يومين … ولا مات !؟


يومين … ولا مات !؟
تخيل يتناحس عليك واحد من اخوانك
وهو خلقه منقهر منك
يقوم ياخذ قطوتك ولا طيرك
و يحطه بــــ ؟؟
الفريزر
تتوقع شيصير فيه وظل يومين ؟؟
بموت صح ..
و يمكن بتسوي عليه مناحه جان متعلق فيه
وبتدفنه بحديقة البيت – مثل ما سوت اختي يوم مات كتكوتها بعد
ما بهذله الكتكوت الي وياه – وحالتك لله ..

طبعا الموضوع صار من فتره يعني من ايام رمضان
كانت عمتي عندها عزيمه ويا خالي يشوف جان عندهم ايدام شوي ولا يناديها ويوم راحت تشوف شيبي ولا يقولها : منو حاط هالطير بالفريزر؟؟
انصدمت عمتي طير بالفريزر لا وقاعد يتمشى وشكله من فتره داخله يوم شالته لقته يامد من البرد
مستغربين ما عندهم يهال ولا شي شيابه ؟؟

الي استوعبته ان واحد من عيالها قبل يومين طالع يقنص مع ربعه وياب لها الي صادوه بجيس وكان فيه فتحتين نوعا ما متوسطه وحطه بالفريزر وطول هاليومين يفتحون الفريزر ياخذون ايدامهم وبهاليوم قبل 7 ساعات يايب ابوهم سمك طري حطوه بالفريزر و اكيد بكون توه دافي والظاهر انه انحط على جيس الطيور الي كان واحد منهم مو ميت لانه مو مصوب ولا مجروح و ما في شي ومن حاشه دفى السمج صحصح ..




و الظاهر ان سرب الطيور الي طاح متصوب ضرب معاه غيره من الطيور وقوة الضربه افقدته الوعي فظنوه ميت ..
طبعا يوم قالت لنا استغربنا وما قلنا غير ..
سبحان الله ..

نديمـ الروحـ
 كان ماضي وانتهى ..


تعليقات 5

  1. لفت انتباهي أن لابد من تذكية الطير وهذا واجب كيف يموت الطير ولا يذكا كذا يصير الطير ميتة ولا يجوز أكله … وهذا يدل أن السالفة فيها كلام.

  2. ما أقول الا سبحان الله ………الا بسأل.. الطيور مو لازم تنذبح ويذكر اسم الله عليها أول وبعدين تؤكل .. هههههههه ادري سويناها سالفه طويله وكان قصدج اضطلاعنا على شي غير مألوف وغريب … يعطيج العافيه يا أحلى ورده

  3. ana sma3t 3n halsalfa gabl w mtakdah eny shftha fy barnamaj :inside edition elly y3rdhonah 3la mbc4 elmohm hi gsat wa7ed saad 6eer w 76ah blfreezer w yoom ft7at 7rmtah elfreezer ba3ad 2 days lgat el6eer ba3dah 3ayesh…… sub7an allah

  4. كيف ما مات *_* والله شي عجيب .. سبحاااااااان الله بس الظريف في الموقف ان الطير دخل الفريزر وراسه بجسمه .. انا خبري ما يدخلون إلا مقطوعين الرقاب ههههههه بس سبحان الله كيف قدر يعيش يومين *_* تسلمين ياورده على ذكر القصه لنا ^_^

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

يومين … ولا مات !؟

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول