رسائل المجموعة

يوميات سعودي1 : لانك سعودي ..

سجل يا قلم واشهد يا تاريخ اول كيمه كتبتها في القروب مسيكم بالخير


وانت في ساعات الصباح المبكره ماشي في الشارع ..
وماشي .. وماشي تلقى رجال واقف في الطريق !!
– السلام عليكم
– وعليكم السلامـْ
– مضيع طير يالطيب
– لا وش اللي مضيع طير
– لا بس اشوفك تناظر فوق وحاط يدك على خصرك

.
هنا راح تتكون قدامك كريات مصاله متدفقة قدامك من كلا الجانبين
الشخص الواقف له طريقته في انتظار الاشخاص وعبر عنها بطريقته الخاصة
اما الشيخ الثاني وش دخله هو ؟ تذب وجهك بشكل غبي كنك مستر بن في مرقص

تكمل طريقك في ربوع بلادنا الحبيبة
وتروح الكلية وتمشي فيها وتشوف البشر
فجأه !!
كنت مبتسم تنقلب براطمك الى شكل واحد مغبون
حواجبك ترتفع .. جبهتك تنشد
انا لاحظت شي .. وش السالفة
تلقى العيال لابسين شماغ عراقي , فلسطيني
الوكاد انه الاسود
ولافينه على رقبتهم
وتجي انت حبيييييب تروح لحداهم تقول مسوي تقلد راشد ؟
يجي بعد ما كان فمه اصبعين تصير ما تشوف الا جوف فمه وهو يقولك ما عندي شخصية انا ؟
انت تاكل تراب وتكمل .. وتقول اكيد انه متفاعل مع غزهـ
وتشوف اغلب عيال الكلية مسوين هالحركه !!؟
وش السالفة ؟
صدق ان في قلبونا خير وحاسين في اخواننا المسلمين
وترجع البيت وانت منشرح قلبك لما شفته في اخوانك تجاهـ اخوانهم

تنوم وتحلم .. تشوف تفجيرات واصوات رشاشات
وتقوم من النوم مفزوع
وتقول اعوذ بالله من الشيطان الرجيم .. يوهـ الله ياهو حلم
وفجأه وانت ساكت .. تسمع اصوات الرشاشات للحين !!
تقول شكل السالفة علم مهيب حلم وتنقز من سريرك لباب البيت للشارع تركض تركض تركض .. فجأه انت طايح في حفريات
وتشوف الدركتل وتدري ان الرشاش طلع منه

ترجع تبي تكمل نومك وانت مغمض عينك تدخل عليك اختك منخرشة
لاااااااااااا .. مو معقولة مو معقولة ..
انت تقول في روحك شكلها تطلقت مع انها ما بعد تزوجت بس يجيك هالشعور
صارت تبي السوق
وتاخذ اختك للسوق
وانت ماشي في السوق وماشي تلقى خلق الله حاطين نفس الشماغ العراقي
تنبسط وتقول ايه ياخوان نورهـ .. كفو
وينك يابو عباس تشوفنا وشلون متأثرين

بس لاحظت شي جديد
البنات حاطين نفس الشماغ بس لونة فوشي
تدري بعدين انها موضه طايحين فيها الكووول يا وبيييي ( ياربي ) وانت مدربي راسك ما تدري وش السالفة
تقعد تدور مع اختك الساعه 8 وانت نشيط وتبتسم في وجيه المقيمين
والاجانب بما فيهم السواويق وحريمهم
الساعه 9 بدت تقل الابتسامات .. وصار وجهك وانت مبتسم كنك مغصوب
تجي الساعه 10 وانت تعبان ومتحمس .. ومافيه الا ملاحق انت واختك
الساعه 11 تلحق اختك وانت تعرش واختك ما شاء الله تحس انها تتحرك بدون خطوات
كذا عباية تمشي سسسسسسسسسسسس < – يارب وصلت الفكره
ترجع البيت وانت مبسوووط
بس تنتبه للفاجعه الكبرى
اختك شرت كيسة صغيره فيها بكلتين وسواره

تروح فراشك وتنسدح على السرير على ظهرك
وتطق بيدك اليمين على جهة السرير اليمنى
وتطق بيدك اليسار على جهة السرير اليسرى
<–
وتقول لييييييييييش 🙁
بقولك لانك سعودي .. خلك مميز

 

مقالات ذات صلة

‫5 تعليقات

  1. اخوي الكريم السلام عليكم ورحمة الله وبركاته , سرد رائع كلام جميل لطيف رائع مضحك لزج متوافق قيّم ناقد بناء هادف كله اوصاف اجتمعت في موضوعك ولا ننسى المشاكسة , ابدعت عزيزي ماشاء الله عليك,اتمنى لك الموفقية الدائمة , واضحك الله سنك على كلمة العبائة تمشي سسسسسسسسسس نفس وصفي للأشياء كلها يا طق او هب او تصفيرة ششششششش ههههههههههه , بارك الله فيك.

  2. 😀 في البداية شويه حلو الموضوع بعدين يا اخوي طولت بالسالفة واختربت وماجبت شيء جديد ولا له مغزى

  3. بما انها أول كتاباتك في القروب بنسامحك المره هذي 8) ماقول ماتعرف تكتب لكن موضوعك ماله أي هدف أو مغزى و يقولك اللي ماله هدف يضيع.

  4. الاخوان اللي يقولوا بدون هدف ارجوا منكم عدم التعليق لان المعنى في بطن الشاعر والباين انكم انتوا اللي ماتفهموا ماتحت السطور الف شكر اخوي على النقد البناء ومنتظرين ربك يفتح عقول الاخرين ويفكروا بنصف مايفكر فيه رجال حماس

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى