أمممممممممممم باقي على رمضان 5أيام
وبقول سالفة صايره قبل سنتين…. بيني وبين هواوي
كان الوقت سحور … وسحورنا كبسة يحبها قلبك
طبينا في هالكبسه لين قلنا بس … وختمناها بلبن على كيف كيفك
طبعاً كبسه وبعدها لبن بارد … خلاص
الواحد معد يقدر يتحرك من مكانه … شبعانين ودايخين فينا النوم
انا تعيجزت وتكيسلت أقوم أغسل
أخذت كاس فاضي … وجلست أصب على يدي من قارورة المويه وأغسل لأني ما فيه أمل أروح للمغسله
مشششششششوار
وأنا أغسل يدي في وسط هالكاس … هواوي كان يسولف علي
يوم خلصت مغسل… مسحت يدي بمنديل وجلست
وأول ما أذن الفجر … هواوي مدري وش جاه
أختبص 
انا فطست من الضحك وهو يناظرني ويشرب
وانا أضحك وهو يوزع ابتسامات 
المشكله ان الكاس لونه أبيض من الدسم
والرجال يشرب …. نعنبو داره ما حس بالطعم !!؟
هههههههههههههههههههههههههههههههههه
بعد ما لاحظ لون الكاس … سألني انت مغسل فيه 
وانا معدنيب فيه من الضحك
قام يدور وسط المجلس ويمسك بطنه 
ووجه قرفان من الدنيا باللي فيها ههههههههههههههههههههههههه
ومن بكره .. يقول لي ما نمت ولا أفطرت ولا تعشيت
وصفقني اذا تسحرت معك مره ثانيه 
معليش يا كابتن 
خلوووودي
