بلوتوثيـ 4 ـات

.: عبسون :.

18 سنة ago

بسم الله الرحمن الرحيم

هلا بكل اللي دخل يقراء الرساله
وش اخباركم ؟
عساكم بخير ؟
من زمان ماراسلتكم من على هذا المنبر
لكن لقانا معكم تجدد بفضل الله ثم بفضل اخوي ابو نواف
فله جزيل الشكر

فخلونا علطول نبدا بالموضوع
بلا مقدمات ,,,

.:1:.
صيفنا مع ثيابنا احلى

انا اخبر إن العالم بالحر

يفصخون ثيابهم ولا يفصخون فنايلهم
بس مهوب يفصخون كل شي زي هالبزر

.:2:.
ولي العهد الله يطول لنا بعمرهـ

بالمقطع هالبرز يقعد يقصد عن العلاقات السعوديه اليمانيه
ويكافئه ولي العهد – الله يطول لنا بعمره – براتب 5 الاف وسياره
الله يرزقنا ,,

.:3:.
فوائد البايسن

اول شي اذكروا الله
هذا ماشاء الله واقفن براس الطعس
(طعس = جبل من الرمل )
ويتشقلب على ورا
بس الله ستر ومامسط على راسه وإنكسرت رقبته

.:4:.
افغاني أصلي

المقطع هذا للي يشكك بجودة الافغان
هالافغاني يحاول يهد الجدار وينجح لكن السقف يطيح عليه
بس شوفوا وش صار بعد ماطاح عليه الجدار

اعتذر لجودة الصوره

.:5:.
جمهورنا السعودي المقلع

هذا ياطويلن العمر واحدن من الجمهور
وبمبارات للمنتخب طب للملعب ووقف عند الرايه
ورجع للمجهور مرهـ بدون مايمسكونه
الصراحه اعجبون الجمهور يوم فزعوا معه

.:6:.
تعذيب طفل

يحوول يا هالبزر
مركبينه بالسيارهـ
وصاكين الدرايش عليه
وحاطين عسكريم بالطرف المقابل < برا السياره
والضعيف يلحس القزازه بس مايحس إنه به طعم العسكريم

.:7:.
هبال الشباب

هالمقطع بالذات كش جلدي يوم شفته
(كش جلدي = اصبت بالقشعريرهـ )
يعني منهو هاللي بايعن عمرهـ ويطلع جسمه كله
مع الدريشه والسياره تمشي وشوي ويحك راسه بالازفلت
يعني تخيلوا لو صار بنص الشارع بلكه وهو ماشافه وين يبي يصير راسه

.:8:.
New Move 2 Open Door

وش رايكم بإنقليزيتي خطير صح
انا اصلن ثقافتي إيطاليه و متربي بفرنسا بس ابوي سعودي

البزر ذا يفتح الباب برجوله
تبون تقولون وشلون
ابي اقولكم شوفوا المقطع

.:9:.
راعي الدجاج

انا اخبر إن الناس ترعى الابل
ترعى المواشي <<< مهيب المكيرش
وهذا يرعى دجاج
بس والله انه خطير خلا كل الدجاجات يلحقنه

.:10:.
بغى يموت من الضحكـ

توني ادري إن فيه أحد يضحكـ مثل هالضحكـ
اموووت واعرف وش قاعدن يضحكـ عليه

.:11:.
التيرسل

معروف عن موتر التيرسل إنه سيارهـ
حبوبه صغيره خفيفه <<< مهوب يسوي دعايه
وهذولا ماشاء الله عليهم شالوها وحطوها بالجهه الثانيه

.:12:.
زحمة المسجد

بعض الزوله إذا حط براسه شي يسويه
ولو كان المسجد مليان وماله مكان يسجد به
هو هذا اخونا انتشتاين السودان لقا مكان يسجد به

.:13:.
مسكين يازول !!

والله رحمة الزول هذا
مسكين حارس للاستراحه او للبيت
المصور يقاله يبي يصوره <<< قل قسم بالله
…….. ويجي واحد من ورا الزول و

شوفوا المقطع

تم بحمد لله
وارجو من الله ان اكون وفقت في رسم الابتسامه على خششكم