بسم الله الرحمن الرحيم
الســـــــلام عليــــــكم
تخيل صباح كله غيم والجو بارد
وتمسك كوب الكافي بيدينك
والبخار أممم يمر قدامك وتشمه
وتشرب شوي … وتسمع الاماكن ..
صباح أعضاء
قروب أبونواف
و
أبو نواف شخصي
أحلى من هذا الصباح
والف مبروك التحديثات الجديده
جد شي رائع ومميز
ماشاء الله تبارك الله
ومن تقدم الى أخر
:: العــــــــــــــــــــــــــــــــــــــــــــاده ::
صراحه من الامور السياحية لاي دوله ازورها
أنو لازم أزور مسرحها . حتى لو كانت زيارة عمل
احاول أختلق لو ساعه أزور المسرح .
:: الفــــــــــــــــــــــكره من هذا الــــــــــــــــــــــموضوع ::
الاختلاف ..
يعني المسارح الخليجيه والعربية
الي زرتها سواء زياره أو مهرجانات مسرحية
ماكان فيه ذاك الاختلاف عن مسرحنا السعودي
يمكن أكثر تطور لكن تشابه كبير في الافكار والرتم العام
مع أختلاف المسرح الكويتي والمصري سابقنا بمراحل .
لكن بالنسبه لي أول مره أزور مسرح أروبي .. حتى وأن كانت
مدينة كبك في كندا .. لكن تعتبر فرنسيه بنسبه كبيره جدا .
فحبيت أنو تعيشو معي الحدث 
:: القــــــــــــــــــــــصــــــــــــــــــــــه ::
قبل سنه وشوي تقريبا كنت في دورة
في مدينة كبك ( اللغه الرسميه فرنسي )
في كندا ..
وأبد الجو ما كان 10 تحت الصفر وأنت ماشي 
داري تقولو توك تنزل الموضوع 
المهم
وأنا في البريك جالس أسولف مع المدرب
قلت عندكم مسرح هنا في كبك
قال قصدك سنما
قلت مسرح يا مال العافيه 
قال أها .. ثواني وراح جاب لي جريده
وقال العاده أنهم يحطون أعلانات هنا
وفعلا زي ما تشوفو في الجريده
كان في أعلان . ..
قلت سنايدي يا الذيب .. قصدي يا الوووووولف
قال تعال معي
قلت وش عندك لا تتحمس ما بأروح الحين 
قال بأتصل عليهم نستفسر .
أتصل عليهم ويبرقط بالفرنسي
قالو أنو كل يوم الى يوم السبت الجاي هو أخر يوم
وراح يفتح المسرح
الساعه عشره الصباح تقدر تجي تقطع تذكره . والعرض الساعه أربعه العصر
قلت له حلوووو …
أروح السبت لانو بقية الايام ضغططططط عنيف علشان الدوره 
::: صبــــــــــــــــــــــاح الــــــــــــــــــــــسبت :::
المهم السبت الاجازه قمت الصباح أنوااع البرد
بس برد لذذذذذذذيذ .. <– أصلا وقت الشتى يشغل المكيف البارد
يمكن وقتها 6 تحت الصفر بس مافي امل تمرض وجو لذيذ فعلا
المهم رحت أفطرت فول <– خربها
أفطرت عند مطعم عندهم يسوي بانكيك شي عجيييييب
وجلست أتمشى رجليه أمر على محلات أشتري هدايا
يعني ماخذها تمشيه للمسرح مع الكافي والجو البارد
لين وصلت المسرح
حول الساعه عشره ونص
وأحصل المسرح مقفل 
يا نهاااار مش فااااايت 
يا نهاااار منيل بنيله
يا نهاااار اسود منأط بكحلي
تحسون أنه في شوارع القاهره على ذا الكلام
وأقرى مكتوب يفتح المسرح الساعه 12
والجو باااااااارد ومشوار على بال ما أرجع الفندق
ومواعد الشباب الي معي بعد الساعه 12 الضهر نروح نتغدى سوى
والله النشبه وأببببببببد أذاني وخشمي ماسارت طماط 
شوووووووي وتطلع وحده يعني أممم عمرها في 45
قلت الله جاااااابك يا الاجوديه هذا عقالي عندك قصدي جاكيتي
قالت وش تبا يا رجال
قلت العشى عندنا قولي تم <– وش يبي ذا
قلت لها قالو لي في التلفون بيفتحون الساعه 10 
قالت أيه عشره نداوم لكن 12 نفتح مكان التذاكر
بس أقولك تعال معي
قلت وش دعوه ما اتفقنا على تري القطو ياكل عشاي
وتخششني من باب ثاني وأنواع المشوره
قالت هذا مكتبي
قلت في نفسي هههه بشري أمك وين مكان التذاكر ولا يكثر <– أبد مو سعودي
لين وصلتني عند الي يقطعون التذاكر
قالت لهم هذا واسطه هههه أقطعو له تذكره
قالو أوووكي تم
:: قــــــــــــــــــــــص الــــــــــــــــــــــتذاكر ::
الي في الكاشير
قالت فنشغو بنغشي غسبغيشا
قلت أقدع ناس
أحم أحم صديق صديق أنا مافي معلوم فرنسي أنا معلوم أنقليزي
قالت اهااا بس يا أبو الشباب ترى المسرحية بالفرنسي ميه بالميه
قلت لها .. عااااارف يا مال الصمخ
أنا جيت أبي أشوف الثقافه المسرحية الكنديه
أبي أشوف تمثيل وحركات الممثلين على المسرح
الجمل الاخراجيه الموجوده .. الجمهور وتفاعلهم ووو
قالت حلوو صراحه أول مره يجينا أحد مثلك
أنت من وين
قلت من السعوديه 
هههه الزبده جلست نص ساعه أوصف لها
وأرسم لها على ورقه
عرفت مصر والعراق وتركيا والامارات وكل شوي أقول أيوووه حنا الدوله الي جمبها
وبرضو ماااااااااااااا عرفت السعوديه
في الاخير
قلت لها حنى المصدر الرئيسي
للبترول في العالم
قالت أهاااااااااااااااااااااا قصدك ( عربي سعودي )
لان اللغه الفرنسيه يكون فيها قلب للأسم
قلت أيوووه وصلتي خير .
ووقتها أبد ما تجدد الاحساس
بأننا دوله خاليه من المنجزات
قلت أحجزي لي مقعد وخليه في المقدمه
قالت تمزح انت وخشتك مافي غير مقعدين في الطرف
قلت هاتي لو أتفرج واقف .
وقطعت التذكرة
بــــ 37 دولار كندي
::: قــــــــــــــــــــــبل العــــــــــــــــــــــرض :::
يوم جيت أخش قالي السكيورتي
لو سمحت من هنا
قلت طيب
قال أول شي ممنوع دخول أي مشروب للمسرح
يعني بالعربي الكافي الي في يدك يا تشربه يا تشوف له صرفه
ثاني شي .. التصوير ممنوع 
قلت نعمممممممممممممم أنا ماراح أفهم ولا كلمه لانو اللغه فرنسيه
وجاي علشان أشوف الفن المسرحي الموجود .. وأبغى أصور الممثلين واللبس
وأصور الديكور وطريقة الاضاءه ووووو هذا شي عادي
قال ممنووووووووووووع خل الكاميرا معك بس ممنوع تسخدمها
قلت كل المسارح والمهرجانات الي خشيتها عادي التصويرفيها ..
قال ممنوع ورجاء لا تحرج نفسك وتحرجنا وتصور
قلت طيب يا مال الوجع
من جد قهرني والله
وش قصه التصوير
أثاريهم يسمحو بالتصوير في ( البروفه الجنرل ) والي هي البروفه النهائيه
وتكون بالديكور والملابس والاضاءه كانه عرض حقيقي لتهيئه قروب العمل
على العرض الحقيقي .. ويكون الصحفين متواجدين لفتره معينه لتصوير
وبعد كذا التصوير ممنوع
بتقولو ليش ..
لان تواجد المصورين وحركتهم وفلاشاتهم تشتت الممثل
وتطلعه من المود وتسوي تشويش برضو للمشاهدين
وأنا رغم أن تضايقت لانها فرصه مميزه اني أصور
لكن أحترمتهم صراحه واقول يا ليت يطبق النضام هذا هنا
لان المصورين ماخذينها تمشيه عندنا
صوره في بدايه المسرحيه ونهايتها ونصها وانواع الفلاشات
والروحه والجيه وتشتيت فضيع للمثل وللمشاهد
::: أثنــــــــــــــــــــــاء العــــــــــــــــــــــرض :::
:: قصة المسرحية :::
فيه نبذه عن المسرحية باللغه لانجليزيه في البروشور
بس ما قريتها قلت هل أقدر افهم المسرحية من الوضع العام
والحمد لله فهمتها بشكل عام من اللوحات الاخراجيه الي كانت موجوده
نقدر نقول عنها كلاسيكيه عن حقبه قديمه
توجهها تراجيدي فيها بعض الاسقاطات
والافيهات الخفيفه جدا ههه شخصيا ما فهمتها لكن الجمهور يضحك عليه ويصفق
وتوضح تسلط رجال الدين المحسوبين على الدين مع زمره من الوزراء
على الوضع العام
ويسير فيه أنقلاب وتسير فيه خيانات
وتتمحور حول مرأه هي الي قادة الانقلاب .
وهذا يشابه الكلاسيكيه الموجوده في بعض القصص في مسرحنا
والي بدينا الفتره الاخير نخرج خارج الايطار بأسلوب يخدم مجتمعنا .
مع أن بعض النصوص تحاول أن تكتب بأسلوب رمزي أو المنودراما أو السنغرافي
مع اني مع التوجه الي يأخذ من كل مدرسه شوي
ويعطي للجمهور وجبه مسرحيه جميله ممتعه ومفيده .
والحمد لله نجحنا في بعضها
لكن لا ننكر انو عندنا فقر في النصوص المسرحيه
بجد يا ليت نحصل شباب لهم توجهات مسرحيه في الكتابه
نقدر نستفيد منها في مسرحنا
:: الملابس ::
الملابس زي ما قلت لكم من حقبه قديمه
وأعجبني جدا جدا التصميم والاتقان الموجود 
وزي ما تشوفو في الصور كان هناك إعداد كامل
للملابس الخاصه بالممثلين
وكل ممثل له لبس وتصميم خاص يعبر عن كل تفاصيل الكركتر
بمعنى أخر هناك فريق متكامل لتصميم الملابس
يحوي الرسامين ومصممين برؤيه أخراجيه ومتابعه من المؤلف
حتى تكون هناك توليفه من الملابس المبدعه وتخدم النص
— للامانه هذي صوره معلقه في المدخل وصورتها –
مازلنا متأخرييييييييييين بشكل كبير في هذا المجال ..
أجتهاد في أجتهاد
سواء من المخرج أو الممثل
خاصه في المسرح السعودي
ما تحصل مختصين في الملابس من تصميم وتفصيل ووو
مع أني متأكد أنو فيه طاقات في هذا المجال عنيفه لكن وينها ما أدري
وما اذكر أنو فيه تصميم خاص
إلا في مسرحيات الاطفال .. وتكون تصاميم متواضعه
ويا تكون تصاميم فنتازيا ما تعتمد على أساس فني
أو منهج يوكب تفكير الطفل
أما مسرحيات الكبار العاده أنو تكون عن عصرنا هذا علشان
كذا الازياء تكون عاديه من واقعنا ..
أو تكون مسرحيات تاريخيه مثلاما تفرق أموي عباسي أندلسي الزبده تاريخي
خاصه في
المسرح الجامعي ونقدر نقول برضو لازياء معروفه مثل الوشاح قلنسوة الحرب
سيف أشياء كلاسيكيه جدا
مع الوان مختلفه ووو .
القصد لا نملك الحرفية الكامله
زي هذي المسرحية.
::: الديكور :::
على شان تكونو معي
شوفو نموذج مصغر لديكور حق المسرح .
قوس مرتفع يزداد في الارتفاع الى عمق المسرح
رايح يمين وقوس رايح يسار
وفيه سلالم . وخلفيه سوداء مدري فهمتو علي
ديكور كان بسيط مافيه أي تكلف أبدا
زي ما قلت لكم عباره عن قوسين وسلالم
وكانت بعض الحوارات سفليه على خشبة المسرح
وبعض الحوارات علويه على السلم فوق القوس
بس كان تعامل الممثلين مع الديكور جدا رائع .
والمخرج أبدع في نقل الحوارات من أعلى إلى أسفل
بشكل مبدع
كمثال
لما كان هناك اجتماع للوزراء كانو في أعلى الاقواس وكانت المرأه
الي راح يحاكموها في الاسفل
وهذي رمزيه للطبقيه وتوجه المحاكمه الى منحى غير عادل
::: في مسرحنا :::
التشابه كبير جدا في انو الديكور يكون سنبل ومباشر
مافيه تكلف .. خاصه في المسرحيات الموجهه للكبار
لان الديكور العاده يكون عباره عن رمز لوضع معين
أو حاله يمر بها ممثل وعلشان يتبروز دور الديكور لازم المخرج
يعرف كيف يخلي حركة الممثل تدعم وجود هذا الديكور
ولو جينا لصراحه
لا يوجد أحد متخصص في الديكور
من تصميم وتنفيد الى أخره
وحده من المسرحيات انا رسمت الديكور ووديته لباكستاني نجار ههه
هو الي نفذه صح نفذه بشكل ( مقبول ) ما أقول رائع
لكن وش نسوي
لذلك تجدنا نتوجه الى البساطه في الديكور لنتلافى عدم وجود متخصصين
بغض النظر عن أن الديكور البسيط أفضل لتوصيل الرساله
أما مسرحيات الاطفال يمكن يكون الديكور شوي مكلف علشان
يكون مبهر لطفل .. وهذا الشي موجود في مسرحيات الاطفال عندنا .
وشخصيا انا ضد الديكور البسيط في مسرحيات الاطفال ..
لان الطفل مستحيل أنو يفهم الرموز الي نقصدها في الديكور
الطفل يفهم الشي المباشر .. والمباشره يحتاج لتفصيل
والتفصيل يحتاج لديكور مكلف
في المسرح السعودي لا نستطيع أن نستغني عن مسرح الطفل
لذلك تغاضينا عن الديكور المبهر الى الديكور الجيد
لان الميزانيه لا تسمح أو لانه لا يوجد متخصصين في المجال
ونحاول نعوض ذلك في النص والاداء الرائع .
::الاضاءه ::
اااااااااااااه على الاضاءه
جدااااااااااا رائئئئئئئئئعه يا ناس
على كثر المسرحيات الي شفتها
لكن ما قد شفت مسرحية تعتمد على النار في الاضاءه
يعني كانت أضائه المسرحيه بشكل عام ضعيفه
لان أكثر المشاهد كانت تعتبر داخليه ( يعني مثلا داخل قصر)
وفي الليل لانها كانت أجتماعات
لكن بعض المشاهد كانت تضاء بالنار
بشكل جمييييييييييييييييل جدا ومبدع
كانت تضاء فوق الاقواس الي تكلمنا عنها فوق وحيانا أسفل الاقواس
والجميييييل والرائع
أنو النار عباره عن زي الجل ممتد ويتم أشعال النار من قبل أحد الممثلين بدور الحارس
والحوار حق المشهد ينتهي مع أنتهاء النار كانت تناغم جدا جدا أعجبني .
ههههه من كثر اعجابي صفقت لوحدي هههه حسيت الجمهور يقولو وش يبي ذا
صحيح فيه فن حلو وجميل بالنسبه للاضاءة
وفيه أفكار كثيره
لكن العيب صراحه في المسرح نفسه
امكانيات مسارحنا ضعيفه من ناحية الاضائه .. يعني أذكر مسرح الجامعه
ومسرح مركز الملك فهد الثقافي .. هي أفضل المسارح الي مثلت فيها
وكانت الاضائه فيها أمكانيات لا بأس فيها . وتقدر تسوي شي بالنسبه للاضاءه
لكن غيرها تجبر على جعل المسرحيه فل لايت
والسبب في أن المسرح اضاءته غير جيده
انو ما عندنا مسارح متخصصه
جميع المسارح عباره عن مسارح لندوات والمؤتمرات وغيرها
ماعدا المسرحين الي ذكرناهم فوق
::الجمهور ::
فرق شاااااااااااااااااسع عن الجمهور العربي والخليجي
ياااااااااا الله على الهدوء يا ناس ياااااااا الله على الانصات
المتابعه التفاااااااعل . شي عجب فعلا
يعني ما تتخيلو كيف يمكن لو واحد حك راسه سمعناه
جد اتكلم
أو علشان أقرب لكم الشغله
كأن المسرح مافي أي جمهور هدووووء تام
وما تدري أنو فيه جمهور إلا مع التفاعل يا تصفيق يا مثلا ضحكه
هذا غير المشرفين المنتشرين علشان لو سارت مشكله أو شي
انواع السوااااااااااليف
الجوالات تدق ويرد عليها والممثل يسولف
الاكل والشرب يخش عادي
ولا فيه مشرفين ولا سكرتيه لانه بعض الهمج ما أقول جمهور
جاين علشان أستهبال تعرفو المسرح عندنا الدخول ببلاش
ففاضي الاخ ويخش ويعلق على الممثل ويرفع صوته
ويسوي أزعاج ومافي مسؤول في المسرح
يعطيه أنذار أو يطرده برى .
::: مدة المسرحية :::
ثلاث ساعات
ساعه ونص بعدين بريك
بعدين ساعه ونص
في مسرحنا
عندنا في السعوديه ما نقدر نزود عن ساعه
لانو ما عندنا المسرح المهيء (للبريك)
يعني المسارح عندنا مو مخصصه أنو الجمهور
في وقت ( البريك ) يحصل كراسي يجلس فيها
وكافي شوب .. وعصيرات وووووو
وبعد كذا يجي يكمل الساعه ونص الباقيه من المسرحية .
علشان كذا تحصل مسرحياتنا مستحيل تزيد عن ساعه ساعه وربع
::: بروشورات المسرحيات:::
برشور المسرحيه هذي أو حتى مسرحيات سابقه
موجوده في المسرح كانت أحترافيه جدا .. كانو برشور فلم سينمائي
زي ما تشوفو في الصوره
في مسرحنا
صراحه البروشورات قووووية جدا ومبدعه
خاصه البروشورات الي تكون مصممه لكليات الجامعه
ففي هذي النقطه متساوين
::: مقــــــــــــــــــــــــــــــــــــــــاطع ::::
بما أنو مااااااااااقدر أصور والفلاش فضيحه
سرت أصور بالفديو حق الكاميرا الدجتل
ههههه أخبي الكاميرا جمب الجاكيت وهاتك تسجيل
المقطع الاول
هذا ملحمة الانقلاب
تشوفو في اللوحة هذي
جنود ماسكين سلالم وحاطينها على الاقواس
بعدين ياخذون من النص سيوف ويكون فيه قتال
وتشوفو في النص قدام ( بطلة المسرحية) والي هي قامت بالانقلاب
ويجي واحد يطعنها ( الخيانة ) ويشيلونها
تحمــــــــــــــــــــــــــــــــــــــــــــــــــــــــــيل
المقطع الثاني
اللوحه الي كانت الاضائه فيها
بالنااااار بس وكانت الاضاءة على القوس
جدا بداااااع أعجبتني سار جو المسرح غير
تحمــــــــــــــــــــــــــــــــــــــــــــــــــــــــــيل
المقطع الثالث
تشوفو هنا أستغلال لديكور بشكل جميل
عن طريق جلوس الممثلين أعلى القوس
وهذا الارتفاع يعبر عن أشياء كثير منها الاستبداد
تحمــــــــــــــــــــــــــــــــــــــــــــــــــــــــــيل
المقطع الرابع
((( البلـــــــــــــــــــــــــــــــــــــــــــــــــــــــسم )))
هذا المقطع الي راح تشوفوه
أقدر اقول عنه البلسسسسسم
الاسابيع الي يسوي فيها الممثل البروفات
التعب في أتكوين الكركتر وتقمص الكامل
حفظ الحوارات ووزن الصوت والنبرات والانفعالات
الحركه على المسرح وكل شي له معنى
محاولة توصيل الرسائل كل هذا التعب
يذوب يتلاشى أو بالاصح يتبدل الى عسل على قلب الممثل
أنا وغيري من الي مثل في مسرح الجامعه
مع أني تخرجت لكني ما زلت أمثل فيه
نسوي بروفات قد تستمر لمده شهرين يومياً
ومع كذا نسويها ببلاش لان هذا نشاط جامعي ما عليه مقابل
لكن جد وقت العرض ورضى الجمهور وتفاعله وتصفيقه
يخلي أي مجهود بذلناه زي العسل على قلوبنا
أخليكم مع المقطع
تحمـــــــــــــــــــــــــــــــــــــــــــــــيل
::النهاية ::
وانا في الرجعه كان السنو لاعب بأم الشغله
طولت عليكم مررررره
بس حبيت انكم تعيشو معي الوضع
بشكل كامل
نور البدر
