بسم الله الرحمن الرحيم
السلام عليكم ورحمة الله وبركاته
أسعد الله اوقاتكم بكل خير
اعتذر عن انقطاعي عن المشاركة في الفتره الماضية … وأعدكم بالتواصل ..
اعود بقصيدة ليست جديدة … وليست قديمه ايضا ً …. وأتمنى ان تحوز على شي من رضاكم …
اترككم مع القصيدة
(( القلب ظامي ))
القلب ظامــي والشرايـيــن تشـــتاق
والــشوق في وسط الشرايين ظامي
يارامين سهم الهجر وسط الأعــناق
عنقي ترى ماينتظر قنص رامــي
القلب دامي بسبّــتـك ياأبيض الساق
وش تستفيد اليوم والقلب دامـي ؟
ياويلها عظامي ليا طروا فــــراق
ماعاد فيها حيل وانــشـد عظامي
حرامي بارع صـرت للقلب سراق
ارفق علي مقدر أواجه حرامي !
ذكرتــني بسامي الى راح منــساق
وانا مدافع صحت من فـن سامي !
البعد حامي والهجر حيل حــرااق
انا اشـــهد ان البعد ياناس حامي
يكـثـــر ملامي فيك يالعاشق العاق
لاتلومني لو زاد هرجي وملامي
وينه كلامي بكتبه وسط الأوراق
مــا ظنتي همـي يزيحه كلامي !
غرامــي تايه في ميادين عــــشاق
ارجع ونعنش ما بقى في غرامي
عفته منامي لين حزات الاشـراق
ماغــــير افكر فيك وقت المنامي
علامي حزني اشتعل فيني وفاق
فوّق همومي واستعان بعلامي !
كني محامي وانقطع حبل الأرزاق
شــــــهادتي بيدي وادوّر محامي !
غمـــــامي عـــتـّـم وابتدا الهم سبّاق
عقب البياض اشلوون عتّم غمامي ؟
اسمع ختامي واحفظه وسط الاعماق
ارخ المـــــسامع للحروف الختامي
ان جـيـتـني ظامي بشرايـين تشـتاق
ابشر بقلبن من عنا الشوق ظامـــي
وان جيت رامي هجرك بوسط الاعناق
عنــــــقى ترى ما يطعنه الف رامي
وسلامتــــكـــم
صلوحكا
