رسائل المجموعة

باريس .. عشقتك قبل ما شوفك .. وشفتك صرت كلي حلم (ج7)

مساااااااااااااء الخير لكل الأحبابــ ..
مسااااااااااااء الورد لكل الأصحابــ
مساااااااااااء ما يليق إلا بأحبابي … انت .. وأنتي …
كيفكم يا حلوين .. وش مسوين … ان شاء الله بخير وعااااااافيه

الا كيفكم مع الامتحانات … يا قلبي عليكم بس … حاس فيكم والله … كلن شايل همها …

ادري انه مو وقته هالتقرير … لكن قلت عشان تغيرون جو شوي من هالمذاكره … يعني ممكن تخلي
قراءتك للتقرير جزء من البريك …

اول شي اشكر الجميع … الجميع على تفاعلهم مع اول جزء من تقرير ديزني لاند …صراحه شي يخلي الواحد يتحمس اكثر واكثر
قبل ما أبلش …
كيف طقوسك الحين !!
كل مفرحاتك حولك ؟!!
جوالك غطسه في اقرب كاس حليب بالزنجبيل  .. عشان يدفى ونرتاح منه
وريموت التيفي …. شل بطاريته
وعشان اعيش جو اكثر  … حطيت التيفي على قناه ديزني

عشان اعيش الجو صح صح ….
قبل ما ابدأ … الصور عددها تقريبا 95 صوره
عندك شي يالطيب … والا مشغول .. خل التقرير بعدين …
فاضي … ما عندك شي .. عطني كل حواسك .. وقلبك …. وروحك …. وتعال …
نبدا …!!
دقيقه بصلح جلستي
هيا بنا


مع اشراقه صباح رااااااائع … من روائع باريس … قلت اليوم بيكون لديزني … لأني قبلها نايم تمام التمام … فقلت ما بدهاش يا باشا … خلها اليوم كله ديزني …
طلعت الكوفي على الساعه 9 ونص .. وتقهويت وعينت من الله خير …
بعد طلعت على محطه القطار .. عشان اروح لديزني …
طبعا اول ما رحت المحطه .. كنت عااااااااقل مره …. عشان المخالفه اللي دفعتها قبل … حتى تصدقون … اني راكب القطار وانا متكتف … وجالس قدام بعد
اول ما وصلت لديزني .. اتجهت للبوابه الرئيسي .. اللي تدخلني على ديزني بارك .. او ما يسمى الملاهي والألعاب …. وهذه صوره قبل ما اوصل لها …

بعدين مشيت شوي … وادخل مع هالعالم .

حتى وصلت لشباك التذاكر … وقصيت لي تذكره وحده … وهذه هي …

كان سعرها 46 يورو … تقريبا 250 ريال …
بس مو خساره والله …
المهم قصيت التذكره .. وادخل …
قبل ما تدخل .. بنصحك نصيحه … فيه عند البوابه مثل البروشورات .. والخرايط … دور على خريطه الالعاب … عشان بعلمك وش تسوي فيها …
ها .. حصلتها ..!! ...
ايووووه هذه هي
خلني بوريك خريطتي … احسن من خريتك
شوفها معي …

تشوف اللي تحت ..!! … هذه البوابه … من هنا بندخل ان شاء الله … طيب وش فائده هالخريطه ..
هالخريطه مهمه .. مهمه .. جدا جدا … ليش ..!! … لأنها ترتب عليك وش تبي تلعب …

مثلا تلاقيهم حاطين لك .. الالعاب الخطره بلون معين … حاطين لك ألعاب الاطفال بلون معين … مفصلين كل شي … وغير كيذا … ممكن لو كنتم قروب معين … وضيعتو بعض .. او تبي تدق على خويك تقول له تعال لقيت لعبه حلوه … كيف تبي توصف له !! … صعب جدا جدا .. تقول رح يمين .. بعدين يسار .. بعدين قبله ..
لالالالالا لو كانت معه الخريطه .. وانت معك الخريطه … قله بس انا عند رقم 33 .. وهو يجيك على طول …

طيب طيب … يالله جاهزين نبدا نلعب
اول شي بالنسبه لي .. ما اسميها ألعاااااااب … اسميها مغااااااااامرات … جد والله … مو كلها تركب شي ويدور بك … لالالا .. فيه اشياء روعه تدخلها وتطلع منها …
امممممممممم .. من وين نبدا .. من وين .. من وين
<<< يحك راسه …
ايوووووووه .. خلونا نبدا من الساحه اللي في النص .. اوكي ..!!
انتبه .. ترى الجو روووووووووعه .. صحيح انه رذاذ مطر .. بس روعه صدأني يابني
اول ما دخلت الساحه … الا اشوف قطار العروض حق ديزيني … جالس يتمشى …كانت الميوزك حقت
ديزني في كل مكااااااااان .. وين ما تروح تسمعها … عاد شوفو معي الصوره

هنا القطار اللي يحمل بعض شخصيات ديزيني …. يلف حول القريه كلها .. ويحي الجماهير ….
بوص كمان …

وصلو … وصلو … قرب قرب … لا تبعد عشان تشوفهم زين

وهذه ..


ما تكلفت ابد في جدايلها
وهنا برضو

طبعا الجو مره رايق .. الميوزك في كل مكان .. والعالم ترقص مع شخصيات ديزني
وهذا احسه فااااااااااااااااااهي … شوف بالله شكله ..


روقااااااااااان

روووووووووووعه ….

بعد ما راح هالقطار … قلت ببدا من اليمين … ووصلت لمثل حلبه سيارات … كنت متحمس لها .. بس حسيتها حقت اطفال .. شوفها معي …

وهنا …

عنننننن … عن عن

بعدين لقيت مثل الصواريخ معلقه وتدور … تذكرت لعبه البطه اللي عندنا في ملاهي الخيمه … اما لعبه البطه اللي في الخيمه … اذا ما جاك النوم .. واصابك الارق لمده طويله .. فرح لملاهي الخيمه ..
واركب هاللعبه .. شرط 9 دقايق الا انت في سابع نومه
المهم خلونا نشوفها .. مو البطه .. لالالا .. ديزني اقصد

وهيدي …

وبجنبها برضو لعبه حلوه … مثل الصاروخ .. بوص معايا …

يا هو بعد يروع … اذا انطلق وقال بووووووووووووووووف .. .. ما يردك الا اسواق السدحان مخرج 15 ..

وانا امشي … لقيت هالمكان …

هذا مجمع مطاعم مختلفه … قلت بدخل ادور لي كوفي … مع الجوا ذاك .. الكوفي يرد الروح ..
وادخل …

وآخذ لي كوفي كبير … وانشف ملابسي شوي من المطر … وأطلع أكمل …
حتى وصلت لمكان روووعه .. مثل قطار الموت …. لكن كأنه قطار يمر فيك بين أدغال الغابه
شوف معاي …

هنا المدخل …

بعدها دخلت … و قابلتني هالخريطه

هذه المغامره كيف جايه … مثل العربات .. او ما يسمى قطار الموت .. تركبها .. ويلف فيك بين شجر و حركات مررررره رهيبه .. تحس انك في غابه .. شوف معاي الصور ..

هذه اول شي عند المدخل ….

بعدين تشوف بعض المناظر اللي تدخلك جو صح ..

وهذه سياره اسد الغابه … موقفها في الظلال ...

وهذا منظر من بعيد … للطريق اللي بيسلكه القطار … او العربات .. بوص يا بني …

وشوف هنا برضو

المهم ركبتها .. وخظني القطار خظ ….
يالله … وين لياقتكم … خلونا نروح لمكاااااااااان ثاني … يالله …
بعدها رحت لمكان عند البحيره .. وش هالمكان !! … خلونا نشوفه مع بعض ..

ونقرب شوي …

طبعا الميوزك هاااااااااديه .. ورايق الجو بقوه… قلت لك .. خلها محطه راحه

بوص معايا على الصور .

مسترخيه الاميره الصغيره
وهذه …

بعدين مرينا على القسم العربي .. شوف وش حاطين

يمديكم على العباااااااايه
والا الفستان الزهري ….

والا الغتره .. كأنه أجنبي اول مره يلبس شماغ

بعدها مرينا على قسم جنوب افريقيا … مدري الهنود الحمر .. مدري منهم .. ذولاك اللي يقولون ..
اواواااا اواواااااااا

<<<< جالس يضرب بيده على فمه عشان يطلع الصوت

وهذه …

بعدها طلعت من هنااااااااك .. وكان هالمنظر قدامي …

بعدها طلعت .. وألاقي بعض شخصيات ديزني …. وصورته

مدري خشم … مدري شفايف .. مدري وشو
بعدها بدأ المطر يزيد شوي … شوف …


بس قلت مستحيل اوقف .. مكمل مكمل … يعني مويه المطر تموت والا مويه المطر تموت
ودك نكمل والا نوقف شوي ..!! … هااااا .. وش رايك !! … نكمل ؟
اوكي يالله
خلونا نروح للقلعه

واللي فيها القبطان .. والسفينه الطايحه … مدري الخربانه … اللي فيها الكنز …

المهم اول ما توصل .. تشوف علم القراصنه

على طووووول جا في بالي … سيلفر .. تذكرون سيلفر.. ابو الرجل الخشبيه .. … ذكرتوه ؟ … ما ذكرته ؟ … ما الومك كل مخط الحين مناهج دراسيه .. شوف هذا سلفر …


ايييييييه .. اياااااااااام

خلونا اول نركب العربات مع بعض .. عشان ندخل في هالسفينه المحطمه .. ونشوف سلفر وربعه …

يالله كل واحد في مكانه !! … تحرك ياااااااا هو …
بعد ما تتحرك العربات وندخل شوي .. تشوف هالمناظر قدامك …

وطبعا طول ما انت ماشي .. تسمع اصوات تخوووووووف

هالاثنين شاااااااربين وفاقدين .. يا ويلكم من سيلفر لو عرف انكم تشربون النبيذ ...
بعدها مرينا على حطاااااااااام كم السفينه

شوي .. ونمر على مكان يتجمعون فيه .. الظاهر انه الساحه …

وهذه

مدري وش هاللي يسار الصوره .. اسد يستهبل في ثوب حمار .. والا عنز بقرون .. … المهم نكمل احسن
وتشوف هياكل عظميه … واشياء قديمه …

وانت مااااااااشي … يطلع لك واحد مثل هذا

زقارته هذه ما طفت من فتحو ديزني

بعدها مشينا شوي … ونشوف واحد معلق .. ميت

هذا سيلفر ما يلعب … ما عنده يا ماما ارحميني
ونمشي شوي .. يوم سمعنا صوت قطوه … ميووووووووووووااا …
وطلعت لنا قطوه مجمده شوفها معي ..

اطب في المويه ؟
لالالا .. ما ابي اطب …!!
طيب يمكن بارده …
لالالا .. احسها دافيه …
ياربيه .. لالالا شكلها دافيه .. ودي اتروش ….
طبعا .. احس القطوه تقول كيذا
<<< بلا تحشيش بليز ..

بعدها لفينا كثيررررر .. في هالسفينه .. ومع الاصوات المرعبه .. والحركاااااات .. وصلنا للكنز

وهذا الهيكل العظمي حق سيلفر .. تعب .. واجتهد .. عشان يوصل لنا الكنز .. حتى شوفو الهلل عندهم من اول كل الالوان .. ازرق واحمر واخضر … احس اللي لونها زرقا .. امهات خمس ميه

المهم واطلع من هالمكان … واخذ صوره من بعيد …

تعبتو …!! … احسكم تعبتو … طيب ودكم ناكل لنا شي …!! ... مشينا لمطعم قريب من عندهم … شوف ..

جلست فيه …. واشوف المنيو …

ما اعجبني شي … قلت بطلع مفرحااااااااتي .. واشوف وين انا فيه من الخريطه …

هذه الخريطه حاطها على رجلي … جالس اشوف وش باقي من الاشياء الحلوه …
قلت بتمشى شوي .. واشوف انواع الاستهبال من شخصيات ديزني .. شوف معاي …

هذا احسه شرررررررير … جالس يوقع للبنات ..
بعدها مشيت شوي … لقيت شي خبااااااااال .. .. انا انبسطت عليه ..
مثل البريق كبيررررر … كل دقيقتين .. يطلع منه واحد .. ويدخل … يطلع .. ويدخل .. عاد قلت بنتظر لين يطلع وا صوره … شوفو

هههههههههههههههـ .. احسه دلـــــــــــخ …

بعدها رفعت راسي .. وطالعت يمين .. الا لقيت وحده .. بوص معايا ..

مدري وش تحس به هالبنت … مين لاعب عليها .. وقايل لها قلدي حركه تايتنك ..
المهم تركت هالمهبوله .. وقلت اكمل احسن ..

المهم وصلتي

واشوف هالعالم تصور معه .. وتستهبل

بعدها لفيت بااااااااقي الألعاب….
طبعا ديزني كبيرررررره … وصعب جدا جدا اننا نحصرها في حلقه … او حلقتين .. او حتى ثلاث …
بس حبيت اني انقل لكم شي بسيط من اللحظات الحلوه اللي عشتها هنااااااااك …
بعد ما حسيت ان الوقت بدا يتأخر … وظهري بدا يطقطق …
قلت خلااااااااااص … اليوم يكفي …
واروح ادور البوابه اللي تطلعني من القريه …

وقبل ما امشي .. … ألتفت وراي .. وصورتها صوره ودااااااااعيه …

<<< ياخذ نفس عميـــــــق
بعدها .. طلعت للمحطه القطار .. وركبت بإنتظام
وانطلقت للفندق .. اول ما وصلت .. رميت نفسي على السرير .. لأنه كانت بطاريتي مررررره تبي تفضى .. مثل وضعي الحين بالضبط. …

كيذا يا حلوين .. نكون قضينا يوم ممتع .. جدا جدا .. يوم من ايام حياتي .. في احلى مكان .. واروع مكان
اتمنى من كل قلبي .. اني وصلت لك شي بسيط .. او صوره حلوه عن هالمكان .. وانك عشت معاااااااي .. واستمتعت باللحظات اللي طافت
واتمنى .. أتمنى … انك تتابعني في الحلقه القادمه ..
وهي الحلقه الثامنه
وهي الحلقه الأخيــــــــــــــره … من حلقات تقريري عن باريس ….
كن معي .. وكن بجواري .. فأنت بداخلي

خلاص ودكم تمشون
ما ودكم بشي بسيـــــــط .. مرررررره بسيط
علشان حلقه اليوم كبيررره .. جبت لكم تورته كبيرررره

قطعوها بينكم

واذا ما عجبتك .. فيه قطعه صغيره … شوف ..


الفراوله اللي جنب الكيكه .. مررررره روعه
ان شاء الله تكون اعجبتك

اشوفكم على خير …

دمتم في أمان الله وحفظه
لكـــ …. انت بس … مو لغيركـ….
المايسترو

متنفسـ
ألقى خيالك في خيالي واضمه …
وأشوف طيفك بين رمشي وعيني ..
يمرني طاريك عجل والمه ..
من لهفتي تسبق عيوني يديني ..
مثل العبير يفوح عطرك واشمه ..
في لحظة تسوى بقايا سنيني ..
أحتاج لك حاجة وريدي لدمه ..
ترد لي روح تروح وتجيني ..
ليلة خميس

www.al-maistro.com

مقالات ذات صلة

‫44 تعليقات

  1. ماشاء الله عليكـ رووووووووووعهـ هالصور والتقارير اللي تنزلها وربي عيشتنا جو كاننا مسافرين معكـ قسم ان كل اهلي يستنون التقارير بفارغ الصبر 🙂 واذا هالوقت وقت اختبارات خاصه للجامعات << متى اتخرج وافتكـ يارب طلعت عن الموضوع خخخخخخخخخخخ انا عن نفسي ادخل اميلي بس عشان اشوف تقريركـ نزل او لا خخخخ << مو وجه مذاكره ابد تسلم والله يعافيكـ على مجهودكـ اختكـ بسمهـ الم

  2. من جد خقيت .. دايما رسايلك كلها كذا .. رووووعه تــهبل خصوصــآ : التشوكلت والكيك اللي تحطه واو رووووعه ,, خيال × خيال تسلم يدك وهذا شيء مو غريب عليك .. عفاك ربي 🙂

  3. الف شكر لكـ يالمايسترو وربي وسعت صدري بها لتقرير اللي جداً جداً أمتعني… وياليت لو انكـ تطمس على صور الحريم الي لابسين ضيق وهيكـ الله يجزاكـ الجنه …. شكـــــــراً لكـ وونرو الله قلبكـ بالأيماان وطاعة الرحمن……. تحيتي وتقديري….

  4. أحلى متنفس وأحلى مواضيع وأحلى رحلات عشتها كأني معاكـ بنفس المكان أكثر من روووووووووعة هههههههههههههه وملحه تيمـــون يا ناس يهبل بس تعبت نفسياً لما قلت آخر حلقة 🙁 <<< ماتبيكـ ترجع لأهلكـ << بتتصفق 🙂 ثانكسوووو المايسترو على أحلى أوقات عشناها معاكـ تتهنا إلهي على روحكـ الحلوهـ لنــو..

  5. السلام ,, والله ياانا احتري رسايلك بالساعه اشوا اني شبعانه نوم وانا اقراها ومعي الشوكولاته المفضله بس مالقيت لي شي اشربه جبت مويه خخخخخ ماشاء الله ماشاء الله الله يهنيك ياااااااااااااااارب تقبل مروري

  6. هلا المايستروووو والله إنك رووووووووووووعة قسم بالله والله ماشفت شيء في النت مثل تقاريرم الحلوة وشو إنشا الله بعد باريس رحلة باريس متعة و رحلة لندن بعد حلوة يلا على وين ذا الصيف و كثر من ذي التقارير والله مادري شو أقوووول والله شهادتي فيك مجرووووووووووووووحة

  7. انا حابه اقول ش واحد .. لي ثمان سنوات ادخل النت .. بس وقسم بالله زي تقريرك ماشفت .. ماشاء الله قمه في الابداع والدقه .. والتفاصيل الممتعه .. لا تحرمنا من بقية التقارير .. بصراحه ماعاد نستغني ..

  8. ياخي ماشاء الله عليك .. تقاريرك جميلة جدا .. و اسلوبك مشوق .. و كله كوم و الهدية في نهاية التقرير كوم ..

  9. كني اعرفها البنت اللي تقلد التايتنك !! .. اقولي المايستر لعبة البطة اللي بالخيمة بالقسم النسائي والا كلها اصلا نسائية ههههه صادووه

  10. ههههههههههههههههههه وربي مرره اشتك اشتك.. الله يسعدك..انشكحت على الصور مرره.. وياله نستنى الحلقة الاخيره

  11. بصراح كل تقاريرك روعة الله يعطيك العافية .. على المجهود الرائع تقبل مني ارق التحايا حفظك الرحمن

  12. مراحب مره أخرى… متميز يا الماسترو دون عن باقي الرحاله.. أسلوبك الممتع ,, وصورك الرائعه.. الا وشهي كاميرتك ماشالله.. ننتظر الحلقه الاخيره بفارق الصبر ( بصراحه نبي نفتك ) ههههه وبعدين ليه المره اللي فاتت تمسح متنفسي اللي في ردي..؟؟ والا بس انت اللي تعشق باريس؟.. ليكون تهزك تفسك وتمسح هالمره ! ترى ماراح اقرا الحلقه الاخيره (أبيها من الله)!!

  13. ياربي كنت واااااااااايد متحمسه لهالبارت مررررررررره جناااااااااان كل يوم يجي بخاطري ازور فرنسا تسلم يالمايسترو ابدعت خيو =) 🙂 :] P:

  14. اللللللله والله جو هالباريس بس لااااااااااااااااااااااااااا تكفى لا تقول المره الجايه الجزء الاخير من باريس بصراحه ادمنا هالتقارير تكفى استمر او اعمل لنا تقرير مجزء عن مكان ثاني ما اتخيل ان تتوقف رسائل التقرير تبعك امتعتنا بصراحه تسلممممممممممممم

  15. ماشاء الله عليك رووووووووعة والله دخلتني جو معاك الله لايحرمنا من مشاركاتك الحلوة مشكوووووووووووووور

  16. مرحبا رووووووووووعه ديزني وتجننن …. ولو أنا مكانك مارجعت أبد … يسلموووووووو

  17. قسم بالله ابدااااع ياولد ماشاء الله تبارك الله من جد شيء حو كتير كتير .. وانا انسانة احب التقارير اللي مثل كذا وخصوصا تقاريرك << فيس مستحي الله يسعدك خيو .. وراح ننتظر التقرير الجاي على احر من جمر الله يسعدك وين ماكنت ولاتحرمنا تقاريرك سيو

  18. مشكور يا مايسترو على السرد الشيق والأسلوب الرائع الممتع لاتتأخر علينا بتقاريرك.

  19. يسلمووووو المايسترو ع الصور الروعه والله دخلتني جو كل اسبوع انتظر الجزء الجديد منك ويوم عرفت ان الاسبوع الجاي اخر شئ تضايقت حلوة صور فرنسا كلها حبيتها وربي كأني رايح معك بس ابسأل الكاميرا الي صورت فيها شكلها خطيره ممكن ترسل لي اسمها ونوعها وصورتها لو سمحت إذا ممكن وبكون لك شاكر ومشكوووووور مرة ثانيه لاهنت ع الصور

  20. انا احب فرنسا موت ومرررره خاطري اروح فرنسا ومن موضوعك هذا خليتني اتشوق اروح واجلس احن على راسهم اهلي ابي اروح بصراحه دزني خطيره انا رحت دزني لاند في امريكا بس هذي احلى بكثير مشكور على هالموضوع الروعه وياربي توفقك

  21. رووووووعه روووووووووعه رووووووووووعه اسلوبك رائع وصووووور رائعه .. الله يسعدك (: دخلتني جو مع التقرير ..

  22. الله الله عليك .. بجد لازم هالصيف نزورها .. خلاص راح اضيفها لجدول الزيارة .. اقول 🙂 تروح معي دام عندك خبرة وتجربة .. اخوي المايستروا استمتعت بإيميلك اليوم .. عشت جوك … اتمنى لك دوووم السعادة..

  23. الحمدلله على سلامتك اخوي المايسترو وعقبال ماتلف العالم كللللللللله وتتحفنا بتقارير روووعه …بجد امتعتنا الله يعطيك العافيه

  24. وووناسسسسسسسسسسسه تمنيت اني اكسر الشاشه وادخلهااا >> طبعآآ بالاحلآم خخخ

  25. والله عشت معك الرحله وررررررررررررررررررررربي جوووووووووناااان يسلمو ونتظر جديدك سرقتك بالزمن لحظه وعشتك بالفراق اوقات

  26. يعطيك ألف عافية… مرررررررررررررة استمتعت وعشت جو مع هذا التقرير ، واللي أعتبره من أمتع تقاريرك.. كان ودي تصورنا ألعاب ديزني أكثر وتسولف لنا نها أكثر… بس من جد من جد استمتعت بالقراءة… تسلم مايسترو

  27. احييك مايسترو على هذا النقل الرائع بصراحه ابداع… الصور ابداع … والتعليق ابداعين… والله عشنا الجو معاك لاخر حد … بس تكفى طلبتك … ترفق علينا شوي من الحلويات قسم بالله سالت سعابيلي وخذ مني نصيحه لوجه الله اذا تبي تسلم ولا يجيك شي لا تاكل من هذي اللي قاعد تصورها لان خلاص نفسي فيها فانتبه لنفسك وتحياتي لك ومنتظرين الحلقه القادمه بفارغ الصبر………………………..

  28. يعطيك العافيه اخوي مايستروا على هالتقرير الرائع والله بجد انا حلمي اروح باريس وبتقريرك هذا كأني رحت معك بجد يالله هالمره طوفناها لك مره ثانيه خذ القروب كله معك أكيد بتاخذنا بس مو بأجسادنا بعقولنا وبهالصور وهالتقارير الاكثر من رائعه ماقول غير اللهم لاتحرمنا جناتك وشكرا……

  29. الماسترو الماسترو الماسترو الماسترو لاا تخليها الحلقه الاخيره ورب الكون ادخل بس عشاااااان اتابع حلقاتكـ وجع حتي الوجع الاخر لاتروح المره الثاني بدوني اعزمني ..>>. قطت الميانه

  30. الصراحهـ اشكر تصوريكـ الفنتكـ روووووووووعهـ ..روووووعهـ ^.^ الااااااهـ شوقتني اروحها..هع^^ تسلم اخويـ ع الصور الغااااااويهـ^^

  31. بدايتا هذا ب شي غريب ع المايسترو ما شاللهـ عليهـ دومهـ يطربنا بصورهـ الغاويهـ والجميلهـ واشكرهـ ع التصوير اللي عودنا عليها وكل يووم يطربنا بالاجمل والصراحهـ بارييييييس رووووعهـ وديزني اروووووووووع وتسلم ع الصور^.^

  32. مافي اجمل من تعليقاتك ما يجئ بعدك شئ الموضوع اجمل من ان يعلق عليه اصلآ انا شوفت ديزني لكن شفتها بعيونك وبسردك احلى واجمل يعطيك العافيه وننتظر جديدك وشكرا على الكيك

  33. قرانا الحلم من اوله وحتى اخر صورة فيه لان من قدمه لنا ماهو الا عاشق اخذنا لعاصمة العطور وجعل العشق حكاية لاتنتهي من اللذة شكرا ايها العاشق فكلنا اصبحنا حلماً

  34. رايق رايق رايق وحلوة ديزني وأنت أحلى … والصور اللي عندك يا سلااام .. آخر حلاوة وأرجو منك أن تعطينا صورك الجميلة بدون طمس لأي جزء من الصورة .. إذا أردنا نشوف الواقع هناك ونعيش معك .. مع نعليقاتك الحلوة أعجبني في التقرير اللي قبل يوم تعلق على ((ركب بعض الناس))!!!!!!!!!! هههههههههههه دمت سعيد ومرووووووووووق

  35. السلام عليكم ورحمة الله وبركاته.. صراحة خيوو أول مرة أعلق على موضوع.. متابعة أجزاءكـ من البداية.. ليست رائعة.. بل فاقت الروعة.. تميزتَ فيها بـ كل معاني الكلمة.. جميعنا.. في شوق للجزء الثامن.. ولا تمنى أنه الأخير.. فـ قد عشنا أجواء باريسية فائقة الجمال..:) نحن في الانتظار.. فلا تُطيل.. وامنحنا بعدها لذة زياراتٍ أُخَر..:) تحيتي.. جُلها لكـ.. أختـــ مدآد الورد ــــكـ

  36. من جد الجوووو رووووووووووعه خيييييال من جد تعيشنا الجو معاك اسلوبك خطيرررررر مررررره ويازين الملاهي السنع ويازين الالعاب السنعه ربي يهنيك ويرزقنا نعيم الجنه اميييييييين

  37. بصراحـــــــــــــــه أنا ماأعرف كيف أوصف لك أعجابي بإبدعتك يعني أنا شفت الحلقات كلها حق باريس وكل وحده أحلى من الثانيــــــه ومــــاأنكر أنــــــــــه باريس حلوه بس تعليقك ورحك في الموضوع هي اللي كانت بمثابة الملح لطعام بصرااااااحــــــــــــــــــــــه مبدع والله كل ماأفتح الإيميل أدور على الحلقه أشوفها في والا أقفل دمت بهذا الأبداااع وعلى فكره أهلي يسلمو عليك ويقولوا لشخصك الكريم لاعاد تنزل أي حلقه لأني أبلشتهم أبغى أسافر البيت هههههههه تقبل مروري . . . . . . . أختك :كلـــــــي إحساس

  38. مااقوووووول الا ماشااء الله علييك ان شاء الله تستانس وترد لنا بالسلامه 🙂 استمرر في التقاارير الحلووه ! سلاااااااام

  39. من جد عشت معك الاحداث كاني معك يني دخلت جو كأني مسافرة معك مشكور علي الموضوع روعة حلووو مرررة وتسلملنا يا عزيزي ننتظرمنك المزيد وشكر مرة اخري

  40. هااااي ..مررررررررررره يسلمو على هالتقارير اللي تجننننن .. الله يوسعك صدرك بالعافيه مثل ماوسعت صدورنا .. على فكره ترى مااحفظ عندي الا مواضيعك بسسسسسسسسسس..

  41. ربي يعطيك العافيه يالمايسترو على نقل الحلو والشامل انا صراحه استفد كثييييير من التقرير وحفطت كل شي تقوله لاني انشالله طالعه باريس هذا الصيف,,,,,

  42. مساءك ورد ود.. جدا اسعدتنا يالغالي من اول لندن الى دزني.. الف الف شكر.. انا من جد اعشق اوربا وخصوصالندن ..باريس.. وانت بتقريرك على العلم باني سافرت باريس كذا مرة بس صورك واسلوبك يوسع الصدر ويخلي الواحد كانه مسافر من جد بحلم اليقضه انا هالمره من جد حجزت لندن فقط لكن الحين شوقتن اضيف باريس في السفرة.. انت مبدع والله يوفقك ومن جد حسافه انه باقي حلقه وحده… انا في انتظارك… بحفظ الرحمن….

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى