تحول اكبر ملياردير الى معلم كبده

قــهـــر يتحدى بيل جيتس

———————————

كل ما افتح النت واقعد اتصفح المواقع ينقز في خشتي ذاك المربع المشؤوم (( قام الجهاز بعملية غير شريعه … )) ومدري وش بعد
المهم اضغط موافق يطلع علي مربع ثاني ارسل تقرير او عدم ارسال تقرير اضغط على عدم ومدري وش سنعه بس ابي المخلاص
ومليت وهي تطلع علي وبعد فتره من الزهق من هالرساله قلت ارسل ولا تخوينا وارسلنا رساله وين مدري لكن المصيبه
بعد ما ارسلت الرساله صار يطلع على مربع كبير وفيه خرابيط تقول شغل برمجه ومير تنقز فيني حركة الفهامه نظام عريبيا كل
شي نفهم فيه وقلت ياولد وش بيضرك الحين اذا جلست تحبرش في اللي قدامك وتقلب فيه اغديه يفتح الله عليك وتضبط معك
الشغله وتفتك من هالمربع اللي كل شوي وهو ناقزن في وجهك تقول ليموزين والله ماصدقت خبر وقمت اطقطق فيه وكل
ماطلع لي شي اضغط عليه دوووووس والوعد قدام

شوي واشوف شاشه قدامي ومكتوب فيها

ومع ذلك ماهمني زلبتها وقلت اطقع ما اشوف انتم اكيد فيه شي خطير ولازم اشوفه
وماصدقت خبر واقعد اخربط بالجهاز واعدل واحذف ملفات على كيفي الين ماتعدل هالخراب اللي ابلشني كل شوي
وصار التصفح عندي من احسن مايكون ولا جهاز الملك ياشيخ

————- اعــــــــــلان ————-

اللي عنده مشكله في جهازه يقولي اصلحه له واحمدو ربكم واحد مثلي يعرض خدماته عليكم

<<<<==== انت فكنا من شرك وخلاص .

————- خلص الاعلان ————-

وين وصلنا ياجماعه <<<==== شغل النصابين

ايه وبعد ماضبط الجهاز عندي وعدلت الخلل وجلست اتصفح موقع ابونواف العزيز بكل روقاااان
ومشغل كسرات فرقة ابوهلال الينبعاويه ياحبيبي والله اشتقنا
مادريت الا ويطلع لي مربع حق الماسنجر مكتوب فيه
(( لقد قام بيل جيتيس بطلب محادثك هل ترغب في اضافته ولا لا ))

يوم شفت هالاسم قلت احلى وش هالاسم ذا شكله يبيني اساعده في المشكله اللي في جهازة
قبلته وشوي الا وهو خاطم على بالماسنجر حتى ماقال السلام عليكم ولا شي جايك مشوت ويرحب فيني ويهلي
وياهلا والله بقهر ياهلا بشيخ الرجال احلى تحيه لا احلى قهر ياخي انت رهيب قسم بالله انت ابداع
قلت له
من حيني رهيب وابشرك بصير رهيب اول اخلص علينا وش تبي ومن انت ؟
قــــال :
انا بيل جيتيس
انــــا :
طيب وبعدين .
قــــال :
ياخي انا بيل جيتيس وش فيك ماعرفتني .
انــــا :
طيب وش تبين اسوي لك
قــــال :
انا بيل جيتيس حق الوندوز وش فيك انا اغني رجل بالعالم كله
انــــا :
لا ياشيخ احلف عاد .
قــــال :
وقسم بالله عرفتني
انــــا :
اجل انت ماعرفتني .
قــــال :
لا والله ماعرفتك
انا قهر مشرف مجلس سواليف نص كم اطفر واحد بالعالم حتى الحديده وبعناها
ياخي اخلص علينا وش عندك بس ولا يكثر هذره .
قــــال :
ياخي الوندوز كان فيه مشكله وجتنا رساله منك تشتكي منها طبعا رسالتك وصلتنا مع ملايين الرسايل
تشتكي من نفس المشكله واللي عندي كلهم وانا ماقدرنا نصلحها ومادرينا الا انت مصلحها وقلنا بس هذا اللي بيساعدنا
ويعلمنا كيف الطريقه وطبعا اكيد انت فاهم بالكمبيوتر .
انــــا :
هااه <<<==== مفهي
قــــال :
وانت رجال والنعم فيك (( ام عاد ذي )) وحنا والله جايين عندك وطالبينك – وجدع على الكارفيتا يطلبني –
نبيك تجي عندنا وتساعدنا في هالمشكله ونعطيك اللي تبي ..

انــــا :
هاااه <<<==== من زود التفهيه .

بعدها استوعبة الوضع وقلت مابدهاش لازم اشوف هالرجال وش عنده لايقعد يتبلاني الحين وابلش فيه
وانا رجال اباري الساس (( بس افوز عليه 3/1 )) عاد سويت فيها فاهم و ابو العريف .
ودقيت رجل على رجل (( لازوم الكشخه )) اسمع يالحبيب بصراحه انا بذلت مجهود طيب واشكر عليه ولابد ان تقدم
لي مكافئة عظيمه ويشرفك حضوري والسلام علي وانت تعرف مكانتي عند الناس في نص كم وانا قررت اني اجي لكن
بشرط .

قــــال :
انت امر بس تدلل وشروطك اوامر وطلباتك مجابه وش بغيت .
قــلــت :
طبعا انت تخبر اللي اوله شرط اخره نور زنون وانا رجال ما ابي شي كثير بس ابي اكون معك شريك
في الشركه ولي نص الارباح وانا مسامحك بالباقي والزكاة بيننا انا واياك وتراني منب طماع بعد
قــــال :
يابن الحلال وش هالكلام هذا حلالي وتبي تشاركني فيه انت و خشك قل غير هالكلام .
انــــا :
لايكثر بس جازيلك والا اعطيك حظر الحين .
قــــال :
وش دعوه انت نسيت اني انا صاحب الماسنجر والهوتميل تبطي عظيم تصكني حظر .
قــلــت :
وانت ماتدري انا صديق سوالف القايلة انت وخشك <<<==== امحق صداقه بعد .

شوي والا بيل جيتيس طالع على مع الشاشه :
تدري عاد وش رايك اخليك مدير عام على الشركه واعطيك نسبه من الارباح ولايكثر عاد قبل لا اهون الحين وبالطقاق انت والناس

قــلــت :
ياولد لايكون الرجال جاد (( والا مقصود )) في حتسيه خلني بس اقبل ومدير عام والله مهيب شينه ازين من سيكورتي
ومادام لي نسبه بالارباح ومدير عام كذا نصير حلوين

اقلعت الى امريكا وكان في استقبال بيل جيتيس والشله وورد وبوربوينت واكسس واكسل وفرونت بيج
(( على بالي انهم شله بيل جيتيس ))

صوره تذكاريه تشرف فيها بيل جيتيس بالسلام علي

——————————————–

وصلنا المقر وعملنا حفله صغيره على شرفي وصرت انا المدير العام للشركه

واطقها كشخه على مكتب بيل جيتيس وناااااااااااااسه
وتدخل على هاك الطخمه الشمحوطه اللي مانشوف مثلها ولا حتى كذب بالمنام
واثرها طلعت السكرتيره حقتي وانا اللي اصيح واصيييييييييييييييح
واقعد اصيح وانهبلت من الصياح ويجيني بيل جيتيس طااااااااير وش عندك ياقهر تصيح عسى ماشر
مير اقوله الله يخلف يابيل اللي حصيصه مره وهذي الطخمه مره
مير يقوم بيل جيتيس ويقولي الله يلعنك وانا اللي احسب عندك سالفه ….. المهم متى ناوي تنزل تشتغل
اشوف الجلسه جازت لك .. واقوله يابن الحلال تونى واصل اصبر علي لين اخذ عليكم شوي وبعدين
خلني اخذ جوله على المكان واخذ لي فتره راحه – شغل سودانيه الاخ –
وجلست كم يوم وانا ماحولك احد الرجال كل ليله يسهر معي ويقعد يسولف معي عن الكمبيوتر والبرمجه
ومدري وش بعدوانا مفهي ماغير مطالع في الحريم منب معه – بعذري ماقد شفت خير –

نسيت اعلمكم ان بيل قيتيس طلع قصمنجي من خب البصر

وكل ماجيت الصبح اشوف هالموظفين نشيطين وكل واحد معه شنطتة ومخترشين بالعمل المهم دخلت مكتبي
وقلت للسكرتيره اطلبي لي صحن كبده وتميس وشاي عدني وهي تنهبل وتقولي ممنوع الفطور
بالمكاتب بعدين وش هالكبده والتميس واقولها : افا ماتعرفين الكبده والتميس والفول بعد لايصير ماتعرفينه
وانزل والله الموظفين مدهرين شغل تقول امبرمجين على هالشغل انا ماجازلي هالوضع (( عريبيا ماعليه شرهه ))
والله وافتح محل كبده وفول وتميس بجنب الشركه وصدرت قرار للموظفين لازم ياخذون فطورهم من المطعم
اللي بجنب الشركه كل يوم حتى لو يوم اجازة لابد يجي وياخذ فطور من هناك والموظفين اعجبهم طعم الكبده والفول
والله وكل يوم ضرب بالفول والكبده لين ما قفلت طباقة عقولهم وتنحوا

لكن ماطال هالحال الشركه قربت تعلن افلاسها وتوصل معه بيل جيتيس ويجيني بالمكتب
معصب ونابت في راسه مليون نخله ناوي يلعن كلافاتي وهو اللي ينزلني مع اذني للمعمل ويقولي اشتغل

عز الله اللي دجيت وانا مدري وش هو يبي الحين ويقعد فوق راسي وانا عند الجهاز مدري وش اسوي فيه
وقلت ياولد خلنا ندخل نص كم ونشوف وش عندهم الشباب واول موضوع يقابلني وانا اللي انبسط
واقوله تعال طالع حقين نص كم وهبالهم انت وخشك وهو اللي يدحجني يارجال اشتغل وخلصنا
قسم بالله لا العن ثواك الحين ماتفهم انت قلت له : يابن الحلال الحين انت وش تبي بالضبط
قــال : ياخي علمنا وشلون صلحت المشكله ذاك اليوم خلنا ننزلها للزباين قبل لا نخسر مير اقوله
اي مشكله والرجال فيه الصيحه المشكله اللي كانت في جهازك وش فيك
وانـــا : والله بن الحلال مدري وشلون سويتها بس جلست اتعبث مير تضبط معي

وهو اللي ينهبل  ويقعد يصايح
انا حمااااااااار انا كلب ابن كلب اللي اجيب واحد مثلك خلالالالالالاص انتهيت خسرت كل ماوراي ودوني بسبتك
اكبر شركات العالم ماقدرت توقف قدامي وانت بس كم يوم خليتني اعلن افلاسي حسبي الله عليك منك لله
منك لله يامفتري – حشى طلع مصري –

وانا اللي افق خشتي وبس هذا اللي هامك ورافع ضغطك تعال اوريك عندي لك شغل ابرك
لك من هالخرابيط والله واشغله معي بالبوفيه وابشركم الحين بيل جيتيس احسن واحد يضبط الكبده بامريكا كلها