سلاااااااااااااااااام
موقف على الطاير … صار ليلة العيد — يموتون وأخليه دخله
اذا صار ليلة دخلة أبشرو بسعدكم … بس الى الحين
ما لقيت الأميرة الضائعه … دورت في أرجاء المعمورة بس دون جدوى .. كلهم ركبهم حمراء وعطراء وبيضاء تهبل
ما ودك الا تاكلها اكل …. مافيه وحده ركبها سود أبد
قبل لا أقص عليكم الموقف فيه شيئ يقرقع في قلبي وقاهرني ودي اتكلم عنه على أمل أن يتعدل الحال
ليلة العيد … كل تمساح لازم يحلق كشته ويحلق دقنه
وسبحان الله هالعالم ما يتحركون ويروحون للحلاق الا من وحده الليل وورا … ونفس الشيئ المقاضي قبل رمضان ما يتقضون الا اذا أعلنو رمضان … ونفس الشيئ عند الخياطين .. هالعالم ما يخيطون ثياب الا في العشر الأواخر
وباقي السنه فاضين … يتقهون شاهي ويقشمون فصفص
ويغازلون في التليفونات
وكله كوم … واذا أعلنو عندنا رمضان والا عيد كوم ثاني
تصدقون من هبال هالعالم … والزحمة اللي يسوونها
البث يروح من الجوال … وينا عايشين فيه
هل هو عيب فينا والا في اتصالتنا والا الثنين سوا ؟؟
شيئ يقهر من جد … لين متى وحنا سوحنجين– يعني سياحين
الموقف اللي صار ليلة العيد
قال لي واحد من الشباب ما حلقت ؟
قلت له لا والله … انا أحلق في البيت ما احلق عند الحلاق ابد
قال لي .. طيب شعرك ؟ قلت له بخلي أختي تحلقه
قال لي انا بروح أحلق … تعال معي وخل نحلق سوا ونرتاح ومنها اهلك يفتكون من دمجتك
قلت يله — وش حليله يوافق على طول
رحنا للحلاق حقه .. لقيناه زحمة موت … قلت خل نروح للحلاق حقي … يوم رحنا للحلاق حقي لقيناه زحمتين موتين
قال مالنا الا ندور يالسيارة لين نلقى حلاق فاضي …
قلت طيب — قايلكم ما يخالف ابد وش حليله
قعدنا ندور … ونسمع ام كلثوم … كانت ليلة بألف ليلة
كانت تغني … أغنيتها
اللي شفطو … قبل ما تشوفك عينيا … عمري ضايع
يييييحسبوه إزاااي عليااا
وفجأة … لقينا حلاق فااااااضي ما عنده أحد
قلنا بسسس … خل نوقف … وقفنا ونزلنا
لقينا ثلاث حلاقين هنود زي العسل
واحد أصلع من النص .. وواحد كشه من قدام وورا والجوانب مافيها شيئ … والثالث مدري وين راسه .. قعدت أتمقل فيه ادور راسه ما شفته .. يوم تكلم .. طالعت انا في رجليه
يوم دققت زين .. وأثره قصير مره
قلت لخويي أول مره اشوف رجلين فوقها راس
خويي قال والله انك صادق وين بطنه ورقبته
قلت له مدري عنه اخاف ان واحد من هذولي حالقهم له
جلسنا على الكراسي عشان نحلق …جاني واحد منهم وسألني
حلق صديق ؟؟
قلت لا أبي شاورما … وسمعت صوت دبجه قويه
يوم دفيت الحلاق بشوف وذا حسه؟…. لقيت خويي طايح من
على الكرسي من الضحك
المهم … بدو الشباب وكل واحد منهم ماسك مقص ويقصقص في الهواء بسرعه … يعني اننا حلاقين محترفين
همين سأل مره ثانيه … كيف يبغى حلق صديق ؟
قلت له مكينه نمره 2 يا بعد طوايفي … خل الشعر للبنات
قال يصص .. أكي … زيب ماكينه يا غولام
انا ادور غولام .. وأطالع في المرايه .. ماشفت احد
حسيت بشيئ يدبي على رجلي … قمت أرفس في الهواء وأصارخ صارور …ينعن ام الصارور … يوم ركزت
الا وهو غولام الحلاق القصير ينغزني بيعطيني المكينه
قلت له خير … نعم ,,, قال هازا ماكينه صديق
.. وجع انشاء الله .. وليش تعطيني ايها ؟؟ عطها هالحمار خله يشتغل .. انا وراي اجتماع مع وفد ملكات جمال جايين من جنيف بعد ساعه .. في غرفتي اذا نمت
إلتفت بلقي نظرة على خويي … وبشوف وشلون بيبدا الحلاقه؟
طبعا الحلاق … قبل لا يحلقك لازم يرش على شعرك ماء بعدين يبدا يحلق ويقصقص شعرك
الحلاق اللي عند خويي … لقط قارورة سفن أب كبيره مره ومليانه مويه … وشرب منها ..شرب .. شرب
همين فجأة وقف وخدوده منتفخه … وقرب عند راس خويي
وبخ عليه بخه يحبها قلبك هههههههههههههههههههههههه
يقاله يرش مويه عشان يبدا يحلق …
انا تعال دورني … بغيت اموت من الضحك هذاك اليوم
ربي ستر
زبدة الحتسي … اننا حلقنا وخلصنا
انا الحمدالله مدري وشلون زبطت القصه معي ( حالق مكينه وشلون ما تزبط أكيد بتزبط )
اما اخويي مسيكين قعد لابس طاقيته كل ايام العيد بسبة هالحلاق هههههههههههههههههههههههههه
على فكرة … انا شفت ترخيص المحل .. وأسم راعي المحل
لو أني قاريه قبل لا أحلق … كان والله لو يعطوني قروش ويقولن ادخل ما دخلت
دمتم لنا أخوانا وأحباباً
اخوكم … ابووليد
