رسائل المجموعة

البريد السعودي ومسلسل الاستنزاف‏‏

إخواني أخواتي الأعزاء وكل من يعز قروب ابو نواف
السلام عليكم ورحمة الله وبركاته

وش صاير بالدنيا
وش صاير بحال المواطن السعودي

صحيح مواطن على نياته وصحيح انه أصبح فريسة لكل جائع حتى أصبح جسمه مليء بالجروح
وهتكت بجسمه الآلام 
فأصبح لا ينام إلا بعد استعراض مسلسل الافتراس في  ذلك اليوم كرارا ومرارا 

ولازال مسلسل الاستنزاف وارد (الجزء الاول)
الكل منا يعلم  ما فعلت مؤسسة البريد السعودي قبل ثلاثة أعوام
وخدعه(المناخ) أو الشرهة السنوية أو العادة  فقد روجت المؤسسة أشاعه بأن المسئولين عن صرف المناخ وضعوا صندوق بريد لاستقبال طلبات الراغبين في صرف المناخ
واقبل المواطن السعودي يتهافت على مراكز البريد في أرجاء المنطقة
فمواطن  أرسل طلبه في رسالة عاديه ومواطن  أرسلها مسجله والكثير الكثير من المواطنين أرسلها في البريد الممتاز
حتى  أعلنت المؤسسة صريحة في جريده الوطن بعد أسبوعين من نشر الإشاعة  (استفدنا من الإشاعة  أكثر من مليوني  ريال)
يعني  (SR 2.000.000)  بالقوة كتبته 

ومازال مسلسل الاستنزاف وارد والمواطن زاد غرقا في دمه (الجزء الثاني
قبل يومين    
 جيت افتح صندوق بريدي وجدته مسكر من الداخل راجعت الموظف قال منتهي اشتراكك
لازم تجدده قلت أمرة سهل رحت أبغى أسدده حسب العادة قالوا الأمر تغير قلت وش حاصل قالوا أنت مشترك
اشتراك عائلي قلت طيب   وش جبتوا جديد   قالوا لازم تدفع300 ريال قلت ما تغير شي تكرمون والله أنا كنت ادفع 300 ريال من قبل ولا تغير شي
قالوا صحيح انك كنت تدفع ثلاث مائه ريال  عن ثلاث سنوات قلت نعم قالوا الأمر تغير هالحين لازم تدفع كل سنه 300 ريال 
ولك عشرة أشخاص تستقبل لهم رسائلهم  وتعطينا اسماهم نسجلهم عندنا وإذا بتضييف احد زاد عن العشرة لازم تدفع 50  ريال عن كل واحد

أو تدفع مائه ريال اشتراك فردي لمدة سنه
يعني لو تجيلك رسالة من شخص
ثاني ما نستقبلها أو تدفع رسومك الأولى  

هاه  قلتولي يا إخواني وش صاير بالدنيا
حنا نبغاهم يساعدونا وهم يزودون علينا إنا لله وإنا إليه راجعون والله ما عاد ندري
نلاقيها من الكهرباء أو الاتصالات أو البريد أو المرور أو الجوازات أو البلدية أو مراكز تأجير السيارات
(رحت استأجر كامري كانت قبل شهر 90 وأمس 150 ليش قالوا ارتفعت الأسعار وش انتو خسرانين )
نلاقيها من مين والى من مين

على قولت القائل
 رحنا بخرايطها !!

مقالات ذات صلة

‫7 تعليقات

  1. لو ماتغيرت اسعارهم ..هنا يكون العجب ..لا حولا ولا قوة الا بالله ..الراتب يدفع لك..ليسحب بطريقه قهريه..ذا ..اذا في راتب من اساس ^_^ ..تشكراتى لك

  2. اخي الكريم قبل فترة تقريبا سنة حطوا رئيس جديد للبريد هو الدكتور بنتن عشان كذا الاسعار ارتفعت !!!

  3. اي والله انك صادق كل شي ارتفع مايخافون ربهم فينا .. على بالهم نايمين على بير بترول .. والله حرام اللي قاعد يصير ذوي الدخل المحدود وش يسوا شكلهم بينتقلوا لفئة ذوي الدخل المحجوب .. يعطيك العافيه .. وكان الله بعون الجميع

  4. ياصاحبي بكل سهولة اشترك في واصل البريد العادي مجانا والرسائل توصل لباب بيتك مجانا واذا تبي ممتاز ومسجل اشترك بـ 90 بالسنة وواصل لك ولكل عائلتك وفي كل الحالات انت الربحان خدمة لباب بيتك ومجانا لو اخذت العادي وبـ 90 ريال مع الممتاز والمسجل وهذا السعر ارخص من السابق بحكم ان 90 * 3 سنوات = 270ريال واشتراكات الصناديق السابقة السابقة بـ 300 ريال وهي اغلى واضف الى ذلك انت تذهب لاستلامها

  5. يارجال عندي وعندك خير تراهم نصابين انا عندي بريد مجددة على انة شخصي وماقصرت مع الجميع كلهم معي بالبريد العائلة والجماعة والاخوان والحارة وماحولك احد. انت اضحك عليهم وماعليك من احد والله مادرو عنك هوا مسجل عندك بالبريد ولا لا.. والعتب على المسئولين الى همهم لهف في ذي الفلوس ومحد يراقبهم !!! واقول للرقابة ومكافحة الغش وحقوق الانسان والمستهلك: لا اسمع لا اراى لا اتكلم وسلامتك..

  6. وزادو الطين بلة بها الصناديق الى على كل مبنى ومالها ايى داعى بل اصبحت ماوى للبساس وصرفيه على الفاضى

  7. هذا صار من جد زي ارقام الشريحة العائلية بس على فكرة وهذا والحكومة داعماهم بلمليارات الحمدالله على النعمة بس

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى