رسائل المجموعة

تصفح دلع مع فايرفوكس وبس .. !!

السلام عليكم ورحمة الله وبركاته

صباح \مساء الخير لجميع اعضاء القروب
من زمان وانا متابعة جيدة لرسائل القروب ,, اليوم قررت أشارك معاكم
بما اننا خلصنا الاختبارات ومبسطوين اقول مبروك للجميع وان شاء الله الكل ناجحين
ندخل لموضوعنا


في الفايرفوكس يوجد ما يسمى بالـــــ Add-ons
– الاضافات بالمتصفح العربي- وراح اتكلم عنها اليوم

وراح اشرح لكم 4أربعة اداونز – الادوات او الاضافات بالمتصفح العربي – , ووجودها مفيد واساسي بالمتصفح وهي

1- Read it later .
2- Adblock Plus .
3- Click Weather.
4- DownThem All .

في كل أداة راح اتكلم عن ثلاث أشياء: –
أولا : فائدتها
ثانيا : التحميل والاضافة على الفايرفوكس
ثالثا : كيفية الاستخدام


1- Read it later :

أولا- فائدتها :
هذه تسمح لك بانك أول ماتشوف أو تفتح صفحة على النت وكنت مستعجل وتبى تقراها بعدين,,
بس بنفس الوقت تبي تقفل وترجع تلقاه

مايحتاج انك تسوي لكل صفحة تعجبك حفظ باسم وتسبب زحمة بجهازك
بواسطة هالاداة تقدر تحفظ الصفحة بطريقة سهلة ومنظمة وترجع لها في اي وقت تلقاها موجودة

ثانيا – التحميل والاضافة على الفايرفوكس:

1- تحمل الاداة
2- تكون فاتح الفايرفوكس وتروح لايقونة الاداة وتضغط عليها بزر الماوس الايمن

وتختار فتح باستخدام الفايرفوكس تقوم تنفتح لك
وتضغط على تحميل او انستال باالانجلش

3- تقفل الفايرفوكس وتفتحه مره ثانية وتكون اشتغلت معاك

ثالثا – كيفية الاستخدام:
1- عن طريق الماوس :في أي مكان في الصفحة تضغط على الزر الايمن للماوس ,,تطلع لك بعدها قائمة
,وبمجرد ما تضغط عليه راح تنضاف لقائمة الاداة

زي ماهو موضح بالصورة

2- من مربع العنوان:,الي به عنوان الصفحة , تجد علامة صح جنب رابط الموقع اضغط عليها وراح تنضاف الصفحة للقائمة
شوفو هنا العلامة قبل ما ضغط عليه

وهنا بعد ماضغطت عليها وانضافت لقائمة القراءة

كيف ترجع لنفس الصفحة الي أضفتها بعد ما تقفل الفايرفوكس ؟
اول ماتفتح الفايرفوكس تجد أيقونة في المتصفح من جهة اليمين كماهوموضح بالصورة – الكتاب الي له شريط أصفر
تضغط على السهم الصغير الي جنبه تطلع لك كل الصفحات الي اضفتها مؤخر


2 – Adblock Plus :

أولا- فائدتها :

دائما ماتدخل مواقع وتزعجك بكثرة اعلاناتها اللي يمين ويسار تنطنط
او تكون في صورة ماهي عاجبتك بالموقع وماتبي تشوفها كل مرة تدخل الموقع ..الحل مع هالاداة ..

ثانيا – التحميل والإضافة :
بنفس الطريقة الي شرحتها اول

ثالثا – الاستخدام :
أول ماتشوف صورة ماتعجبك تروح على الصورة وتضغط بزر الماوس يمين تطلع لك قائمة اختار منها ,,مثل مو موضح بالصورة

ملاحظة : الصورة لموضوع من مواضيع الجروب
.. بس انا من مشجعي الاتحاد على فكرة .. والبيت كله اهلاوي خخ
….\بس عشان صاحب الموضوع مايزعل..

لو تبي تعمل تراجع وتطلع الصورة روح على اقصى يمين المتصفح ,,راح تلقى ايقونة الاداة اضغط على السهم الي جنبها
راح تطلع لك قائمة اختار منها ,,مثل مو موضح بالصورة واعمل تحديث للصفحة راح تطلع لك الصورة


3- Click Weather :

اولا – فائدتها :
تعطيك حالة الطقس لأي مدينة

ثانيا – التحميل والاستخدام:
بنفس الطريقة الي شرحتها في البداية

ثالثا – الاستخدام :
تروح من ادوات على اضافات تطلع لك بعد ماحملتها تدخل عليه تغير الاعدادات
تختار المدينة وتختار الايام يعني تبي طقس اليوم ويومين بعده ,, وتختار بعد نوع العرض
ومكان ظهور الطقس في المتصفح يعني انا مثلا ابيه يظهر في المتصفح في الشريط الي اسفل

هذا طقس جدة حبيبتنا….جدة ام الرخاء والشدة
اذا مريت بالموشر عليه يعطيني تفاصيل اكثر

معلومة للفائدة : اذا كانت درجة الديوبوينت قريبة من درجة حرارة الجو يحصل ضباب
هذه معلومة قالها لي اخوي لانه طيار ويعرف بهالامور < امانة في النقل ..


4- Down Them All :

أولا – فائدتها :
كلنا نعرف ان الفايرفوكس به مدير تحميل لكن هذا اضافة له ,,مدير تحميل يعطيك تفاصيل أكثر وخيارات أكثر
يعني قبل ماتحمل انت تختار الاسم للملف
والتفاصيل يعطيك الوقت الباقي عشان يكتمل التحميل و سرعة التحميل وخيارات اخرى ممتازة جدا
انا مااستغني عنه من يوم حملته على جهازي

ثانيا-التحميل والاضافة :
مثل ماشرحت بالأول

ثالثا – الاستخدام :
سهل جدا .. عندما تكون فاتح صفحة وتبي تحمل الملف منها اول ماتضغط عليه تطلع مدير التحميل اللي تعودنا عليه بالفايرفوكس
ومنه يسالك تبي التحميل بمدير الفايرفوكس التقليدي او بالاداة الجديدة الي اضفتها
كما هو موضح هنا

وبعد ماتختار تطلع لك هالنافذة تسمي الملف او ممكن اذا نت تبي كل ملف ينزل باسمه الي مسمى بيه بنفس الموقع
تحط مكان اسمي هالكود
*name*.*ext*

هن شوفوه قاعد يحمل



وهذه هي حطيتها كلها بملف واحد لان حجمها صغير
للتحميل من هنا


وسلامتكم
اتمنى ان شرحي كان واضح وانكم استفدتم منه
واعذروني اذا كان فيه شي غلط بالترجمة لان جهازي انجليزي ومتصفحي انجليزي فما ادري ويش يقالها بالعربي < ارحمينا بس < لايكثر

اختكم
فديتك ياغلاتي

مقالات ذات صلة

‫17 تعليقات

  1. :D:Dوالله صراحة الموضوع جميل جدا واستفدت منه كثير يسلمووووووووو

  2. ما تتخيليون وشلون فكيتي علي أزمات مره نحتاج مواضيع زي كذا عن الفاير فوكس مشكوووره الله يجزاك الجنه

  3. يسلمووو عالموضوع الحلو8) وهاردلاك على هزيمة الاتحاد 🙂 مع السلامة FORZA HILAL:>

  4. ماا شاء الله على هالابداع انا من قريت العنوان وانا مستانس:D اموووت بشي اسمه فايرفوكس علشان الحركتات اللي بوهـ والاضافات والشغل الحلو والسرعة والامان وكل شي 8) اما الاداة الثانية ما ادري وش لووون سمحوا لك تنزلينها هنا ههههههههههه سكرتي الاعلانات عليهم هههههههههه يبون يمصعون اذنتس 🙁 وما هبل بنا الا حالة الطقس ما يطلع لنا الجو باستراحتنا انا والعيال لكن ايه هين بس كلها كم شهر ويحطون لنا حالة الطقس بديرتنا علشان البرج الجديد !! 😮 واشكرك على تذكيرك لي باخر اداة لاني مضيعا من مبطي وانحاست اموري لكن احلى ما فيه الثيمات والسرعة واشياء ثانية منتااااازة دايم استفيد منها بس انها خاصة باللطش ههههه الله يوفقك ونشوفك بشغلات احلى واحلى معنا دايما :~

  5. لوووووووووووووووولز فاير فوكس .. عالم من اختياري .. 😀 احسن متصفح في الدنيا هع .. جميلة اوي الاضافات … من جد موضوع حلوووووو .. وخاصة انو انا اللي بأقرأه

  6. وعليكم السلام ورحمة الله وبركاته .. الله يعطيك العافية وما قصرتي .. فعلاً دلع ..

  7. يالبى قبلك يالفايرفوكس من يوم عرفتك حسيت بمتعة التصفح والدلع 🙂 يسلمو على الا ضافات الحلوة

  8. شكرا لكي و يا ليت تعلمينا اكثر عن الفاير فوكس و الادوات وشكرا

  9. الفايرفوكس … يوم بعد يوم وموضوع بعد موضوع , بالشبكة وهو يكبر بعيني فعلا كل شيء ,, حماية بساطة اضافات وشغلات حلوة جدا ,, اعتقد ان ايام الاكسبلورر وووولت ____ يعطيك العافية على الموضوع

  10. 3boud شقاوي هدووووول عبود الهلالي يركدون هيمو فوضوي Nayef الأعصار شكرا لكم جميعا لتعليقاتكم الجميلة والمشجعة.. بصراحه شجعتوني أكثر اني اكتب عن اضافات الفايرفوكس .. واتمنى انكم استفدتو 😀 وان شاء الله المرات الجاية تشوفوني كثير ..:$:$:$ تقبلو اجمل التحايا من محبتكم فديتك ياغلاتي

  11. اهلا اخوي بالنسبة لاداة الاعلانات < ان شاء الله اني امون على الشبكة :D:D وحالة الطقس .. حط اقرب مدينة لديرتك وان شاء الله بتطلعلك 😀 وربي يوفق الجميع … 😀

  12. حقيقة اضافات رائعة جدا واروعها الاولى فعلا رائعه اتمنى اذا اكتشفت اضافات اخرى ان تطرحها في القروب باستمرار

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى