من كل بستانن قحشة – سواليف + صور + كاريكاتير + صوت


بسم الله الرحمن الرحيم
السلام عليكم ورحمة لله وبركاته

أكتب لكم هالموضوع وأنا لابسن أربع فنايل ثقيلة جداً وشال وقبع على راسي ولا طلع من جسمي إلا خشمي
وأصابع يديني ، ولي أسبوعين ماطلعت من الشقة حتى إني بديت أشك إني أنتمي لفصيلة النمل الشقيقة ،وأنا أوجه نداء لكل سكان
كوكب المملكة العربية السعودية << دايم يسقط بالجغرافيا
أوجه لهم نداء وأقول : (الله الله بالتدحمل) ولا تخلون لبسة بالبيت إلا وتلبسونها ، لين تصيرون
مثل هالأشهب ذا :

أخي الأشهب .. خل عنك التميلح والبس وتدف لاتروح فيها و لأنشب الشاحن بجبهتك ، وتسانك
تبي الدفا صدز فعليك بالمقادير التالية :
فنيلة قطن نص كم
عدد اثنين فنيلة قطن ثقيل كم طويل
سروال بجامة
سروالين واحد طويل وواحد قصير قماش
ثوب قماش كشميري وتسانك تبي ثوبين يصير أحسن
شرابين وكندرة الله يكرمكم
شماغ البسام البصمة السابعة
بشت (وبر) ثقيل
البس كل هالثياب ولا تنسى تطق اللطمة وبعدين لا تسأل عن درجة الحرارة ، صدقوني مجربة أنا أعرف
اثنين كشتوا بالقطب الشمالي ونصحتهم يلبسون هالثياب ويتلطمون راحوا
للقطب ولا حسوا بالبرد أبد مع
إن درجة الحرارة كانت 70 تحت الصفر .
8




8

8
لأنهم ماتوا .

إإإإإييييييييه يالأيام .. تصدقون ياجماعة الخير إن عندي مواضيع وأشياء ودي أكتبها لكن لي
كم أسبوع متنك ومخي مقفل وإذا جيت أفكر أسمع أصوات براسي ، الله أعلم إني أتمدد بالحرارة وأتقلص
بالبرودة حتى إن رجلي اليسرى تقل قاصرة شوي .. الله يستر بس << بدا يوسوس الخبل
ماتخبرون لي مدرس علوم يجي يفحصن ؟
يا إخوان أنا على إني أذكى واحد بالعالم إلا إن فيه سؤالين عجزت ألقى
لهن إجابة .. فكرت وفكرت وفكرت لين مخي تسحك من
كثر التفكير بس عجزت لا ألقى الإجابة ، وأتوقع
إن مافيه أحد يقدر يجاوب على هالسؤالين :
السؤال الأولى :
أين ينتهي الكون ؟
السؤال الثاني :
ليه القناة الأولى تطلع أخبار ونتايج هوكي الجليد بالأخبار الرياضية ؟

أنا ودي أفقش مخ المسؤول عن الأخبار الرياضية وأشوف ليه يجيب أخبار هوكي الجليد

8

8

8
اشعط وجهي بسكين مقص أظافر إذا مالأخبار بكبرها مسروقة

عزيزي القارئ .. بعدياً عن البربسة وكثر الحتسي خلنا ندخل بموضوعنا ، أنا اليوم جايب لكم
من كل بستانن قحشة ، فهلم معي عزيزي القارئ نبربس سوياً في موضوع خفيف وعلى الطاير .

****
صوت:
قلت لكم قبل مدة إن أشين شي إنك تصير زين ومشهور مثلي << أقول انقلع بس
د. جنط السفينة في الهند
ارعص بذا
75 ك ب
****
كاريكاتيرات :
-1-

نقبع يعني نصدم
-2-

-3-

-4-

جوال البصمة أول جوال نوكيا شكله مثل الريموت وفيه أنتل كبر برج الاتصالات
-5-

****
صور :
ملاحظة : كل الصور من تصويري شخصياً .

-1-

إييييييييييه يالأيام تذكرون يوم كانت درجة الحرارة تسذا
-2-

يجيه شد عظلي
-3-

أقدم وأطلق علك بتاريخ الأمة البشرية << مايعرف يبالغ
-4-

-5-

160 ميقا
قسم بالله إن السرعة حقيقية ومجربها على جهازي


الله يخفس بشركة الاحكارات الي معيشتنا بتخلف تقني

ثمانية ميقا بثانية وحدة

-6-

العبري
فاكهة الشهبان

-7-

 


هذي أعصقل بيت بالعالم << والله من شين الأسلوب
الغرفة ذي بمكة الله يشرفها بانيها واحد فوق السطح
الظاهر إنه ينام وهو واقف مثل الديناصور << قلة التشبيهات
لايفوتكم السلم بس
-8-

تذكرون بطارخ رفيدزنا الي في القروب ؟
شوفوا وش صار بعد ماتعرف على تايلنديين
-9-

طيب وش الحشوة ؟
أتوقع اسفنج
-10-

أما لو تقابل هالشلة بشارع مظلم الساعة وحدة بالليل
شف عيون البرتقالي ذا وتدري إنك بتروح مقلقل
-11-


بدري عليكم
-12-


 

أبشر طال عمرك

-13-


الله يهديهم الاتحاد الأسباني أحرجوني قدام الناس
قايل لكم ياشين الشهرة بس
8
8
واحد يهفه بأقرب شاحن
-14-

طيب وين راح الحشيش الأصلي ؟
أكيد أخذتوا الزيت بعدين رميتوه بالزبالة
-15-

أخق مع الإغراء
-16-

سوني وإلا إل جي ؟
حددوا موقفكم
-17-


وش السالفة ؟
وش عنده أبو بكس ؟

-18-

ناس ماتستحي
لا ومستانسين

-19-

خلاص انتهى الموضوع
دمتم بأحلى ابتسامة
أحسن واحد بالعلم
د. جنط السفينة


تعليقات 25

  1. ياخي انا راده امس بالليل بس مدري وين انا راده فيه الله يستر بديت اشك بروحي ههههههه ياطختورنا الموقر.. قسمن انك اسحن واحد *_*

  2. ياجنط البرد اول شي مابوه برد هالايام عندنا بالعكس صيفنا خخ تالي شي الاسئله اللي انت سالتها تدل انك من متابعين قناه السعوديه وانا اشجع بك حب الوطن ومتابعه ماهو جديد ………ميته ضحك جد بالنسبه لكاركتير اللي راسمه هل هو فعلا قريب من الواقع يعني الصور طبق الاصل…….. الصور تموتن من الضحك جد قعدت ازحك وازحك لين مادمعت عيوني بالنسبه لعلك اللي مورين صورته قبل لمن كنا صغار اذكر انا ناخذوه ونحط شويه مويه ونلصقوه على يدنا وتطلع صوره وحنا مير مستانسين والا العبري لمن يجيك كبير تاكلو كنك ماكل فقع بالنسبه لحلو يات انا اموتن بالسنكرس…………. بالنسبه لجنت بالانقليزي قعدت افكر ساعه وش تقصد بعدين انتبهت انك تقصد جنط الله يرجك رجا مبرحا شكرا عالموضوع الحلو

  3. الصحيح اني كنت متضايقه حيل بس دايم مواضيعك تفرحني واغير جو معاها تسلم يالغالي وعسانا ما ننحرم منك ولا من خفت دمك وشكرا

  4. أشكــــــــرك بعنف لأنك ونستني وأنا ضايقه.. كسر خاااطري المصعد اللي معه شد عضلي.. أدعو له من كل قلبي أن الله يشفييه..هههه

  5. د/ جنـــط السفينة <<-- شراعية أو على الزيت؟! ،،،،، يالله حيـــوهـ ومرحبن بعودة عصويــد // \\ // \\ وش هالزين وش هالحلآ بعدين مع وجـ هـ ـك الزين حاطن لنا هوكي الجليد <<-- وشلون كتبته؟!! بلا والله ما عندهم آخبآر ؛ على الآقل احسن من يصكون القناة ويطون لنا[غنوة] --:::-- يا ويلك من [بطآرخ] أنآ من اسمه أخــآف وشلون عآد هالحين فضحته بالمعلبات بعذرهـ يــآخي ؛ طــآح سوقه هالأيـــآم بعد ما وقفت الأفلآم هاليومين !! --:::-- اما كاريكاتير السوآقــة حرآم عليك والله انهم املح من تسذا أتكلم عن جلوكوز ويــآبــ ع ــدهـم ... وإلا إنت وراعي [البرحة] هين متأكدين إنكم شيـــون ما يبي لها كلآم <<-- بوسة على رآسك قبل لا يجين كف!

  6. كل شي زين والله يعطيك العافيه والى الامـــــــــــــــــــــام

  7. من جد ما شالله عليك ماخليت شي 🙂 عاد الصوت الله ياخذ بليسك يالله استوعبت وش يقول ما اسمع الا خاخاخا مدري هاهاها نحتريك 🙂

  8. مرحباا مرحباا قبل كل شيء والله ان مواضيعك له وحشة وازين ما سويت بالموضوع ان صورتي بالكاريكاتير حلووة يعني اطخم خخخخخخ والله مدري وش اعلق عليه اعلق على السوالف < <السوالف طعمها واياك غير انا لاشفتك احس اني بخير >>انطرب والا على الصور اللى كل وحده تقول ابعدي انا ازين منك وفي الختام ما اقول الا الله يزوجك ويوسع صدرك على الموضوع الحلوو اللى يخلي المهموم من الدراسة ينسى همه وكدره عوافي اخووي وننتظر جديدك المتألق

  9. السلام عليكم يالربع والربعات قسم بالله ياجنط انك خطييييييييير بالله من متى تجمع لها الموضوع صدز انك احسن واحد بالعالم الله يعطيك العافيه ويسعدك مثل مااسعدتناا واضحك الله سنك المقلووع ههههههههههههههه دمت بخير

  10. الله يرجك مصارينك ياربي مت ضحك حتى امي شكت الله يجزاه خير جت تشيك اما اغراءات الشقلاطات شئ ثاني الله يهديك يقالني مسويتن دايت الحين ! بخربها بس وعلى قولة امي حصة تقول السمنة غدتن بالجسم ههههههههههه اما العلك ياحبي له بس ( قلب منفضخ) =>> على الطاري اذكر اخواني يسمونه اسمن شين 😀 والشامبو العنابي مايمديني هههههههههههه تسلم صراحة كنت طفشانة وتعبيتي نفسانة وتسني اسفهليت الحين الله يوسع صدوركم بالعافية

  11. قال تعالى : و لا تنابزوا بالألقاب اسمه أبو بكر الصديق ، ما الضير في ذلك ؟ سمي باسم الصحابي الجليل ، تيمنًا به ، فلم الاستهزاء ، أبو بكس ؟ أستغفر الله العظيم .. ثاني شيء الصورة اللي قبل الأخير يا أخي احمد ربك .. ربي ما بلاك بمرض ولا شيء .. لا تخلي همك إضحاك الناس وبس ! فكر قبل أن تقدم على أي شيء .. فأنت محاسب ! هداك الله ..

  12. ام زياد ماشاء الله عليك اول مانزل الموضوع رديتي شكلك رادتن قبل ينزل الموضوع خخخخ الله يعطيك العافية ****** ودي اصير قوية خخخخخخخخخ وش جابتس بذا خخخخخخخ خخخخخ وين انت رادة الي يقطع بليسك خخخخ تسلمين والله على المرور ****** فااااااااااااتن انا كاتب الايميل بالبرد بس أبونواف عيا لا ينزله الا بالحر عشان تحسبون اني تسذاب << ماتعوق معه خخخخخخ بعدين مين الي راسم كاركاتير مارسمنا شي يابنت الحلال سرقناه وعدلنا عليها << وجه فاقن خشته شكرا على المرور ******* عذبة الاطباع البسمة دوم ان شاء الله **** asmar dala3 تسلم والله على المرور ***** زجاج ويسعدك ان شاء الله الحلو مرورك ******** الجوري وأنا أشكر على مرورك بس صدق وراكن دايم متضايقات ؟ الله يجعل البسمة دوم ان شاء الله *****

  13. ولد نورة خخخخخخخخخخخ من زين وجهك أنت ووجهك رح شف وجهك واستح على وجهك واقلب وجهك << عجز لا يوقف خخخخ يابعد تسبدي أنت ****** محمد عبدالعزيز تسلم والله ******* لمبه والله يوسع صدرتس بعد وأكيد ماراح تستوعبين لأن المشكلة بمختس 8 8 خربه خخخخخخ ****** كتكوت ابواليل لا يابعد تسبدي تسلم على السؤال الخاطم *******

  14. جلوكوز مسوي رسمي أنت ووجهك ؟ هلا والله ومررررررررررررااااااااااحب بك يابعد تسبدي لا يصير بالخاطر شي أنا اذا ماذبيت أحس فيه خلل بمخي << من زين هالمخ أصلا أنت الي لك وحشة الف شكر على المرور بوسة ****** المها خخخخخخخ وسنتس المسوس تسلمين يالخبلة على المرور ******* fahad وربي يعافيك ان شاء الله ******** أبوتانكي عليك اسم << ماشاف اسمه خخخ الحلو مرورك ***** الشيفة خخخخخخخخخ قسم بالله منطلدزة أهم شي اسفهليتي واستانستي ****** يارب فرجها هلا والله بك وحياك الله وبياك ياليتك مهدي شوي أول شي اسأل المشايخ عن حكم تسمية الانسان باسم أحد الصحابة الكامل ويجيك الخبر . ثانياً الصورة الي قبل الاخيرة أستغفر الله أنا ما أضحك على المريض والا شي ثاني بس أنا أضحك على ناس يسوون دعاية لحفظات ومبسوطين ذا الي ضحكت عليه يعني ماسخرت من أحد مريض . هداني وإياك بس هد شوي المرة الجاية ترى ذا اسمه تنفير من قبول الحق ، وأنت أعلم مني إن النصيحة تجي بأسلوب فما أنا أفجر من فرعون ولا أنت أتقى من موسى عليه السلام والله سبحانه وتعالي يقول لموسى : ( فقولا له قولاً لين لعله يتذكر أو يخشى ) . شكر الله سعيك وكثر الله من أمثالك

  15. هههههههههههههههههههه بما اني كروي واحب الكوره احلى صوره بتاع الاتحاد الاسباني يوم تقول حطو اسمك يمين بالله مت ضحك ال ايه ال الشهره ال هههههههههه الله يرجك يالخبل بعدين تعال وشو اللي احسن واحد بالعلم انشهد انك جبت العيد يادب ادري تبي تقول خطا مطبعي بس يعيطك العافيه والله موضوع ولا اروع والف شكر يامستر جنط يااحلى واحد بالعلم خخخخخخخخخخخ متعمد اكتب علم

  16. تشطبت تسبدي من الضحك الا ياملا الوناسه اللي تدغدغ بريطماتك happy0194

  17. الله يرووجك ع هالصور والله أنك فله أقول الصوت عيا يشتغل عندي وقلت أسمع اغنيه على بال مأقوله ويعلمني وشلون أشغلووه بصرررررعه قلي ويارب فرجها ليه وش فيها الصور مافيها شي صدق وش قلة الادب ذي!!!!!!!!!!!!!!!؟ يحقلوووه أما الشامبو خوالي ما يستخدمون الا هذا وربي يضحك والعلك وكل حاقه تعبت وانا أكتب لو أجلس الى باتسر مخلص منك ومن وناستك ما أقول الا الله يخليك لنا وبسسسسسسسسسســ

  18. السلام عليكم .. أعجبني الموضوع كثييييرا .. أنا جديدة في القروب .. ويبدو اني سأتابع مواضيعك .. شيء آخر .. صورة درجة الحرارة في السيارة .. أنا رايتها من قبل في منتدى .. لايكون انت ؟؟

  19. اتصدق كنت داشة ادور على نكت يديدة ادزهم لربيعاتي .. لقيت ان صورك احلى عن النكتة بحد ذاتها .. يسلمو .. ولا تحرمنا من رسايلك ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

من كل بستانن قحشة – سواليف + صور + كاريكاتير + صوت

تسجيل الدخول

كن جزءا من مجتمعنا!

ليس لديك حساب؟
سجل

اعادة تعيين كلمة السر

الرجوع لـ
تسجيل الدخول

سجل

اشترك معنا

الرجوع لـ
تسجيل الدخول