السلام عليكم
الله يامنول…
من ست سنين وانا مشتركه بالقروب
ايام ماكان منتدى يومه ابيض واسود
وكان الخيز بريال
والقرش يجيب غرشه ببسي وفصفص
ولاافوت ولاايميل ..وكل الاعضاء اعرفهم 
وهم مايعرفوني
الا على طاريهم فيه كثير قلت رسايلهم وبعضهم انعدمت..ليه؟
سوالف القايله قلت رسايلة ونفس الشئ عزيز واختفت مثل هيفاؤوه..فما السبب
اليوم قلت يبت يالفارس الملثم
يابت ياضحكه
ألم يأن لكِ اعملي (سند) لأحدى خنابيقك
قلت اصافح القروب مصافحه اولى
1-اعايدكم 
2-وأضيق صدوركم 
3-وأقهويكم
بعايدكم
كنت حابه اعايدكم
بس القروب اتقفل من بعد العشر الاواخر
لكن أبت بطاقتي الا ان تعايدكم
فهل اقول لها انثبري؟ وادقمها ..!
شلون بسامح نفسي بعدين
واعيش وهذا الحمل فوق كتوفي (وفي رواية أكتافي)<<يرحم امك حطيها خلاص
بضيق صدوركم
وين الحقيقه من روائع خالد عبدالرحمن
برقن تلضى للخوالي بريقه
شح المطر في خافيات الضلوعي
بي من بلاوي الوقت همن وضيقه
دنياي ماجتني على كيف طوعي!
/
بي من جروحن داميات وعتيقه
لاقلت هانت .. طاول الوقت روعي
اضحك واجامل بس وين الحقيقه..!!
قامت حدر شمس اليالي تموعي
/
محدن درى بالحال وش اللي يعيقه
اسري ظلام الليل وانور شموعي
ياحسرتن وسط الضلوع الشفيقه
وياعبرتن باتت تسابق دموعي
/
اسرح مع الايام وبكل طريقه
واخفي بوسط الروح همن جزوعي
ولو كان شبت بالضماير حريقه
والله مابينت لحظة خضوعي
وين؟ اصبرو
حالفه محد يقفي قبل القهوه
عاد الهيل قضى والشاهي والم
وقال الشاعر
قبل امس انا وياك والثالث الليل– واليوم انا والليل بس انت وينك
وقلت
قبل امس انا وبرديز والثالث الليل– واليوم عتم ..بس يانفس وينك!
ان شاء الله تعجبكم التصاميم
وهذي مو نوعية رسايلي القادمه
لكن زي ماأسلفت 
كانت مصافحه
ووان شاءالله تفحزل لي صدوركم كعضوة جديدة قديمه
See you بخنابيق قادمة
اختكم البت ضحكه…..
