السلام عليكم ورحمة الله وبركاته
يالله تحيكم رجال وشباب وحريم وبنات كل واحد باسمه والله انكم شرفتونا واسعدتونا بحظوركم وعشاكم عندنا الليله
على طاري علوم رجال مره شفت واحد يعزم واحد من اخوياي المهم يقوله تعشاء عندنا الليله عاد صديقي تعرفون لازم يرفض اول شي الا ذاك يقوله اقولك بلاا تصريفات مالها داعي تتعشى يعني تتعشى ولا ترى بازعل ههههههههههههه احسها عزومة خكري ههههههههههه << سامج ههههههههههه
اول شي اشكر كل عضو وعضوه في هذا القروب الرائع ارسلوا لي على الايميل او ردوا على الموضوع وان شاء الله اني اكون عند حسن ظنهم فيني واقدم كل شي يعجبهم ..
اليوم موضوعي صراحه طلع لحاله << جني مووو موضوع كركركركركر
لا اللي اقصد …. ولا اقولكم شوفوه انتم بنفسكم << اخس ياحماس ياتشويق ياسنوات الضياع ههههههههههه
هذي قصه حدثت لعواد قبل كم شهر باخليه هو يقولها لكم بنفسه قصه صرقعه * صرقعه
عواد : السلام عليكم ورحمة الله وبركاته ….
في البدايه احب اهني جميع الطلاب والطالبات الناجحين منهم والراسبين بالعطله الصيفيه اللي ماشاء الله ماحلاها واهم شي رمضان اجازه انا اخذت اجازه 35 يوم … يوم طلعت اخر يوم دوام كنت باتهاوش مع مديري حااس انها طوويله اجل لو بأخذ ثلاث اشهر وش باسوي … تصدقون فكرت لو اخذ هالاجازه ماقدر عقلي على انه يستوعبها وقف عن التفكير على طول … الله يهنيكم فيهاا واجازه سعيده ان شاء الله …
الصراحه احرجني اخوي عملاق باني اجي واقولكم قصيده … << ارحمنا ياناصر الفراعنه
عملاق : طراااااااااخ 
عواد : اقصد كنت بقولكم قصتي انا وابوي واختي … مابي اطول عليكم بالمقدمه وبقولها لكم …
في يوم من الايام وحنا جالسين الظهر انا وامي وابوي واخواني وكنا نتغداء وتعرفون حنا نظامنا بالبيت علوم رجال .. الرجال مع بعض والحريم مع بعض وللمعلوميه الرجال انا وابوي بس والحريم امي واختي بس ههههههههههه …. وابوي ذاك اليوم مسكه معه يسولف مع امي وازعجنا يسولف بصوت عالي وامي ترد بصوت اعلى مادري ليه معذبين بعض
المهم وحنا جالسين قالت اختي حصه ومن غير العاده قالت انا بطلع فوق السطوح بذاكر .. وابوي يطالع فيها و قالي بصوت واطي(( وش عندها اختك مسويه دافوره المشكله لو تذاكر من هنا لبكره ولو تسوي المستحيل نهايتها تدرس كلية التربيه وتخلص وماعندها الا حلين ياتجلس بالبيت تساعد امك بالطبخ او انها تتوظف برى تبوك وتكون نهايتها حادث )) تبون الصدق انا عطيت ابوي نظره
ايه انتم تقولون وش هالجمله الغير مفيده بس هذي لغتنا انا وابوي كلام موو مفهوم نفهمه والمفهوم للناس نعجز نفهمه خخخخخخخخخخخ .. المعنى من كلامي اني قلت له (( يعني انت اب تحس بعيالك ويهمونك وتخاف عليهم ؟؟ لو انك تخاف عليهم ويهمونك ماقلت لها نهايتك حادث او نهايتك تجلسي بالبيت بس للاسف يايبا انت اب كذبي
سكت وطلعت انا من الغرفه حقت ابوي وانا معصب ودموعي خلاص تبي تنزل من عيوني بس كبريائي موو مخليني انزلها ..
طلعت وسألت امي قلت وين اختي حصه
ام عواد : اختك بالسطوح اخذت الكتب حقتها واخذت باقي الرز تحطه للحمام …
عواد : ياييييمه يرحم والديك لاتحطي للحمام حقي رز كل يوم والله احس طلع له كرش من كثر مايأكل كبسه .
طلعت اركض ودي اشوف اختي حصه وش تسوي بالسطوح .. طلعت وانا كلي لهفه كشعور أي اخ يخاف على اخته من غدر الزمان وغدر الابوه ومن ادمان المخدرات
وصلت الى اخر درجه وحصلت اختي نايمه على بطنها تحل واجباتها وانبسطت شوي الا اسمع صوت جاي من الجدار المقابل واطالع الا راس حمدان … ياولد التفت يمين يسار
والافرازات زادات صارت عصبيه وخوف صار وجهي موو واضح من الافرازات هههههههههههههههههه << الله يقرفك.
المهم تطالع فيني اختي وهي تبي تبكي (( حبيبي مين ؟؟)) قلت حبيبك حمدان ذبحته عادي؟
وتقوم تصييح
المهم نزلت عند ابوي وانا اركض ومبسووط ..(( ذبحته ذبحته ذبحته يايبا ذبحته )) ويقوم ابوي يشيلني كفووو والله اني قااايل مايذبح الذيب اللي بالديره غير انت وتجي امي واقولها ذبحته ذبحته وتقوم تزغررت وتقول كفوو ياوليدي رفعت روسنا … شوي سالني ابوي سوال
ابو عواد : بس ياوليدي كيف امداك تروح الديره وترجع الديره بعيده ياوليدي من هنا 500 كيلو؟؟
عواد : لا يبا انا ذبحت صديقي حمدان …<< حلوه ذابح صديقي .. عازمه انت وجهك مانت ذابحه .
ابو عواد : حمدان ماغيره؟؟ ذبحته ؟؟ لالا تمززح تمزح
عواد : هات هات المصحف احلف عليه لك .. امزح معك اصلا ليه امزح اعرفك يايبا انت من الظهر وانت مسوي تمون علي تمزح معي والحين جاي تقول امزح معك ؟؟
انا عمري دخنت معك يايبا؟؟
ابو عواد : لا
عواد :عمري حششت معك ؟؟
ابو عواد : لا
عواد : عمري سرقت حمام معك؟؟
ابو عواد : لا
عواد : اجل ليه تمزح معي اذا ماسويت الثلاث اشياء هذي معي انت ماتمون علي .. تفهم ولا ترى باخليك تلحق حمدان << الفيوز ضربت بقوه معه ..
يايبا افهم انا ذبحته هذا هو وراك افتح الشباك تحصله نايم مغمى عليه ميت << ثلاثه بواحد
ابو عواد : وليييييه ذبحته الله ياخذ العدو من وين اجيب ديتك الحين 
عواد : وانت مصدق ابو حمدان يبي يتنازل اصلا هو من الله يدورها علي هو وده انه هو يذبحني عاد شلون لما ذبحت ولده والله انه غير يمكن تمسك معه يطلب انهم يقصوني بسيف كهربائي عشان اتعذب خخخخخخخخخخخ
ابو عواد : طيب ليييييه ذبحته
عواد : يايبا حمدان خاننا وخان الامانه طلع يحب اختي حصه ومواعدها فوق السطوح
ابو عواد : افااااا والله انا مارتحت لاختك احد يذاكر بالشمس والقايله؟؟ اجل كانت مواعدته الحقيره
ونقوم انا وابوي… وامي تصارخ ورانا وانا ولا كاني اسمع شي ونقوم ندور حصه ..خلااص نبي نذبحها ماعاد فيها الا الشرف عندنا ..وابوي قال لو ذبحنا اختك موقفنا يكون بقضيتك من ذبح حمدان اقوى يعني واحد ذبح اخته وذبح حمدان اكيد يكون عقله فيه شي
عاد ابوي قال كذا انا تحمست بقووه أي شي قدامي امسكه ودي بس اشيل راسها واحطه على كتفي عشان يقولون من جد خبل … وندور على اختي ونحصلها الله يكرمكم ويكرم السامعين بالحمام ..>
ابو عواد : اطلعي بسرعه
حصه : طيب يايبا شوي بطني قايمه علي
عواد : تتوقع يايبا حامل
ابو عواد : ليه انت يوم جيتهم وش كانوا يسون ؟
عواد : كانوا يطالعون ببعض ..
ابو عواد : شوف اذا كان الحب بينهم قديم ويحبون بعض با أمانه احتمال كبير تكون حامل
عواد : يعني انا باصير خاااااال الللللللله ويجي ولد صغير يقولي خالي خالي
ابو عواد : كل تبن ياورع خال يخلخل ضلوعك …
ابو عواد : اطلعي بسرعه ولا ترى بندخل عليك بالحمام
حصه : يايبا وش فيك معصب .. شوي شوي بس …
عواد : يايبا خلها تأخذ راحتها هذي اخر مره تدخل فيه بيت الراحه . بعدها تطلع واريحها من الدنيا كلها<< عجبه عواد دور القاتل
شوي الا يدق الباب .. قلنا بس الشرطه والمباحث شموا ريحة حمدان وهو ميت … وانا ارمي السلاح اللي معي وارفع يديني وامشي.. وابوي المحشش رمي اللي معه بعد ورفع يدينه ونقوم نصارخ بالحوش لا احد يصوب علينا حنا مسلمين نفسنا .. طيب انا ذبحت حمدان ابوي وش دخله؟؟ وبعدين ترى كل هالحركات من mbc2 ابو متأثر فيها مرره .. المهم نفتح الباب الا يطلع ابو حمدان …
الا ابوي ينزل يده ويمسكني مع رقبتي ويقعد ينافخ علي قدامه …((ذابح ولد الناس هاه وجالس عندي ياللي ماتستحي لييييه ارواح الناس لعبه عندك ياللي ماتستحي
الممهم طالع فينا ابو حمدان باستحقار صراحه وانا مالومه على النظره هذي .. وقال (( ولدي حمدان مستحي منكم
عواد : والله حنا اللي مستحين منه
ابو حمدان : لا الصدق هو مستحي منكم ومن تصرفاته الاخيره
عواد : هو الله ياهديه اخر تصرف له ماكان له داعي ابدا .. بس عاد استحى ولا استحينا حنا ماعاد فيها ..
ابو حمدان : وهو موجود هنا
عواد : والله المشكله اننا ندري انه موجود هنا بس روحه ماهي هنا
ابو حمدان : هههههه صاير فيلسوف ياعواد
عواد : لما اتذكر انه بيجي اسمي يوم الجمعه وينفذون فيني الحكم اكيد باصير فيلسوف
ابو عواد : كم تبي ديته .. علمنااا .. حنا جيران واللي بينا اكبر من راس حمدان واكبر من قصاص عواد .. قولي كم تكفى انك تقول .. يرحم والديك قول كم تبي؟؟.. وحط براسك ترى يمكن نصير زباين عندكم اذا السعر عجبنا ؟؟<< ناوي يذبح باقي عياله كركركركر
ابو حمدان : يطالع وراه ويطالع فينا.. انت وش سالفتكم انا من اول ماسكنتم بالحاره وانا ماني مرتاح لكم … راس ايش وقصاص ايش..
عواد : يبا شكله من هالكلام موو متنازل اذبحني انت اشرف من اني اموت عشان حمدان والله انها فشيله يوم يقولون عواد قصوا راسه عشان حمدان ليته واحد يستأهل .. حمدان ابو خشم مايل اموت بسببه والله قهر وانا اتكلم الا اشوف راس يطالع فيني من ورى ابو حمدان … وانا اطالع فيه .. ياولد هالراس مار علي بس وين شايفه مدري.. وانا اقزه زين الا هذا راس حمدان … وانا اقول لا اله الا الله روح حمدان يايبا جايه تتسمع علينا عشان تقول لحمدان وش صار بقضيته << انلحس الولد
ويطالع ابو عواد الا والله حمدان ويطلع حمدان من وراء ابوه هو طلع وانا اقوم اتراجف ببمكاني ويقولي ابوي ((انت ماقلت انك اجهزت عليه وذبحته زين
عواد : انا يايبا ماشفته وهو ميت شفته يوم نقز من الجدار بس
ابو عواد : أي جدار يامخفه
عواد : جدار سطوحنا
ابو عواد : وحنا ساكنين بالفيصليه ياحيوان بيتنا كلها على بعضه دور واحد وتحتنا على طول بيت شعبي يعني شلون تبيه يموت …
يطالع فينا ابو حمدان باستحقار اكبر وقال المهم … السالفه اننا نبي نتسامح منكم .. ولدي حمدان الله يهديه طاحت كورته عندكم فوق السطوح وبتصرف غبي منه حاول انه يجيبها بنفسه … ويقول ان عواد شافه وحاول يضربه وانا اعذر عواد اكيد مايبي احد يجي سطوحهم وعشان كذا انا جاي اعتذر منكم ومن تصرف ولدي الغلط .. وبالمناسبه ذي عشاكم عندي الليله… قولوا تم .
ابو عواد .. وعواد : تم تم تم << من الخريعه ماهم قادرين يقولون لا
دخلنا وصكينا باب الشارع وعينك ماتشوف الا كف رايح وكف جاي
وانا ابكي واترجاه يسامحني … قال راح اسامحك بحاله وحده .. اذا وافقت امك تخليني اسافر مصر مع عملاق الصرقعه اخر شهر سبعه … تطالع امي فيني وفيه .. قالت اقول مسوي اني اغار عليك تبي تروح روح الله واكبر مين اللي بيعطيك وجه انت وراسك اللي كنه علبة بايسن ههههههههههههههههههههه
ويقوم ابوي ويفكني … وكذا انتهت قصتي مع حمدان واختي حصه …
.
.
.
النهايه
موضوع خفيف بسيط مثل ماقلت بالبدايه صرقعه * صرقعه لكن السالفه اللي فيه تصير معنا كثير وهي سوء الضن ..
قصه من وحي الخيال كتبتها للوناسه وماعندي أي اهداف ثانيه لا ماديه ولا فكريه ولا معنويه …<< يسمع بالاهداف
اشوفكم على خير واتمنى لكم قضاء اجمل الاوقات بالاجازه
اخوكم : عملاق الصرقعه
:::::::::::::::::::::::::::
