رسائل المجموعة

الأمير اليو ناني و الحرامي !!

السلام عليكم ورحمة الله

كان ياماكان في قديم الزمان وسالف العصر والأوان
أمير يوناني يبيع في بقالة…………………. هاهاها
( تقولون هذي غبيه وش هالقصه)
شوفو قصتي وسوف تفهمون الحد وته

ذات يوم رجعنا من البر مغبرين وجوعانين وكانت الساعه 9
مساء بتوقيت ساعة زوج خالتي وكان رجل بشعا دبيا ( سمينا )
وأزيدكم من الشعر بيت أثرم وسنونه صفر وشماغه برتقالي
معفن ( أمزح ) , وكنا شلة بنات مشاكسات
وأنا رئيسةالعصابه
المهم الذبدة ( يعني الزبدة بس كذا ينطقها
زوج خالتي ) عاهات العائله —–> هاهاهاها
المهم أنه بطني يقرقع وجوعانه مرررره والبنات كزلك
كانو جوعانين خااااالص , و بيت خالتي كان ( يقرع ) يعني
فاضي مافيه طبخ وخالتي عجازة ومستشرة مثلنا
( أصلا هي وزوجها مهابيل وعايشين على المطاعم )
وحده كبت عشاء أهلها ( يعني فضحتهم )

ولما صارت الساعه 12 تحولت سندريلا الى وحش كاسر
ولا راح أقولكم أنه سقطت زنوبة سندريلا لأن سندريلا
( محدثتكم ) تقطعت جزمها بالبر ولذلك قررت
ألبس شبشبزوج خالتي ( عفوا جودزيلا ) وقررنا بعدها
الروحه للسوبر ماركت لشفط الرفوف وكانت عبايتي الله
لايوريكم مهب عبايه ( لطوط متحركه ) ترى أنا نظيفه بس للبر
أحكام ,, المهم عبايتي كلها طبعات جزم بنات خالتي ( من لعبنا
الرقيق )
بالإضافه الى ملعقه علوك من البزارين + كأس شوك
+ طبعة كورة قريبه من مكان رأسي
( شاتني ولد خالتي الأحول)

طلعنا للسوبر ماركت على وانيت طبعا الوانيت أبو خط
وبالتالي قعدنا بالصحن , واللي يسوق ولد خالتي أقرع
وتريللي , أسرع فينا والناس —–> ( جيران خالتي )
ما استغربوا!!؟

( تدرون ليش ؟؟؟ لانهم يحسبون ولد خالتي مركب زبايل
راح يكبها ويرجع هاهاهاها )

وبعدين وصلنا للسوبرماركت , قالت خالتي هجوم

انتشرنا على الثلاجات والحلويات ( نقطة ضعفي) والفشافيش

***************

وكان فيه واحد كاشخ وجاي يشتري لبن ( انواع الكروش)
و الدنيا برد لابس جاكيت بيج كاروهات
مثل جاكيت فريد الأطرش وعقال محطوط فيه خميره
ونظارات سوداء بالليل
( ما أدري وشلون تجي ؟؟!) صار كأنه ذباب

المهم قام يتطنز ببنت خالتي العملاق الأخضر , طبعا بنت
خالتي ماعندهاش يمه ارحميني ( عربجيه) مسحت فيه الأرض
وبدت تلاحقه وهو يهج ( بعذره البنت مرعبه كأنها بوكلين
" بوكلين = آله تستخدم لتكسير الاحجار " )
قال : خلاص ياشيخه تووووووو به
قالت : لا توبه ولاعبدالحليم حافظ!مابعد ولدته أمه اللي يطنز بي
( فتوه وصوتها رجولي حطها على يمناك )

عاد قمت وفتشت غطوتها بالسوبرماركت …..
قالت لي : وجع وشبتس !!!!؟؟
قلت لها : والله بتأكد أخاف تحولتي وحش !!!

المهم رحنا ندور على ثلاجات الآيس كريم وكلهم معهم
فلوس إلا انا ( مفلسه " على الحديده " مامعي إلا ريالين
وواحد منقطع وملزقته ) ,, وادور شىء زين ورخيص
بس مالقيت غير آيس كريم أبو نص ريال

والبنات يتهيبلون ويتزحلقون بالممرات وخالتي تشجعهم
ماتشفون إلا برق أسود طاير ويضحك ,, ياعمري اللي
بغرفه الكونترول ( انغرف قلبه ) تلاقيه يقول :
لاحول ولا قوة إلا بالله , هجوم فضائي على آخر الليل

وبعدين فجأة هدأت الاصوات !! وعمت الرقه والهدوء والتميلح
أرجاء السوبرماركت ………………….. ليييييييش ؟؟

لأن الوقت اللي رحنا فيه ماكان فيه احد بالسوبرماركت
وكان وقت تصفيف البضائع ,, وفي ممر المايونيز والصلصات
فوجئت وانا أنظر الى الصلصات حسرة وسعابيلي تقطر
بذلك الامير اليوناني !!!!!!!

ذو الرموش القاتله والعين الناعسه وكان رجلا طويلا ( أطخم )
فرفعت رأسي لأنظر إليه وكان قاعد يصف الأغراض ولابس
( لبس عمال السوبر ماركت ) فعرفت أنه من شبابنا
المكافح ويشتغل هنا

قال لي : أي خدمه ياأختي !!!؟
فرح قلبي رقصا ( وحده داااااااايخه ) , لو كنت أعلم أني
سأقابلك لكنت كشخت على سنقة عشرة ولبست بنطلون
فسفوري وبلوزة برتقاليه وجزمه حمراء ( عشان يشوفن زين)
ياسلالالالالالالالالالالالام يأخواتي [
لهاالدرجه في أحد بجماله بها الكون !!
لا وقاعد يشتغل بجبين عرق كده ( وحده دايخه)
كنت أفكر أفصل من الدراسه في التو واللحظه وأقعد أصف معه
الكراتين ……….
لقد شغف ذلك الأمير اليوناني الشكل , قلبي برجولته وليس بجماله
( وحده نصابه )
طيب ليش أكذب معجبني عندكم مااااانع ؟؟؟؟؟

الرجوله مش مسكة الجوال والترعيص فيه ولا قعده على مكتب
وينافخ على خلق الله ولا مسك السيجاره ولا تربية العضلات

الرجوله هي الاعتماد على النفس والجلد ( الصبر والقوه
والتعامل مع ظروف الحياة الصعبه بمرونه )

وأخيرا غض البصر ( لأنه استحى )
وانا كنت أناظره ( والله اني مستحيه ) لكن أعجبت بمنظره
مع الكراتين , وهو مارفع رأسه يناظر لي رغم أنه ماراح يشوف
شىء أصلا إلا علوك متلزقه ……… هاهاهاها

وهممنا بمغادرة السوبرماركت , لكن سمعنا صوت مشاجرة
وبكاء مرير فلما إقتربت من الموقع وإذا بي ألمح شخص
أعرفه ( بوهته ) وكشته وخشته , قلت لهم ابعدو خلوني
أشوف منهو ؟؟؟!!!!!!!!!!!!!

يوم تبقشت العلوم ولاوه أخوي (سوالف القايله)
قاعد يسرق وياليت يسرق شىء سنع لما فتشوه لقو معه

سن توب وعلوك !!!!!!!!

أفااااااا ياذا العلم ( ماهقيتها منك ياسوالف )
تكسرت خواطرهم الجماعه على هالبراءه (سن توب وعلوك)

قلت لهم : ترا هذا متعلم ويصلي الفجر وولد حلال
وولد حمولتنا ( حمولة أبونواف ) بس الشيطان حريص

قالوا : والنعم , لكن لازم نطبق عليه الحكم ونقطع
إيد عن السن توب , وإيد عن العلك

فقعدت أصيح لالالالالالا حرام عليكم من يكتب لنا مقالات
يوم رحمونا وأطلقوا سراحنا , وقالوا : لاعاد تعيدونها !!

ويوم طلعنا سرقت العلوك وهجيت
(وحده حراميه )

ولكن للأسف طاحت أسناني من العلك لانه من مال حرام

( وكما تدين تدان ياأخوي سوالف , أجل تحطني عجوز
ورايحه لشقراء بعد )

انا اليوم خليتك حراااااامي

إخواني الشباب أنا متأكده أنه كثير منكم ترك دراسته والاكثر
متخرج وقاعد بالبيت , لكن مافيه مانع أنكم تشتغلون حتى لو كانت
هذي الاشغال وضيعه بنظركم ..
( كلما ندى جبينك تعبا علمت أنك رجلا )

****************

راح تقولون هذا كلام نظري ( لكن في حل ثاني بنظركم !؟)
يرضى أحد منكم على نفسه أنه يمد يده عشان الفلوس من
أخوه أو صديقه أو ….
فيه أعز وأكرم من أنك تصرف على نفسك ( وانت رجل !!)
وياما نسمع من هالشركات اللي تنادي بالشباب لسوق العمل
( لكن رواتبهم قليله وشروطهم صعبه ) , نعم لكن مو كلهم
وانا معكم أن الغالبيه عندهم شروط تعجيزيه ( يعني على
بلاطه مانبيكم نبي أجانب ) , وفيه بعضهم يرغمونك بعد التدريب
على الالتزام معهم سنتين او ثلاث او اربع أو اكثر أو أقل
حتى لو طلع اسمك في وظيفه حكوميه … والله نحس فيكم
تقولون يوميا ( الحيا ة صعبه )
لكن تذكروا أن الحياة فرص ….

واللي مو فاهم وش قاعده أقول ثم يروح يرص لي مقال
كله سب وشتم , ما أقوله إلا :
لو كنت تعلم ما تقول عذ رتك
أ و كنت تعلم ما أ قول عذ رتني
لكن جهلت مقالتي فعذ لتني
وعلمت أنك جاهل فعذ رتك

أطيب تحيه وسلام لكم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى