السلام عليكم ورحمه الله وبركاته 
حيا الله الشباب حيا الله من سير علينا 
((تجارب غريبة اعملها بنفسك 3 ))
هذا الجزء الثالث من التجارب الغريبه الي عندي انشالله تجوز لكم يالله نسمي بسم الله
استكمالا للتجارب الست 6 السابقه نبدأمع التجربه السابعة
التجربة السابعة
كيف تحدد أماكن اشياء خفيه بواسطه الحاسه العاشرة 
يقولك فيه شي يسمى (البندول) مهوب بندول علاج حبوب 
هذا يتكون من سلسلة حديدية طولها تقريبا 30 سم وفي اخرها كوره معدنيه او كرستالية…
وهذي تقدر تسويها وتصنعها بنفسك…..
لكن المهم وشلون تستخدم هذي الآلة وش فوائدها انا اقولك …. وهي مجربة
تستخدم في العثور على الاشياء بمساعده عقلك الباطني … 
ويقولك كانو يستخدمونه الاغريق قديما في البحث وهو علم ولا يمت للسحر بصلة ابدا لا من قريب ولا من بعيد
مثاااااااال : هذا جدك الله يطول بعمره عنده مزرعه وجاء على باله يحفر ارتواز (( بير )
لكن جدك حضه مقرود كل ما حفر في مكان طلع له بلوى
حفر في مكان وطلعله مويه بياره <!–emo&<_ 
حفر في مكان ثاني طلعله بترول
غير المكان وحفر حفره ثانيه طلع له ديبان وعقارب 
تعال لجدك وقله … اسمع يابو الشباب كم تعطيني 
قال جدك اقول انقلع 
ياجدي لاتحقر احد 
قال جدك منيب احقر احد بس اني احقرك انت ما وراك سالفه
قلتله طيب جدي انا اوريك 
قال جدك يالله ورني يالفاهم 
الرهن من عشرين الف …. ما تفوت
…………………..زيييييين 
انا اقولك وش تسوي تاخذ البندول وتقول بسم الله 
وتوقف وسط المزرعه وتبدا تركز تفكيرك
البندول يبدا يتحرك شوي شوي من .. مثلا جهه الغرب والشر
او مثلا يمين ويسار مثل الصوره الي تحت
يعني راح تمشي على الخط الي عطاك البندول
لحد ما تلقى المكان المطلوب
واذا وصلت المكان المطلوب البندول راح يدور على نفسه مثل هالصورة الي تحت
هذة علامه تحديد على الموقع الي فيه المويه .. وبهالطريقه تكون وجدت مكان الماء
ثم يجي جدك
ثم يجي جدك ويلعن خيرتك
بس هذي طريقه تحتاج لخبراء على فكره
ويمكن تدور على شي ضايع في البيت مو لازم مويه اي شي يخطر في بالك وجرب ..
تدور محفظه ولا مفاتيح بحيث انك تركز في الي تبي تدوره … 
وتشوف وين يوديك البندول حسب الاتجاه الي يعطيك..
وسلامتكم
التجربة الثامنة
اذا ضعت في البر وش تسوي
يقولك هذولي شلة طالعين البر .. 
المهم فيه واحد يقاله ناصر مسوي فاهم 
قال ياشباب خلونا نتقدم وندخل في البر شوي فيه مكان زين قدام
قالو ربعه… ناصر تدل زين ولا بتوهقنا .. 
قال ناصر اقول لا يكثر ….
قالو طيب شورك وهدايه الله …
الين لقو هذيك الشجره وتكو عندها وتغدو وعينو خير وشيشو وشربو شاهي
المهم ضفو اغراضهم يبي يمشون ويناصر هو الي يدلهم
وهم راجعين جاء في وجهم ضلع (( جبل )) سد عليهم الطريق . 
رجعو وسد عليهم ضلع ثاني 
وحولو ناصر وجلدوه بعد الين داخ 
جاء اليل وهم ضايعين .
قال واحد انا اذكر ان حنا جايين شمال <!–emo&<_
قال الثاني صح انا اذكر بعد انا جايين من شمال بس وين الشمال بالليل
عشان يعرفون وين الشمال
لكن السماء غيم 
وش تسوي عزيز القاري …. لامشكله مع سوالف القايلة
اتصل على الدفاع المدني وأطلب المساعدة
طيب فرضا مافيه تلفون وش تسوي عشان تعرف وين الشمال بالليل والسماء غيم
…………………………………….
رح ياطويل العمر جب الأغراض التاليه
1 كرتون المناديل
2 ماء .. سواء على الارض او في كأس : المهم ماء راكد لا يتحرك كثيرا
3 ابره ولا اي صفيحه حديد وقصها او اثنيها بشكل الابره>> مدبب من جهه وعريض>> من الجهه الاخرى
قص قطعه من كرتون المناديل بشكل دائري بحيث انها تطفح على سطح المويه الي في الكاس
حط الابره على قطعة الكرتون …. واتركها
……………..
على طول راح تلاقي راس الابره المدبب اتجه للشمال
وهذي بمثابه البوصله
وبالطريقه هذي تقدر ترجع ربعك لبويتهم سالمين غانمين بمشيئه الله
والمره هذي ماودي اطول عليكم تكفي تجربتين
ونوفر باقي التجارب للحلقات الجايه
وسلامتكم
