سلام عليكم 
وللي ثقافتهم صيني
$%£"")(((^%
وللي ثقفاتهم انقلش
slam 3laykom
وللي ماعنده ثقافة وحاطن بدل مخه مخرف برحي
مبطي منكم ومن الخنبقة..ولكن ماحصل صار 
وقسنب بالله هم يقولون كذا حتى لو سألتو اي واحد صدقي قالكم انه يحب
اي شي مهب جنب خويه 
==وش قاعد يقول(المعذرية جاي متحمس والترجمة اسفل الصفحه بالسديراوي خخخخ)
تعرفون اني احب ارتب المواضيع ..واضبطها واصفطها خبركم انا خبرتي قديمه
في مجال التصفيط والتزبيط… 
في هالمجال ==اقلقنا بذا الشهاده 
طب ناخذها حبه حبه
1- بدايه ( وتراها اللي فوق 
2- مقدمه
3- وش تستفيد من المقدمه
4- فاصل اعلاني
5 – الموضوع
6 وش تستفيد من الموضوع
7- سؤال الموضوع
8-النهايه
9-باطبع الموضوع وباحطه بمستند عندي
10- بروح اشيك على الماسنجر
11- بطفي النت وكنبيوطري وبتقلع
12- مافيه شي قضينا خلص
13- بعد واحد نسيته
14- احس ان سوالف انقهر مني 
في يوم من الايام الموحشه
والهادئه في كورنيش النيل وعلى انغام الاغنية الشعبيه الايطاليه
( سلمولي على اللي سم حالي بفراقه ……. حسبي الله على اللي حال بيني وبينه)
كان بهجت مديت زنوبه حبيبته وبنت جيرانهم 
فوق السطوح واثناء == اتحداك يالمنقهر تجيب لها مرداف خخخخخخخخخ
تغزله فيها صاحت به قائلتن بهجت انت تحبني بجد؟
فرد عليها بهجت قائلا : يلحقتس شك يا بنت عطيات في حوووبي افاااااا مهيب هي!!
فجاوبته اذا انت تحبني بجد اعزمني على كشري خخخخخخخخخخ
فقفلت مع بهجت حيث انه مطفر وما معه شيء ولكن لانه يحبها
راح وعزمها في المطعم مضحيا بالخاتم الذي ورثه من جده والذي يعود تاريخه
الى عهد شاكوش آغا والذي عاش بين فترة 800 قبل الميلاد الى 800 بعد الميلاد
الفايده
ياخي لاقدك ناوي تديت بخويتك يا انك تكون قدها وتبسطها ذيك الليله
عشا وتمشية وفلة حجاج
وإلا انك تمسي ببتكم وتشغل قناة ال بي سي اصرف لك
برأيك هل تضحية بهجت بالخاتم سبب مسح وتمرد القوات الامريكيه في العراق؟ 
تخيل لو ان بهجت شاب سعودي بتتوقع يعمل هالتضحيه؟ 
وهل تظن بان هذه التضحيه سبب في ارتفاع الاسعار وانها السبب الرئيسي الركود الاقتصادي في شمال ناميبيا؟
هل سوف يؤثر تزايد محصول لبيتزا على القيمة الشرائية لمستحضرات التجميل؟؟
ماذا لو ماكان فيه
كل هذا تشاهدونه في برنامج
Opposite side
مع مخاوي القاسم
باسمي وباسم الشعب الايطالي نبارك لمنتخب كوريا الجنوبيه بتأهله للمباراة النهائية على كأس
جلاله السلطان بطيح من شله الف مبروك وعقبال الديوك الفرنسية والطواحين الهولندية
والثيران الأسبانية
وال؟؟؟؟ السعودية …
انقز يامال الغنيمة
ذا بتر از تحت
صورة مع التحية لأقرب عايلة بريطانية
قسنب بالله أن هلكونا مغير مربى وزبده وإلا زبده ومربى …. نعنبوكم جاييين من
كبده وشكشوكه وفول وشغل ثقيل لزبده ومربى ….. خخخخخخخخخ يلعن ام كسره الطموح والخاطر بس!!!
زلابه شاب في ريعان شبابه ===اقدر الريعان انا
وكان ترتيبه الاوسط بين اخوته بس انه زلابه على اسمه وكان يخدم اي واحد حتى لو كان اصغر منه <!–emo&<_ 
( الظاهر امه كانت تحب جحدر بشبابها وتذكرته وهي حامل في زلابه خخخخخخخ)
ولانه زلابه ودايما يحس بانه رخمه ويبي شباب حارته يعطونه وجه
راح لامه عشان تكلم ابوه يشتري له سياره == يلعن ام المشوااااار
( صار مثل الشباب اللي يعبدون الاصنام عشان يتقربون لله .. ماقول الا الحمد لله على نعمة الاسلام)
ولانه رخمه كانت امه تقدره من بين اخوانه ( بيني وبينكم هي تعزه لانه يذكرها بجحدر خخخخخخخ)
وحيث == اما هذي خل عنك بس لو يجيبون اللي يكتب اسئلة النحو وزراة ما جاب مثلها
ان ابوه مريش و يده كريمه == ماهوب عاقل حاتم الاحسائي ( لاحد يجيء و يقولي هو حاتم الطائي انا كتبتها كذا لانه موضوعي وانا حر فيه== عطوا البزر قطته )
طق له سياره اخر موديل ولان اخوياه جحلط مواترهم دداسن وهايلكسات والمتطور معه غراندي
( مادري ليه احس كل واحد معه غراندي انه يدخن مالبور احمر)
صاروا يتقربون له وكل واحد يقوله انت صقيقي الصقوق وانتا حبيب انا == اثار الجلسه مع هندي البقاله
وكانوا اربع وعشرين ساعه فرة الاسواق بموتره
( مسكين كل مارقم وحده اجحدها عليه قلت لكم انه زلابه )
ولانه بدأوا يعتبرونه من الشله ( ترى اول هو كان يعتبرهم اخوياه وهم جاحدينه ولا كأنهم يعرفونه)
صاروا يروحون بسيارته للمقاهي == ياخي توفير بنزين للسياره
طبعا الشله منقسمه للقسمين قسم مدخنين والثاني راعين قهاوي وشيش
واخونا زلابه كان مايدخن ولايشيش بس بتكس خفافي
ولانه بعد فترة المعاشرة مع الشله حس بنقص
في رجولته ولانه مريض بالتبعيه == صفقوا المنقهر إذا قدر سوالف يجيب مرادف لها
جرب الشيشه و بدأ يدخن وكان حماااار ما يشتري الا ابو بس ( غاشه هندي البقاله خخخخخ)
وما غير ابو بس حتى دروا عنه شلته وصار مطنزه لهم ..
وكان زلابه ما يشتري الا كرز و يوزع البكتات على الشله اللي يدخن واللي ما يدخن
( بعضهم كان ياخذ البكتات حقت الدخان ويروح يبسط عليها بعد الجمعة مع حزمة جرجير وكراث خخخخخخ)
و بعد مده صاروا يأخذونه معهم للاستراحه حقتهم ويخلونه يساعد الهندي
يعني يضبط معه القهوه ويسويلهم رؤوس المعسلات
ومع مرور الوقت صار احسن من الهندي في ضبط رؤوس المعسلات == اعتقد عشان كذا يطالبون السعوديين انهم يشتغلون أي شغل
وسووا الشباب اجتماع سري يحرم زلابه
من دخوله وبعد ست ساعات المناقشات قصدي لعب البلاي ستيشن والبلوت
خرج ابو سعبوله المتحدث الرسمي باسم الشله
( عشانه اكبرهم ولا ماهوب من زين اسلوبه خخخخخخخخخ)
لاذاعه القرارات الصادره من اجتماع مجلس الامن قصدي مجلس استراحه الدجه
اولا احالة راجو الى التقاعد وصرف جميع مستحقاته وعلى زلابه دفع هذه المستحقات..
ثانيا تعيين زلابه مكان راجو بدون راتب وبلا اجازات
ثالثا يلزم زلابه بتطبيق هالقرارات ولا ما عاد يدخل الاستراحه إلا بفنان كسرات
وزي ما قلت لكم ان زلابه زلابه ويسمع كلام أي واحد وماله شخصيه
وافق على هالقرارت و باحد الليالي وهم جالسين يتفرجون على اخبار الجزيره
جاء خبر عن انتخابات ايران والمشاكل بين المصلحين والمتحفظين
( انا ودي اعرف هم متحفظين على وش يعني بيني وبينكم الدعاره
هناك على قفى من يشيل اذا هم ما تحفظوا على هذي بيتحفظون على ايش )
صاح ابو سعبوله في زلابه
وقال : زلابه بالله وش تقرب لاية الله الخميني
واسمع الضحك والتقطيع على زلابه
( المسكين ضاع وجهه ولانه ما قدر يرد عليهم طلع وخلاهم )
وهو طالع من عندهم ويشيل هموم الدنيا فوق خشمه 
( نسيت اقولكم ان اكبر مافيه خشمه خخخخخخخخخخخخخ الله كنه برج ايفل منكوس )
صار له حادث ودخل المستشفى 
.. جلس في المستشفى اكثر من شهر ما زاره احد من اخوياه.. 
ولما طلع من المستشفى سحب عليهم السيفون
( اول حاجه يسويها تحس فيها رجوله 
وتعرف على شله ثانيه وصار يروح معهم الاستراحه وبعد فتره
شالو الهندي وحطوه مكانه خخخخخخخخخخخخخخخخخخخخخخخخ
الفايده
من وطى نفسه للرجاجيل داسو على خشمه !!!!
سؤال المليون.. كم مرة قلت ( لانه ) في الموضوع ؟
سؤال الألف ..كم عدد الحروف بالموضوع ؟
سؤال المية.. كم واحدقرا الموضوع ؟
سؤال العشرة.. وش احسن اسكريم بالتوت وإلا اسكريم بالزبادي؟
سؤال الريال.. وش اكثر ضرر بالصحة الدخان وإلا الزقاير؟
هذا اهو موضوعي قصدي بربستي والله ياجماعة الربع ماجات إلا بعد معاناة
مع دميجتي اللي بطلت قصص وكل ماقلت لها تكفين فيه ناس يحترونا … اقصد انتو يالمفهيين
تتف بوجهي وتقول انت ماتستحي حدك…خلص
حتى اذونك صار فيها شعر وشيب بعد ..وانت بعد تكتب وتخنبق..
ولكن دخلت فيها واسطه قويه .. خبركم وزي ماقلت واعيد واكرر ذا الأيام كلش بواسطات
حتى الهندي بمحطة البنزين صار مايعبي لك لين تجيب له ورقه موثقة من جمس بوند
واعذروني لو تأخرت في الردود أو في كتابه مواضيع اخرى في هالفترة وذلك لظروفي الدراسية المأزمة
عسى الله يخارجنا
تحياتي لكم كلبوكم
أشوفكم قريب 
مخاوي
