السلام عليكم ورحمة الله وبركاته
حياكم الله يالمتقربقين
في البداية كل فصل دراسي وانتم تزقحون .. والله يوفقنا وإياكم وعقبال المعدلات اللي تناطح السحاب
بصراحة وبصراحة جداً يعني <– اخلص يابو
فلذلك بأرسل رسالتين فضائية
:الأولى : لحبيب الشعب أبو نواف
منوّر قناة المجد يا ريّس .. وماشاء الله عليك جنتل يا جنتل .. بس وراك بآخر لقاء معصّب أحس كنك توك قايم
:الثانية: لـ يابعدهم ولـ غير البشر
منوّرين قناة الزوراء يا شباب .. ماشاء الله عليكم من جد أبطال 
على فكرة .. المذيع اللي يقدم الأخبار في الزوراء ياهو يروّع .. كل ما جت أخبارهم تكتفت ولااااحركة ، حتى يومن من المرارير جيت بأقوم من عند التلفزيون وهو يقول الاخبار ورفعت اصبعي باستأذن منه خفت أقوم 
—
نرجع لموضوعنا اليوم .. وتراهـ قصير وش حليله .. خفت أطوّل مثل المواضيع اللي قبل وأبحل في خلق الله .. لإني سمعت في الموضوع اللي قبل هذا سقطّوا ثلاث حريم وثلاث شباب جتهم حالات استفراغ متكررة وانتم بكرامة من قوّة المصالة ههههههههههههههه
هذي صورة لصلاة الجنازة .. الله يغفر لأمواتنا وأمواتكم واموات المسلمين
الإنعكاس طالع شي شي
أذكر قبل فترة
اني نزلت صور دعايات شراريب أو جوارب اللي تطيّر الريحة الخايسة وأنتم بكرامة ، عاد هذا مقطع فيديو نفس النمونه بس دعاية مجنووونه الله يغربلهم
هذا واحد يقولون أنه سعودي .. لا تحسبوني هالحين متحامل على السعوديين وأي شي بايخ أنشبه فيهم <– 
بس صدز والله يقولون هذا سعودي لاعبين عليه الخواجات ومركبينه دباب وقايلين له نتحداك تطمر يالزلابه ، عاد الضعيّف طمر بس عاد ماجت على مايبي ، المهم انتم شوفوا المقطع وبتعرفون وش صار
<– 
هذا مقطع للي يسمونه قطار الموت بس تصوير خبآآآآل والله ياهو يرووووووع .. وانا قاعد على الكرسي هالحين دخل بطني هوا من زود الخرشه كنّي نازل من ظهرة البديعه خخخخخخخخخخخ ، إلا جابكم الله .. فيه سؤال محيّرني منذو مبطي هالحين اذا نزلت من كبري ولاّ من طلعة رفيعة ليه يدخل البطن مثل الهوا يعني الواحد يشهق شهقه وش زينها لكن اللي يسوق السيارة ما يشهق ولا يدخل بطنه هوا هههههههههههه شي يدغدغ أفكاري من زمان وعجزت أعرف السر ، اللي يعرف السر رجاءً لا يعلمني لإني أحب اعيش في حيرة
هذولي الله يسلمكم شباب سوريين انا فدا خشش اهل سوريا 
.jpg)
.jpg)
حتى بأسامي سيارتهم دلع وغنج .. مهوب مثل اللي عندنا .. الهوندا مسمينها هنادي ويا لومينا لا تلومينا هههههههههههههه وهز الحديد ياشنب
الله يخلف على امـ(ـن) جابتهم
نشوفكم برسالتـ(ـن) ثانيه
فمان الله
