موبايلي أسوأ اختياري


بسم الله الرحمن الرحيم
طبعا أقدم اعتذاري .. على طووول الموضوع … بس من حررة قلبي..
طبعا الموضوع ليس للتشهير او الاساءة لشئ او المقصود به شئ.. ولكن ماحصل لي..

موبايليأســــــــوأ إختـيـــــاري ..
موبايليعالم من الانحطاط في الخدمات ..

السلام عليكم ورحمة الله وبركاته …
أطيب تحية أقدمها للأخ / أبو نواف ..
وأعضاء المجموعة ..




أدخل في صلب الموضوع على طول .. كي لا أطيل عليكم ..
طبعا الموضوع بالعاميه ..
شعبي بزيادهـ…

أولا .. انا قاصد يكون عنوان الموضوع كذا من اللي شفته وعانيته من موظفي وإدارة شركة مهايطي .. أقصد موبايلي ..
لأن اللي حصل لي مستحيل ينسكت عليه ..
كان عندي رقم طلعته من موبايلي في تاريخ او بالاصح تأسيسه في تاريخ 26/11/2006م
واستخدمت الرقم في امان الله ولا في اي مشكلة و عميل منتظم بالسداد ووضعي اوكي وووو…
فجأة بعد مرور سنة كاملة تقريبا من الاستخدام الجيد..إلى تاريخ 05/09/2007م
 شغلت التلفون .. ((كانت الشريحة مقفلة)) , اتفاجأ بأنه لا توجد تغطية بالشبكة ..
يمين يسار طفيت الجهاز شغلته من جديد نفس السالفة وشوي واتفاجأ بأنه لم يتم تسجيل بطاقة SIM .
شئ حلو… صدفة واحد من الشباب يتصل على جوالي الثاني ويقول لي ليش تلفونك الموبايلي ملغي !!!!
قلت له شلون .. اتصلت على الرقم وصحيح ملغي ..
رحت للشركة وقلت لهم الموضوع كيت كيت كيت…
قال لي انتظر خذ لك رقم وانتظر دورك .. بكل بروود وشووفة نفس .. طبعا الاخ يحسب اني جاي اطلب صدقة ولا زكاة منه …
ولا من حلاله مادرى اني جاي اطالب بحق من حقوقي …
مو مشكلة عاااادي جداً ..
المهم .. خذيت ورقم وانتظرت الدور يوصل لي .. ويوم وصلت له قال لي والله اتأسف منك ياعزيزي تعال بكرى اليوم مافي احد ..
طيب ولا يهمك .. بكرى ..؟؟؟ بكرى ,,!!
رحت لهم من بكرى الصباح .. ودخلت ع الموظف ونفس الموال السابق .. النفس بالخشم .. وببرود اعصاب .. خذ لك رقم وانتظر دورك ..
طيب اذا كان الفرع مافيه الا انا بس .. ليش الرقم … ههههههههههههه شر البلية مايضحك ..
قابلني((فرع طريق الملك عبدالله)) الموظف الزمانات ..<=—–= هذا اسمه والنعم .. ما اتطنز .. بس اللي يخليني اكتب كذا طريقة تعامله مع المشتركين ..
بحسب انه مشرف الفترة الصباحيه ..
قلت له الموضوع من اوله لأخره .. قال لي بسيطه.. اعطيني من صورة البطاقة + اكتب لي موضوعك بالكامل على ورقة..
المهم … كتبت له كل شئ .. بعدين قال لي اوكي انا بارفعها للادارة المختصة وانت انتظر منهم اتصال ..
طيب ماتبون تشغلون لي رقمي .. قال لي لا كيف مانقدر.. اول شئ لازم الادارة ترد على مشكلتك
وبعدين من الاساس انت رقمك مو موجود ع النظام .. طايح .. طيب ..
متى تردون لي خبر.. تعال اليوم بالمساء واكيد فيه حل لك … قلت له اوكي ..
جيت لهم بالليل .. ونفس الموال السابق خذ لك رقم وووووو……الخ …
جا دوري .. وقابلت مشرف الفترة المسائيه .. و والله العظيم نفس كلام اللي بالصباح صورة البطاقة + موضوعك بالكامل ..
طيب يا اخي انا سويت هالشئ بالصباح ليش اعيده انت ما عندك خبر من زميلك الزمانات ؟؟؟
قال لي ايه اعطاني خبر بس املأ لي هالورقة .. عشان ندسم الموضوع ويهتمون وينتهي بسرعه ..
طيب مافي اي مشكلة طيب قال لي انكم بتحلون المشكلة بالمساء.. قال لي لا مافيه مدير الان .. طيب متى القاهـ ..
قال تعال بكرى الصباح بتلقاه .. قلت له اوكي .. ابشررر..
جيتهم بالصباح .. وقلت لهم ابي اقابل المدير..
الا رد علي الموظف بهالطريقة .. وليش تبي تقابله .. ماتقدر.. الا لما تمر على احد الموظفين هنا .. قلت له انا موضوعي مختلف ..
واكيد عنده خبر من زملائك بالفترة المسائيه ..
قال لي لا ياسيدي ماتقدر تمر عليه الا لما تشوف موظف هنا .. قابلت الاخ اللي كنت عنده امس .. الزمانات ..<=——= موضوعي طويل معاه ..
الا قال لي .. انت جيت .. كيف لا انتظر الين ما نكلمك … قلت له يا اخي انت قلت على امس المساء منتهي الموضوع .. وزملائك صرفوني الى اليوم عشان المدير ..
قال لي .. طيب انتظر رد المدير..
قلت له اوكي ..
جلست حوالي دقائق ..
ورحت جلست على كراسي الانتظار.. انتظر رد المدير .. الا قال لي انت مارحت .. قلت له على كلامك انتظر رد المدير ..
الا قال لي .. لالا … لا تقعد عندي .. مانقدر نخدمك الان .. لازم المدير يشوف الموضوع ..
قلت له طيب ابي اقابله .. قال لي على اي اساس .. خلاص علمناك وش الرد ..
قلت له طيب ابي اعرف وش السبب اللي يلغي رقمي بهالشكل …؟؟؟ وعلى اي اساس وبطلب مين ..؟؟؟؟
((((((((((النقاش بالقرب من كراسي الانتظار .. الا جا موظف وقال له في مرأة عند البوابه تبيك ..
والله العظيم سفهني .. ومشى بدون عن اذنك او او اي احترام او تقدير..)))))))))
 ناديته وقلت له اتوقع اني انا اكلمك …
قال لي وش تبي اسوي لك يعني ..خلاص انتظر ماتفهم ..
تركته ورقيت للدور العلوي اللي فيه مكتب المدير.. ولقيت كل المكاتب فاضيه …
وجاني السكيورتي .. وقال لي وش بغيت قلت له ابي المدير.. قال لي المدير.. مو موجود بالفترة المسائيه يجي …
طيب اوكي … باختصار .. جيت لهم بالليل..وقلت لهم ابي المدير قالوا لي المدير كان مداوم بالصباح مع الدوام الرسمي ..
وش هالطامة الكبرى ……؟؟؟؟؟؟؟؟؟؟؟؟؟؟؟؟؟
مدير مايدرون عنه الموظفين ..
(((افهم ياخي السالفه تصرررررررررررريف)))
ومن يومها.. وانا كل يوم .. في فرع لـ فرع .. ومن موظف الى موظف .. ومن ادارة الى ادارة ..
وكــــــــــــــــــــــل الموظفين اللي اقااااااااابلهم ..
صـــــورة + اكتب موضوعــــــك ..
طيب ماعندكم شئ غير هذا …..؟؟؟؟
ارسلت لهم ايميل ..+ رحت لجميع مكاتب الاشتراكات بالرياض ..+ اتصلت على موظفي الـ 1100 .. بجميع الاوقات..
رحت للادارات الداخليه للشركة .. الين حتى ادارة الموارد البشريه رحت لهم …
وكل واحد يصرفني للثاني…. طيب وش دخل الموارد البشريه …
انا اتوقع القسم المسؤول .. العنايه بالعملاء.. التسويق المبيعات ..
الطريف بالموضوع …..
قلت لموظف من الموظفين .. (( 1100 )) ..
طيب علمني كيف اوصل لمكتب
الاستاذ / خالد الكاف .. المدير التنفيذي للشركه ..
جاوبني.. وليش تروح له .. ماله اي علاقة بموضوعك ولا يقدر يحله لك ….
هههههههههههههه جميل جدا اذا كان المدير التنفيذي ماعنده استطاعه بحل موضوعي اجل مين يحله ..
شركة سيلي فون الهنديه ؟؟؟؟؟
وايضا حدث اخر .. اسئل موظف عن المدير.. قال لي المدير في اجتماع..
طيب ان كان احد زملائه قال لي موجود .. شلون صرفني …؟
ولا اللي قال لي ان المدير موجود ما كان عنده علم بالمصيبه اللي صايرة ؟؟؟؟


والى اليوم ما زالت المعاناة لإكتشاف اللغز تحت البحث (((( من طرفي انا بسسس))))
ولا موبايلي .. ماطقووو لي خبررر ولا ادارة ولا احد ..

طبعا ..
شكرر خــــــاص.. لمدير مكتب اشتراكات طريق الملك فهد ..
الاستاذ ماجد ..
وذلك لسبب واحد فقط .. انه اتصل علي لمدة اسبوع كل يوم يتصل ويستفسر ان كان صار شئ او لا..
اتصاله يكفي حتى لو ما قدر يسوي شئ .. بس انه اثبت لي اهتمامه بمشكلتي ..
وهو كمدير فرع انجز اللي عليه …

موبايلي
مهــــايطي والله مب موبايلي…
طبعا .. عندي ما يثبت ان الرقم خاص فيني انا ..
استمارة التعبئة الخاصه بالاصدار ..
فواتير..


واروع شئ بالسالفه كلها ….
اخررر رد قالوه لي اني انا طلبت الغاء الرقم عن طريق الموقع الالكتروني……..
شلون انا طلبت الالغاء عن طريق الموقع.. طيب اذا كان انا طلبت عدم تنفيذ اي خدمة الا في حال حضوري لمكتب الاشتراكات ….؟؟؟
قلت لهم كييييييييييييف صار كذا ….
 طبعا رد علي بأنهم ما يدرون …

أين المصداقيه ….؟
أين المحافظة على العملاء ؟؟؟
أين الثقه المتبادلة من الشركة لمشتركيها ؟؟؟؟؟
موباااااايلي .. عالم من الهياط والنصب …
نارك يا الاتصالات ولا جنة موبايلي…
ع الاقل عندهم حفظ للحقوق..
تعامل بشفااافيه ..ووضوووووح..

اتمنى من المسئولين من خلال هالقروب .. انهم ينظروون لحل للمشكلة ..
خاصة اني تعبت من كثر ما ازور مكاتب الاشتراكات اللي ما القى فيها اي حل ..
بالاضافة الى موظفي الخدمة 1100
اللي يصرفووني لمكتب الاشتراكات ..
للادارات اللي مادري وش تبي بالضبط ..
بصراحة عجزت ….
من تاريخ 05/09/2007 الى تاريخ 10/01/2008م
وقت كافي للتسحيب على الوجه وانا اقول طيب.. وساكت صح ؟

وفي حال اي شئ …. تقدرروون تراسلوني على الايميل ,,,
وانا على استعداد لاعطائكم جميع الاثبتات.. والاوراق المطلووبه .. وحضووري شخصيا..
بس اوصل لشخص يقدر يساعدني….
مرفق الصور.. اللي عليها بيانات استخراج الشريحة+فاتورة من الفواتير.. وهي الفاتورة الاخيرة اللي وصلتني منهم..
اعتذر عن عدم وضووحها بكاميرا الجوال :s

ارجوا نشرها .. وذلك في حال لم يتم حل الموضوع .. من يقع بنفس مشكلتي.. ينسى انه يكون فيه حل لها ..
والسلام عليكم ورحمة الله وبركاته ….
سبحانك اللهم وبحمدك ، أشهد أن لا إله إلا أنت أستغفرك وأتوب إليك


تعليقات 26

  1. يأخي الكريم اذا كان لك حق لاتكن ليناً في اخذه بل ارفع موضوعك الى اعلى المستويات حتى لو تصل الى الوزير

  2. شايفين هذي موبايلي اللي امتحنتونا بها و بعدين هذي المشكلة منشرة بكثرة في موبايلي و اعتقد نشرت مشكلة قريبه من هذي المشكلة في هذا القروب انا أقول لو انك يا اخي الكريم عميل لشركة الاتصالات السعودية ما حصلت لك هذي المشكلة و لو طلعت رقم مستحيل أحد ياخذ رقمك زي ما يحصل في موبايلي لو انه فوق القانون مو شخص عادي زي ما يحصل في موبايلي لا و أزيدكم من الشعر بيت فيه ناس يطلعون فواتير عملاء و يزعجونهم و يزعجون اللي يكلمهم العميل و نشر هذا الخير في احدى الجرايد فضايح يا موبايي فضايح

  3. شكل الرقم مميز ويمكن واحد من موظفي الشركة اراد يزبط وضعه فقالو بيمونون عليك والله يعوضك خير لكن شوري عليك مثل هولاء والله مايسمحونك في هلله فمن رايي عليك انك تذهب بمستنداتك الى المحكمة وتوقف لهم صح وشكرا

  4. يا سيدي الكريم انا تعرضت لنفس الشئ والعن لكن اطرق باب الصحف ولا تيئس لانهم شركة زبالة وانتو بكرامة .

  5. والله سالفه قلنا جاك الفرج لا والله ردد ياليل مطولك والله ولد عمي طلع جوال من موبايلي اليوم الثاني فصلوه قالو حدث بيانات من الفرع سلامات أمس مطلعه كيف حدث بيانات هههههههههه والله و أنا أخوك صدق المثل الي يقول خلك على قردك لا يجيك الي أقرد منه هههههههههه أخوي لك مني أسحب صوره من هذي المشكله ورسله فاكس على الأتحاد للأتصالات في الأمارات

  6. اولا وقبل كل شي اقوول: اللهم لا تسلط علينا من لا يخافك فينا ولا يرحمنا. فعلا خدمات موبايلي من سيء الى اسواء. والضحية دايما هو العميل. حصل لي موقفين مع موبايلي. الاول: في فتره من الفترات صارت شريحة موبايلي اللي معي ما تستقبل شبكة ورحت للفرع وقابلت موظف هناك(له مني كل الشكر والتقدير على تعاملة المهذب والاخلاق العالية) وشرحت له المشكلة، المهم طلب مني رقم الشريحة ورقم السجل المدني علشان يشوف المشكلة على السستم عنده، بعد ما شاف بياناتي على الجهاز قال : عفوا اخوي بس اي رقم تقول ان المشكله فيه؟ قلت: شلون اي رقم؟ ماعندي الا رقم واحد!! قال لا عفوا اخوي انت عندك تسعة ارقام مسجلة بأسمك على الجهاز عندي؟ من الذهوول صحت بصوت عااالي (الله.. تسعة ارقام) حتى اللي بالصاله صاروا يناظرون. عاد شلون صارت هالارقام باسمي وبنفس رقم السجل المدني بصرراحه مدرري. قال ما تذكر منا والا منا انك اخذت ارقام بأسمك؟ قلت ابدا ما صار ولا حصل. قال الموظف بصراحة الموضوع ما ينسكت عنه وافضل انك ترااجع الفرع الرئيسي وقال لي قبل امشي (خلك على الاتصالات السعوودية ابرك لك) وربي هذي كلمة موظف بموبايلي. رحت للفرع ورفعت شكوى على اللي صار معي اطلب فيها ايضاح شلون تسعة ارقام مسجله باسمي ولا اعرف عنها شي، والى الحين من ثلاث شهوور وهم يماطلوون معي، كل مره اتصل واستفسر يقولون الموضوع باقي قيد الدراسة ومره قيد المراجعة. الموقف الثاني : مره اتصلت على 1100 ابغى استفسر عن بعض الخدمات، بعد 45 دقيقة وانا استمع للرد الآلي حتى اني صرت وقتها من طول الوقت اردد وراه اللي يقووله من الطفش، رد علي الموظف المحترم وقلت له على طوول بدوون مقدمات: الحين ما تشوف ان عميل ينلطع اكثر 45 دقيقه وهو بس يبي يستفسر عن خدمات انها تخليه يفكر يلغي اشتراكه مع موبايلي (مع انها لا قامت ولا قعدت عند موبايلي اني الغي الشريحه). كان رده علي بمنتهى البرود وعدم اهتمام او الشعور انه قاعد يرد على عميل، بحيث انه قال لي: والله شوف احنا نرد بسررعه على العملاء اللي يصرفون اكثر او يتصلون بكثرة لكن العملاء اللي صرفيتهم اقل الله يعينهم ينتظرون. تجمد الدم بعروقي يوم قال هالرد، وقلت هالرد ترا يمثل الشركة اللي انت تشتغل فيها، قال لا انا اعلمك الصحيح. قلت شكراً على هالمعلوومه اللي ممكن بس تقوولها لخويك الموظف اللي قاعد جنبك مو تقوولها لعميل. وطلبت منه يحولني على المشرف وبعد تعب وملاسنه بالكلام حولني على المشرف اللي بدووره قال اسفين على الكلام اللي قاله الموظف وبعدها وقفل الخط …………… بصراااحه في راااسي كلام كثير ودي اقووله عن االي قلته فووق لكن المجال ما يسمح واسف على الاطالة لكن من باب التوضيح حبيت اكتب اللي صار معي. دمتم بود

  7. أبشر بعزك ياخوي انا ارسلت موضوعك الى مهندس كهربائي منتقل حديثا من شركة الكهرباء الى موبايلي وان شاءالله يقدر يخدمك على فكرة انس فكرة انك تروح لخالد الكاف مابيده شيء

  8. اول شي الله يعينك ويفرج كربتك ونصيحتي لك رح الجوال بكره (الاتصالات) وطلعلك رقم منهم وحدد لك 4 ارقام خدمت اهل واصدقاء (بتحصل خصم 20%) وجوال 45 اذا كنت راعي مكالمات وكل شي لك محفوظ بعد حفظ الله بلا كلام موبايلي الفاضي تخفيض ما تخفيض والله انها اغلبها خداع وخلوووونا واقعييين الاتصالات السعوديه والله ثم والله انها رائعه جدا جدا في الجوال لكن سيئه في الثابت

  9. السلام عليكم ورحمه الله وبركاته ……………………………… يا اخي العزيز اذا انت منتب مرتاح غيرك مرتاح بهالشركه طبعا مافي شركه ما تخلووو من العيووب وانت المشكله اللي انت فيهااا هذي ان الرقم خارج الشبكه بالنظام عند موبايلي احد امرين .. يا انك الغيت الرقم .. ولك حق تشووف اي ايصال او كشف بالنظام تاريخ الغاءك الرقم وبأي طريقه يتضح بالنظام التاريخ والوقت وبواسطه من .. يعني الموظف اذا انت تقوول لا مو انا اللي لغيت الرقم يستجوب الموظف وتراجع الاوراااق ويبااان الصدق الامر الثاني اللي يخرج الرقم عن النظااام هو عدم تسديد الفواتيرررر اكثر من ستة اشهرر الرسم الشهري يتوقف بعد ثلاث اشهر ما يحسب على المشترك.. وبعدها بثلاث اشهر يخرج من الشبكه ( علشان ما يضيق على موبايلي ما تدفع رسوم وتبي تقعد بالشبكه والله مشكله ) واعادهـ الخدمه انا بشكل يومي ارفع اكثر من طلب لاعاده الخدمه وينتظر العميل اسبوع علشان يرجع الخط .. الشركات الاخرى يقعد الرقم باسمك وموجود بالنظام بس يحسب عليكــ موبايلي تفضل ان تسحب الرقم من الشبكه على اخذ من العميل رسوووم شهريه .. علشان اذا هونت تبي ترجع لموبايلي لظرف ما يصير عليك مبلغ قليل. ولولا اختلاف الآراء لبارت السلع كل واحد ينام على الجنب اللي يريحه وماله داعي الحتسي الزايد..

  10. مرحباا أخوي .. أولا الله يعينك عليهم لأن صار السالفه مع ولد عمي وقعد يماطل فيهم سنه وبالاخير ماسوو له شي .. ونصيحه لاتخلي حقك وترى مكاتب الاشتراكات ما يقدرون يسوون لك شي ولا حتى 1100 يقدرون يسوون .. وحاول توصل لأكبر واحد فيهم وتعرض عليه مشكلتك .. ((حـافظ على هدوءك وانت تراجعهم)) ألف شـكر ..

  11. مسكين انت ياسلطان وش تقول عن الي يطالب موبايلي تعويض في الخدمة والمال عشان الثري جي الي فضحونا عليها يقولي الموضف بنحل المشكلة خلال اسبوع وما انحلت صارلها شهر تقريبا قلت لهم بكون معكم في كل مكان تحتاجوني لو حتى مع الفنين عشان اوريهم اماكن الضعف في الشبكة لاكن الين الحين لا اتصال ولا سؤال ولا حيات لمن تنادي الله يعينك ويعينا معك اخوكم في الله دبدووب

  12. وعليكم السلام….. انا اتمنى يردون الرقم لك …بس مااتوقع رقمي الى حتى الان مافكروا يدرونه ولا حياة لمن تنادي….!!! الظاهر هم يبون منااا نشتري شريحه (( رقم جديد)) كل شهر….!!! تعبت اخوي معي … رايح راد … رايح راد…. احس الموضوع مايحتاج له كل هاالف والدورن عميل عندك … ومسجل بياناته ….. ليه فيه صعوبه مبالغ فيه عشان اطلع لي بدل فاقد …. في حال انسرقة الشريحه … او صار الرقم مقفله لفتره …. والاتصالات ..(( مااردى من ذا الا ذا ))….!! عقبال مايفتحون عندنا شركه جديده بس…!!! بلا اتصالات بلا موبايلي….كل واحد اردى من الثاني…!!!! الله يعينك….ماودي احطمك …(( بس انسى رقمك))<< بتحرقص الشركه يمكن يرجعونه لك....اههههههههههه

  13. عزيزي رغم شكي في مصداقية الموضوع ولكن اذا كان لك حق وترغب بأن تحصل عليه بشكل سريع جداً جداً قدم شكواك لهيئة الاتصالات وسوف تأخذ حقك .

  14. عااااااااااادي جداااا وتوقع من هالشركة الأكثر وأكبر كذبه منهم الكونكت اللي الأغلبيه انغشت فيه … وللأسف انني وحده من اللي أكلوا المقلب … وصار الديل اب اسرع منه واوفر منه حسبي الله ونعم الوكييييل فيهم وين هيئة الأتصالاات عنهم المفروض توقفهم عند حدهم وماتخليهم يعطون اعلانات مغريه وكااااااااااااذبه كاذبه يا موبايلي

  15. هههههه هذا غير خدمة الانترنت البايخه اللي يقدمونها .. ثلاث ارباع الشهر تشتغل بالقطاره واسبوع تمشي حالك فيه .. لا والمضحك يقولون لك الابراج ماتستوعب المشتركين لوول .. اذا الابراج ماتستوعب اجل ليش طاقين الصدر ومسوين ابضايات وانكم سويتوا معجزه.. صدق زيد اخو هلال مافي فرق بينهم وبين الاتصالات هدفهم ( من ياخذ من جيب العميل اكثر) مااالت بس .. بمد لي سلك من اتصالات اجنبيه اوفر واحسن هههه يعطيك العافيه ماقصرت 🙂 والله يعينك

  16. هذاعبارة عن سوء تنظيم اما في الادارة والهيكل الوظيفي في توزيع المهام عزيزي اذا تبغى تدخل على مدير تعال مكشخ وشي نفسك انك كل يوم تسهرمعاه في الاستراحة ولا موظف له الحق يمنعك وقلهم ابغى اقابل المدير وسوي ان خشم ضارب في السما وادخل على المدير واعطيه كلام من اللي يسم البدن في الشركة اذا رجعلك حقك اي رقمك حوله على الاتصالات وتسيرلا بنفس الرقم بس على الاتصالات وانتبه من mtc لاتغلط نفس الغلط تقبل مروري

  17. يا اخي الكريم ….دام اوراقك موجوده ….تكفى لا تسكت …..انشب لهم ….وكل لك محامي … ياخذ حقك منهم … يا اخي البلد فيه نظام ….وذولا على كيفهم يحسبون البلد … طالبهم بتعويض ..وافضحهم في المنتديات و الصحافة …شهر بهم …………….ترا القهر ..ان الناس ما خذين عنهم فكره زينه …وهم من اسوأ الشركات اللي تعاملت معها …يا زين الاتصالات يا ابن الحلال …

  18. السلام عليكم ورحمة الله وبركاته … اخوي الفاضل اذا انت فعلا موظف بالشركة يا عزيزي اذا الجنب اللي يريحني .. انا اعرف وش اللي بأسويه.. بس يالغالي تقدر تاخذ رقم الطلب… وتشووفه على نظامكم اذا اشتغل مثل العالم والناس .. لأنه اغلب وقته داووووون .. وهذي مو مرة ولا مرتين شفتها … دايم في كل مرة ازور فرعكم الموقرر تحصل هالمشكلة اني اجلس اسولف مع زميلك الين ما يشتغل سيستمكم .. الرايق .. ع العموم ماحطيت لك رقم طلب و فاتورة ووو الا انا واثق من اللي اسويه وعلى فكرة … انا اوضح للناس اللي يخفى عنهم عن شركتكم الموقرة اللي تحافظ على مشتركيها .. وان كان على السدادات ارجع اقوول شووف السيستم تبعكم وتعرف كم سدادااااااااتي….. اما اذا كان عن الرقم كيف سقط من النظام كيف الموظف الغى الرقم بدون ذكر اي اسباب .. وان كان اسقطه النظام لعدم انتظامي بالفواتير .. شلون وافق موظف الفرع يغير الباقة من الصفوة الى خطي PLUS … بدون ما اسدد الفاتورة ….. الموضوع فيه تلاعب واستهتااار من موظفيكم.. على حل شعرهم .. وعموما انا توني عرفت اليوم من احد الزملاء ان الرقم يحق لي اطالب فيه وانا راح ارسل شكوى على هيئة الاتصالات السعوديه وفوق هذا راح اطالب بتعويض عن كل شئ… انت يالموظف ياللي تدافع عن موبايلي .. بأسئلك وابي انت تجاوبني لو سمحت.. كيف الغوو شركتكم رقم عني .. ولا قالوا لي اسدد المستحقات اللي عليه …؟؟؟ تحياتي .. لك وصندوق البريد مسجل ارسلو لي صورة من الفاتورة .. TNX…

  19. وربي شي يقهر ياخوي من جد انا ارسلت هذا الايميل لاكثر من 100 واحد هههه عشان يحذرون هذي الشركه غير كذا ارسلته لاكثر من ايميل داخل شركة موبايلي مع بعض الكلمات القاسيه ونوع من الذل بتوجه لشركه ثانيه ومثل ما قالو الشباب لا تخلي حقك وربي لو على قص الرقاب رح لكل مكان وزعجهم ازعاج وكتب موضوعك في الجرايد ومافيه حق يضيع وراه مطالب

  20. والله ثم والله ثم والله أني احس بمعاناتك لأنه حصل لي كذا موقف مع الشركه البايخه هاذي ماأخس من قديد إلا عسفان إن كان الإتصالات ولاموبايلي ، على طاري شوفة نفس الموظف حدث ولاحرج حصلت لي كثير منهم لأنه مافي لارقيب ولاشي وتلقى مديرهم أخس منهم ، سلمولي على فرع شارع الأندلس الي بجده وفرع التحلية وفرع الكوبري المربع أقسم بالله موظفين فيهم شوفة نفس تقول جاي تشحذ منهم ولاجاي تآخذ منه زكاة، ماأقول إلا الله يوقف حالكم ياموبايلي أنتم وموظفينكم إلي ماعندهم ماعند جدتي ، أكثر موظفين يعجبوني موظفين الخطوط السعوديه من جد عنده العميل شي كبير ، وموبايلي كوكنت حدث ولاحرج ساعه الخط سريع 23 ساعه زي وجيه موظفينهم الي أعلبهم مركبين تقاويم

  21. اصحاب العقول في راحة … أنت وين والناس وين على شأن جوال مسوي سالفه . انا ماادافع عن الشركات كلهم اردى من بعض ولكن عندك مشكلة رح قابل المدير ومستحيل كل هالفتره ماقدرت تقابل مدير ؟؟

  22. لاحول ولا قوة اله بالله ..مواقف متكرره .. اخطاء ..معتاده ؟..كان الله بعون الجميع ..

  23. انا حصلت لي نفس المشكلة عندي 4 ارقام موبايلي بإسمي واحد منهم انفصل ولما رحت لفرع التحلية قالي الموظف لازم تحدث بياناتك علشان نرجع لك الخدمة . قلت له وين أحدث بياناتي قال بفرع الملك فهد بس ياريت تروح بدري . وأنصحك تغير رقمك وخذ لك شريحة ثانية عندنا عروض حلوة . طلعت من الدوامة هذه وريحت راسي وغيرت الرقم كله لأني عارف المعاملات الروتينية القاتلة . بس ما دخلت بهذه الدوامة .

  24. كان الله في عونك يا أخي ولننتظر لنرى الرد من السيد الكاف اذا كان لايزال حيا . وتسمع اذ ناديت حيا ولكن ………….لمن تنادي

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

موبايلي أسوأ اختياري

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول