مواقف مضحكه وغريبه


هلا وغلا بأحلى قروب طبعاً اللي هو قروب أبو نواف المميز

مرااااااااحب فيكم حبيت اتكلم عن مواقف صارت لي مع واحد من الأعضاء طبعاً أنا وهو دائماً
مع بعض في غالبية اليوم .. والمشكلة إذا تجمعنا تعال شوف .. عموما ما أطول عليكم ..


اعلان






هذي أول مره نروح لمقهى انترنت لأن قبل مانعرف النت خير شر قلنا يلا هذا محل في شهار في الطائف طبعاً يلا نروح له وذاك المحل تشوفه تقول اللي موجودين فيه عباقره وانا وخويي ماندري وين الله حاطنا .. المهم وقفنا بعد المحل بـ 50م علشان مانبي ندخل على طول من بعيد لبعيد أول شى نمر من جنب المحل يعني نتطقس الأجواء .. حركات المهم مرينا من جنب المحل لقينا المحل ابيض في ابيض قلنا هذي ثلاجة موتى شكلها يخوف .. قال هو لا ومن زين أشكالنا جايين من دون دسكات ولا أوراق خلق الله داخلي بأوراق ودسكات واحنا ماحولك أحد .. قلت يابن الحلال ادخل بس .. طبعاً علشان اجريه ، دخلت انا عبالي هو وراي اثاريني لوحدي والمفترض هو اللي يتكلم مو انا . المهم قال المسؤل في المحل هلا والله حياك الله التفت وراي ادور خويي ايووووووه لقيت نفسي لوحدي .. أنا ضعت قال حياك الله أي خدمة اشرت بيدي على براء اقصد خويي .. ابي اتكلم مافي اي كلمة والله أحاول كأني اخرص . على طول ضحكت كذا فطست ضحك خويي بعدين دخل ووقف جنبي وانا أضحك المسؤول قال أي خدمة طبعاً المسؤول شك في نفسي .. عبالي اضحك عليه المشكلة اضحك واشر عليه لأني ابي اتكلم مافي اي كلمة تخرج .. وفي وسط الضحك قلت سلام عليكم .. وكملت ضحكتي .. هههههه .. لأني نسيت أقول سلام في البداية صاحب المحل وجه أحمر ومعاه سبحه وجالس يعد فيها والناس اللي في المحل كلهم صارو يناظرن فينا .. المهم صاحبي جرني مع قلفتي وقال للمسؤول معليش غلطانين وصاحبي اصلا فاطس ضحك معاي .. وشوف اشكالنا خلاااااااااص طلعت براء المحل وجري على السيارة وانا فاطس ضحك .. والمسؤول طلع مع الباب يناظر فينا .. طبعاً مستشفى شهار حق المجانيين جنبنا أنا قلت شكله قال ذولا هاربين منه .. wacko.gif . ..


ومره رحنا للمزرعة عندنا مزرعة في السيل فيها ابل وفي العصرية بسطنا الفرش وجلست انا ازين الكميرة علشان نتصور خويي راح للإبل يشوفها شلون تأكل لأنه يبي يتأمل على قولته .. المهم وقف عند الإبل متجمعه على حوض فيه برسيم .. وحده من النياق .. رفعت راسها وناظرت فيه بنظره غريبه .. mellow.gif واستمر في النظر وهو فاتح فمه مو مصدق ohmy.gif المهم الناقه تقدمة له خطوه خفيفه خطوه اسرع اسرع وخويي رجع شوي شوي .. المهم بعدين جرت بسرعة جهته وهو ماتشوف إلا خباره w00t.gif ويصارخ يافلان الحقنيييييييي هههههههه وانا فاطس ضحك عليه .. وأخذ هو والناقه ذي لفتين على الشبك .. وهي تقول معجبه وهو بطوله تقول كأني اشوفه الحين .هههههههه .. وبعد اسبوع والله والله العظيم عقب اسبوع رجعنا للمزرعة ونفس الناقة لحقتها ونفس النظره mellow.gif وهو مو مصدق ohmy.gif وغباره .. بس القهر الكميره وقتها مازيد جهزته .. هههههههههههههه وإلا كان وش تقولون ..


المره هذي خويي لوحده بس يحكي لي القصة هذي .. يقول دخلت محل وأخذت منه أغراض ونسيت أحاسب ورجعت إلى أساس احاسب طبعاً هو خرج من المحل ويبي يرجع يحاسب .. وفيه حرمه واقفه على الباب ph34r.gif إنتظرها تدخل تطلع مافي فائده من هنا من هنا برضه في مكانها .. المهم اخونا ضايق على نفسه ودخل من الباب واحتك بالحرمه dry.gif وتعال شوف الحرمة .. mad.gif قافلة معها وهو متورط يبي يحاسب .. الحرمه صارت تقوله ياحيوان ياقليل الأدب وهو مع كل سبه راسه wub.gif يهتز كأن واحد يدفه المهم بس هو حاسب ومع الباب ..


وفيه الكثير من المواقف بس مابي اطول عليكم .. والظاهر اني طولت .. بس العذر wub.gif


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

مواقف مضحكه وغريبه

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول