السلام عليكم ورحمة الله وبركاتة
هذي أول مشاركة لي
وأن شاء الله ما تكون الأخيرة
بمناسبة المناسبات
:التالية
أولاً : انتقالنا للإستراحه الجديده
واللي اتفقنا نسميها
إستراحة
(( دير بالك ع حالك ))
قررنا نقط ونتعشى تيس على كيف كيفك
وفجأه وحنا نجمع القطه وتطيح عيوننا على حفرة مندي داخل الاستراحه الجديده
قلنا هذي مناسبة خامسة لازم نسوي التيس مندي
شغل إيدينا أضمن من شغل المطاعم 
الله يعز النعمه صرت أغمض اذا مريت على مطعم
المووووهيم نرجع لموضوعنا
كل واحد تكفل بشي
اللي يضبط شاهي واللي يجيب التيس
واللي يجيب اغراض وكل واحد له شغله
الاأنا بما أني فاشل في الكشتات والحركات هذي
شديت حيلي بالتصوير
وبدت رحلة الكبسة
مراعاة لظروف ضعاف القلوب والنواعم
قمت بحذف صور التيس وهم يذبحونه ويصلخونه
ماودنا ننكد عليكم
:
هذي صورة المرحوم بعد الصلخ والتعليق
وهنا بعد التعليق وننتظر النار تجمر
وهذي ضونا الله يجيرنا وياكم
الحين جاء شغل الرز
تعرفون الرز غالي شارين كيس أبو 20 كيلو
هنا يبدأ شغل الشيف سعود بتضبيط الرز
لين تجمر النار
تشم ريحته الله يعز النعمه بس اذا حمسته مافيه احلى من ريحته
فاتتكم الريحه
هنا عاد اكبس الرز وخله شوي
بعدين تربط القدر
المقادير : معاليق + زرادية
الطريقه : مدري العيال هم اللي عفطوها كذا <<
هنا بدا الشغل الصح وهذا التنور الله يجيرنا وياكم دنيا وآخره
تحط بطانية مبلله وتكتم أبو أبوه << ساقط في التعبير
ترى للحين ماخلصنا
الشيف : نايف قال:خل الرز مضغوط أضمن
والشيف : سعود يقول لا مندي
قام الشيف : نايف وخذا الراس والرقبه وكم قطعة صغيرة هبرة
وضبط رز مضغوط بنكهة اللحم
فاصل إعلاني
خلصنا شغل اللحم والرز
ومابقى إلا الانتظار
وكل واحد يمارس هواياته اللي يضبط شاهي
واللي يشغل اللاب توب
اللي يتفرجون على التلفزيون
واللي شغلوا البلاي ستيشن
وهذا صورته
أدري ان محد مصدق بس مشوها هالمرة >>
بصراحه العيال طفشوا من التصوير والفلاش اعمى عيونهم ومنعوا عني التصوير
وعاد لازم احط صورة للبلاي ستيشن مالقيت الا هذا
وحقين البلوت بعد كرشوني ممنوع التصوير
على طاري البلوت
هذي لعبة البلوت ناس كثيرين يسألون عنها
وخصوصاً طلاب الجامعه
اللي يجلسون آخر القاعه
عاد عندنا في الجامعه المحاظرات ساعتين وثلاث
يعني يبيله بلوووت
تهرب هاص يجيك هاص
وهذارابط اللعبه
وتراها كامله مكمله
MBC ويقولون الـ
تسوق للعبه مدري وش طاري لهم
لـقـد عـدنـا
وهذا العشاء بعد ما انتظرنا ساعه
قبل ما نقرب الصورة كل واحد يقرب مناديل
محافظتن على الكيبوردات
غير مسؤل عن خراب الكيبوردات>>
وهذا الرز كان ودي اصور الكشنه حقت الرز المندي
بس ماأمداني ألحق عليها
الشباب ماعندهم صبر 
وهنا الرز المضغوط باللحم
الشيف : نايف يشوف شغله
قبل مانفرش السفرة
(
ولا تهون شطة الكريستال
تصدقون العام يوم انقطعت الكريستال من الرياض
+++++++++++++++
وهنا مابقى الا نقول اقلطوا على عشاكم
اللي يبي
رز المندي
واللي يبي رز المضغوط
هاه وشرايكم في الشغل ….؟
لاتنسون نظام الأستراحة
طلب بسيط
اللي عنده محل فاضي في صناعية الخرج ويبي يأجرة
:يعطيني خبر على الايميل
FF4KK@hotmail.com
قبل مانودعكم هذا مقطع بلوتوث لي
أحلى ضحكة
تقبلوا تحيات مراسلكم
فارس الكلمه
مجموعة أبونواف البريديه
الرياض
استراحة
(( دير بالك ع حالك ))
اتمنى الايميل أعجبكم
