يمين المتصفح ,,راح تلقى ايقونة الاداة اضغط على السهم الي جنبها
راح تطلع لك قائمة اختار منها ,,مثل مو موضح بالصورة واعمل تحديث للصفحة راح تطلع لك الصورة
3- Click Weather :
اولا – فائدتها :
تعطيك حالة الطقس لأي مدينة
ثانيا – التحميل والاستخدام:
بنفس الطريقة الي شرحتها في البداية
ثالثا – الاستخدام :
تروح من ادوات على اضافات تطلع لك بعد ماحملتها تدخل عليه تغير الاعدادات
تختار المدينة وتختار الايام يعني تبي طقس اليوم ويومين بعده ,, وتختار بعد نوع العرض
ومكان ظهور الطقس في المتصفح يعني انا مثلا ابيه يظهر في المتصفح في الشريط الي اسفل
هذا طقس جدة حبيبتنا
اذا مريت بالموشر عليه يعطيني تفاصيل اكثر
معلومة للفائدة : اذا كانت درجة الديوبوينت قريبة من درجة حرارة الجو يحصل ضباب
4- Down Them All :
أولا – فائدتها :
كلنا نعرف ان الفايرفوكس به مدير تحميل لكن هذا اضافة له ,,مدير تحميل يعطيك تفاصيل أكثر وخيارات أكثر
يعني قبل ماتحمل انت تختار الاسم للملف
والتفاصيل يعطيك الوقت الباقي عشان يكتمل التحميل و سرعة التحميل وخيارات اخرى ممتازة جدا
انا مااستغني عنه من يوم حملته على جهازي
ثانيا-التحميل والاضافة :
مثل ماشرحت بالأول
ثالثا – الاستخدام :
سهل جدا .. عندما تكون فاتح صفحة وتبي تحمل الملف منها اول ماتضغط عليه تطلع مدير التحميل اللي تعودنا عليه بالفايرفوكس
ومنه يسالك تبي التحميل بمدير الفايرفوكس التقليدي او بالاداة الجديدة الي اضفتها
كما هو موضح هنا
وبعد ماتختار تطلع لك هالنافذة تسمي الملف او ممكن اذا نت تبي كل ملف ينزل باسمه الي مسمى بيه بنفس الموقع
تحط مكان اسمي هالكود
*name*.*ext*
هن شوفوه قاعد يحمل
وهذه هي حطيتها كلها بملف واحد لان حجمها صغير
للتحميل من هنا
وسلامتكم
اتمنى ان شرحي كان واضح وانكم استفدتم منه
واعذروني اذا كان فيه شي غلط بالترجمة لان جهازي انجليزي ومتصفحي انجليزي فما ادري ويش يقالها بالعربي < ارحمينا بس < لايكثر
اختكم
فديتك ياغلاتي
