رسائل المجموعة

التقرير الكامل لرحلتنا إلى Indonesia 2007 [ ج1 ]

بسم الله الرحمن الرحيم ..

[ الجــــ 1 ـــــزء ]

أعزائي ..

بحمد الله عدنا إلى ديار الوطن الغالي .. إلى السعودية بعد إجازة ممتعة للغاية برفقة زملائي الماثلين بالأسفل
ولم يكن اختياري لهذه الرسومات من فراغ
خالد : احس بشبه كبير بينه وبين الشكل اللي بالأسفل
مرزوق : نفس الشي .. تشابه كبير بين الاثنين
فهد : مهايطي الرحلة
مرضي : الممرض حقنا .. واخصائي الترجمة
محمد : 24 ساعة نايم .. حتى وهو راكب البراشوت ماعندهـ مشكله في النوم
سعود : دايم بنظاراتي .. وشغلتي الكمبيوتر والتصميم والتصوير ..
التقرير

بداية الرحلة كانت في :
1428/7/5
2007/7/19
ولمدة 18 يوم

انطلقنا من الرياض الساعة 4 مساءً على خطوط الاتحاد ..
صراحة خدمه وطائرات ممتازة .. كان حجزنا قبل الرحلة بـشهرين بمبلغ 2660 ريال للشخص ..
التقرير
.

كانت رحلتنا ترانزيت ( الرياض – أبو ظبي انتظار 8 ساعات – جاكرتا )

وصلنا ابوظبي وصلينا فرضنا ثم طلعنا من المطار إلى مارينا أبو ظبي .. ماحصلنا افلام مناسبة وجلسنا في كافي ومطعم رائع صراحة .. ثم رجعنا للمطار وركبنا طيارتنا باتجاهـ جاكرتا ..
8 ساعات في الطيارة .. ملينا من الافلام وملينا من الكتب والروايات ومليت من زملاي .. قلت مالي الا اتمشى شوي برى … فتحت باب الطيارة .. بس ماش .. الجو بارد برى .. :d

لقطة لأحد الجزر الاندونيسية ..
التقرير
.

عموما .. وصلنا ولله الحمد والمنه إلى مطار جاكرتا قبل الظهر ..
التقرير
.

اول ماوصلنا اتجهنا لفندق الالسون .. فندق رائع ونظيف والأمان فيه جيد ..
أخذنا شقه في الدور الـ 13 .. فيها 3 غرف .. أخذناها بـ 950,000 روبيهـ
التقرير
التقرير
التقرير
.

نظرا لارتباطنا بجاكرتا لحضور مباراة منتخبنا مع المنتخب الاوزبكي .. اضطررنا للجلوس في جاكرتا 3 أيام ..
ذهبنا فيها إلى شاطئ أنشول .. حيث انه ابرز المناطق الترفيهيه في جاكرتا ..
واحنا ماشين في احد مناطق انشول .. لقينا فرقة موسيقيه وصورنا معهم .. وسميناها ( سيري تي ) << عاجبته اغنيتهم
التقرير
.

طبعا كان تركيزنا في شاطئ انشول على عالم البحار ( Sea world )
التقرير
التقرير

وهذا مقطع فيديو لقسم ( أسماك القرش ) الحجم 900 كيلوبايت
التقرير
.

طبعا يوجد في شاطئ انشول أقسام كثيرة للترفيه .. اذكر منها الالعاب المائية .. وعروض الدلافين ..

في اليوم التالي حضرنا مباراة المنتخب ..
والف مبروك لكم ع الفوز ..
التقرير
التقرير

———————-
.

وفي اليوم التالي توجهنا إلى بداية الرحلة الفعليه .. وبداية أندونيسيا الحقيقية ..
الجبــــل – بونشاك
صراحة .. كل شي فيه رائع ..
الجو بارد .. الغابات منتشرهـ في كل محل .. والتيوس .. والشلالات وووو ..
كانت اسعار التيوس مابين الـ 300,000 إلى 250,000 روبيهـ
عموما ..
وصلنا للجبل وقت اذان المغرب .. وتعبانين عشان كذا اخذنا فله تمشي الحال .. وللأسف كانت غالية ( 700,000 ) روبيه جلسنا فيها يوم واحد ثم تحولنا إلى فلهـ انظف وموقعنا ممتاز جدا ( فلل SR بجانب مجمع القولف ) فله دورين 4 غرف ومطبخ ودورتين مياهـ وصالتين كبيرهـ بـ 400,000 روبيهـ
.
.
ذهبنا إلى احد اهم المناطق في الجبل .. وهي حديقة الحيوان ( تمان سفاري )
طبعا الدخول إجباري بالسيارة .. لان التنقل في الحديقة بين الحيوانات ..
التقرير
التقرير
.

اخذنا لفه كاملة على الحديقة .. ثم توجهنا إلى القسم الآخر منها ..
حيث الطيور وعرض الكاوبوي وركوب الفيله وبعض الألعاب الترفيهية والشلال الكبير ..
وهذي صورتي واثناء مداعبتي للفيله
التقرير
.

لقطة رومانسية
التقرير
.

وهذي في حديقة الطيور .. حيث انه جزء كبير جدا محاط بشبك من جميع الجهات .. بحيث يعيش الطيور كأنهم في غابه حقيقة ..
وهذا أخصائي التغذية مرزوق :d
التقرير
.

وهذي صورة لمحمد بعد صراع شديد بينه وبين النمر .. حيث استطاع في النهاية تثبيت النمر وهو نايم :d
التقرير
.

وهذا مرزوق يسلم على واحد يعرفه
التقرير
.

بعدها توجهنا لعرض الكاوبوي .. بس للأسف تأخرنا ومالحقنا الا على نهاية العرض .. بس صراحة .. جو رائع وخيالي .. ليتنا بكرنا شوي ..
التقرير
التقرير

وهذا عرض فيديو للمسرح أثناء العرض الحجم 960 كيلوبايت

التقرير

ترقبوا الأجزاء القادمة ..

مقالات ذات صلة

‫17 تعليقات

  1. مشالله صور رهييييييبه فكرة الايقونات بالصور مررررره روعه ههههههههه يسلمووووووووووو

  2. ماشاء الله عليكم اولا الحمد لله على السلامه .. ثاني تقرير رووعه وبصراحه احس اني مسافر معكم واهنيكم صراحه على هالرحله وعلى خوتكم .. ثالثا وش نوع الكاميرا ؟ ماشاء الله عليها وبصراحه تقرير مثل هذا ينفع ناس كثير ماقد سافروا يعني بمثابة مرشد سياحي او فكره عن اندونيسيا .. اخيرا الحمد لله على السلامه مره ثاني وان شاء الله تنعاد سفرتكم هذي وانتم بخير ،،،

  3. احلا شي بالموضوع كله يوم قلت مرزووق يسلم على واحد يعرفه ههههههههههههههه ا ا شاء الله والله احس اندونيسيا فله يالله سلام ومشكوور يبو

  4. اولا الحمدلله عالصلامه ثالثا وش ذا الصور تعذيييب خامصا الله يوسسسع صدركم بالعافيه احس انها خوووش رحله سابعا رايحه رايحه للانمبونيشيا الصيفيه الجايه رايحه الله لايعوق بشرر عاشرا تعليقات لبعض صورك : الف:وراه الله يصلحك ماطلعت الصور الحقيقيه لاخويائك خلنا ننمبسط عليهم نشوف مطابقين للايقونات والا غير هههه<<قصدها شريف ثاء: شسمه وراه مصور بالطياره انا تفششلت وانا مالي دخل احس انهم يقولون وش ذا الي اول مره يشوف طياره بص من جد شكلها طيارات منتازه ولو تلاحظ الي قدام قدامك نفرات سعوديات ميه ميه والي قدامه قل له شعرك حلو تستعمل انو شامبوو؟؟ هههه الصراحه رهيبه حديقة الحيوانات وبالصياره شي متاكده بيغمى علي لو خشيناها وتمشينا بينهم ميم: وذا خويك الي قاعد بين الفيله متأكده انه متخلف عقليا .. وقصم موب صاحي (وجه متخرع) ومحمد الي مع النمر متأكده انه يسوي مساج للنمر مو صراع .. شكله العكس النمر الي انتصر وعاقب محمد وقال له ماافكك لين تسويلي مساج اما ذا مرزوق الله يسعده هو وقريبه قد سويت ايام الطفوله ومديت موزه لواحد من اقاربه وشد شوشتي الله ياخذه <<الى الحين حاقده ومقطع المصرحيه حلوو كوبوي مباشر .. يعطيك العافيه اخي الكريم بنتظار الجزء الثاني ياكابتن ماجد خيتك .. دوين

  5. مرحبا شله … كيفكم وكل عام وانتم بخير , والحمد لله على السلامه بعد الزحمه . بصراحه يا سعودوه تقريرك فله , بس ودي اعرف وش هالمزاج اللي مجلسك تحت الفيله , الا بسئلك ريحت نفسهم كيف؟ وملاحظه انك انت ومرزوق لابسين زنوبه لا يكون موظه عندهم ؟ اما سالفت الكابوي هذي ضحكت عليها اليييييين تمزعت تسبدي , ذكرتني بفهد الحيان في طاش ما طاش حلقة الكابوي نفس الاجواء بالضبط , واللي احلى بعد هاللي يتلوى فوق السطح ساعه قبل لا يطيح كنه يدور احد يسمي عليه .

  6. أولا الحمد لله على سلامتكم……بصراحة من الصور شكل الرحلة كانت فلة….ما شاء الله. إذا رحتوا مرة ثانيه اعزمونا…..

  7. أول شي الحمد الله على السلامة ثاني شي الله يعطيك العافية على الصور والفيديو مرة حلوين وإذا بصور حلوة وشلون على الطبيعة صراحة شوقنتي لازم أروح وأهم شي الصورة الي فيها سيد قشطة انشاء الله تنتظرون سيد قشطة يتكرم ويتحرك عشان تكملون طريقكم والله مشوار على العموم الله يعطيك العافية ولا يحرمنا من مواضيعك . روز

  8. مرررة حلوووة الصووور والرحلة شكلها كاانت مررة فله بالذاات الحديقة وش مجلس محمد جنب النمر والله انه شكله جريئ وااااجد خخخ وش المكاان الفجأة الي تحت الفيل خخخ فله خخ المهم انوا الصوور مررة حلووة وبرضوا التقرير

  9. الحمد لله على السلامة اولا وأشيد بفكرة الأيقونات 🙂 فقد تكون سبقت الكثيرين من الذين يودون ابراز صورا ولكن !!! اشكرك عموما

  10. والله وناسة ياحظكم يالعيال تسافرون على كيفكم؟؟؟؟؟؟؟؟؟؟؟؟؟(حسودة) وحنا عفنا من الحر؟؟؟؟؟؟؟؟ ماشاء الله. الله يسعدكم.ان شاء الله كل سنة رحلة احلى

  11. اه اه اااااااه بس ذكرتني ياخوي بالليالي الملاااااح ذكرتني بالجبل وذكرتني بجاكرتا وببالي واجاوا وسومطره وبعض هالجزر ايييييه ياحليلهم ذا الفنس والله انهم حليوين يازين ذيك الفله (جاياكرتا) والسبع الشلالات وحديقة الزهور والمياه البركانيه ويازين ذيك السكيك اللي في الجبل لامنك ركبت هالدبابات وصرت تبرم فيها..وشاقول وش اخلي.. اربع سنين مرت وانا مانسيتهاوالله. لي رجعه انشالله بعدماتنزل الجزء الثاني.. تحياتي الخالصه لك يالغالي

  12. واااو صار الواحد يتحمس ويزور جاكرتا مررره ما شاء الله حلوه ,, وموضوعك خطيير وطريقة كتابت حلوه ومضحكة خصوصا مرزوق يسلم على واحد يعرف تسدحت من الضحك عليها خخخخ .. وبإنتظار الأجزاء القادمة هع 🙂

  13. تقرير روووعه رجعتني بـ الذاكره لـ 5 سنوات ورا لما قضيت فيها 4 سنوات من احلى ذكريات عمري بس شكلكم مازرتوا اسواق جاكرتا لانها فعلا حلوه وفخمه مثل تامن انقرك وهاه كيف الزحمه معكم عسا ماكرهتو حياتكم:d

  14. أنا سكنت في نفس الفندق الي سكنوتو فيه وسبحت في نفس المسبح سبحان الله

  15. السلام عليكم ورحمة الله وبركاته ما شاء الله تبارك الله رحله جميله جدا ورائعه اسال الله لنا لوكم التوفيق هناك ملاحظة حبيت لو بينت الاسعار بالريال السعودي ولك من جزيل الشكر

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى