السلام عليكم ..
يا الله حيهم وأبقهم .. ووسع صدورهم ..
رحت لمهرجان الربيع بالرياض ولا صورت لأني رحت العصر وعوائل وزحمه حريم 
وقلت لازم تصور حالك حال الناس وبما ان المهرجان ما ينتفوت فقررت اروح له بعد الجامعه
طلعت من الجامعه ومريت البيت وأخذت العده معي ..
الكام وعدستين 10,20 والعدسه الثانيه 18,200 وترايبود ..
واتجهه لطريق الملك عبدالله عشان المهرجان هناك ..
اول من قابلني .. ويلارد سميث
ولا بغيت ارده وصورته على انه شوي ودليت .. بس لا والله طلع يشبه لسميث
المهم .. دخلت المهرجان .. وكان على اليسار مساحة لجامعه الملك سعود .
وبما اني احد منسوبيها ..
هذي النبته .. بدون تربه ..
بأكل مستورد .. الي هو العلبه الي بالصوره ..
وتقدر تعيش النبته .. لما نحط سمك في حوضها ..
هذي بعض الصور من جنبات مشاركة جامعة الملك سعود
بوريكم شوي من الورود اول بعدين بروح للأشياء الثانيه ..
هذي فرشة الورود .. يقولون كل وروود الشوارع مختفيات ليش .؟!
كلهن مشاركات في هالفرشة
كيف الزاوية ؟! تراي خاق معها ..
عاد الصباح يشغلون الرشاشات ..
كيف الشكل ؟! ودي انسدح عليهن ..
وربي شغل مرتب .. ومتعوب عليه ..
احسب العنابي مجفف .. وصار غلط علي وطلع طبيعي ..
وربي .. رسمه خياليه ..
يا زين الرياض وورودها بس 
..
نجي الحين لمشاركة حديقة الحيوان ..
قاتل الله الواسطات .. ومشكلتها انها ميته ويبون ييحييونها ..
جابو لهم .. حيوانات محنطه ..
حتى بالتحنيط .. نظرته خقاق ..
^^
ظلموه مرره .. بالقرون الطويله ..
^^
مشكله نظرة الصقر .. هذي ..
^^
بكذا طريقة .. لقطته من ورى الشبك ..
ودي الحين اوريكم البيوت المحميه الي فيها الكثير من انواع النباتات ..
جميع الأنواع حاطينها ما خلو علينا قاصر ..
وكل نبته جنبها اسمها ..
شي حلو بصراحة ..
فيه فعاليات كثيره جوى المهرجان .. مثل الملاعب المائية واشياء ما ودي اقولها اخاف تقولون ليش ما صورتها .. بس الصباح وجاي على السريع ..
بس اهمشي المراجيح ..
ابد ابد موب خاش جووو ..
نشبو لي .. صورنا صورنا .. بس ما حبيت صورهم وعلى طول دليت ..
هذا نموذج للضباب .<<<يسمونه كذا وانا اسميه رذاذ حق الأماكن العامه والحدائق
طبعاً فيه فروع كثيره للشركات والمؤسسات المتخصصه بالري والزهور والنباتات !!
والناس المختصه بالزهور والمجسمات الخاصه بالزهور وكذا ..
وايضاً عروض للشلالات وكذا ..
والممرات الحلوه للقصور والبيوت الكبيره مثل كذا .. يعني شي حلو بصراحة ..
ودي نطلع من جو الورود وكذا .. وندخل بالبوتريهات والصور الي اخذتها
لوفد مدرسة اجنبيه على ما اعتقد .. لأن واحد من الي صورتهم مكتوب على اسمه
سمويل .. << امريكي ..
الشاطر الي يطلع السعودي من الي موب سعودي ..
يا زين البنوتات بس
الله يخليها لأهلها يارب
^^
^^
شوفو الي يعرفون للتصوير .. يقولون شيييز 
هذي مره تصلح لي .. تعطيني جوي بالتصوير عندي لها كذا صور وكذا حركه تسويها
^^
هذا صديقي
بسم الله عليها ..
ورديه بجيبها جنب الورديات .
لكم 
لحظة صمت 
مرره غريبة ..
ياربيه الظاهر هالورد لو بوزعه على كل أعضاء الساحات بيكفيهم ..
وهم يستاهلون ..
نرجع للفرشة الكبيره ..
أشكال خرافيه بصراحة
وهذولي الوردتين .. خذوها معكم ..
..
أخيراً .. اتمنى اني وفقت في طرح هالموضوع
ويارب .. يكون التعليق و التسلسل .. على اكمل وجهه ..
ويكون بعد تعليقي خفيف على قلوبكم
..
كل الشكر على متابعتكم ..
فمان الله..
