نظام في أصعب الظروف‏


هذه الصورة في أحدى الولايات الأمريكية للهروب من إعصار غوستاف المدمر هروب جماعي من إعصار يعني حاله طوارئ والناس خايفة بس شوفوا النظام يا عالم على مد النظر يوجد سيارتين متعطلة فقط في المسار الثالث لا يوجد سيارة واحدهـ متجاوزهـ الخط إطلاقاُ ولا سيارة !!! والله لو ذا الشارع عندنا ( بدون حالة طارئة ) كان ما شفنا الشارع ولا ندري وينه فيه من الفوضى وحتى الشجر يمكن راح يتوطونه هذا إذا ما توطوك أنت وسيارتك يا ناس متى نشوف هذا النظام عندنا متى تشعر إنك محترم عندما تقود سيارة يا الله يا كريم أنك تهدي ربعنا وياكثرهم الي متواجدين بالشوارع وتحنن قلوبهم علينا


اعلان






تعليقات 13

  1. هل نحن نطبق تعاليم الاسلام حقاً . الاغلبيه مننا يتكلم عن النظام ولا يطبقه على نفسه .

  2. دداسن بعد وجيوب والله ما نشوف حتى الحشيش باهاذي الحاله الي تتكلم عنها :$:$:$

  3. أجل لو مروقين وش بيصير ..:~ إحنا عندنا نفس الانضباط سبحان الله .. ( أحد يعرف البطحة ) .:~ أنا أشوف الحل عندنا .. يرصفون المسارات بمقاس السيارات . – مسار شاحنات .:( -مسار دفع رباعي .B -مسار دفع خلفي وأمامي (خصوصي)8) -مسار تكاسي .:~ -مسار طائرات 😀 – وأخيرا مسار فرعي للمتجاوزين المستعجلين يكون برسوم 1000 ريال شهريا:$

  4. هذا وهم في حالة طوارئ.. أجل لو مروقين وش بيصير .. إحنا عندنا نفس الانضباط سبحان الله .. ( أحد يعرف البطحة ) . أنا أشوف الحل عندنا .. يرصفون المسارات بمقاس السيارات . – مسار شاحنات . -مسار دفع رباعي . -مسار دفع خلفي وأمامي (خصوصي) -مسار تكاسي . -مسار طائرات – وأخيرا مسار فرعي للمتجاوزين المستعجلين يكون برسوم 1000 ريال شهريا صدقوني هذا الحل مع شباب المملكة ,, تسلم يا البوكلين و انا أيد كلامك !! الشكوى على الله !!

  5. صحيح نظاام مو عندنا اعوذ بالله اللي راح جسر الملك فهد بيعرف كيف نظامنا لو كل واحد طبق النظام على نفسه كان صرنا مثلهم لكن للأسف فيه بعض الناس الى حد الحين متخلفة و تعتبر التقيد بالنظام ضعف و ازيد على كلام البوكلين لو انهم يطبقووون عقوبة الاعدام على التجاوز الخاطئ و السرعه ما راح يبطلون هالحركات لأننا شعب عربي متخلف

  6. هذا يصير عندنا لأن بعض الناس إذا مشو في الشارع يحسون فيه شي ناقص عندهم فيسون زحمة وهم مستانسن يحسبونه فخر

  7. وعليكم السلام نضام حلو بس بزي هل اوقات ما يصلح لانه يسببلهم خطر وفيه مجال لسايد كامل ليش مايمشو عليه ؟؟ ,,,,, وهذا رد على اخونا ماجد ليش لو حكم الاعدام يطبق ماراح يطبقونه ؟؟!!! وبعد الاعدام !! لا يحبيبي 8) لو فيه نظام يطبق 100% والله ان يقظبون ارضهم وانت تحسب الي بالصوره مو مهبل بالعكس يمكن اكثر منا بس يخفون من العقوبه بس حنى مافيه عقوبه فا ليش يمسك نظام والعاصفه وراه ؟؟ :~ تحياتي للجميع

  8. اقول استررررررررررررريح بلا نظام بلا بطيخ 8) شوف هم اهل النظام مافرقنا عنهم عندنا وعندهم حوادث يعني الواحد يلتزم بالطريق وماعليه من غيره :~ وبسكم مقارنه مع الغرب ترانا ملينا بكل مكان مطلعين لنا مقارنه ارضوا بواقعكم

  9. ياساتر .. هذي وهم معلنين حالة كارثه واعاصير وحاله وشوفو التنظيم !! الله يحفظ ديرتنا من كل شر ..لو يعلنون حالة طوارئ وشبيسوون الشعب هنا ؟ بعيد الشر .

  10. هذا وهم بدون شرطه مرتبين عندنا شرطه ودنيا وبلاوي ماحد يعطي اثاني وجه لا بعد يبي يروووح يصدم الشرطي 😀

  11. المشكله عندنا الواحد يطلع من بطن أمه يعطيه أبوه موتر مافيه نظام عندنا الا بعد تطبيق نظام الغرامه على عدم حامل الرخصه اليوم الوطني قلبوه شغب بالشوارع ناقصين زحمة العيد والأسواق عشان تسون زحمه وهالمبزره كل واحد معه موتر .. ما صارت والله سياكل مهوب مواتر ويزاحمون وحدحده وهم طالعين يحتفلون مدري فاهمين الأحتفال غلط ولا أيش ؟؟! ليه تحد دامك طالع توسع صدرك وتنبسط ؟! أنطق ببيت أمك إذا ما عندك غرض ولا تزاحم خلق الله طالع من بيتهم عشان يرقص بنص الشارع وبالسياره ياخي حط ببيتكم ديسكو أن بغيت بس لا تسوي زحمه ! وخط الخدمه هذا محد يعترف فيه مره شفت لوحه أماراتيه واقف على خط الخدمه تعديته وأنا أقول الله يرحمه ههههههههههه متى اللي عندنا يحترمون النظام لو يطبق النظام عندنا ويرفعون غرامة عدم حامل الرخصه . وغرامه على مسك مسار الخدمه كان ما تشوفون هالزحمه اللي مالها آخر بس وين اللي يسمع ؟!! مشكور على الصوره مصرقع تحياتي 8)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

نظام في أصعب الظروف‏

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول