السلام عليكم ورحمة الله
من زماااااااااااااااااااااااااااااااااااااان عن المشاركات , أكثر من سنة من تاريخ آخر رسالة أرسلتها للمجموعة الغالية على قلبي , بس والله ان لكم في القلب مكان … أحب قبل كل شي أسلم عليكم كلكم من أقصى المجموعة لين شرقها , وبالأخص الأخ العزيز أبو نواف .
كنت من زمان وأنا ودي أشارك بس الوقت ماكان يسعفني , انشغلنا بالدراسة ثم بالدوامات ثم بالدراسة وحالتنا حاله الله يعين بس , عندي مواضيع كثيرة خاطري أشارك فيها لكني قررت أنزل هالموضوع وإن شاء الله المواضيع الثانية تلحقه
أما بخصوص موضوع اليوم فهو عبارة عن تجربتي الشخصية (أو مغامرتي الشخصية) في القفز المظلي والسباحة في الهواء .
وش الشعور وانت تسقط بكتلتك الكاملة وباتجاه الأرض بسرعة الصاروخ؟ كان هذا السؤال الي صارله سنين في راسي وأنا أقول ان شاء الله يجي اليوم الي أعرف هالإحساس هذا . وفعلا جا اليوم هذا وعشت اللحظات الي تمنيتها من زمان , ولو تسألوني عن شعوري : ماراح أقدر أوصفه لأنه بالمختصر (ملخبط) شعور
ماتدري وشلون تعبر عنه .
تدرون إن أو وظيفة تمنيتها في حياتي هي (رائد فضاء)؟ لول ايه صدق وكان السبب الوحيد اني أشوفهم يسبحون في الهوا وكنت أبي أسبح زيهم 
القفز المظلي
SkyDiving
المكان
مدينة فينكس – أريزونا
الزمان
الساعة 3 مساءا بتاريخ 18 أكتوبر 09
الشركة
Pheonix Area Skydiving
الإرتفاع
أكثر من 10,000 قدم
سرعة السقوط
تصل إلى أكثر من 100 ميل في الساعة
الطائرة كانت موديل 1963 م 
سعر القفز + تصوير الفديو + التصوير الثابت
$ 240 ONLY
أترككم مع الصور
طبعا المرحلة الأولى تعبئة الأوراق بعد الحجز
وأهم شي تربط نفسك زين .. الواحد ما يحيا إلا مرة وحدة لول
كلو تمام يا سعادة الريس
الذهاب للطائرة (لاتنسوا موديلها 63 ) بسس
طبعا ماكان فيه تصوير ثابت داخل الطائرة , وبالتالي مافيه تصوير للقفز
أنا الي مايل مهوب الصورة
لول
مرحلة الهبوط – من أمتع اللحظات
فيه ناس جات على وجهها وهاتك يالأرض
على أكمل وجه .. حسيت نفسي المفروض أصير طيار
باقي حبة وحدة براسي ودي أطحنها
السباحة مع القروش
Shark in Cage
احسبوا لي 6 أشهر , إذا ماشفتوا التقرير إعرفوا إن القرش أكلني بدون شطه
إن شاء الله لنا لقاء آخر
